Vendi

Kurti viziton Hendikos-in, premton mbështetje dhe qasje të barabartë

Ai poashtu listoi disa nga mundësitë që u janë ofruar personave me aftësi të kufizuara gjatë qeverisjes së tij.

Publikuar

Në Ditën Ndërkombëtare të Personave me Aftësi të Kufizuara në Kosovë kryeministri i Kosovës, Albin Kurti ka vizituar shoqatën “Hendikos” me ç’ rast ofroi mbështetje për personat me aftësi të kufizuara në Kosovë.

Sipas tij çdo vit tjetër pas vitit 2022 i cili ishte shpallur si vit i personave me aftësi të kufizuara do të jetë vit më i mirë sa i përket qasjes së barabartë për këta persona.

“Ne e kemi shpallur vitin 2022 si vit i personave me aftësi të kufizuara por nuk e kemi këtë vit të tillë që vitin tjetër të jetë më i dobët për nga mbështetja, por përkundrazi e kemi shpallur këtë vit, vit të personave me aftësi të kufizuara që nga ky vit çdo vit të jetë më i mirë sa i përket qasjes së barabartë dhe mundësive për të gjithë juve”, theksoi ai.

Kryeministri i Kosovës teksa listoi disa nga mundësitë që u janë ofruar gjatë qeverisjes së tij, përmendi se Projektligji për vlerësimin, njohjen e statusit për fitime dhe shërbimet për personat me aftësi të kufizuara është në kabinetit e ministritë të Financave.

Kurti theksoi rëndësinë që personat me aftësi të kufizuara të jenë qytetarë që marrin shërbime sa më cilësore e profesionale.

“Projektligji për vlerësimin, njohjen e statusit për fitime dhe shërbimet për personat me aftësi të kufizuara është në kabinetit e ministritë të Financave, Punës dhe Transfereve, Hekuran Muratit është në shqyrtim dhe për çdo zhvillim ne do t’iu mbajmë të informuar dhe jemi të interesuar të ecim sa më shpejt, tjera ne i kemi iniciuar si kryeministri procesin e amandamentitmit të Kushtetutës së Kosovës për përfshirjen e Konventës së Kombeve të Bashkuara për të drejtat e personave me aftësi të kufizuara në Kushtetutën e Kosovës përkatësisht neni 21, pra një e drejtë që është ndërkombëtarisht e njohur të normohet dhe me Kushtetutën e Kosovës. Mandej, një prej arritjeve është edhe për personat e verbër inicimi i procesit të sintezës lokale në gjuhën shqipe… Në kuadër të kalendarit për vitin 2022 MAShTI ka punësuar 100 asistentë në shkolla në gjithë vendin për fëmijët me nevoja të veçanta, dhe kemi ndarë buxhet për 500 sosh për vitin 2023, e kemi pesëfishuar numrin e asistentëve për personat me aftësi të kufizuar”, theksoi ai.

Ndërsa, drejtori i HENDIKOS-it, Afrim Maliqi teksa tha se ka disa të arritura gjatë këtij viti ai shpalosi edhe disa nga sfidat kryesore që mbesin për komunitet në shoqërinë tonë.

Maliqi tha se vetëm 12% e fëmijëve me aftësi të kufizuara janë të përfshirë në sistemin arsimor, ndërsa 88% janë jashtë sistemit.

“Ka të arritura, ka progres e kemi mirëpritur shumë vendimin për punësimin e personave me aftësi të kufizuara, e kemi mirëpritur shumë rritjen e numrit të asistentëve për fëmijët me aftësi të kufizuara….08’14Vetëm 12% e fëmijëve me aftësi të kufizuara janë të përfshirë në sistemin arsimor, ndërsa mbesin 88% jashtë sistemit arsimor, kjo ka arsye të shumta duke filluar nga shëndeti, shërbimet e duhura shëndetësore që ende nuk ofrohen në vendin tonë për lloje, diagnostikim dhe çështje tjera që duhet bëjnë ku detyrohen të kërkojnë edhe jashtë vendit, këtu hynë edhe themelimi i njësisë spinale që nuk është bërë ende në këtë vit, mbetet sfidë qasja e cila ende mohon lëvizjen e lirë të qytetarëve me aftësi të kufizuara”, u shpreh Maliqi.

Kujtojmë që qeveria e Kosovës me vendim e ka shpallur vitin 2022 si vit i personave me aftësi të kufizuara.

Lajmet

Kosova e Serbia sot duhet t’i dorëzojnë komentet mbi planin e sekuencimit

Publikuar

nga

Qeveria e Kosovës pritet që deri sot ti dorëzojë në Bruksel komentet mbi dokumentin e planit të sekuencimit të marrëveshjes për normalizim të marrëdhënieve me Serbinë.

Nga Qeveria thanë se do t’i përgjigjen kërkesës së ndërmjetësve evropianë porse për zbatim të marrëveshjes duhet e njëjta qasje edhe nga pala tjetër. Qeveria e Republikës së Kosovës do t’i dorëzojë komentet e saj me shkrim mbi dokumentin e planit të sekuencimit, brenda kohës së paraparë, pra 18 korrikut, sipas kërkesës së emisarit Lajçak.

“Në vazhdimësi, përgjatë vitit të kaluar dhe këtij viti, pala jonë ka paraqitur propozime konkrete dhe komente për secilën pikë, të versioneve të planit të sekuencimit, duke dëshmuar konstruktivitetin, si dhe gatishmërinë e vullnetin për zbatim të marrëveshjeve. Që marrëveshjet të zbatohen në plotni, duhet po e njëjta qasje dhe nga pala tjetër, gjë e cila deri më tash, fatkeqësisht ka munguar”, thonë nga Qeveria.

Njohës të çështjeve politike vlerësojnë se këto komente nuk do ta ndryshojnë fort rrjedhën e dialogut, duke pasur parasysh qasjen e palës serbe.

“Nuk pres asgjë nga këto komente sepse nuk besoj që pala serbe është e gatshme t’i nënshtrohet një sekuencimi të zbatimit të marrëveshjes dhe BE-ja nuk i ka mekanizmat e imponimit që marrëveshja të zbatohet dhe ata që nuk e zbatojnë, çfarë masa do të ketë ndaj tyre”, ka thënë për RTK-në analisti Dritëro Arifi. Sipas tij, dialogu nuk do të prodhojë asnjë rezultat konkret nëse nuk shtohet presioni ndaj palës serbe e cila vazhdimisht ka shkelur marrëveshjen.

“Duke parë presionin që duhet t’i bëhet palës serbe, sepse ajo është që po refuzon cdo gjë, pres që rezultati të jetë zero. Në asnjë mënyrë nuk pres ndonjë levizje konkrete apo serioze në atë drejtim”, ka shtuar Arifi.

Në takimin e fundit në Bruksel nuk ka pasur ndonjë përparim në zbatimin e Marrëveshjes.

Vazhdo të lexosh

Lajmet

Lëvizshmëria Ushtarake në Korridorin VIII: Shqipëria,Italia, Bullgaria, Maqedonia e Veriut nënshkruajnë dokumentin

Publikuar

nga

Ministri i Mbrojtjes, Niko Peleshi nënshkroi gjatë punimeve të Samitit të NATO-s në Uashington, Letrën e Qëllimit për sigurimin e Lëvizshmërisë Ushtarake përgjatë Korridorit VIII Pan-Europian, me homologët e tij të Italisë, Bullgarisë dhe Maqedonisë së Veriut.

Përmes këtij dokumenti, shtetet angazhohen të marrin të gjitha masat e duhura për të siguruar maksimumin e fleksibilitetit të lëvizshmërinë ushtarake në territoret e tyre në mbështetje të implementimit të agjendës së NATO-s për shkurajimin dhe mbrojtjen në zonën euro-atlantike.

Një angazhim i tillë do të shërbejë jo vetëm për misionet NATO, por edhe ato në kuadër të Bashkimit Europian. Në thelb ky dokument i firmosur nga ministri Niko Peleshi, ministri italian i Mbrojtjes Guido Crosetto, ministri bullgar i Mbrojtjes Atanas Zaprianov dhe ministri i Mbrojtjes së Maqedonisë së Veriut Vlado Misajlovski, u jep mundësi trupave ushtarake NATO-s të zhvendosen shpejt dhe lirshëm nga Deti Adriatik në Detin e Zi si dhe të depërtojnë në thellësi të Ballkanit, nëse do të jetë e nevojshme.

Ideja për të pasur një dokument të tillë, i cili do të garantojë lëvizshmërinë përgjatë vendeve që preken nga Korridori VIII Pan-Europian është propozuar nga Shqipëria, e cila drejtoi të gjithë procesin e negocimit dhe koordinimit. Italia, Bullgaria dhe Maqedonia e Veriut, përgjatë të gjithë procesit ndër vepruan dhe u angazhuan për ta finalizuar këtë nismë gjatë punimeve të Samitit të Uashingtonit.

Nënshkrimi i Letrës së Qëllimit vjen në mbështetje të vizionit që Shqipëria ka për Korridorin VIII si edhe të master-projektit për ndërtimin e Bazës Detare NATO në Porto Romano, që do të shërbejë si porta kryesore hyrëse në Ballkanin Perëndimor dhe më tej, në Detin e Zi, shkruan RTSH.

Letra e Qëllimit do të rrisë vizibilitetin e projekteve të përbashkëta si dhe rëndësinë gjeostrategjike të tyre për të gjithë rajonin./UBTNews/

Vazhdo të lexosh

Lajmet

Shqipëria rrit kapacitetet ushtarake me armë të reja dhe modernizim sistemesh

Publikuar

nga

Qeveria shqiptare ka dërguar për miratim në Kuvend dy dokumente të rëndësishme për forcën e armatosur të vendit. Këto dokumente përfshijnë “Planin afatgjatë të zhvillimit të forcave të armatosura 2024-2033” dhe “Strategjinë ushtarake të Republikës së Shqipërisë”.

Sipas këtyre planeve, numri i personelit aktiv të Forcave të Armatosura do të jetë 8500 pjesëtarë aktivë dhe 2100 rezervistë, me mundësinë për rritje në rast të kërkesave të rrethanave të sigurisë.

Forcat e Armatosura kanë planifikuar të sigurojnë dhe rrisin kapacitetet e tyre operacionale përmes modernizimit të sistemeve dhe pajisjeve të tyre. Kjo modernizim synon të garantojë mbrojtjen kombëtare dhe të përmbushë detyrimet në kuadër të mbrojtjes kolektive, raporton Scan Tv.

Prioritetet e këtij programi përfshijnë modernizimin e sistemeve të mbrojtjes kundër dronëve, sistemeve të mbrojtjes ajrore me rreze të shkurtër veprimi, si dhe sistemeve të mbrojtjes me rreze të mesme veprimi. Po ashtu, është planifikuar modernizimi i Bazës Ajrore të NATO-s në Kuçovë, duke përfshirë sisteme të kontrollit dhe komunikimit.

Në kuadër të Strategjisë Ushtarake të Republikës së Shqipërisë, është theksuar që buxheti i Mbrojtjes do të jetë jo më pak se dy për qind i Prodhimit të Brendshëm Bruto (PBB). Gjithashtu, shpenzimet për investime dhe pajisje të armatimeve do të jenë në 20 për qind të këtij buxheti, në përputhje me detyrimet dhe vendimet e marrë në samitë e NATO-s në Vilnius 2023 dhe Uells 2014.

Këto masa dhe strategji shërbejnë për të rritur efikasitetin dhe kapacitetet e Forcave të Armatosura të Shqipërisë në mbrojtje dhe për të kontribuar në përshtatjen me standardet dhe detyrimet ndërkombëtare të aleancës së NATO-s./UBTNews/

Vazhdo të lexosh

Lajmet

BE: Serbia nuk mund të bëhet anëtare pa normalizimin e raporteve me Kosovën

Publikuar

nga

Serbia nuk mund të bëhet anëtare e Bashkimit Evropian pa normalizimin e raporteve të saj me Kosovën, tha për Radion Evropa e Lirë, zëdhënësi i BE-së, Peter Stano.

“Marrëveshja e Ohrit aktualisht e bën këtë shumë të qartë: Nëse nuk ka progres në normalizim, nuk do të ketë progres në negociatat e anëtarësimit”, shtoi ai.

Kjo deklaratë erdhi pasi ambasadori amerikan në Beograd, Christopher Hill, në një intervistë për edicionin e 13 qershorit të së përjavshmes NIN nga Beogradi, tha se njohja formale e Kosovës nuk do të jetë kusht për hyrjen e Serbisë në BE.

Bashkimi Evropian, megjithatë, nuk është shprehur qartë nëse njohja formale e Kosovës do të jetë kusht për Serbinë për t’u anëtarësuar në Bashkimin Evropian, dhe Stano përsëriti se “qëndrimi i bllokut rreth kësaj çështjeje mbetet i pandryshuar”.

“Qëndrimi i BE-së rreth kësaj nuk ka ndryshuar dhe mbetet i njëjti, siç është thënë në të kaluarën dhe siç është cekur në kriteret e anëtarësimit”, tha Stano.

Prej se Kosova e shpalli pavarësinë, 15 vjet më parë, Bashkimi Evropian është shprehur vazhdimisht se çështja e njohjes së Kosovës është një çështje në kompetencë të vendeve anëtare të BE-së dhe, si bllok evropian, ka mbajtur një qëndrim neutral ndaj statusit të Kosovës.

Por, në anën tjetër, Kosova ka raporte të veçanta kontraktuale me Bashkimin Evropian, përmes Marrëveshjes së Stabilizim Asocimit, ndërsa në procesin e negociatave të anëtarësimit të Serbisë në BE nuk përfshihet territori i Kosovës.

Në BE gjithmonë kanë ngulur këmbë që të përdorin normalizimin e plotë të marrëdhënieve me Kosovën si kusht për Serbinë. Interpretimin se a nënkupton “normalizimi i plotë” edhe njohjen formale të Kosovës nga Serbia, në BE ua kanë lënë palëve ta interpretojnë vetë.

Një zyrtar i BE-së, duke rikujtuar edhe ndryshimet në kornizën e negociatave të anëtarësimit të Serbisë në BE, ku në kapitullin 35 është përfshirë si kusht edhe normalizimi i raporteve me Kosovën, ka thënë se pa këtë normalizim, Serbia nuk mund të bëhet anëtare e BE-së.

Njëkohësisht, BE-ja ka thënë se lobimi i Serbisë kundër anëtarësimit të Kosovës në organizatat ndërkombëtare përben shkelje “të qartë” të Marrëveshjes së Brukselit për normalizimin e marrëdhënieve mes dy vendeve fqinje.

“Marrëveshja për rrugën drejt normalizimit është e vlefshme dhe plotësisht detyruese për të dyja: Kosovën dhe Serbinë. Kjo përfshinë edhe Nenin 4. Lobimi i Serbisë kundër Kosovës është shkelje e qartë e kësaj marrëveshje”, tha zëdhënësi i BE-së, Peter Stano, për Radion Evropa e Lirë.

Nën ndërmjetësimin e BE-së, Kosova dhe Serbia më 2023 arritën Marrëveshjen drejt normalizimit të marrëdhënieve. Më vonë ajo u bë e njohur si Marrëveshja e Ohrit, por edhe kjo ka mbetur kryesisht e pazbatuar.

Serbia loboi kundër anëtarësimit të Kosovës në Këshillin e Evropës në maj, i cili përfundimisht vendosi të mos e fuste fare në agjendë kërkesën e Prishtinës për anëtarësim, pavarësisht se ajo i kaloi dy prej tri fazave të nevojshme, shkruan REL.

Vazhdo të lexosh

Të kërkuara