Sot shënohet Dita Ndërkombëtare e Vullnetarizmit, si një kremtim global i themeluar nga Asambleja e Përgjithshme e OKB-së në vitin 1985 për të festuar fuqinë e vullnetarizmit.

Në këtë ditë Vullnetarët e Kombeve të Bashkuara (UNV) qëndrojnë përkrah Vullnetarëve të OKB-së dhe më shumë se një miliard vullnetarëve në të gjithë botën, duke hedhur dritë mbi fuqinë e zgjidhjeve të udhëhequra nga njerëzit për t’u përballuar me sfidat e përbashkëta.

Këtë vit, nën temën frymëzuese “Çdo Kontribut Ka Rëndësi”, Dita Ndërkombëtare e Vullnetarizmit 2025 merr rëndësi historike pasi shënon lansimin zyrtar global të Vitit Ndërkombëtar të Vullnetarëve për Zhvillim të Qëndrueshëm (IVY 2026).

Ky moment historik vjen pas Rezolutës A/RES/78/127 të Asamblesë së Përgjithshme të OKB-së, e cila bën thirrje për një lëvizje mbarëbotërore për të njohur dhe përforcuar rolin jetësor të vullnetarëve në përshpejtimin e progresit drejt Objektivave të Zhvillimit të Qëndrueshëm (OZHQ) deri në vitin 2030./S.K/KP/

Njësitë Antikontrabandë të Doganës së Kosovës, gjatë një kontrolli të realizuar në një barnatore në Prishtinë, kanë zbuluar një sasi të konsiderueshme të barnave të ndryshme me banderola të shteteve të huaja.

Këto produkte nuk janë importuar përmes zinxhirit zyrtar të furnizimit dhe nuk figurojnë të jenë futur në Kosovë nëpërmjet procedurave ligjore doganore.

Barnat e gjetura përbëjnë rrezik serioz për shëndetin e qytetarëve, pasi origjina, cilësia dhe kushtet e ruajtjes së tyre nuk janë të garantuara sipas standardeve të kërkuara, thuhet në njoftim.

Dogana e Kosovës ka sekuestruar të gjitha produktet dhe ka iniciuar procedurat ligjore ndaj subjektit përgjegjës.

Kontrollet do të vazhdojnë pa ndërprerje me qëllim të mbrojtjes së shëndetit publik dhe parandalimit të qarkullimit të produkteve ilegale në treg./S.K/KP/

FBI ka arrestuar një person lidhur me vendosjen e dy bombave cilindrike jashtë selive të Komitetit Kombëtar Republikan dhe Demokrat në Uashington, natën para sulmit në Kapitol më 6 janar 2021.

Ai do të përballet me akuza në një gjykatë federale sot, thotë një burim i FBI-së për CBS. Zyrtarët ende nuk kanë komentuar mbi identitetin e tij apo mbi atë që çoi në arrestimin e tij.

Arrestimi vjen pas një ndjekjeje pothuajse pesëvjeçare, e cila përfshiu një hetim të gjerë dhe një shpërblim prej 500 mijë dollarësh.

Bombat u vendosën natën para sulmit dhe u zbuluan ndërsa turmat filluan të sulmonin Kapitolin. Ato u neutralizuan në mënyrë të sigurt dhe nuk shpërthyen.

Më herët këtë vit, FBI publikoi pamje nga kamerat e sigurisë që duket se tregojnë një individ duke vendosur një bombë pranë një stoli jashtë ndërtesës së Komitetit Demokrat Kombëtar./S.K/KP/

Sot në Kosovë parashihet të mbaj mot me vranësira dhe herë pas here riga lokale shiu. 

Siç ka bërë të ditur Instituti Hidrometerologjik,temperaturat minimale do arrijnë 1-4 °C, ndërsa ato maksimale 8-11 gradë celsius.

Era do fryjë lehtë deri mesatare nga drejtimi i jugperendimit./S.K/EO/