Aktualitet

Luftë mes Armenisë dhe Azerbajxhanit, SHBA kërkon t’i jepet fund “armiqësisë ushtarake”

“Nuk ka zgjidhje ushtarake për konfliktin”, tha Blinken.

Published

3 years ago

September 13, 2022

UBT.News

Beteja të ashpra kanë shpërthyer mëngjesin e sotëm mes Azerbajxhanit dhe Armenisë. Këshilli i Sigurimit të Armenisë ka bërë me dije se i kanë bërë thirrje zyrtarisht Rusisë dhe CSTO-së që të ndërmarrin veprime kundër atyre që ajo i quan sulme të Azerbajxhanit territorit sovran të Armenisë.

Ministria armene e Mbrojtjes pretendon se Forcat e Armatosura të Azerbajxhanit kryen sulme artilerie drejt qyteteve kufitare armene. Sipas Ministrisë Armene të Mbrojtjes, sulmi përfshinte dronë dhe armë zjarri të kalibrit të madh të gjuajtur në drejtim të Goris, Sotk dhe Jermuk, raportoi CNN.

Ministria e Mbrojtjes e Azerbajxhanit u përgjigj me një deklaratë duke pranuar sulmet, por tha se sulmet janë “në shkallë të vogël” dhe “synojnë të garantojnë sigurinë e kufijve të Azerbajxhanit”.

Ministria e Mbrojtjes e Azerbajxhanit akuzoi më herët forcat armene se qëlluan me armë të vogla në drejtim të vendbanimit Novoivanovka të rajonit Gadabay dhe vendbanimit Husulu të rajonit Lachin pranë kufirit të dy vendeve, por Armenia i ka mohuar akuzat.

Lidhur me sulmet ka reaguar dhe Sekretari amerikan i Shtetit Antony Blinken i cili ka shprehur shqetësimin e ShBA-ve duke kërkuar përfundimin e menjëhershëm të armiqësive ushtarake mes Armenisë dhe Azerbajxhanit.

“Ata vazhdojnë t’i përdorin pa dallim jo vetëm kundër forcave të armatosura ukrainase, por edhe kundër popullsisë civile dhe infrastrukturës civile, siç e kemi parë. Shtetet e Bashkuara janë thellësisht të shqetësuara për raportet për armiqësi aktive midis Armenisë dhe Azerbajxhanit. Ne kërkojmë përfundimin e armiqësive ushtarake menjëherë. Nuk ka zgjidhje ushtarake për konfliktin”, shkruan Blinken në rrjetin social Twitter.

Related Topics:Armenia Azerbajxhani Blinken

Up Next

Zyrtarët ukrainas: Kharkiv është pa energji elektrike për shkak të granatimeve nga forcat ruse

Don't Miss

Bullgari: Të ardhurat nga akomodimet njëditore u rritën 46.7% në korrik

Aktualitet

Emisari i BE-së për dialog takon sot presidenten Osmani

Published

50 minutes ago

August 6, 2025

UBT News

Emisari i posaçëm i BE-së për dialogun Kosovë-Serbi, Peter Sorensen, do të vizitojë sot Kosovën.

Sipas një njoftimi të Presidencës, ai do të takohet fillimisht me presidenten Vjosa Osmani.

“Në orën 10:00, presidentja e Republikës së Kosovës, Vjosa Osmani pret në takim përfaqësuesin e BE-së për Dialog, Peter Sorensen”, thuhet në njoftim.

Aktualitet

Organizatat e dala nga lufta shpalosin detajet e protestës së nesërme

Published

52 minutes ago

August 6, 2025

UBT News

Organizatat e dala nga lufta e Ushtrisë Çlirimtare të Kosovës, do të mbajë sot konferencë për media për të prezantuar detajet dhe informacionet për protestën e nesërme. Konferenca nis në ora 11:00, në zyret e OVL-UÇK.

OVL-UÇK-ja nesër me fillim nga ora 17:00, do të protestojnë në sheshin “Skënderbeu” në Prishtinë, për të kundërshtuar vijueshmërinë e procesit gjyqësor në Hagë, ndaj ish-krerëve të UÇK-së.

Gjatë protestës do të kërkohet reagim institucional lidhur me këtë proces. Në një prej njoftimeve të organizatës thuhet se duke pasur parasysh mosreflektimin e partive politike për konstituimin e institucioneve, dhe mosrespektimin e vendimit të Gjykatës Kushtetuese, në takim u vendos që të mbahet protestë gjithëpopullore, me kërkesat e mëposhtme

Kundërshtimi i padrejtësive ndaj ish-bashkëluftëtarëve në Gjykatën Speciale

Formimi urgjent i institucioneve legjitime dhe respektimi i rendit kushtetues

Ndërprerja e përbuzjes ndaj kategorive të luftës, përfshirë mosmbështetjen financiare, përjashtimin e veteranëve nga paga minimale dhe mungesën e ligjit për vlerat e UÇK-së” thuhet në një prej njoftimeve të organizatës.

Aktualitet

Fushë Kosovë, burri sulmon fizikisht gruan

Published

55 minutes ago

August 6, 2025

UBT News

Një rast i dhunës në familje është raportuar në Fushë Kosovë, kur një burrë shtetas i Kosovës, ka sulmuar fizikisht bashkëshorten e tij shtetase e Shqipërisë.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

Raporti i Policisë së Kosovës:

“Fushë Kosovë 05.08.2025 – 15:08. Është arrestuar i dyshuari mashkull kosovar, pasi që kishte sulmuar fizikisht dhe më pas kishte kanosur bashkëshorten e tij viktimën femër shqiptare shtetase e Shqipërisë. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës”.