Kulturë

Vodhi mijëra dollarë nga elitat e Nju Jorkut, Anna Delvey zgjedh artin për të treguar historinë e saj

Ajo ishte dënuar për vjedhjen e 200 mijë dollarëve nga bankat dhe hotelet luksoze.

Published

4 years ago

on

Anna Delvey po vazhdon përpjekjet për të hequr etiketën “mashtruese” kur të përmendet emri i saj.

Pas popullaritetit të një shfaqjeje të artit “Free Anna” në Lower East Side në mars – që paraqiste punën e bërë nga ajo – Delvey po lanson ekspozitën e saj të parë personale, të titulluar “Allegedly”, në Hotel Public.

“Ky është një koleksion skicash që kam krijuar ndërsa isha në paraburgimin e ICE Orange County,” shpjegoi Delvey në një deklaratë për Page Six.

“Doja të kapja disa nga momentet e viteve të kaluara, të papara dhe ikonike, duke përdorur mjetet e kufizuara që kam në dispozicion. Disa nga pjesët janë të drejtpërdrejta, të tjerat janë më abstrakte dhe do të jenë unike në kuptim dhe pamje”.

Ajo vazhdoi, “Kam studiuar ilustrim të modës në Parsons në Paris, por nuk kam skicuar që atëherë dhe vetëm tani në këtë burg në veri të NY. Histori e gjatë – mos më pyet pse”. Ajo gjithashtu shtoi se ky është vetëm “fillimi që unë tregoj historinë time, narrativën time, nga këndvështrimi im”.

Delvey i shiti të drejtat e historisë së saj Netflix-it për serialin “Inventing Anna” për 320,000 dollarë.

Delvey u dënua për mashtrim për marrjen e rreth 200,000 dollarëve nga bankat dhe hotelet luksoze, ndërkohë që u përpoq të merrte një kredi prej 22 milionë dollarësh për të krijuar një klub elitar arti./UBTNews/

Related Topics:
Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

8 hours ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Prishtina organizon ngjarje për 250-vjetorin e SHBA-së, theksohet partneriteti Kosovë–SHBA

Published

11 hours ago

on

June 30, 2026

By

Kryetari i Komunës së Prishtinës, Përparim Rama, ka njoftuar organizimin e një ngjarjeje të veçantë nën patronatin e Kryeqytetit me rastin e 250-vjetorit të pavarësisë së Shteteve të Bashkuara të Amerikës.

Ngjarja, me titull “America and Kosova – A Freedom Story for the Next 250 Years”, do të mbahet më 2 korrik, duke filluar nga ora 10:00, në Emerald në Prishtinë.

Sipas Ramës, aktiviteti synon të vërë në pah partneritetin e veçantë ndërmjet Kosovës dhe SHBA-së, si dhe të trajtojë historinë e lirisë dhe miqësisë mes dy vendeve.

Ai ka theksuar se kjo ngjarje do të fokusohet në bashkëpunimin e vazhdueshëm që, sipas tij, ka kontribuar në ndërtimin e së ardhmes dhe forcimin e marrëdhënieve ndërmjet dy shteteve./A.K/

Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

12 hours ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

1 day ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Të kërkuara