Tensioni i lartë i gjakut është një problem shumë i përhapur shëndetësor.

Nëse nuk trajtohet siç duhet, hipertensioni mund të transformohet në një problem mjaft shqetësues madje katastrofik duke shkaktuar diabet, sëmundje kardiovaskulare, probleme me aftësitë e trurit dhe dështim të veshkave.

Shumica e njerëzve që vuajnë nga tensioni i lartë përdorin medikamente të cilat shoqërohen me efekte anësore përfshirë: pagjumësinë, marramendjen apo kontraktime të muskujve.

Por ju mund të përdorni shumë thjeshtë edhe disa ushqime ose produkte që i gjeni lehtë në shtëpi siç janë hudhra, limoni apo uthulla e mollës.

Nëpërmjet këtij artikulli të AgroWeb.org do të mësoni për 3 kura natyrale të cilat janë jashtëzakonisht efikase kundër tensionit të lartë.

Kura e Parë me Lëng Limoni

Përbërësit

Ujë

Një limon

Udhëzimet

Shtrydheni lëngun e një limoni në një gotë me ujë dhe pijeni atë çdo mëngjes përpara se të konsumoni ushqim.

Limonët kanë aftësinë të ruajnë fleksibilitetin dhe funksionet e enëve të gjakut duke ulur kështu tensionin.

Kura e Dytë me Hudhër

Hudhra përmban substanca sulfuri që kanë aftësinë të ulin tensionin e gjakut dhe largojnë toksinat dhe kolesterolin nga organizmi.

Këto substanca stimulojnë prodhimin e oksidit nitrik dhe të rregullojnë tensionin e gjakut, duke i zgjeruar enët e tij.

Ju duhet të konsumoni 2-4 thelpinj hudhër të freskët në mëngjes përpara se të hani ushqim ose përpara se të flini.

Hudhra duhet ngrënë e gjallë sepse gatimi humbet shumicën e ushqyesve të nevojshëm.

Kura e Tretë me Uthull Molle dhe Sodë Buke

Përbërësit

Ujë

Një majë luge çaji me sodë buke

Një lugë gjelle me uthull molle

Udhëzimet

Uthulla e mollës përmban shumë minerale të dobishme si kaliumi, magnezi dhe kalçiumi.

Këto minerale janë thelbësore për qarkullimin e gjakut dhe uljen e tensionit.

Përzieni një lugë gjelle me uthull molle, një majë luge çaji me sodë buke dhe një gotë me ujë.

Konsumojeni dy herë në ditë për rezultate më të mira./AgroWeb.org

Stresi është një nga armiqtë më tinzarë për shëndetin. Prania e tij mund të shkaktojë kaos në çdo qelizë të organizmit.

Në rastin e tiroides, stresi mund të përkeqësojë funksionin e saj dhe të shkaktojë atë që njihet si hipertiroidizëm ose prodhimi të tepërt të hormonit të tiroides.

Lidhja mes stresit dhe hipertiroidizmit

Stresi dhe hipertiroidizmit lidhen nëpërmjet gjëndrave suprarenale.

Stresi, sidomos kur është kronik mund të ndryshojë gjendrën e tiroides.

Stresi kronik nënkupton stres të vazhdueshëm për të paktën tre muaj. Këtu përfshihet nervozizmi dhe acarimi.

Kur stresi shfaqet, stimulon dy anët e gjendrave suprarenale.

Kjo shkakton dobësim dhe ndryshim të sistemit imunitar.

Pas kësaj, në organizëm shfaqen një sërë inflamacionesh. Është vetë sistemi ynë i brendshëm që na sulmon duke perceptuar një rrezik të lartë.

Sistemi i brendshëm nuk gjen dot burimin e këtij kërcënimi dhe sulmon veten.

Më pas është tiroidja që sulmon sistemin imunitar.

Si mund të shmanget vetshkatërrimi nga stresi?

Kujdes me ushqimin

Mos shmangni asnjë vakt ushqimor që mund të shkaktojë ndryshim të metabolizmit.

Kujdes me konsumin e kafesë, alkolit, sheqerit, pijeve të gazuara dhe çokollatave që intensifikojnë stresin.

Merrni vitamina dhe minerale si: selenium, zink, hekur, bakër, vitaminat A, B,C dhe E.

Konsumoni sa më shumë të gjelbra si spinaqi, sallatat, bizelet, fara kungulli, fruta të thata, perime të gjelbra dhe agrume.

Flini 7-9 orë

Stresi ndikon negativisht cilësinë e pushimit.

Vendosni orare dhe përmbajuni atyre si për ushqyerjen ashtu edhe për gjumin.

Mos hani ushqim 2 orë përpara gjumit.

Dy orë përpara gjumit, fikni telefonin dhe kompjuterin dhe përpiquni të ndërgjegjësoheni për gjërat me vlerë.

Mbani nën kontroll emocionet

Sigurisht që një gjë e tillë nuk është e lehtë. Shqetësimet e sotme mos i shtyj për nesër.

Përballuni me problemet përpara se të bëhen të pamenaxhueshme. Përqendrohuni në të tashmen. E nesërmja nuk ka ardhur akoma.

Kryeni aktivitet fizik ose flisni me miqtë.

Duke qenë se stresi dhe hipertiroidizmi janë të lidhura fort, mjaftojnë të ndiqni këto strategji të thjeshta që të vëni re ndryshim në gjendjen tuaj./AgroWeb.org

* Ky informacion ka për qëllim të plotësojë, të mos zëvendësojë këshilla nga mjeku juaj ose ofruesi i kujdesit shëndetësor dhe nuk ka për qëllim të mbulojë të gjitha përdorimet e mundshme, masat paraprake, ndërveprimet ose efektet negative. Ky informacion mund të mos i përshtatet rrethanave tuaja specifike shëndetësore.

Burimi: U.S. National Library of Medicine

Lëngu i ananasit është një nga lëngjet e frutave, që përmban më shumë minerale dhe vitamina.

Është i pasur me vitaminë C, vitamina B6, tiamina, niacina dhe riboflavina etj. Për shkak të përmbajtjes së lartë të vitaminës C, lëngu i ananasit ka efekte të shkëlqyera në lëkurën tuaj.

Kjo vitaminë është e nevojshme për të bërë kolagjenin, proteinën lidhëse që mban qelizat e lëkurës së bashku dhe ndihmon në ruajtjen e qëndrueshmërisë së saj.

Ky frutë i ëmbël tropikal gjithashtu përmban vitaminë A, e cila ka aftësinë për të ndihmuar në reduktimin e inflamacionit, dhe ka veti natyrale antifungale dhe antibakteriale.

Përfitimet për lëkurën:

Përbërësit anti-plakje ngadalësojnë këtë proces
Ulja e inflamacionit
Redukton dëmtimin nga rrezet e diellit
Përbërës natyral anti-bakteriale dhe anti-fungale

Më poshtë do të japim tri receta me bazë ananasi që për të pasur një lëkurë sa më të shëndetshme e të shkëlqyeshme:

1. Ananas, limon dhe xhinxher
1 ananas
Pak xhenxhefil të grirë
3 limonë të shtrydhur
Udhëzime:
Vendosini të gjithë përbërësit në shtrydhësen e frutave dhe lëngun e përftuar pieni përgjatë ditës.

2. Ananas, kastravec dhe lëng molle:
1/2 ananasi
1 mollë
1 kastravec

Përgatitja është gjithashtu si pija e mësipërme. Mjafton të shtrydhni të gjithë përbërësit dhe lëngu është gati për t’u konsumuar.

3. Ananas, panxhar, kastravec dhe majdanoz
përbërësit:
2 panxhar
2 kastravec
1 ananas

Disa degë majdanozi: Përgatitja dhe konsumi i njëjtë!

Sëmundja e diabetit të tipit 2 jo domosdoshmërisht nënkupton nevojën për kufizimin e shumë ushqimeve të shijshme.

I tillë është rasti i perimeve të cilat jo vetëm janë të shijshme por edhe të ngopin.

Perimet duhet të jenë pjesë e rëndësishme e regjimit ushqimor të një diabetiku, thonë ekspertët e AgroWeb.org.

Të listuara në këtë artikull do të gjeni perimet më të rëndësishme për diabetikët.

Perimet më të mira për njerëzit që vuajnë nga Diabeti i Tipit 2.

Perimet më të mira për diabetikët janë ato me një nivel të ulët glicemie, të pasura me fibër dhe nitrat, i cili ul tensionin e gjakut.

Perimet me nivel të ulët glicemie

Niveli i glicemisë në një ushqim të caktuar tregon shpejtësinë e organizmit për të përthithur glukozën nga ky ushqim.

Ky matës nuk ka të bëjë me përmbajtjen specifike të sheqerit në një ushqim por sasinë e glukozës që do të futet në organizëm gjatë ngrënies së një racioni.

Glukoza përthithet më shumë dhe më shpejtë nga ushqimet me një nivel të lartë glicemie.

Perimet më të mira për diabetikët, të cilat kanë një nivel të ulët glicemie janë:

• Argjinaret,
• Shpargu,
• Brokoli,
• Lulelakra,
• Sallata jeshile,
• Patëllxhani,
• Specat,
• Spinaqi,
• Selinoja.

Perimet e pasura me nitrate

Nitratet janë kimikate të formuara natyralisht tek perimet. Këto substanca ulin nivelin e tensionit në gjak dhe përmirësojnë qarkullimin e tij.

Perimet më të pasura me nitrate janë:

• Rukola,
• Panxhari,
• Sallata jeshile,
• Selinoja.

Perimet e pasura me proteinë

Ushqimet e pasura me proteinë i mbajnë njerëzit të ngopur për më gjatë dhe ato janë të rëndësishme për diabetikët.

Ndër ushqimet më të mira me proteinë mund të përmendim:

• Spinaqi,
• Shpargu,
• Barishtet e egra,
• Brokoli,
• Lakrat e vogla,
• Lulelakra.

Perimet e pasura me fibër

Fibra është shumë e rëndësishme për shëndetin e një diabetiku.

Sasia e saktë ditore e fibrës është 25 gramë për gratë dhe vajzat dhe 38 gramë për burrat dhe djemtë.

Frutat dhe perimet më të pasura me fibër janë:

• Karrotat,
• Panxhari,
• Brokoli,
• Argjinarja,
• Lakrat e vogla,
• Avokado.

Diabetikët duhet të jenë të kujdesshëm në uljen e sasisë së karbohidrateve dhe rritjen e sasisë së proteinës dhe fibrës nëpërmjet konsumit të rregullt të frutave dhe perimeve./AgroWeb.org