Aktualitet

Lufta e Rusisë ndaj Ukrainës lë tre muaj pas

Qyteti Kharkiv po reziston, kurse Mariupoli humbi

Published

on

Lufta e Rusisë kundër Ukrainës, e cila filloi me udhëzimin e presidentit rus, Vladimir Putin, ka vazhduar prej tre muajsh.

Gjatë orëve të para të 24 shkurtit, Putin njoftoi “një ndërhyrje të veçantë ushtarake” në Donbasin lindor të Ukrainës, e cila çoi në fillimin e luftës.

Ushtria ruse hyri në të njëjtën kohë në rajonet e Ukrainës, Donetsk dhe Luhansk, të cilat janë nën kontrollin e administratës së Kievit, duke përfshirë rajonet e Kharkiv, Sumi dhe Chernihiv përmes kufirit rus dhe rajonin e Çernobilit përmes Bjellorusisë.

Ushtria ruse zbarkoi trupat në rajonet Kherson dhe Melitopol përmes Krimesë. Trupat ajrore dhe tokësore u dërguan në zonat pranë Kievit dhe i rrethuan zonat.

Gjatë muajit të dytë të luftës, trupat rusë u tërhoqën nga rajonet e Kievit dhe Chernihiv-it, ndërsa trupat ukrainasë rifituan kontrollin. Jeta ka filluar të ringjallet në kryeqytetin Kiev dhe procesi i rikthimit në jetën normale vazhdon në hijen e luftës.

Ndërsa ushtria ruse synon rajone strategjike në Ukrainë, ajo gjithashtu ka shënjestruar automjetet dhe depot që përmbajnë armë të dërguara nga SHBA dhe vendet evropiane në Ukrainë gjatë muajit të kaluar.

Rusia tha më tej se mjetet e transportit që i përkasin vendeve të NATO-s që dërgojnë armë në Ukrainë janë një objektiv legjitim për ushtrinë ruse. Ukraina njoftoi se në këto sulme u vranë dhe u plagosën civilë.

Kharkivi po reziston, Mariupoli humbi

Pavarësisht rezistencës së fortë të Ukrainës, forcat ruse shënjestruan objektet e infrastrukturës ushtarake dhe rrethuan gjithashtu Kharkivin dhe Mariupolin që nga fillimi i luftës.

Ndërsa përleshjet midis ushtrive ukrainase dhe ruse në rajonin e Kharkiv janë ende në vazhdim, autoritetet ukrainase njoftuan se kanë rimarrë kontrollin e disa vendbanimeve në zonë.

Në muajin e parë, trupat ruse synuan të pushtonin qytetet strategjike në bregun e detit Azov dhe pushtuan qytetin port të Berdyansk. Në muajin e tretë të luftës, Mariupol, një nga qytetet më të rëndësishme portuale të Ukrainës në Detin Azov, u vu nën kontrollin e Rusisë pas një rrethimi të gjatë. Pas disa ditësh luftimesh, Mariupoli ra në gërmadha.

Të paktën dy mijë e 439 luftëtarë ukrainas, të cilët fshiheshin në strehimoret në Uzinën Metalurgjike Azovstal, u dorëzuan në ushtrinë ruse duke vendosur armët, sipas Ministrisë së Mbrojtjes së Rusisë. Pasi mori kontrollin e fabrikës së çelikut Azovstal, ushtria ruse mori kontrollin e plotë të Mariupolit.

Khersoni u bë një tjetër qytet që ra nën kontrollin e ushtrisë ruse. Ndërsa një rajon në Kherson tashmë përdorte rublën ruse, u njoftua se do të përdorej në të gjithë qytetin deri në fund të vitit.

Lufta, e cila u zhvendos në lindje të Ukrainës në prill, pati efekte intensive në vend. Sipas një deklarate të Shtabit të Përgjithshëm të Ukrainës, ushtria ruse ka avancuar më tej nga lindja e Ukrainës, duke kapur disa vendbanime. Edhe pse ushtria ruse njoftoi se ishte në gjendje të arrinte kufijtë administrativë të qytetit të Luhanskut, një deklaratë e Pentagonit tha se Rusia kishte mbetur prapa planit që kishte planifikuar në operacionin Donbas.

Forcat ukrainase vazhduan gjithashtu të sulmojnë rajonet e Donetskut dhe Luhanskut, të cilat supozohej se ishin “nën kontrollin separatist” dhe pati viktima civile, sidomos në muajt e fundit janë shtuar sulmet ndaj tokave ruse në kufijtë veriorë të Ukrainës, ku ushtria ruse është tërhequr.

Ndërkohë, Rusia shtoi sulmet e saj në rajonet Odessa dhe Mykolaiv. Që nga java e dytë e majit, përplasjet u shtuan mbi ishullin e gjarpërinjve, i cili ka një vendndodhje strategjike në jugperëndim të Ukrainës, në Detin e Zi. Edhe pse ushtria ukrainase bëri përpjekje për të marrë ishullin, i cili ishte nën kontrollin e rusëve që nga fillimi i luftës, ato dështuan.

Ministria ruse e Mbrojtjes më 10 maj pretendoi se ushtria ukrainase humbi gjithsej katër avionë, 10 helikopterë, 30 mjete ajrore pa pilot, tre anije të blinduara luftarake dhe më shumë se 50 ushtarë në tre ditët e fundit të luftës.

Gjithashtu, të paktën një mijë e 351 ushtarë rusë vdiqën dhe tre mijë e 825 u plagosën në muajin e parë të luftës, sipas autoriteteve ushtarake ruse, të cilat nuk dhanë detaje të mëtejshme.

Zyrtarët rusë pohuan se ushtria ukrainase humbi 23 mijë e 367 ushtarë gjatë luftës, ndërsa Ukraina pretendoi se 29 mijë e 350 ushtarë rusë kanë vdekur deri tani.

As pala ukrainase dhe as ajo ruse nuk dhanë shifra të sakta sa i përket viktimave civile në luftë.

OKB: Numri i refugjatëve ukrainas i kalon 6.5 milionë

Sipas agjencisë së OKB-së për refugjatët, më shumë se 6.59 milionë njerëz janë larguar nga Ukraina në vende të tjera që nga fillimi i luftës, ndërsa më shumë se gjysma e tyre shkuan në Poloni.

Një në çdo gjashtë persona ishte zhvendosur brenda vendit për shkak të luftës, duke e bërë numrin e përgjithshëm 7.7 milionë, tha Organizata Ndërkombëtare e OKB-së për Migracionin.

OKB-ja gjithashtu vuri në dukje se të paktën tre mijë e 930 civilë kanë humbur jetën deri më tani dhe katër mijë e 532 janë plagosur në luftë.

Delegacionet ruse dhe ukrainase zhvilluan gjithsej katër negociata ballë për ballë, me tre prej tyre në Bjellorusi dhe një në Turqi, për të garantuar armëpushim.

Në Bjellorusi, të dy palët mund të bien dakord vetëm për korridoret humanitare për evakuimin e civilëve nga zonat e konfliktit.

Si rezultat i përpjekjeve të ndërmjetësimit të presidentit turk, Rexhep Tajip Erdogan, pala ukrainase i dorëzoi palës ruse parimet e një draft-marrëveshjeje gjatë negociatave të mbajtura në Stamboll më 29 mars.

Më 17 maj, pala ukrainase njoftoi se gjendja në Ukrainë ka ndryshuar shumë që nga fillimi i luftës dhe se i kanë pezulluar negociatat me Rusinë. /UBTNews/

Aktualitet

UBT në mesin e 5 institucioneve finaliste në botë për çmimet Triple E

Published

on

Vetëm pesë institucione në botë janë përzgjedhur si finalistët e Triple E Awards – Universiteti i Angazhuar i Vitit (Kategoria Globale), dhe UBT është një prej tyre. Ky vlerësim e vendos UBT-në krah institucioneve më të njohura ndërkombëtare, duke treguar përkushtimin e tij ndaj arsimimit, inovacionit dhe ndikimit shoqëror në nivel global.

Përcaktimi si finalist është rezultat i viteve të përkushtimit për të integruar arsimin, kërkimin dhe ndikimin në komunitet në një model unik angazhimi që krahasohet me universitetet më të mira në botë.

Institucionet finaliste të tjera krahas UBT-së janë:

  • Jönköping University – School of Engineering (Suedi)
  • King Fahd University of Petroleum and Minerals (Arabia Saudite)
  • McGill University – Dobson Centre for Entrepreneurship (Kanada)
  • Fuzhou Melbourne Polytechnic (Australi/Kinë)

Të qëndrosh përkrah institucioneve kaq të njohura ndërkombëtare është një dëshmi e ekselencës dhe reputacionit ndërkombëtar në rritje të UBT-së. Fituesit përfundimtarë do të shpallen në ceremoninë e ndarjes së Çmimeve Triple E.

UBT është përzgjedhur në këtë finale globale kryesisht falë përkushtimit të tij të palëkundur ndaj dijes, inovacionit dhe përgjegjësisë shoqërore, të mishëruar përmes Strategjisë së Integruar të institucionit.

Me një rrjet në rritje të qendrave kërkimore – si 5G Innovation Hub, Instituti RIED, dhe Qendra Kombëtare për Monitorimin e SDG-ve në Kosovë – UBT forcon infrastrukturën kombëtare të kërkimit, nxit bashkëpunimin ndërdisiplinor dhe lidh akademinë me vendimmarrjen. Iniciativa si Pro-Academia, shërbimet falas për komunitetin dhe një program bursash i trefishuar që nga viti 2019, sigurojnë qasje, barazi dhe mobilitet shoqëror, veçanërisht për grupet e margjinalizuara.

UBT gjithashtu shfaq lidership humanitar gjatë krizave, e përfshin qëndrueshmërinë përmes Strategjisë së SDG-ve dhe Planit të Veprimit për Kampusin e Gjelbër, si dhe promovon rezistencën përmes bashkëpunimit ndërkombëtar dhe diplomacisë arsimore. Duke e transformuar kampusin e vet në një laborator të gjallë, të zgjuar, gjithëpërfshirës dhe të qëndrueshëm, UBT përfaqëson më së miri mënyrën se si arsimi i lartë mund të mobilizojë dijen për të mirën publike – me rrënjë lokale, i lidhur globalisht dhe i orientuar drejt së ardhmes.

Continue Reading

Bota

​Kriza demografike në sisteme arsimore, shkak emigrimi i grekëve të rinj

Published

on

Një krizë demografike po kërcënon sistemin arsimor grek në numrin ndjeshëm më të ulët të lindjeve në të gjithë vendin.

Shifrat nga mbi 118.000 në vitin 2008 në 62.500 vitin e kaluar, po përkeqësohen nga emigrimi i grekëve të rinj dhe një rënie në numrin e migrantëve që dëshirojnë të vendosen në Greqi raportojnë mediat lokale.

Kriza tashmë ka detyruar mijëra klasa dhe shkolla të mbyllen në të gjithë vendin, ndërsa regjistrimi në shkollat fillore dhe të mesme po tkurret.

Christos Bouras, rektori i Universitetit të Patras në Greqinë Perëndimore, paralajmëroi për një kolaps të afërt të hartës akademike për shkak të problemit demografik.

Regjistrimi i studentëve të vitit të parë në universitete ra nga gati 115.000 në vitin 2010 në rreth 71.000 këtë vit.

Humbja kumulative e studentëve të rinj ka arritur në 330.000”, tha ai.

Continue Reading

Aktualitet

Deri në tri orë janë pritjet në dalje të pikës në Merdarë

Published

on

Pas përditësimit të të dhënave në pikat kufitare, pritjet e gjata në disa pika vetëm se kanë filluar të zgjasin më shumë në dalje, të paktën deri në tri orë.

Sipas Qendrës Kombëtare për Menaxhimin Kufitar, pritjet deri në tri orë janë në dalje të pikës kufitare në Merdarë.

Pritjet janë duke vazhduar edhe tek Dheu i Bardhë dhe Jarinje deri në 20 minuta. Kurse, dhjetë minuta pritje janë në Mutivodë.

Continue Reading

Aktualitet

Nis fushata për mospërdorim të armëve në ahengje

Published

on

Në Kosovë ka nisur fushata me thirrjen që të mos përdoren armët në ahengje dhe rastet e tilla të raportohen për të parandaluar tragjedi të mundshme.

Në një njoftim të lëshuar nga Ministria e Punëve të Brendshme thuhet se kjo fushatë është përgatitur me mbështetje financiare nga Gjermania, Suedia, Holanda, Franca, Mbretëria e Bashkuar dhe Norvegjia përmes Fondit të Mirëbesimit për Kontrollin e AVL-ve në Ballkanin Perëndimor.

Kjo fushatë është mbështetur edhe nga Bashkimi Evropian.

MPB shton se bashkëpunimi është thelbësor në parandalimin e tragjedive që mund të shkaktohen nga gjuajtjet me armë zjarri.

 

Continue Reading

Të kërkuara