Botë

Lavrov: Rusia do ndihmojë Afrikën të forcojë aftësitë luftarake ndaj kërcënimeve

Published

1 year ago

on

Ministri i Jashtëm rus Sergej Lavrov deklaroi në një konferencë shtypi se Rusia do të ndihmojë vendet afrikane në forcimin e aftësive të tyre luftarake për të luftuar forma të ndryshme të krimit dhe terrorizmit.

“Ne, në Rusi, do të vazhdojmë të kontribuojmë në përpjekjet e komunitetit global për të stabilizuar dhe zgjidhur konfliktet në kontinentin afrikan”, tha Lavrov.

“Rusia do të rrisë gjithashtu ndihmën e saj për vendet e rajonit në baza dypalëshe, e cila përfshin përmirësimin e efektivitetit luftarak të forcave të armatosura kombëtare, trajnimin e personelit ushtarak dhe forcimin e agjencive të sigurisë dhe zbatimit të ligjit. Kjo mbështetje synon të forcojë kapacitetin e partnerëve tanë afrikanë për të trajtuar sfida të tilla si terrorizmi, trafiku i drogës dhe krimi i organizuar në territoret e tyre.”

Në të njëjtën kohë, Lavrov nënvizoi përkushtimin e Rusisë ndaj parimit që kombet afrikane duhet të zgjidhin në mënyrë të pavarur konfliktet e tyre me mbështetjen e organizatave përkatëse kontinentale.

“Zgjidhjet e imponuara nga jashtë nuk çojnë kurrë në zgjidhje të qëndrueshme të krizave. Kjo është vërtetuar herë pas here dhe ne do të vazhdojmë të mbrojmë idenë se problemet afrikane kërkojnë zgjidhje afrikane,” theksoi Lavrov.

Related Topics:
Continue Reading

Lajmet

NASA: Dhjetëra mijëra ndërtesa të dëmtuara pas tërmeteve në Venezuelë

Published

1 hour ago

on

June 30, 2026

By

NASA ka vlerësuar se rreth 58,870 ndërtesa janë dëmtuar ose shkatërruar si pasojë e tërmeteve shkatërruese që goditën Venezuelën javën e kaluar, sipas një analize satelitore.

Vlerësimi bazohet në imazhe radar nga satelitët Sentinel-1 të Agjencisë Hapësinore Evropiane, të cilët përdoren për të identifikuar ndryshime në sipërfaqe dhe infrastrukturë pas fatkeqësive natyrore.

Sipas një deklarate, bëhet fjalë për një vlerësim paraprak të prodhuar brenda pak ditësh nga ngjarja dhe që tregon “ndryshim të menjëhershëm të sipërfaqes në përputhje me dëmet”.

Analiza është realizuar nga studiuesit Corey Scher dhe Jamon Van Den Hoek nga Universiteti i Oregonit. Autoritetet theksojnë se të dhënat ende nuk janë verifikuar në terren dhe duhet të konsiderohen vetëm si tregues fillestar.

Ndërkohë, Jorge Rodriguez, president i Asamblesë Kombëtare të Venezuelës, ka deklaruar se numri zyrtar i ndërtesave të dëmtuara ose të shembura është rreth 855, duke treguar një dallim të madh mes vlerësimeve satelitore dhe atyre të konfirmuara nga terreni./A.K/

Continue Reading

Lajmet

Shefi i OBSH-së për Evropën: Nxehtësia ekstreme të trajtohet si një krizë shëndetësore

Published

1 hour ago

on

June 30, 2026

By

Një valë e fortë të nxehti që ka prekur Evropën dhe ka marrë mijëra jetë ka ngritur shqetësime serioze për gatishmërinë e sistemeve shëndetësore përballë temperaturave ekstreme.

Temperaturat në disa pjesë të kontinentit kanë arritur deri në 40°C, duke shkaktuar rritje të ndjeshme të thirrjeve emergjente dhe shtim të pacientëve me probleme shëndetësore të lidhura me nxehtësinë, përfshirë goditjen nga nxehtësia, dehidratimin dhe komplikime të tjera, veçanërisht te të moshuarit dhe personat me sëmundje kronike.

Drejtori i Organizatës Botërore të Shëndetësisë për Evropën, Hans Kluge, ka bërë thirrje që nxehtësia ekstreme të trajtohet si krizë shëndetësore dhe që masat parandaluese të merren para arritjes së kulmit të temperaturave.

“Gatishmëria për nxehtësinë duhet të jetë funksionale: lirimi i shtretërve, mbrojtja e pacientëve me rrezik të lartë, sigurimi i ftohjes, kontrollimi i energjisë rezervë dhe mbështetja e punonjësve të shëndetësisë”, ka deklaruar ai në një postim në rrjetin social X.

Në Francë, spitalet kanë raportuar rritje katërfish të rasteve të lidhura me nxehtësinë, ndërsa në Mbretërinë e Bashkuar shërbimet emergjente kanë regjistruar numrin më të lartë të thirrjeve ndonjëherë, me mbi 8,800 intervenime brenda një dite.

Disa spitale të NHS-së janë detyruar të shpallin gjendje kritike për shkak të problemeve me sistemet e ftohjes, gjë që ka ndikuar në funksionimin e pajisjeve mjekësore dhe reparteve spitalore, duke rritur më tej presionin mbi shërbimet shëndetësore./A.K/

Continue Reading

Aktualitet

Mbi 1,700 të vdekur nga tërmetet në Venezuelë: Familjarët akuzojnë autoritetet për neglizhencë në kërkim-shpëtim

Published

3 hours ago

on

June 30, 2026

By

Venezuela po përballet me pasojat e asaj që Presidentja e përkohshme, Delcy Rodríguez, e ka cilësuar si “katastrofën natyrore më brutale” në historinë e vendit. Dy tërmete të njëpasnjëshme, që goditën javën e kaluar, kanë lënë të vdekur të paktën 1,700 persona, ndërsa qyteti bregdetar La Guaira mbetet një nga zonat më të shkatërruara.

Në këtë qytet, skenat e ankthit përsëriten çdo ditë. Pranë rrënojave të një ndërtese 12-katëshe, ekipet e shpëtimit nga Venezuela dhe Kolumbia bëjnë thirrje për heshtje totale, duke fikur makineritë në përpjekje për të dëgjuar ndonjë shenjë jete nën pllakat e betonit. Megjithatë, për shumë familjarë që presin buzë rrugës, shpresa po zbehet nga zemërimi ndaj reagimit të ngadaltë të qeverisë.

Familjarët e personave të bllokuar thonë se janë humbur ditë të çmueshme përpara se të niste operacioni zyrtar i shpëtimit. Fillimisht, ishin vetëm banorët e zonës ata që gërmonin me duar, ndërsa policia vetëm vëzhgonte pa ndihmuar. Shumë prindër, si Miguel Oscar Nunez, djaloshi 34-vjeçar i të cilit ndodhet nën rrënoja, i frikësohen faktit se vonesat e autoriteteve mund t’u kushtojnë jetën të afërmve të tyre.

Ndërkohë, në pjesë të tjera të shtetit La Guaira, ekipet e shpëtimit dhe makineritë nuk kanë mbërritur ende, duke i lënë banorët krejtësisht të vetëm në kërkim të familjarëve.

Më poshtë janë dëshmitë prekëse të prindërve që po kërkojnë fëmijët e tyre mes rrënojave dhe spitaleve:

“Djali im, ashtu si qindra të tjerë, është i bllokuar nën rrënoja. Kemi nevojë urgjente për më shumë mbështetje nga autoritetet për t’i nxjerrë. Ka mundësi që tërmeti të mos e ketë mbytur, por a e imagjinoni dot nëse ai vdes për shkak të neglizhencës së autoriteteve? Nuk e kam humbur shpresën, por ndihem i shkatërruar. Ligji i natyrës është që babai të vdesë para djalit.”

Miguel Oscar Nunez, prind i një djalit 34-vjeçar të bllokuar në rrënoja. “Operacioni i shpëtimit ka filluar shumë vonë dhe ka qenë i ngadaltë. Përgjigja e qeverisë ka qenë frustruese dhe na ka lënë të pafuqishëm.”

Kevin Montilla, shtëpia e të cilit u shkatërrua teksa gruaja dhe vajza e tij 16-vjeçare ndodheshin brenda. “Nuk kam ndihmë nga askush. Asnjë makineri apo shpëtimtar nuk është dërguar për të gërmuar në rrënoja. Është sikur të jesh lënë krejtësisht vetëm për të gjetur njerëzit e tu të dashur. Vajzat e mia ishin të qeta, vajza që mësonin. Thjesht i dua ato mbrapsht me çdo kusht.”

Deilisbeth Herreira, nënë vetëushqyese që po kërkon nëpër spitale dhe rrënoja dy vajzat e saj, 12 dhe 13 vjeçe. /BBC/ /E.A/

Continue Reading

Lajmet

Të shtëna me armë në Gjermani, të paktën pesë persona humbin jetën

Published

20 hours ago

on

June 29, 2026

By

Të paktën pesë persona janë vrarë si pasojë e të shtënave me armë në qytetin Stade, në veri të Gjermanisë.

Një zëdhënës i policisë konfirmoi se një person është arrestuar në lidhje me rastin, por nuk dha detaje të tjera mbi identitetin e të dyshuarit apo numrin e saktë të viktimave.

Policia e Lüneburgut u ka bërë thirrje qytetarëve që të shmangin zonën, ndërsa hetimet për zbardhjen e rrethanave të ngjarjes janë në zhvillim.

Autoritetet nuk kanë dhënë ende informacione për motivin e sulmit, ndërsa një numër i madh i ekipeve të emergjencës vazhdojnë të jenë të angazhuara në vendin e ngjarjes./A.K/

Continue Reading

Të kërkuara