Kulturë

Kylie pretendon se u kërcënua nga Blac Chyna dhe se ajo u përpoq të vriste vëllaun e saj

Themeluesja e Kylie Cosmetics foli të hënën gjatë betejës gjyqësore në vazhdim me Blac Chyna.

Published

4 years ago

on

Kylie Jenner ka pretenduar se Blac Chyna e kishte kërcënuar atë me mesazhe, dhe se e njëjta ishte përpjekur të vriste vëllaun e saj, Rob Kardashian.

Themeluesja e Kylie Cosmetics foli të hënën gjatë betejës gjyqësore në vazhdim me Blac Chyna, duke dëshmuar se ajo kujton se e pa vëllain e saj menjëherë pas përleshjes së tij me Chyna në dhjetor të vitit 2016, ku ai pretendoi se Chyna e kishte kërcënuar me armë.

“Ai përdori fjalët: “Ajo po përpiqej të më vriste mua”, tha Jenner në një gjykatë në Los Anxhelos.

Ajo tha se vëllai i saj i tha se po luante videolojëra kur Chyna shkoi pas tij dhe i vendosi një kabllo të iPhone rreth qafës.

Jenner – e cila më parë ishte në lidhje me Tyga-n që është ish i dashuri i Chyna-s – gjithashtu dëshmoi se dikur kujton se u zgjua me mesazhe kërcënuese nga Chyna.

“Ajo më dërgoi një disa emoji djalli dhe më tha se, ‘po numëronte ditët’ për të më rrahur”, dëshmoi Jenner.

Kur u pyet nga avokatja e Chyna-s, Lynne Ciani, pse ajo nuk i raportoi kërcënimet në polici, Jenner u përgjigj: “Unë e mora atë si një kërcënim bosh”.

Ajo shtoi se Tyga i tha se Chyna kishte probleme me drogën dhe alkoolin dhe gjithashtu i tregoi asaj për një incident kur Chyna dyshohet se përdori një thikë dhe e preu atë në krah.

“Unë supozova se ajo ndoshta ishte nën ndikimin e drogës”, tha Jenner, kur u pyet përsëri pse nuk i raportoi tekstet kërcënuese tek autoritetet.

Gjatë dëshmisë së saj, Jenner pranoi se ishte pak e mërzitur kur mësoi në internet se vëllau i saj u fejua me Chyna-n.

“Unë në fakt isha e lumtur për vëllain tim, por në të njëjtën kohë isha kurioze se si do të shkonin gjërat me Chyna-n” tha ajo. “Unë në fakt doja të isha në raporte të mira me Chyna-n. Kalova shumë kohë me djalin e saj. Pavarësisht gjithçkaje, doja që të funksiononte me vëllain tim”.

Jenner shtoi se nuk mendonte se Chyna e donte vërtet vëllanë e saj për shkak të kërcënimeve fizike që sipas saj, Chyna ia kishte bërë vëllaut të saj.

“Unë thjesht nuk e di se si mund ta duash dikë dhe t’ia bësh atë”, tha Jenner, duke iu referuar sherrit të dhjetorit të vitit 2016. “Kështu që mendova se ishte fallco”./UBTNews/

Related Topics:
Continue Reading

Kulturë

Bukuritë e egra të Kosovës sjellin artin e Arian Mavriqit në rezidencën diplomatike

Published

2 days ago

on

December 5, 2025

By

Ambasadori Jonathan Hargreaves organizoi në rezidencën e tij një ekspozitë fotografike kushtuar punës së fotografit të natyrës, Arian Mavriqi.

Ekspozita paraqiti një panoramë të pasur të florës dhe faunës së Kosovës, ndërsa Mavriqi rrëfeu historitë pas çdo fotografie.

Ngjarja shërbeu gjithashtu si platformë për të diskutuar rëndësinë e mbrojtjes së natyrës dhe për të shkëmbyer ide me ekspertë të trashëgimisë natyrore.

  Ambasadori Hargreaves theksoi se natyra mbetet një nga pasuritë më të mëdha të Kosovës, me potencial të konsiderueshëm ekonomik, shëndetësor dhe mjedisor—potencial që mund të shfrytëzohet vetëm përmes ruajtjes dhe planifikimit të qëndrueshëm. /A.Z/UBT News/

 

 

 

Continue Reading

Kulturë

Grigor Ylli solli tingujt e rinisë në koncertin e Prishtinës

Published

2 days ago

on

December 5, 2025

By

Në kuadër të “Vihuela Guitar Festival”, kitaristi Grigor Ylli sollii në virtuozitetin e brezit të ri që po ngjitet me shpejtësi në skenat ndërkombëtare, duke dëshmuar se arti i interpretimit solistik vazhdon të rilindë përmes fytyrave të reja.

Ky festival, që nga themelimi i kushton një mbrëmje të veçantë talentëve të rinj, synon të nxjerrë në pah muzikantët që po formësojnë të ardhmen e kitarës klasike në rajon dhe në botë.

Grigor Ylli, është kitarist shqiptar i lindur më  2003 dhe aktualisht student në Conservatory of Music, Oberlin College (SHBA), nën udhëheqjen e prof. Stephen Aron. Ai është formuar në Shqipëri dhe Greqi me pedagogë të njohur si Viktor Cani, Admir Doçi, Stefanos Soulinakis dhe Fotis Koutsothodoros, dhe ka diplomuar në Synchrono Odeio në Selanik.

Grigor është fitues i çmimeve ndërkombëtare, duke përfshirë Grand Prix në Tirana International Guitar Competition (2016) dhe Çmimin e Veçantë për Talent të Jashtëzakonshëm në Forum Gitarre Wien (2017).

Në vitin 2021 mori Çmimin e Dytë në Konkursin Panhelenik të Muzikës “Tasos Pappas” dhe është finalist i vetëm në instrumentin e kitarës në përzgjedhjen për Eurovision Young Musicians për Shqipërinë.

Ai ka performuar si solist dhe me orkestër në Greqi, Itali, Austri, Shqipëri dhe Kosovë. /A.Z/UBT News/

Continue Reading

Kulturë

Në Tiranë promovohet “Libri im i kujtimeve” i Rafet Rudit

Published

2 days ago

on

December 5, 2025

By

Në kuadër të Javës Kombëtare të Kulturës, në Tiranë u promovua libri “Libri im i kujtimeve” i kompozitorit, dirigjentit dhe muzikologut të njohur Rafet Rudi, me pjesëmarrjen e personaliteteve të shumta nga fusha akademike dhe artistike.

Ceremonia u hap me fjalën e Kryetarit të Akademisë së Shkencave të Shqipërisë, Skënder Gjinushi, e dorëzoi çmimin “Nderi i Akademisë”.

Vlerësimi u shoqërua me një motivacion të detajuar, ku theksohej kontributi i jashtëzakonshëm i tij në muzikën mbarëshqiptare, roli i rëndësishëm në jetën kulturore që nga vitet ’70, si dhe angazhimi i tij në forcimin e bashkëpunimeve mes Kosovës dhe Shqipërisë.

Rudi u përshkrua si figurë kyçe në interpretimin e veprave të kompozitorëve shqiptarë në skenat ndërkombëtare, si mbështetës i brezave të rinj dhe si themelues i festivalit prestigjioz muzikor ReMusica.

Në panel morën fjalën muzikologia Prof. Zana Shuteriqi, kompozitori dhe nënkryetari i Akademisë së Shkencave Prof. Vasil S. Tole, muzikologia Prof. Rreze Kryeziu dhe ushtruesi i detyrës së drejtorit të Filharmonisë së Kosovës, Dardan Selimaj.

Gjatë aktivitetit u interpretua  vepra “Preludium – Këmbanat Arbëreshe” nga pianistja Ardita Bufaj, duke i dhënë promovimit një dimension artistik të veçantë. Ngjarja u organizua në kuadër të Javës Kombëtare të Kulturës, me mbështetjen e Akademisë së Shkencave të Shqipërisë.

Java Kombëtare e Kulturës mbyllet sot me koncertin e ansamblit “Zánat”, që zhvillohet nga ora 19:00 në Hollin Koncertor të TKOB-it. /A.Z/UBT News/

Continue Reading

Kulturë

Armata prezanton filmat më të mirë evropianë të metrazhit të gjatë

Published

3 days ago

on

December 4, 2025

By

Armata i është bashkuar edhe këtë vit iniciativës për promovimin e filmave evropianë, në kuadër të partneritetit me @europeanfilmacademy.

Nga nëntori deri në janar, do të shfaqen filma të metrazhit të gjatë evropian, si pjesë e European Award Season dhe Lux Audience Award.

Filmi i radhës që do të prezantohet është “Jeanne Dielman, 23 quai du Commerce, 1080 Bruxelles” i regjisores Chantal Akerman, i vitit 1976. Shfaqja është planifikuar për më 10 dhjetor, duke filluar nga ora 19:00.

Ky film ndjek tre ditë nga jeta e përditshme e Jeanne Dielman, një gruaje të ve, që jeton me djalin e saj adoleshent në Bruksel.

Me një ritëm të ngadaltë dhe rigoroz, filmi dokumenton rutinën e saj të shtëpisë: gatimin, pastrimin, pazarin dhe ritualet e përditshme.

Për të përballuar financat, Jeanne pranon klientë në shtëpi dhe kryen marrëdhënie seksuale kundrejt pagesës.

Me kalimin e ditëve, një çarje e ngadaltë fillon të shfaqet në rutinën e saj perfekte, dhe veprime të vogla jashtë zakonshmërisë tregojnë shpërbërjen e kontrollit të saj emocional. Kulmi i tensionit shpërthen në një akt të papritur që prish qetësinë e saj të jashtme.

Filmi trajton tema të rëndësishme si puna e papaguar e grave, monotoninë urbane, presionin social mbi feminitetin dhe izolimin psikologjik. Në vitin 2022, revista Sight & Sound e renditi këtë film në vendin e parë të listës së 100 filmave më të mirë të të gjitha kohërave.

Chantal Akerman (1950–2015) ishte regjisore, skenariste dhe artiste belge, një nga zërat më të rëndësishëm të kinemasë eksperimentale.

E lindur në Bruksel në një familje hebreje polake, ku nëna e saj ishte mbijetuar e Auschwitz-it, kjo përvojë ndikoi në temat e shumë filmave të saj, duke përfshirë motivet e traumës, shtegtimit dhe identitetit. /A.Z/UBT News/

Continue Reading

Të kërkuara