Lajmet

Kurti: Të mos favorizohet stabiliteti politik kundrejt reformave demokratike

Published

3 years ago

on

Kryeministri i Kosovës, Albin Kurti, derisa ka folur në një panel në kuadër të forumit të Bratisllavës, ka thënë se nuk duhet të favorizohet stabiliteti politik kundrejt reformave demokratike.

Në diskutimin për rolin e shteteve të Bashkuara të Amerikës dhe Bashkimit Evropian në rajonin e Ballkanit Perëndimor, ai ka thënë se mund të ketë bashkëpunim në këtë kuptim duke theksuar këtu sundimin e së drejtës dhe luftimin e krimit të organizuar.

“Disa prej pasojave që i kemi sot besoj janë për shkak të favorizimit të një stabiliteti politik kundrejt reformave demokratike. Neve na duhet sundim i së drejtës, antikorrupsion, drejtësi sociale, kemi nevojë për ballafaqim dhe adresim të së kaluarës, reciprocitet të drejtave të pakicave, na duhet barazi, dhe në këtë mënyrë BE do të rritet si produkt i brendshëm në të gjitha vendet”, ka thënë Kurti.

Lidhur me Marrëveshjen e Uashingtonit, të nënshkruar nga Kosova në Shtëpinë e Bardhë në shtator të vitit 2020, Kurti ka thënë se Qeveria e kaluar ka kërkuar një marrëveshje të shpejtë që sipas tij nuk ka dalë mirë.

“Kemi pasur një qeveri të kaluar që ka kërkuar një marrëveshje të shpejtë, një rregullim të shpejtë që nuk ka dalë aq mirë. Ajo që po theksoj është që të mos favorizohet stabiliteti politik kundrejt reformave demokratike, ShBA-të dhe BE-ja mund të bashkëpunojnë në këtë kuptim, konkretisht unë besoj që sundimi i së drejtës, luftimi i krimit të organizuar që është ndërkufitar, ekziston një gjë që quhet mafi ballkanike, të gjithë duhet të bashkëpunojmë dhe na duhet ndihma e BE-së dhe ShBA-së që ta luftojmë dhe na duhen vendet me demokraci, opozita mund të fitojë, unë kam qenë në opozitë për shumë vite dhe i kam fituar zgjedhjet, herën tjetër dikush tjetër mund t’i fitojë zgjedhjet, na duhet që të kemi vlera evropiane të ndihmuara nga BE, por ato duhet të rriten për së brendshmi dhe në këtë kuptim BE ka shumë për të bërë, për të vepruar në kuptimin e përforcimit të shtetit kontinental të mirëqenies sepse drejtësia sociale është shumë e rëndësishme, antifashizmi, sepse ka pasur një lloj përafrimi me forcat të ndryshme profashiste në BE dhe pastaj na duhet NATO, në shekullin 21 jo më pak se në shekullin e kaluar”, tha kryeministri.

Related Topics:
Continue Reading

Lajmet

Rama nga Londra: Kosova s’duhet të merret me Serbinë, por të përmbushë detyrimet ndaj BE-së

Published

6 hours ago

on

October 21, 2025

By

Në Londër po zhvillohet një tryezë me temën “Ballkani Perëndimor dhe Bashkimi Europian”, ku ndër folësit kryesorë është edhe kryeministri i Shqipërisë, Edi Rama.

I pyetur për pozicionin e Kosovës në rajon dhe për ecurinë e saj drejt anëtarësimit në Bashkimin Europian, Rama u shpreh se Prishtina duhet të fokusohet tek përmbushja e detyrimeve që burojnë nga dialogu me Serbinë dhe jo tek vetë raportet dypalëshe.

“Që të jetë e suksesshme Kosova duhet të harrojë Serbinë, fjalë për fjalë dhe duhet të realizojë të gjitha pikat që kanë të bëjnë me dialogun e ndërmjetësuar nga BE-ja, pavarësisht nga Serbia, pra ata t’ia lënë topin në fushë Serbisë dhe të ecin para drejt Europës duke lënë Europën të merret me Serbinë dhe mos ta lënë çështjen e Serbisë të shndërrohet në çështje fajësimi midis të dyjave. Megjithatë, është mendimi im ky, unë respektoj atë që vendosin udhëheqësit e zgjedhur të Kosovës për vendin e tyre”, tha ai./EO

Continue Reading

Lajmet

Supremja: Pranohet ankesa e kandidatit të pavarur për kryetar të Kllokotit, rrëzohet vendimi i PZAP-së

Published

6 hours ago

on

October 21, 2025

By

Kolegji i Gjykatës Supreme e ka pranuar si të bazuar ankesën e kandidatit të pavarur për kryetar të Komunës së Kllokotit, Arber Emini, dhe ka prishur vendimin e Panelit Zgjedhor për Ankesa dhe Parashtresa (PZAP), të datës 15.10.2025.

Sipas Supremes, çështja është kthyer në rivendosje në PZAP.

“Bazuar në shkresat e lëndës, Arber Emini me datë 13.10.2025, është ankuar në PZAP, me pretendimin se “me datë 12.10.2025 në Zgjedhjet Lokale në Kllokot, Serbia ka ndërhyrë në sistemin zgjedhor në Komunën e Kllokotit, duke fabrikuar dëshmi mjekësore serbe të strukturave paralele për t’u shfrytëzuar votuesit me asistencë të përdorin këtë vërtetim mjekësor”, thuhet në komunikatë.

Më tej thuhet se Gjykata Supreme e Kosovës vlerëson se PZAP, gabimisht ka vendosur kur e ka hedhur poshtë ankesën e ankuesit, për faktin se nga pretendimet që dalin nga ankesa, i njëjti është ankuar për procesin dhe parregullsitë gjatë ditës së votimit dhe jo kundër rezultateve preliminare të tabuluara nga KQZ, ashtu siç ka pretenduar PZAP në vendimin e saj.

“Andaj, në rivendosje, PZAP, udhëzohet që t’i evitojë shkeljet e theksuara në Aktvendimin e Gjykatës Supreme, AA.nr.93/2025, dhe të vendos në mënyrë meritore lidhur me ankesën e kandidatit të pavarur për kryetar të Komunës së Kllokotit, Arber Emini”, thuhet në njoftim.

Zgjedhjet e rregullta komunale janë mbajtur më 12 tetor./KP

Continue Reading

Lajmet

Rrahje dhe gjuajtje me armë zjarri në qendër të Podujevës, policia jep detaje

Published

6 hours ago

on

October 21, 2025

By

Pak qaste më parë ka ndodhur një rrahje dhe gjuajtje me armë zjarri në Podujevë.

Lajmin e ka konfirmuar Flora Ahmeti zëdhënëse e Policisë së Kosovës për Rajonin e Prishtinës.

Sipas Ahmetit lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast.

Ajo tha se sot rreth orës 14:30 është pranuar informata për një rrahje dhe shkrepje të armës në Podujevë.

“Me të marrë informatën policia, ka dalë në vendin e ngjarjes nga ku jemi njoftuar se si pasojë e rrahjes nga një mjet i fortë (shkop) është lënduar një person i cili është dërguar për trajtimin e nevojshëm mjekësor. Lidhur me këtë rast policia ka shoqëruar në stacion policor katër persona, prej tyre 1 dëshmitar dhe tre persona të dyshuar të cilët ishin të përfshirë në rast”, thuhet në përgjigjen e zëdhënëses Ahmeti.

Ajo ka shuar se aktualisht policia po vazhdon punën për zbardhjen e rrethanave dhe motiveve që karakterizojnë ngjarjen./KP

Continue Reading

Lajmet

​Vdes në moshën 29-vjeçare kampioni amerikan i shahut

Published

7 hours ago

on

October 21, 2025

By

Kampioni amerikan i shahut dhe komentatori online Daniel Naroditsky ka ndërruar jetë në moshën 29-vjeçare.

Sipas BBC, familja e tij e përshkroi vdekjen si të papritur, pa dhënë shkakun.

Naroditsky ishte një lojtar i talentuar, edukator dhe komentator, i njohur për kanalin e tij në YouTube me afro 500,000 abonentë dhe stream-et në Twitch me 340,000 ndjekës.

Ai luajti një rol kyç në popullarizimin e përmbajtjes së shahut online.

Ai filloi shahun në moshën 6 vjeç, fitoi Kampionatin Botëror të të Rinjve nën 12 vjeç në 2007, dhe në 2013 u bë Grandmaster i SHBA-së. Naroditsky u diplomua në Stanford dhe punoi si trajner shahu në Charlotte, Karolina e Veriut.

Shumë kolegë dhe fansa e përshkruan si një inspirim, historian të shahut dhe dikë që e bënte lojën argëtuese dhe të thjeshtë për të gjithë./S.K/KP/

Continue Reading

Të kërkuara