Aktualitet

Liderët botërorë urojnë Erdoganin për fitoren në zgjedhje

Sipas Putinit, firotja ishte “rezultat logjik i punës së përkushtuar” të Erdoganit.

Publikuar

4 muaj më parë

më

Presidenti amerikan Biden tha se shpresonte të punonte me Erdoganin për “sfidat e përbashkëta globale”.

“Mezi pres të vazhdoj të punoj së bashku si aleatë të NATO-s për çështjet dypalëshe dhe sfidat e përbashkëta globale”, shkroi Biden, duke mos përmendur tensionet e fundit mes dy palëve.

Presidenti rus Putin, i cili ka bashkëpunuar ngushtë me Erdoganin për çështje kyçe ndërkombëtare pavarësisht disa mosmarrëveshjeve, i tha udhëheqësit të Turqisë se fitorja e tij ishte “rezultat logjik i punës suaj të përkushtuar”.

“Fitorja juaj në këto zgjedhje është rezultati logjik i punës suaj të përkushtuar si kreu i Republikës Turke, një dëshmi e qartë e mbështetjes së popullit turk për përpjekjet tuaja për të forcuar sovranitetin e shtetit dhe për të ndjekur një politikë të jashtme të pavarur”, tha Putin.

Ursula von der Leyen, presidente e Komisionit të Bashkimit Evropian tha se blloku dëshiron të forcojë lidhjet me vendin.

“Unë e përgëzoj (Erdoganin) për fitoren e zgjedhjeve. Mezi pres të vazhdoj të ndërtoj marrëdhëniet BE-Turqi”, shkroi ajo.

“Është e një rëndësie strategjike për BE-në dhe Turqinë që të punojnë për avancimin e kësaj marrëdhënieje, për të mirën e popullit tonë”.

Urime ka dërguar edhe Jens Stoltenberg, sekretari i përgjithshëm i aleancës ushtarake të NATO-s, anëtare e së cilës është edhe Turqia.

“Urime President (Erdogan) për rizgjedhjen tuaj. Mezi pres të vazhdojmë punën tonë së bashku dhe të përgatitemi për Samitin e NATO-s në korrik”, shkroi ai në Twitter.

Ndërsa udhëheqësi francez Emmanuel Macron tha se të dy kombet kishin “sfida të mëdha” për të punuar së bashku. Ai tha se këto sfida përfshinin “kthimin e paqes në Evropë”./UBTNews/

Etiketa
Vazhdo të lexosh

Aktualitet

Rusia thërret ambasadorin bullgar pas dëbimit të klerikut ortodoks

Bullgaria është anëtare e NATO-s dhe e Bashkimit Evropian.

Publikuar

1 ditë më parë

më

25 Shtator, 2023

nga

Ministria e Jashtme e Rusisë thirri sot ambasadorin e Bullgarisë, Atanas Krastin, për të protestuar për dëbimin nga vendi të një kleriku ortodoks rus javën e kaluar.

Bullgaria dëboi një klerik rus dhe dy bjellorusë për kryerjen e asaj që i përshkroi si “aktivitete të drejtuara kundër sigurisë dhe interesave kombëtare të vendit”.

Bullgaria është anëtare e NATO-s dhe e Bashkimit Evropian.

Marrëdhëniet historikisht të ngrohta midis Sofjes dhe Moskës janë tensionuar në rritje vitet e fundit, veçanërisht që nga pushtimi i Ukrainës./UBTNews/

Vazhdo të lexosh

Aktualitet

Raisi mbron pasurimin me uranium, sipas tij evropianët “shkelën angazhimet e tyre”

“Në fillim, ne nuk po kërkonim nivele 60% të pasurimit”, tha ai.

Publikuar

1 ditë më parë

më

25 Shtator, 2023

nga

Presidenti iranian Ebrahim Raisi ka mbrojtur pasurimin e uraniumit në vendin e tij, duke pretenduar se ishte një përgjigje ndaj shteteve evropiane që nuk e përmbushin marrëveshjen bërthamore të vitit 2015.

“Në fillim, ne nuk po kërkonim nivele 60% të pasurimit. Ata (shtetet evropiane) shkelën angazhimet e tyre”, tha Raisi për Fareed Zakaria të CNN.

“Ajo që bëri Republika Islamike e Iranit ishte në përgjigje të një shkeljeje të angazhimit të nënshkruesve të marrëveshjes (së vitit 2015)”./UBTNews/

Vazhdo të lexosh

Aktualitet

ISW: Putin i jep një muaj kohë Shoigu-t që të ndalojë kundërsulmin e Ukrainës

Analiza e ISW përmend se Putini e kishte pranuar kundërsulmin ukrainas për dy gjëra.

Publikuar

1 ditë më parë

më

25 Shtator, 2023

nga

Presidenti rus Vladimir Putin i ka dhënë kohë ministrit të tij të mbrojtjes Sergei Shoigu që deri në tetor të ndalojë kundërsulmin e Ukrainës, raporton Instituti për Studimin e Luftës, duke cituar një burim të brendshëm.

“Një burim i brendshëm i Kremlinit pohoi se Putin thuhet se i dha ministrit rus të Mbrojtjes, Sergey Shoigu, një afat prej një muaji deri në fillim të tetorit 2023 për të përmirësuar situatën në vijën e frontit, për të ndaluar kundërofensivat ukrainase dhe për t’i bërë forcat ruse të rimarrin iniciativën”, ka thënë burimi.

Analiza e ISW përmend se Putini e pranoi fillimisht fillimin e kundërofensive ukrainase më 9 qershor, duke theksuar dy tregime kryesore dhe të vazhdueshme: se forcat ukrainase nuk do të bënin përfitime të rëndësishme për shkak të përgatitjes së mirë të mbrojtjes ruse dhe se trupat ukrainase do të pësonin humbje të mëdha të personelit dhe pajisjet e tyre ushtarake perëndimore./UBTNews/

Vazhdo të lexosh

Aktualitet

ATK-ja plotëson dhe ndryshon procedurat e rimbursimit

Kjo Rregullore e Brendshme hyn në fuqi në datën e nënshkrimit nga drejtori ekzekutiv i ATK.

Publikuar

1 ditë më parë

më

25 Shtator, 2023

nga

Administrata Tatimore e Kosovës (ATK) njofton se bazuar në Ligjin në fuqi për administratën dhe procedurat, Ligji për Organizimin dhe Funksionimin e Administratës Shtetërore dhe Agjencive të Pavarura, si dhe në përputhje me Ligjin për Ndryshimin dhe Plotësimin e Ligjeve që Përmbajnë Procedura të Veçanta Administrative dhe Harmonizimin e tyre me Ligjin për Procedurën e Përgjithshme Administrative, ka nxjerr Rregullore të Brendshme ATK Nr. 02/2023 me të cilën plotëson/ndryshon Procedurat e Rimbursimit.

Në njoftim thuhet se qëllimi i Rregullores së Brendshme ATK Nr. 02/2023 mbi Procedurat e Rimbursimit është që përmes krijimit të procedurave të shkruara të përcaktohen veprimet ligjore që do të ndërmerren në rastet kur bëhet fjalë për zbatimin e dispozitave ligjore për rimbursime të Tatimit mbi Vlerën e Shtuar (TVSH), Tatimit në të Ardhura Personale (TAP) dhe Tatimit në të Ardhura të Korporatave (TAK).

Sipas ATK-së kjo Rregullore e Brendshme shfuqizon “Rregulloren e Brendshme mbi Procedurat e Rimbursimit Nr.1/2020, të datës 12.02.2020 me Nr. Protokolli 09-06-708”.

Kjo Rregullore e Brendshme hyn në fuqi në datën e nënshkrimit nga drejtori ekzekutiv i ATK.

Vazhdo të lexosh

Të kërkuara