

Kuriozitete
Leksione të rëndësishme për t’u mësuar nga Anna Delvey
Lista e frikërave është e pafundme, por koha juaj jo.
Published
3 years agoon
By
UBT newsNga Filiz Behaettin (A2S)
Me serialin më të fundi të “Netflix”, nuk ka asnjë njeri që të mos e ketë dëgjuar emrin e Anna Delvey.
Unë dëgjova për herë të parë për të disa vite më parë. Trashëgimtarja e rreme e aristokracisë gjermane, arriti të përvetësojë përmes mashtrimit mijëra dollarë nga elita e Amerikës.
Ndërsa nuk i mbështes metodat e saj për të fituar para, nuk mund të mos pyesja veten se si ia doli të arrinte synimet e saj për aq kohë sa zgjati ky mashtrim. Por, më shumë se kaq, më bëri shumë përshtypje besimi që ajo kishte tek vetja.
Sukses apo dështim?
Siç e shihni, sistemi ynë i besimit është faktori kryesor nëse kemi sukses apo dështojmë në përpjekjet tona dhe në jetë në përgjithësi. Pasi kalova vitet e fundit duke trajnuar klientët se si të kapërcenin besimin e tyre të dobët tek vetja, dhe të shfrytëzonin fuqinë e mendjes së tyre, nuk ishte çudi që kur u futa më thellë në historinë e Anna Delvey, kuptova se ajo kishte një qasje të ngjashme për të arritur atje ku donte.
Unë nuk kam ndërmend të krijoj një grup kriminal për të arritur qëllimet e tij në jetë, duke u angazhuar në aktivitete të paligjshme. Por merita i takon Anna Delvey, pasi ajo kishte besimin dhe sistemin e besimit, që shumica e njerëzve vetëm mund ta ëndërrojnë.
Besoni tek vetja!
Nëse doni të arrini qëllimet tuaja, duhet që të besoni tek vetja tuaj. Një individ që i vendos një qëllim vetes, dhe më pas heq dorë që pas disfatës së parë, është ai që nuk e ka ende sistemin e tij të besimit. Besimi tek vetja është hapi i parë për të pasur sukses dhe për të pasur jetën që ëndërroni.
Shumë vite më parë, kur isha i sapodiplomuar, doja të gjeja një punë në fushën që kisha studiuar. Dhe si shumë studentë të tjerë, u detyrova të nisja punë në një call–center përshërbimin ndaj klientit për të paguar shpenzimet e mia, derisa të mund të angazhohesha në profesionin tim.
Dita ime përfshinte dëgjimin në telefon të njerëzve të bezdisshëm që ankoheshin për gjithçka. Madje mbaj mend një ditë një zonjë që mori në telefon, duke dashur të ankohej për zhurmën e disa fëmijëve që luanin në oborrin e shtëpisë së tyre. E kush e bën këtë?
Mos e humbni besimin tek synimet tuaja!
Ndërsa roli në të cilin punoja mund të më kishte vënë në dyshim ekzistencën time, unë u fokusova tek synimet e mia më të mëdha. Unë kisha besim në aftësinë time për të arritur atje ku duhej të isha, dhe e dija se do të arrija destinacionin tim. E njëjta gjë vlen edhe për ju.
Mos lejoni që një disfatë e përkohshme të shkatërrojë besimin tuaj apo të vërë në dyshim aftësitë tuaja.
Për sa kohë që përqendroheni tek rezultati përfundimtar dhe besoni tek aftësitë tuaja, do të arrini atje ku duhet të jeni. T.Harv.Eker ka thënë: ”Njerëzit e suksesshëm kanë frikë, njerëzit e suksesshëm kanë dyshime, dhe njerëzit e suksesshëm kanë shqetësime. Dallimi është se ata nuk i lejojnë këto ndjenja që t’i pengojnë në arritjen e qëllimeve të tyre”.
Lëreni mënjanë frikën tuaj
Një tjetër pengesë për të pasur një sistem të fortë besimi dhe për të pasur sukses është frika. Frika është origjina e të gjitha dështimeve, dhe ajo që e pengon një individ të arrijë synimet e tij. Frika se mos bëni një gabim, se mos ndoshta nuk dini diçka. Lista e frikërave është e pafundme, por koha juaj jo.
Riçard Branson thotë: Nëse dikush ju ofron një mundësi të mahnitshme dhe nuk jeni të sigurt se mund ta bëni, thoni po, dhe mësoni më vonë se si ta realizoni. Dhe në fakt ka të drejtë. Mos lejoni që frika të kufizojë mundësinë tuaj për t’u rritur. Nëse zgjidhni të hiqni dorë nga frika që ju pengon, dhe të hidhni një hap përpara plot besim, atëherë në dispozicion do të keni mundësi të pafundme.
Mos lejoni që t’ju kontrollojnë mendimet e të tjerëve
Të gjithë kanë një mendim për dikë a diçka. Ju mund të keni edhe një mendim për mua nga artikujt që unë shkruaj. Sido që të jetë, është thelbësore të vendosni kufij të shëndetshëm me ata që ndodhen përreth jush, përfshirë personazhet pa fytyrë në mediat sociale në rast se jeni i ekspozuar në sytë e publikut.
Mësoni se opinionet që të tjerët kanë për ju, janë të ndërtuara mbi imazhin që ata kanë krijuar për ju në mendjet e tyre. Pra ju nuk mund të kontrolloni se çfarë mund të mendojë një individ për ju, por mund të kontrolloni opinionet që keni për veten tuaj!
Pra, ashtu si nuk do të pinit helm dhe ta lejonit atë në trupin tuaj, mos lejoni që mendimet negative të të tjerëve të depërtojnë në mendjen tuaj. Ju duhet të përqendroheni tek mendimi që keni mbi veten dhe atë gjë mund ta arrini.
Ju mund të arrini gjëra të mëdha vetëm nëse keni një sistem të fortë besimi. Një gjë është e sigurt, e doni apo urreni “Anna Delvey”, leksioni i vetëm që mund të nxirrni nga ky serial, është se si mund t’i realizoni qëllimet tuaja duke pasur një besim të fortë tek vetja dhe bindjet tuaja. / Filiz Behaettin (A2S) – Bota.al
Kuriozitete
Princesha Diana: Letra që zbulon sa e vetmuar ndihej në pallat
Published
19 hours agoon
June 2, 2025
Të gjitha objektet që tregojnë historinë e jetës së Princeshës Diana dhe ofrojnë informacion mbi familjen mbretërore britanike tani janë në ankand. Midis tyre është një letër e shkruar me dorë dy ditë pas dasmës së saj me Mbretin e ardhshëm Charles.
Ankandet Julien’s prezantojnë koleksionin e jashtëzakonshëm, “Stili i Princeshës Diana dhe një Koleksion Mbretëror”, me më shumë se 300 pjesë historike në një nga ankandet më të mëdha të artikujve që dikur i përkisnin Princeshës së ndjerë të Uellsit.
Së bashku me shumë artikuj të modës të paraqitur në ankand, i cili fillon më 26 qershor në The Peninsula Beverly Hills, ka edhe një artikull veçanërisht të veçantë. Koleksioni përfshin një letër të shkruar me dorë dhe të nënshkruar nga Princesha Diana drejtuar Mark Simpson, një punonjës i Pallatit Buckingham.
Letra mban datën 31 korrik 1981, vetëm dy ditë pas dasmës së saj me Princin e atëhershëm Charles.
“Kjo është një nga veprat e mia të preferuara”, thotë Martin Nolan, bashkëthemelues dhe drejtor ekzekutiv i Julien’s Auctions, për revistën PEOPLE gjatë një parapamjeje të artikujve të ankandit.
“Është disa ditë pas dasmës së saj.” “Ajo jetonte në Pallatin e Buckinghamit, ishte periudha kur po përshtatej nga jeta normale në jetë pallati”, tha Nolan.
“Kështu që ajo duhej të mësonte nga mbretëresha të përkulej dhe të gjitha këto.” Por, ajo po kalonte mirë me Mark Simpsonin.”Ata ishin pothuajse në të njëjtën moshë, ai ishte pak më i madh se ajo “, shton Nolan. “Në letër ajo flet për sa e vetmuar ishte kur ishte në pallat.”
Letra thotë: “I dashur Mark, doja vetëm të të falënderoja për gjithë mirësinë dhe durimin që më ke treguar që kur u zhvendosa në Pallatin e Buckinghamit. Qëndrimi im u bë shumë më i lehtë nga shoqëria jote, pasi ishte shumë e vetmuar dhe qeshëm aq shumë, saqë nuk mund të të falënderoj mjaftueshëm. Shpresoj se ke mundur ta shijosh të mërkurën dhe se të ka pëlqyer fustani im.”
Nesër do të nisem për në Britani, me të gjithë këta burra përreth. Duhet të kem kujdes nga Evelina! Lajmi i keq është se nuk kam ngrënë asnjë drithëra – më vjen keq. Si do t’ia dal pa tasat me drithëra? [fytyrë që qesh]. Një falënderim i madh që je vetvetja – Me shumë dashuri, Diana.”
Letra tregon se ditët e para të Dianës si princeshë nuk ishin aspak argëtuese.
Kuriozitete
Pse bllokohen veshët në avion? Ja si ta zgjidhni këtë problem
Published
6 days agoon
May 28, 2025
Nuk ka rëndësi se pse po e bëni udhëtimin e radhës! Mund të jenë pushimet, udhëtim pune apo çështje tjetër, me siguri që ka fenomen me të cilin jeni përballuar sa herë që keni bërë udhëtime të tilla: bllokimi i veshëve apo ajo që nga auditologët quhet “veshi i avionit”.
Ndryshe quhet “barotrauma e veshit”, veshi i avionit është zhurma e dhimbshme e veshit që ndodh kur avioni është në ngjitje ose zbritje. Nëse për disa persona kjo është një ndjesi irrituese, për të tjerë është shqetësim që zgjat edhe pas daljes nga avioni.
Për të shmangur fluturimet, auditologia Sarah Lundstrom shpjegon më shumë rreth këtij fenomeni.
Çfarë është “veshi i avionit”?
“Kjo ndodh kur “veshi mbyllet për shkak të ndryshimeve të presionit të ajrit gjatë fluturimit,” shpjegon mjekja Lundstrom. Lajmi i mirë është se ndërkohë që kjo gjendje krijon njëfarë shqetësimi, kjo nuk dëmton daullet e veshit tuaj.
Pse kumbojnë veshët në avion?
Arsyeja pse përjetoni dhimbje veshi gjatë udhëtimeve me avion është për shkak të ndryshimit të presionit të ajrit. “Kur ka një ndryshim në presionin e ajrit të jashtëm, kjo shkakton shtyrjen e daulles së veshit dhe mbylljen e tubit eustachian,” shton mjekja.
Si ta parandaloni si fenomen?
Sipas mjekes Lundstrom, mund të përtypni çamçakëz ose mbani karamele gjatë fluturimit për të ndihmuar në mbajtjen e “veshit të mesëm dhe tubit eustachian në lëvizje dhe të hapur”. Megjithatë, nëse nuk keni çamçakëz ose karamele me vete, mos u frikësoni.
“Gjatë fluturimit, gëlltisni diçka ose mbyllni hundën e të fryni ajrin për të nxitur tubit eustachian të hapet që të lehtësojë presionin,” përfundon Lundstrom.
Kuriozitete
NASA zbulon pasuri të pallogaritshme ari në thellësitë e oqeanit
Published
7 days agoon
May 27, 2025
Oqeanet mbajnë rezervat më të mëdha të arit në botë, por ato janë ende të paarritshme.
Një ekip shkencëtarësh të NASA-s ka zbuluar se oqeanet “mbajnë” rezervën më të madhe të arit, e cila vlerësohet në 20 milionë ton. Nxjerrja e metalit të çmuar që zotërojnë, sjell sfida për shkak të përqendrimit të tij të ulët në ujin e detit.
Sasia e raportuar ka tronditur botën, pasi tejkalon sasinë totale të arit të gjetur nga njeriu gjatë gjithë historisë së tij.
Teknologjia që i është vënë në dispozicion njerëzimit nuk lejon një mekanizëm minerar ekonomikisht të qëndrueshëm, uji i detit përmban metale që e bëjnë të vështirë ndarjen e arit. Ari i tretur nuk është i vetmi burim i vlefshëm që deti “ruan”.
Elemente tjera të rëndësishme që detet dhe oqeanet kanë janë depozitat e sulfurit hidrotermal. Këto janë depozita që janë më të arritshme sesa ari i tretur dhe mund të nxirren përmes minierave nënujore.
Minierat në det paraqesin rreziqe shkatërruese për ekosistemet detare, kjo rrezikon mijëra specie të reja, shkatërron shumë habitate detare dhe ndryshimi i zinxhirëve ushqimorë paraqet rreziqe të konsiderueshme.
Disa territore, si Papua Guinea e Re, filluan ta zbatojnë këtë praktikë. Debati mjedisor përqendrohet në ndikimet tragjike që aktivitetet minerare kanë në ekosistemet detare, duke lënë anash mundësitë ekonomike që j’u ofrojnë vendeve.
Mundësi reale që deti mund të na ofrojë burimet e tij më të vlefshme
Disa shkencëtarë mbajnë gjallë shpresën se zhvillimet teknologjike do të na lejojnë të arrijmë në zgjidhje të qëndrueshme në të ardhmen për shfrytëzimin e burimeve detare. Nuk është e pamundur që një ditë të shfaqen teknologji që do të lejojnë nxjerrjen e arit nga deti pa shkaktuar dëme të konsiderueshme në mjedisin detar.
Derisa të ndodhë kjo, ari vazhdon të fshihet në thellësitë e detit, madje edhe për vende si Spanja, me disa dete dhe oqeane që lagen në plazhet e saj, gjë që mund t’i sjellë vendit iberik miliona ose miliarda euro.
Thesari më i madh i njerëzimit qëndron i fshehur në det, e në të njëjtën kohë, Kina ka surprizuar me zbulimin e 230 miliardë ton ari të bardhë në shtratin e detit.
Kuriozitete
Kjo është anija më e madhe në botë në formë breshke që do të mbajë 60 mijë pasagjerë
Published
1 week agoon
May 25, 2025
Studioja italiane Lazzarini Design ka prezantuar një projekt të jashtëzakonshëm detar që po trondit botën e arkitekturës dhe teknologjisë detare: Pangeos, një anije në formë breshke, me përmasa gjigante.
Sipas CNN, kjo anije do të jetë më e madhja ndonjëherë e ndërtuar dhe do të ketë qendra tregtare, hotele, pishina, kopshte dhe deri në 60.000 pasagjerë.
Me një gjatësi prej 550 metrash e gjerësi maksimale prej 610 metrash, Pangeos nuk është mjet lundrimi, por qytet lundrues. Për ndërtimin e saj do të nevojitet një kantier i posaçëm prej 600 me 650 metra, ndërkohë që Arabia Saudite është përzgjedhur si vendi më i përshtatshëm për ndërtimin.
Kostoja totale e projektit parashikohet të arrijë në 8 miliardë euro, ndërtimi pritet të nisë sivjet duke kërkuar një periudhë prej 8 vitesh pune për t’u përfunduar. Financimi do të realizohet përmes teknologjisë NFT, shitjes së pasurive virtuale “Unreal Estates” në versionin digjital të jahtit në metaverse.
Përveç përmasave marramendëse, Pangeos do të jetë i pajisur me teknologjitë më moderne, përfshirë një mini-port të brendshëm, dritare panoramike rrëshqitëse dhe sistem hidroale, që e lejon të ngrihet mbi sipërfaqen e ujit dhe të lëvizë me shpejtësi, falë tre motorëve me hidrogjen.
“Që në vitin 1964 industria e kishte potencialin të ndërtonte struktura të tilla – tani është koha të realizohet”, thotë Lazzarini Design.

Panairi i 25-të i librit në Prishtinë, nis javën e ardhshme

Netflix gjen një tjetër hit britanik “Dept Q” – fansat e adhurojnë dhe kërkojnë sezonin e dytë

Hapet edicioni i dytë i Javës së Artit dhe Dizajnit në UBT

Lakra dhe brokoli zvogëlojnë rrezikun e kësaj sëmundjeje

Microsofti do të investojë 400 milionë dollarë në inteligjencën artificiale në Zvicër

Çfarë duhet të bëjmë kur ndihemi të lodhur?

Dardanët vazhdojnë përgatitjet për dy ndeshjet miqësore

Katër bajame në ditë, përfitime direkte në organizëm

WhatsApp-i përditëson opsionet e Statusit
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur