Milan me mungesa të mëdha edhe kundër Juventusit

Published

5 years ago

January 4, 2021

Betim Gashi

Zlatan Ibrahimovic, Ismael Bennacer, Matteo Gabbia dhe Alexis Saelemakers janë stërvitur të veçuar në prag të ndeshjes së Milanit me Juventusin të mërkurën në Serie A.

Kuqezinjtë përballen me kampionin në fuqi të mërkurën dhe për Ibrahimovicin tashmë është e sigurt se nuk do të paraqitet, transmeton Gazeta Express.

Sulmuesi suedez nuk është i gatshëm dhe synon të rikthehet në fushë më 18 janar.

39-vjeçari po vazhdon të stërvitë i veçuar në përpjekje për t’u riaftësuar nga lëndimi që e pësoi kundër Napolit në nëntor.

Bennacer është ende i lënduar dhe e vazhdoi punën i veçuar, njëlloj si Gabbia dhe Saelemaekers.

Ndeshja e së mërkurës do të zhvillohet në orën 20:45 dhe Milani nuk do të mundë të llogarisë as në Sandro Tonalin e pezulluar.

Brazili mposht Japoninë në minutën e fundit dhe kalon tutje

Published

4 hours ago

June 30, 2026

UBTNews

Brazili ka shënuar një fitore dramatike 2:1 ndaj Japonisë, falë një goli në sekondat e fundit të ndeshjes.

Sfida po shkonte drejt vazhdimeve, kur në minutën e 95-të, zëvendësuesi Gabriel Martinelli pranoi një asistim nga Bruno Guimaraes dhe mposhti portierin Zion Suzuki, duke ndezur festën e madhe te brazilianët në fushë dhe tribuna.

Më herët, Japonia kishte kaluar e para në epërsi në minutën e 29-të me anë të Kaishu Sano.

Brazili barazoi shifrat në pjesën e dytë, konkretisht në minutën e 56-të përmes Casemiros, përpara se Martinelli të vuloste kualifikimin në çastet e fundit. /E.A/

Sport

Maroku eliminon Holandën dhe kalon në 1/8 e finales

Published

4 hours ago

June 30, 2026

UBTNews

Maroku ka siguruar kualifikimin në 1/8 e finales së Kupës së Botës, pasi eliminoi Holandën pas ekzekutimit të penalltive.

Koha e rregullt dhe vazhdimet e ndeshjes përfunduan me rezultatin baras 1:1, ku për holandezët shënoi Cody Gakpo, ndërsa për marokenët barazoi Issa Diop.

Fituesi u përcaktua në serinë e penalltive, ku Holanda dështoi në tri gjuajtje, ndërsa Maroku humbi dy.

Në fund, përfaqësuesja afrikane triumfoi me rezultat 3:2, duke siguruar biletën për në fazën tjetër, ku në 1/8 e finales do të përballet me Kanadanë. /E.A/

Sport

Paraguai eliminon Gjermaninë nga Kupa e Botës

Published

4 hours ago

June 30, 2026

UBTNews

Gjermania ka mbyllur garimin në Kupën e Botës 2026, pasi u mposht 4:3 me penallti nga Paraguai në fazën e 1/16 të finales.

Ndeshja e rregullt dhe vazhdimet përfunduan në barazim 1:1. Paraguai kaloi i pari në epërsi në fund të pjesës së parë me një gol me kokë nga Julio Enciso, ndërsa Kai Havertz barazoi për Gjermaninë në minutën e 52-të.

Në gjuajtjen e penalltive, portieri Orlando Gill bëri dy pritje vendimtare duke i siguruar Paraguait kalimin në 1/8 e finales për herë të parë që nga viti 2010, çka përbën edhe befasinë më të madhe të këtij turneu deri më tani. Ky eliminim pas një paraqitjeje jo të mirë është pritur mjaft keq nga lojtarët dhe tifozët gjermanë. /E.A/

Sport

Jon Kuka mposht xhudistin serb me Ippon, vetëm edhe një fitore deri te medalja

Published

21 hours ago

June 29, 2026

UBTNews

Xhudisti kosovar, Jon Kuka, është vetëm një fitore larg sigurimit të medaljes së bronztë në Kampionatin Evropian për kadetë (U18), i cili po zhvillohet në Spanjë. Kuka ka treguar performancë solide në bllokun e ndeshjeve të repesazhit, duke mbajtur në lojë mundësitë për t’u ngjitur në podiumin e këtij eventi të rëndësishëm ndërkombëtar.

Në gjysmëfinalen e repesazhit, Kuka u përball me xhudistin nga Serbia, Petar Markovic. Ndeshja u mbyll me fitoren e garuesit kosovar, i cili realizoi hedhje për pikën maksimale “Ippon”. Federata e Xhudos e Kosovës ka publikuar edhe pamjet e këtij aksioni në faqen zyrtare, ku pasqyrohet momenti i fitores së Kukës.

Pas këtij suksesi, xhudisti kosovar ka kaluar në finalen e repesazhit, ku do të diskutojë medaljen e bronztë. Në përballjen vendimtare për vendin e tretë në Evropë, Jon Kuka do të ndeshet me përfaqësuesin e Sllovakisë, Daniel Palko. /E.A/