Në Pallatin e Rinisë dhe Sporteve në Prishtinë nga ora 20:00, Kosova përballet me Gjeorgjinë – një ndeshje që do të vendosë shumë për rrugëtimin drejt Kampionatit Evropian 2026.

“Gjeorgjia na mposhti në takimin e parë, por tani është koha për hakmarrje sportive, për luftë, për fitore”, shkruhet në postimin e FFK-Futsal.

Federata e Futbollit të Kosovës mori vendimin që këtë ndeshje mund ta shikoni me bileta falas, vetëm për t’u dhënë përkrahje masive djelmoshave tanë.

Mohamed Salah ka nënshkruar një kontratë të re me Liverpoolin, duke e zgjatur qëndrimin e tij në klub deri në vitin 2027.

Kontrata e mëparshme e Salahut ishte planifikuar të përfundonte në fund të këtij sezoni, por me këtë marrëveshje të re, ai do të vazhdojë të jetë pjesë e ekipit për të paktën edhe dy vite të tjera.​

Në një deklaratë për faqen zyrtare të klubit, Salah shprehu entuziazmin e tij për të ardhmen.

“Jam shumë i lumtur që do të vazhdoj këtu. Kemi një skuadër të shkëlqyer dhe besoj se mund të fitojmë trofe të mëdhenj së bashku. Kam kaluar vitet më të mira të karrierës sime këtu dhe shpresoj që të vazhdojmë të arrijmë suksese”, ka thënë Salah pas nënshkrimit.

Ky rinovim është një lajm i mirë për tifozët e Liverpoolit, pasi Salah ka qenë një nga lojtarët më të rëndësishëm të ekipit gjatë viteve të fundit, duke kontribuar ndjeshëm në sukseset e klubit.

Milani mund të mbetet pa njërin nga futbollistët e tyre më të rëndësishëm, Tijjani Reijnders.

Mesfushori holandez ka pasur një sezon të mrekullueshëm deri më tani dhe padyshim se ishte pika më e ndritshme e Milanit. 26-vjeçari në 45 ndeshje zytare deri më tani ka arritur të shënoj 13 gola, teksa ka asistuar edhe në katër të tjerë.

Calciomercato ka raportuar se kampionët në fuqi të Anglisë, Manchester City kanë shfaqur interesim për transferimin e holandezit.

City e sheh Reijndersin si zëvendësuesin adekuat të Kevin de Bruyne dhe janë gati të ofrojë deri në 60 milionë euro për të.

Edhe pse mesfushori është pjesë e rëndësishme e Milanit, një largim i tij nga San Siro nuk mund të përjashtohet, sidomos nëse Rossonerët mbesin pa u kualifikuar në garat evropiane për sezonin e ardhshëm.