E kemi dëgjuar shpesh të përmendet e që nuk është aspak e këndshme.

Bëhet fjalë për astmën e cila është një sëmundje kronike që prekë individë të të gjitha moshave.

Ajo mund të kontrollohet me trajtimin e duhur dhe kur nuk mund të kontrollohet shfaq shqetësime dhe kufizon aktivitetet e përditshme.

Është një sëmundje që manifestohet me ngushtim të rrugëve të frymëmarrjes dhe vjen me sulme.

Në astmë, ka një inflamacion jo mikrobial në rrugët e frymëmarrjes, prandaj, muri i rrugëve të frymëmarrjes është i fryrë dhe edematoz.

Ankesat si kolla, gulçimi dhe ndjenja e presionit në gjoks ndodhin menjëherë me stimuj të tillë si pluhuri, tymi dhe aroma.

Në krizë, muskujt që rrethojnë rrugët e frymëmarrjes tkurren, edema dhe ënjtja rriten dhe muri i rrugëve të frymëmarrjes trashet me inflamacion progresiv.

Mukoza e trashë (gëlbazë) lirohet nga gjëndrat në rrugët e frymëmarrjes, kjo ngushton rrugët e frymëmarrjes dhe ajri pengohet të hyjë dhe të dalë në mushkëri.

Por, cilat janë simptomat e saj?

Gulçim;

Fishkëllimë;

Kollë e thatë;

Ndjenjë presioni në gjoks.

Një tjetër pikë e rëndësishme është se pacientët ndihen mirë përveç sulmeve, faktorët që shkaktojnë simptoma të astmës quhen nxitës.

Shkaqet e zakonshme të astmës:

Infeksionet e rrugëve të sipërme të frymëmarrjes;

Alergjenët (marimangat e pluhurit të shtëpisë;

Polenet;

Sporet e kërpudhave;

Zbokthi i kafshëve, buburrecat);

Duhanpirja;

Ndotja e ajrit;

Ilaçet;

Lëndët ushqyese;

Refluksi;

Stresi dhe ushtrimet fizike.

Pritshmëritë nga trajtimi:

Marrja dhe mbajtja e kontrollit të simptomave;

Mbajtja e një niveli normal të aktivitetit, duke përfshirë stërvitjen;

Mbajtja e funksioneve të mushkërive sa më normale.

Çfarë është një sulm astmatik?

Kur simptomat e astmës shfaqen ose përkeqësohen e shoqërohen me përkeqësim të testeve të frymëmarrjes, humica e sulmeve përparojnë ngadalë.

Sulmet me fillim të papritur ndodhin në pakicë pacientësh dhe mund të ketë ngushtim të papritur të rrugëve të frymëmarrjes. në përmbledhje,

Është e mundur të parandalohen sulmet nëse merren rregullisht kontrolle të rregullta mjekësore, ilaçet e marra me inhalim në dozën e përshkruar nga mjeku pulmonolog janë të sigurta.

Pacientët që nuk shmangin faktorët nxitës e nuk janë nën mbikëqyrjen e rregullt mjekësore mund të përjetojnë sulme fatale. /UBTNews/

Vajzat dëshirojnë foto me flokë të bukura që shkëlqejnë dhe jo vetëm.

Shëndeti i mirë reflekton edhe në pamjen fizike.

Ja disa këshilla se si t’i mbroni flokët tuaj duke ngrënë ushqime nga këto 5 lëndë ushqyese.

Zinku

Ky mineral është thelbësor për sintetizimin e keratinës dhe kolagjenit. Ai nxit rritjen e flokëve e forcon fibrat. Për një rritje të sasisë së zinkut, shtoni midhjet, të verdhat e vezëve, mëlçinë e viçit, tërshërë, farat e kungullit, farat e susamit, majanë e birrës dhe arrat.

Hekuri

“Një element thelbësor i hemoglobinës është hekuri dhe ky përbërës është jetik për t’u dhënë flokëve oksigjenin që u nevojitet për t’u rritur,” thotë Mannone. Mëlçia e viçit, thjerrëzat, qiqrat, fasulet e zeza, spinaqi, arrat e majdanozi janë të pasura me hekur.

Omega-3

Ushqejnë folikulat e flokëve e kanë veprim anti-inflamator në lëkurën e kokës. Ato forcojnë flokët, i ushqejnë, parandalojnë rënien e tyre e përmirësojnë shkëlqimin dhe strukturën. Mund të gjeni omega-3 te sardelet, salmon, vezë, vajra bimore, fara liri, fara chia, arra dhe soje.

Vitamina B

“Vitamina B nxit prodhimin e keratinës dhe redukton brishtësinë e flokëve,” sipas Mannones. Ushqimet me vitaminë B janë: Spinaqi, lakër jeshile, brokoli, mishi i viçit, pula, salmoni, toni, trofta,  veza, qumështi, qiqrat dhe thjerrëzat.

Proteinat

Flokët përbëhen nga mbi 90% proteina. Pra, është e rëndësishme të plotësoni nevojat për proteina çdo ditë. Për të rritur marrjen e proteinave, zgjidhni mishin e pulës, gjelit të detit, vezët, salmonin, farat e lulediellit, orizin integral, fasulet etj. /UBTNews/

Shampoja përdoret për flokë, lëkurë dhe enë.

Por, a keni menduar ndonjëherë se ajo mund të ketë dhe funksione të tjera?

Epo, nuk është kurrë vonë për të mësuar gjëra të reja të cilat janë shumë praktike për jetën tuaj.

Me shampo dhe ujë, mund të pastroni rrobat, pajisjet, dyshemenë madje edhe bimët e gjalla.

Hiqni njollat e djersës

Kur njollat nuk hiqen fajësohen detergjentët, defekt i lavatriçes ose rroba pa me cilësi. Përdorni shampo para se t’i fusni në lavatriçe rrobat me njolla djerse dhe prisni për rezultatin.

Hiqni yndyrnat e sobës

Ato mund skuqen, duke shtuar papastërtitë mbi sobë. Hidhni shampo në një copë të lagur në ujë e pastroni sobën.

Fshini pluhurin nga bimët e shtëpisë

Bimët që mbahen brenda në shtëpi, bëhen me pluhur, si gjithë objektet tjera. Pak shampo mbi peshqir, kaloni nëpër gjethet e bimëve e gjithçka pastrohet lehtë.

Shampo për të liruar vidat nga mobiliet

Kur duhet të çmontoni mobiliet, asgjë nuk është më zhgënjyese sa heqja e vidave, gozhdëve, etj. Hidhni shampo dhe është njësoj e vlefshme si vaji për të çliruar gozhdët apo vidat.

Zbusni menteshat që kërcasin

Nëse një sirtar kërcet, vendosni me gisht shampo tek menteshat, lëreni pak dhe rezultati do t’ju befasojë.

Përdorim i dyfishtë edhe si sapun duarsh

Si shampo ashtu edhe sapuni i lëngshëm i duarve janë elementë higjienikë, megjithëse përdoren për qëllime të ndryshme. Të dy produktet kanë përbërës të përbashkët, ndaj edhe një shampo mund ta përdorni si larës duarsh.

Hiqni avullin nga pasqyrat e tualetit

Para se të hapni dushin, kaloni një copë të lyer me shampo mbi pasqyrë. Përhapni sapunin në gjithë copën e xhamit ose vetëm në pjesën që doni të qëndrojë pa avull dhe jeni OK.

Pastroni furçat e make up-it dhe krehrat

Furçat e grimit, krehrin personal vendosni një tas ku keni shtuar më parë shampo dhe ujë.

Shkëlqeni dyshemetë me pllaka dhe qeramikë

E bukura e dyshemeve me pllaka e qeramike është se nuk kërkojnë shumë pastrim dhe kur duhet, përdorni produkte të ndryshme, mes tyre edhe shampon.

Pastroni këpucët

Nëse keni këpucë të bukura e doni t’i ruani për një kohë të gjatë, pastroni me një copë me shampo. /UBTNews/

 

Na ndodhë shpesh të shohim gjëra të njëjta, ose më saktë na duket sikur po përjetojmë gjithmonë një dukuri të përsëritur.

Kjo quhet ‘Deja Vu’ e cila përkufizohet si tezë e përhapur në kulturën popullore, përvojat e déjà vu-ve janë pak të qarta në terma shkencore.  Déjà vu-ja ndodh në një venitje të shpejtë, pa paralajmërim dhe nuk ka asnjë shenjë të jashtme fizike përveçse thuhet: “sapo kisha një déjà vu!”

Shumë studiues, propozojnë që fenomeni është një përvojë e mbështetur te kujtesa dhe pranojnë që, për të, janë përgjegjës qendrat e kujtesës.

Nuk ka një shpjegim të saktë për këtë fenomen, por hapat e reja në teknikat e neuroimazherisë mund të ndihmojnë për të kuptuar kujtesën dhe rrengjet që punon mendja.

Një teori tjetër është se Déjà Vu shkaktohet nga mjegullimet mendore të momentin. Thuhet se njerëzit që vuajnë nga epilepsia kanë përvoja të shpeshta të Déjà Vu. Ka të ngjarë që Déjà Vu tek njerëzit pa epilepsi, të shkaktohet nga një lloj aktiviteti i ngjashëm me krizat. /UBTNews/