Lajmet

Rexhep Qosja: Duket bukur dhe premton shumë. Të njësohen idealet dhe qëllimet politike

Qosja: Fillimi i shekullit të 21 na ka premtuar një gjasë, një shans historik, për ta përmirësuar fatin tonë.

Published

5 years ago

on

Akademiku Rexhep Qosja u nderua në Prishtinë me Kordonin e Madh, me Yllin e Medaljes së Kryeministrit për Mirënjohje Publike nga Edi Rama, gjatë vizitës së këtij të fundit në Kosovë.

Profesor Qosja vlerësoi fillimisht në fjalën e tij kryeministrat Rama dhe Kurti, ndërsa më pas theksoi se takimi i kësaj të hëne duhet të shkojë më tej, të zhvillohet më shpesh, si dhe të shërbejë për njësimin e idealeve dhe qëllimeve politike të dy shteteve shqiptare.

“Edi Rama është njëri prej politikanëve më të suksesshëm të Shqipërisë në 30 viteve të fundit të ndërtimit të demokracisë në Shqipëri, i cili ka sjellë risi, fryte, zhvillime të reja në jetën politikane shqiptare. Edi Rama është edhe intelektual, intelektual krijues, piktor dhe shkrimtar. E ndjej veten të privilegjuar që ky nderim m’u bë sot këtu në Prishtinë dhe e ndjej veten mirë që ky nderim i veçantë u bë pas takimit të dy delegacioneve, shqiptar dhe të Kosovës.

Dua të them se si Rama dhe Kurti është politikan dhe intelektual krijues. Atë e shquan një cilësi e veçantë, duhet ta dëgjojmë kur paraqitet në televizione apo mbledhje të ndryshme. Duhet të dëgjojmë intervistat e tij për të parë e për t’u bindur që ai ka një kujtesë të jashtëzakonshme. Ka të dhëna sa një bibliotekë mbi historitë e Europës e SHBA-së.

Ata janë edhe të kritikuar edhe me arsye, por edhe pa arsye. Kritikat janë të nevojshme në jetën politike shoqërore, sjellin nxitje për përkushtime të reja. Fjala intelektual është krijuar diku nga fundi i mesjetës dhe fillimi i rilindjes europiane. Atëherë kur është krijuar fjala intelektual kishte kuptimin koka e popullit. Kjo fjalë i obligon intelektualët, sidomos ata që merren me politikë, pasi merren me jetën, të sotmen dhe të ardhmen e popullit.

Fillimi i shekullit të 21 na ka premtuar një gjasë, një shans historik, për ta përmirësuar fatin tonë e fati ynë ka qenë shumë i rëndë. Vetëm shqiptarët janë ata në Ballkan që janë copëtuar në 5 shtete. Nuk i ka ndodhur të tjerëve, por vetëm shqiptarëve. Kryeministri britanik i asaj kohe ka thënë në atë rast, shqiptarët janë komb dhe ndaj tyre kemi bërë padrejtësi të madhe, të cilën një ditë do ta korrigjojmë. Natyrisht, tani kanë filluar ta korrigjojnë, që prej vitit 1999. Kjo gjasë që kemi për të bërë përpjekje për ta ndryshuar fatin tonë historik na bën shumë përgjegjës të gjithëve. Takimi i sotëm i dy delegacioneve mua më solli shumë gëzim dhe u solli gëzim të gjithë shqiptarëve. Ky ishte një takim shumë premtues, o sa bukur, sa bukur duket kjo pamje e politikanëve e ministrave të Shqipërisë. Duket bukur dhe premton shumë. Unë i lejoj vetes, mosha që jam, prej 85 vitesh, më jep të drejtë morale që t’i ftoj kryeministrin Rama dhe Kurtin të takohen si sot më shpesh, të takohen qeveritë e tyre, të mbajnë mbledhje qeveritë e tyre. Në ato takime, në ato mbledhjet e tyre që bëjnë, të njësojnë një ideal të përbashkët që na e ka lënë epoka më e madhe në historinë shqiptare, epoka e Rilindjes, që e kanë formuluar burrat më të mirë të historisë shqiptare, si të krijojmë Shqipërinë, si të krijojmë shqiptarin. Pra, të njësojnë idealin dhe qëllimet politike”, u shpreh akademiku Rexhep Qosja.

Related Topics:
Continue Reading

Vendi

Kryeministri Kurti pret ministrin e Jashtëm belg: Diskutohet bashkëpunimi ekonomik dhe integrimi evropian

Published

2 hours ago

on

April 16, 2026

By

Kryeministri i Republikës së Kosovës, Albin Kurti, priti në takim zëvendëskryeministrin dhe ministrin e Punëve të Jashtme të Belgjikës, Maxime Prévot, të cilin e falënderoi për mbështetjen e vazhdueshme të shtetit belg në të gjitha etapat e shtetndërtimit të Kosovës.

Gjatë bashkëbisedimit, Kurti veçoi kontributin historik të Belgjikës në strehimin e refugjatëve gjatë luftës dhe angazhimin e tyre brenda forcave të KFOR-it.

Fokus i veçantë i takimit ishte thellimi i marrëdhënieve dypalëshe, me theks te bashkëpunimi ekonomik dhe krijimi i lehtësirave për investime, duke marrë parasysh edhe praninë e një mërgate të mirë-integruar në Belgjikë.

Kryeministri përmendi marrëveshjen e fundit për eliminimin e tatimit të dyfishtë, të nënshkruar në Washington DC, si një hap pozitiv që hap rrugën për marrëveshje të reja sektoriale në të ardhmen.

Sa i përket aspiratave ndërkombëtare, Kurti nënvizoi se Brukseli mbetet një qendër jetike për Kosovën, duke ritheksuar se anëtarësimi në Bashkimin Evropian është prioritet strategjik.

Ai kërkoi avancimin e procesit përmes marrjes së statusit të shtetit kandidat, ndërsa konfirmoi përkushtimin e plotë të Republikës së Kosovës për anëtarësim në Këshillin e Evropës dhe në NATO.

Continue Reading

Aktualitet

Konjufca: Dialogu në krizë – Pa burgosjen e terroristëve të Banjskës dhe njohjen e integritetit s’ka mirëbesim

Published

2 hours ago

on

April 16, 2026

By

Kryeparlamentari Glauk Konjufca ka deklaruar se procesi i dialogut me Serbinë ndodhet në një pikë kritike dhe se pa drejtësi për sulmet terroriste e pa respektim të shtetësisë, nuk mund të ketë përparim. Gjatë një konference për media, ai theksoi se Serbia ka treguar sjellje destruktive që synon rrënimin e çdo arritjeje të deritanishme.

Sipas Konjufcës, parakushti kryesor për kthimin e mirëbesimit është ndëshkimi i personave që organizuan sulmin në Banjskë.

“Qysh kthehet një farë lloj atmosfere minimale e mirëbesimit? Minimale e mirëbesimit është që kryesit e këtij akti terrorist në Banjskë, të cilët e vranë Afrim Bunjakun, duhet të përfundojnë në burg. Këta nuk mund të jenë njerëz kryesorë në Serbi edhe dora e djathtë e Vuçiqit qysh janë sot”, tha ai.

Ai gjithashtu u ndal te përfshirja e drejtpërdrejtë e shtetit serb në destabilizimin e Kosovës, duke përmendur dëshmitë e fundit nga proceset gjyqësore për sulmet në kanalin e Ibër-Lepencit:

“Ata e kanë pranuar që janë trajnuar prej Serbisë, në hapësirat e Ministrisë së Mbrojtjes edhe të ushtrisë që mbahen atje… Unë nuk e di çka ka nevojë më shumë për me tregu rolin destruktiv të Serbisë”, shprehet Konjufca.

Për fund, Konjufca e cilësoi letrën e ish-kryeministres serbe, Ana Bërnabiq, si një goditje të rëndë për integritetin territorial të vendit, duke e krahasuar atë me një akt armiqësor.

“Letra e zonjës Bërnabiq ishte katastrofike për mirëbesimin. Ju shkroi 27 shteteve anëtare që nuk e njeh integritetin territorial të Kosovës. Mos me njoh integritetin territorial të një shteti, kjo kuptohet gati si një shpallje lufte.”

Continue Reading

Vendi

MINT gjobit KEDS-in edhe me 30 mijë euro për njehsorë me afat të skaduar

Published

3 hours ago

on

April 16, 2026

By

Ministria e Industrisë, Ndërmarrësisë dhe Tregtisë (MINT) ka gjobitur KEDS-in me 30,000 euro, pasi u identifikuan gjashtë njehsorë elektrikë me afat të skaduar verifikimi.

Gjatë kontrolleve në terren, Agjencia e Metrologjisë ka konstatuar pasaktësi në regjistrimin e orës dhe datës në këta njehsorë.

Si rrjedhojë, MINT ka kërkuar zyrtarisht nga KESCO kompensimin e konsumatorëve të dëmtuar.

Për këtë rast është njoftuar edhe Prokuroria, ndërsa komisionet po vazhdojnë inspektimet në të gjithë Kosovën për të identifikuar parregullsi të tjera.

Continue Reading

Lajmet

Tre të vdekur në Malishevë, në mesin e tyre dy fëmijë

Published

5 hours ago

on

April 16, 2026

By

Një burrë dhe dy fëmijë kanë vdekur në lagjen “Mirdita”, në Malishevë, pas një zjarri në një banesë.

Lajmin për Ekonomia Online e ka konfirmuar zëdhënësi i Policisë për Rajonin e Gjakovës, Sheremet Elezaj.

“Sot, rreth orës 12:55, jemi njoftuar për një incident zjarri në një banesë në lagjen “Mirëdita”, në Malishevë. Menjëherë pas pranimit të informacionit, në vendin e ngjarjes kanë dalë njësitë kompetente policore, zjarrfikësit dhe ekipet emergjente.

Në këtë banesë janë gjetur tre persona të gjinisë mashkullore (një i rritur dhe dy fëmijë), të cilët janë dërguar në Qendrën e Mjekësisë Familjare në Malishevë ku është konstatuar se të njëjtit ishin pa shenja jete. Zjarri është lokalizuar dhe nuk është raportuar për pasoja të tjera”, ka thënë ai.

Sipas Elezajt, lidhur me rastin është njoftuar edhe prokurori i shtetit dhe aktualisht janë duke u ndërmarrë të gjitha veprimet e nevojshme hetimore për të sqaruar rrethanat dhe shkaqet e kësaj ngjarjeje./ Ekonomia online/

Continue Reading

Të kërkuara