Lajmet

Largohen mjetet shpërthyese në një pjesë të Gjakovës

Published

4 years ago

July 15, 2021

UBT news

Ekipet specialistike të deminimit të FSK-së dhe KFOR-it, kanë kryer një operacion të përbashkët për eliminimin e mjeteve shpërthyese në ish-stacionin e derivateve “Marash Petrol” Gjakovë.

Ekipet specialistike të deminimit, materjeve të rrezikëshme dhe zjarrëfikësit e Forcës së Sigurisë së Kosovës, në koordinim me ekipet e deminimit të KFOR-it të mbështetura nga institucioneve vendore Policia e Kosovës (PK),Komuna e Gjakovës, Agjencia për Menaxhimin e Emergjencave (AME),Ministria e Mjedisit dhe Planifikimit Hapësinor dhe Infrastrukturës (MMPHI), Agjensioni i Kosovës për Mbrojtje nga Rrezatimi dhe Siguri Bërthamore (AKMRRSB).

Sipas komunikatës, nga data 23.06.2021 janë duke realizuar operacionin e pastrimit të hapësirave të ish-stacionit të derivateve “Marash Petrol” në komunën e Gjakovës, operacion ky që ka për qëllim largimin e mjeteve shpërthyese të mbetura nga koha e luftës në Kosovë, kontrollin për materie të rrezikshme për shëndetin e njeriut dhe eliminimin e të gjitha rreziqeve për banorët e këtij lokaliteti.

Lajmet

Një i lënduar nga aksidenti në autostradën Prishtinë-Prizren

Published

12 minutes ago

October 17, 2025

UBTnews

E përditësuar:

Një aksident i rëndë trafiku ka ndodhur sot në orët e mëngjesit në autostradën Prishtinë-Prizren.

Sipas policisë të përfshira ishin dy automjete, teksa një person ka kërkuar ndihmë mjekësore.

“Rreth orës 08:05, policia është njoftuar për një aksident trafiku. Njësia e trafikut (autostradës), njofton se në autostradën për Shqipëri, drejtimi Prishtinë-Prizren (km i 25), ka ndodhur aksident trafiku ku të përfshira kanë qenë dy automjete. Si pasojë e aksidentit, një person ka kërkuar ndihmë mjekësore”, thuhet në përgjigjje./KP

Lajmet

Përfundon numërimi i votave në Fushë Kosovë

Published

22 minutes ago

October 17, 2025

UBTnews

Procesi i numërimit të votave në QKN nga KQZ është drejt përfundimit.

Në Fushë Kosovë janë numëruar 100% të votave të teksa garën për kryetar e prin Valon Prebreza nga LVV me 45.12% i pasuar nga Besnik Osmani nga LDK me 36.62% me të cilin do të jetë në balotazh.

Ndërkohë edhe në numërimet e votave për Kuvend Komunal të Fushë Kosovës prin LVV me 33.97% e pasuar nga LDK me 29.10% dhe PDK me 20.01%./KP

Lajmet

Dyshohet se dhunoi një vajzë të mitur, arrestohet burri në Malishevë

Published

28 minutes ago

October 17, 2025

UBTnews

Një vajzë e mitur dyshohet të jetë dhunuar në Malishevë dy ditë më parë. Për këtë policia ka njoftuar se tashmë ka arrestuar të dyshuarin.

Sipas raportit 24 orësh të Policisë së Kosovës, i dyshuari me vendim të prokurorit është dërguar në mbajtje.

“Më 16.10.2025 është arrestuar i dyshuari mashkull kosovar, për shkak të dyshimit se ka kryer veprën e lart-cekur ndaj viktimës së mitur femër. I dyshuari me vendim të prokurorit është dërguar në mbajtje”, thuhet në raportin e Policisë.

Lajmet

Klinë, pas mosmarrëveshjes verbale i dyshuari sulmon fizikisht motrën

Published

43 minutes ago

October 17, 2025

UBTnews

Një rast i dhunës në familje ka ndodhur dje në Klinë.

Sipas raportit të policisë, një person ka sulmuar fizikisht motrën e tij pas një mosmarrëveshje paraprake, transmeton KosovaPress.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

“Klinë 16.10.2025, 17:00. Është arrestuar i dyshuari mashkull kosovar, pasi që i njëjti pas një mosmarrëveshje e kishte sulmuar fizikisht motrën e tij. Viktima ka pranuar tretman mjekësor, ndërsa i dyshuari pas intervistimit me vendim të prokurorit është dërguar në mbajtje”, thuhet në raportin e Policisë së Kosovës.