Lajmet

Makshana: Deklarata e Kurtit rreth rastit të Sekiraqës është sulm ndaj sistemit të Drejtësisë

Published

2 years ago

on

Deklarata e kryeministrit Albin Kurti se arratisja e Enver Sekiraqës, i dënuar për shtytjen e vrasjes së policit Triumf Riza, është dështim i sistemit gjyqësor, shoqëria civile po i vlerëson si sulme ndaj sistemit të drejtësisë.

Lavdim Makshana, hulumtues në Institutin e Kosovës për Drejtësi, ka thënë se me këto deklarata, Kurti nuk është duke ju përmbajtur as zotimeve të tij të dhënë në letrën dërguar raportueses për Kosovën në Këshillin e Evropës (KiE), se do t’i ndalin sulmet ndaj sistemit të drejtësisë.

“Përmes raporteve tona ne kemi treguar që çdo deklaratë e cila i behët sistemit të drejtësisë, pra sistemit gjyqësor dhe prokurorial cenon pavarësinë e sistemit gjyqësor. Kur kthehemi te deklarata e kryeministrit Kurti duhet ta kuptojmë që kryeministri Kurti, para disa javësh së bashku me presidenten Osmani dhe kryeparlamentarin Konjufca kishin dhënë një deklaratë të zotimit për anëtarësimin e Kosovës në Këshill të Evropës, ku nderë të tjera kishte qenë edhe ndalja e sulmeve ndaj sistemit të drejtësisë. Ky ka qenë ndarja e sulmeve ndaj sistemit të drejtësie ka qenë edhe njëra prej kushteve për anëtarësim në Këshillin e Evropës përpos atij të zbatimit të aktgjykimit të Gjykatës Kushtetuese për Manastirin e Deçanit. Kur kthehemi tek ky rast e shohim që kryeministri Kurti realisht nuk po i përmbahet as vetë deklaratës por as kushteve të cilat janë dhënë për anëtarësim në Këshillin e Evropës dhe po vazhdon avazin e njëjtë duke sulmuar sistemin e drejtësisë”, ka thënë ai.

Makshana ka theksuar se reformat i bënë qeveria dhe përmes reformave duhet të ndryshohet sistemi i drejtësisë, e jo të behën deklarata publike ku cenohet pavarësia e sistemit të drejtësisë.

“Sistemi e drejtësisë normalisht që nuk duhet të sulmohet as nga akterët qeveritarë por as nga ekzekutiv as legjislativi, por këto dyja së bashku mund të ofrojnë mbështetje, qoftë buxhetore. Pastaj nëse veç ka nevojë që sistemi i drejtësisë të reformohet e që edhe këtë e kemi kërkuar që sa vite që Vettingu në sistemin e drejtësisë ka qenë dhe është ende nevojë të behët, jo vetëm në sistemin e drejtësisë por në të gjitha hallkat duke filluar nga policia, prokuoria e gjyqësori. Por ne tashme kemi një tentativë që të behet Vettingu vetëm për krerët e prokurorive, gjykatave anëtarët e Këshillit Gjyqësor dhe Këshillit Prokurorial, por jo edhe për gjyqtarët dhe prokurorët që ka dështuar në fakt Vettingu i tërësishëm pasi qeveri nuk ka arritur ta bind Komisionin e Venecias se në Kosovë ka nevojë për Vetting të tërësishëm”, ka thënë ai.

Makshana teksa ka folur për caktimin e paraburgimit ndaj Envr Sekiraqës, ka thënë se mos caktimi i paraburgimit dhe në të njëjtën kohë vendimi për lirimin nga masa e arrestit shtëpiak nga ana e gjyqtarit, ka qenë tërësisht vendim kontradiktore për IKD-në.

“Vendimi për mos caktimin e paraburgimit, dhe në të njëjtën kohë për lirimin nga masa e arrestit shtëpiak, ka qenë tërësisht kontradiktore për ne si IKD, për shkaka se nëse shqipton një dënim të lartë me 25 vite burgim dhe në të njëjtën kohë nuk e cakton paraburgimin apo të paktën një masë të but siç ishte ajo e arrestit shtëpiak. Është e çuditshme dhe duhet të shtrohen si pyetje se a ka pasur kërcënime në këtë rast, a ka pasur shantazh, a ka pasur korrupsion apo në të vërtet ka qenë bindje e lirë e gjyqtarit e që kjo e fundit është pak e vështirë duke e ditur se në momentin kur caktohet një dënim kaq i lartë përmbushet kushti themelor, pra rreziku i arratisjes që është një ndër kushtet për caktimin e paraburgimit. Nëse gjyqtari do t’i vlerësonte drejtë rrethanat ashtu siç ka bërë Gjykata e Apelit në rastin konkret, do t’i caktohej edhe paraburgimi, por që gjyqtari nuk i ka vlerësuar drejtë rrethanat”, ka thënë ai.

Megjithatë, sipas Betimit për Drejtësi, Këshilli Gjyqësor i Kosovës në një mbledhje të jashtëzakonshme ka suspenduar gjyqtarin Agim Kuçi, i cili pas shpalljes së dënimit ndaj Enver Sekiraqës, mori aktvendim që të njëjtit t’ia ndërpres masën e paraburgimit dhe të mbrohet në liri. Pas këtij vendimi, Sekiraqa, nga e premtja është arratisur.

Sekiraqa në fillim të majit u dënua me 25 vjet burgim, por u la i lirë deri në plotfuqishmërinë e vendimit. Të premten e javës që shkoj Apeli mori vendim që ai të paraburgoset, por policia nuk e gjeti në shtëpi. Ai akuzohet për nxitje të vrasjes së policit Triumf Riza në gusht të 2007-s, e cila sipas Prokurorisë ndodhi pas një zënke mes tyre në dhjetor të vitit paraprak.

Related Topics:
Continue Reading

Vendi

Kurti: Gazin amerikan synojmë ta marrim përmes portit e termocentralit të Vlorës

Published

14 hours ago

on

July 15, 2026

By

Kryeministri në detyrë, Albin Kurti bëri me dije se qeveria e ka në plan përdorimin e gazit të lëngshëm amerikan.
Veçse tha se kjo synohet të bëhet përmes portit detar, e jo me gazsjellës.

“Dhe po shqyrtojmë mundësinë për të përdorur gazin e lëngëzuar nga Shtetet e Bashkuara të Amerikës përmes bashkëpunimit me Shqipërinë në termocentralin e Vlorës”, tha ai, gjatë ceremonisë së fillimit të ndërtimit të Parkut Solar Fotovoltaik me kapacitet prej 105 MW, në Kramovik të Rahovecit.

Projekt ky I nisur në kuadër të ankandit të parë solar të mbështetur e dizajnuar nga SHBA.

”Falënderoj qeverinë e SHBA-ve për mbështetjen në përgatitjen dhe dizajnimin e ankandit të parë solar. Ekspertiza e tyre ka ndihmuar që procesi të zhvillohet mbi praktikat më të mira ndërkombëtare dhe të krijojë besim te investitorët”, tha Kurti.

Për këtë project, tha se synon të rrisë prodhimin e energjisë nga burimet e ripërtëritshme dhe të kontribuojë në forcimin e sektorit energjetik të Kosovës.

“Përtej rritjes së prodhimit vendor, ky projekt ka domethënie të veçantë edhe për raportin tonë me mërgatën. Kompania udhëheqëse e konsorciumit, Orllati Group, është e zhvilluar në Zvicër, ku ka fituar përvojë, kapital dhe standarde pune, të cilat tani po i sjell në Kosovë me investim afatgjatë”, tha Kurti.

Ai e shfrytëzoi rastin për ta lavduar mërgatën për ndihmën e shumëanëshme dhënë Kosovës.

“Për dekada mërgata jonë ka qëndruar pranë Kosovës në momentet më të vështira. Sot po shohim gjithnjë e më shumë ndërmarrës nga mërgata që po kthehen me investime, me prodhim, teknologji dhe me vende pune. Kjo është një fazë e re dhe tej mase e rëndësishme e kontributit të saj”./kosovapress/A.K/

 

Continue Reading

Vendi

Qeveria mban mbledhjen e 28-të, miraton disa vendime

Published

15 hours ago

on

July 15, 2026

By

Qeveria në detyrë e Republikës së Kosovës ka mbajtur mbledhjen e saj të 28-të në mënyrë elektronike, ku ka miratuar këto vendime:

  • Është emëruar Ragmi Dalipi në pozitën e Drejtorit të Përgjithshëm të Agjencisë së Shoqërisë së Informacionit.
  • Është miratuar vendimi përfundimtar për shpronësim për interes publik të pronave ish-shoqërore të administruara nga AKP-ja për realizimin e dy projekteve në Komunën e Gjakovës:
    • administrimi i objektit të ish-“Bankos”-it për nevojat e administratës komunale;
    • ndërtimi i një fushe futbolli dhe hapësirave rekreative në fshatin Trakaniq dhe zonat përreth.
  • Është miratuar ndryshimi i Vendimit të Qeverisë Nr. 11/08, me të cilin Besnike Mehmeti nga Zyra e Kryeministrit emërohet zëvendësuese e anëtarit të Komisionit për shqyrtimin dhe vendosjen e zyrtarizimit të gjendjes faktike dhe mospërputhjeve me Regjistrin e të Drejtave të Pronës së Paluajtshme, në vend të Ervina Gashit./A.K/

Continue Reading

Lajmet

Helmim nga ushqimi: 31 të hospitalizuar në QKUK

Published

15 hours ago

on

July 15, 2026

By

Klinika Infektive e Qendrës Universitare Klinike të Kosovës ka njoftuar se po trajton një situatë të helmimeve të dyshuara nga ushqimi, ku deri më tani janë hospitalizuar 31 pacientë.

Fluksi i rasteve ka nisur gjatë datave 13, 14 dhe 15 korrik, periudhë gjatë së cilës ndihmë mjekësore urgjente në këtë klinikë kanë kërkuar rreth 30 persona, prej të cilëve 11 raste kanë rezultuar pozitivë me bakterin Salmonella Enteritidis pas analizave të hollësishme laboratorike.

Në kuadër të këtyre rasteve, janë pranuar edhe pesë pacientë nga komuna e Hanit të Elezit me simptoma të ngjashme, të cilët kanë deklaruar se kanë konsumuar ushqim në të njëjtin lokacion, gjë që ngre dyshime se numri i personave të helmuar mund të jetë edhe më i madh.

Ekipi shëndetësor po punon intensivisht për të identifikuar burimin e saktë të infeksionit dhe konfirmon se të gjithë pacientët e shtruar janë duke marrë trajtimin e duhur dhe gjendja e tyre po shkon drejt përmirësimit.

Për shkak të temperaturave të larta që favorizojnë shumimin e shpejtë të baktereve, stafi mjekësor u bën thirrje qytetarëve të shmangin konsumimin e ushqimeve të shpejta të tipit “fast food” dhe të kërkojnë menjëherë ndihmë mjekësore në qendrën më të afërt nëse shfaqin simptoma si të vjella, diarre, temperaturë të lartë apo dhimbje të forta barku, ndërsa Klinika Infektive ka premtuar se do të mbajë të informuar opinionin publik në mënyrë transparente për çdo zhvillim të ri epidemiologjik. /E.A/

 

 

Continue Reading

Lajmet

Dorëzohen nënshkrimet për Kuvend të jashtëzakonshëm të LDK-së

Published

16 hours ago

on

July 15, 2026

By

Deputeti i zgjedhur i Lidhjes Demokratike të Kosovës, Armend Zemaj, dhe kryetari i degës së dytë të LDK-së në Prishtinë, Florian Dushi, kanë dorëzuar të mërkurën nënshkrimet e grumbulluara për thirrjen e Kuvendit të jashtëzakonshëm të partisë.

Iniciativa u nis me kërkesën për shkarkimin e Lumir Abdixhikut nga posti i kryetarit të partisë, pasi LDK-ja doli sërish e treta në zgjedhjet e 7 qershorit.

Abdixhiku pati refuzuar kërkesën e disa degëve për dorëheqje.

Siç pati thënë vetë Zemaj ditë më parë, për thirrjen e këtij kuvendi janë mbledhur më shumë se 150 nënshkrime.

Sekretari i partisë, Ilir Ferati, një ditë më parë u shpreh se sapo të ketë zyrtarisht kërkesë të tillë, ajo do të trajtohet me seriozitet.

Kuvendi i LDK-së ka 355 delegatë, kurse mbledhjen e tij mund të thirren me 118 nënshkrime. Pas deponimit të këtyre nënshkrime, sipas statutit të LDK-së, kryesia e partisë është e obliguar që ta thërrasë Kuvendit brenda 60 dite.

Abdixhiku i pati mbijetuar votëbesimit më 31 janar, pas zgjedhjeve të 28 dhjetorit.

Nga ato zgjedhje, në zgjedhjet e 7 qershorit LDK-ja u rrit për tre deputetë. Në zgjedhjet e qershorit ajo kandidoi me ish-presidenten Vjosa Osmani si prijëse të listës. /Koha/

Continue Reading

Të kërkuara