Kulturë

Kur xhelozia është e shëndetshme në një lidhje dashurie

Mirëpo, ndonjëherë xhelozia bëhet problem mes çifteve.

Published

on

Pa xhelozi nuk ka dashuri, thotë një shprehje. Mirëpo, ndonjëherë xhelozia bëhet problem mes çifteve. Ka raste që xhelozia e tepërt e një partneri mund të çojë edhe në ndarje. Gjithsesi ka disa raste, kur xhelozia i shërben një lidhjeje, pra është e shëndetshme. Xhelozia ka momente që e bën romancën tuaj më interesante. Sigurisht, xhelozia duhet të jetë në masa të caktuara, për të qenë e shëndetshme. Lexoni rastet e mëposhtme, kur xhelozia në raste të tilla mund të jetë e nevojshme:

Kur dikush flirton me partnerin tuaj

Jeni një një lokal dhe një vajzë që partneri juaj e njeh vjen për ta takuar. Pasi flisni miqësisht me të ajo i kushton më shumë vëmendje seç duhet partnerit dhe ju mbeteni disi në hije. Pasi ajo largohet, ju mund t’i thoni partnerit tuaj se sjellja e saj ju bëri xheloze. Partneri juaj do të ndihet mirë (le ta pranojmë) dhe kjo gjë nuk është e dëmshme për lidhjen tuaj.

Kur partneri juaj mburret për sukseset e tij

Të dëgjoni dikë që mburret për sukseset e tij, mund të jetë e mërzitshme, mirëpo kur është puna në një marrëdhënie ndryshon situata. Kur partneri juaj po tregon sukseset e tij në karrierë për shembull, mirëpo ju keni pasur një ditë të tmerrshme në punë, ju duhet t’i thoni “Jam shumë e lumtur për ty, por sot kam pasur një ditë jo të mirë”. Kjo është një shenjë xhelozie që gjërat po i shkojnë mirë vetëm atij, por në të njëjtën kohë ju tregoheni e sinqertë me të.

Partneri juaj arrin suksesin në një gjë për të cilën të dy po punonit

Shpesh çiftet bëjnë aktivitete të ndryshme së bashku. Për shembull ata mund të shkojnë në palestër së bashku dhe instruktori mund të komplimentojë partnerin tuaj për rezultatet që ka arritur, shkruan revistaclass. Sapo të mbaroni palestrën, ju duhet t’i thoni se u ndjetë xheloz që instruktori ia tha vetëm atij këtë gjë. Ky detaj sado i vogël do t’ju afrojë akoma edhe më shumë.

Ai trajton një aktivitet tjetër si një marrëdhënie e dytë

Ndodh, që ju duket sikur partneri po ju tradhton, jo me një person, por po ju lë pas dore për një aktivitet që e pëlqen tej mase. Per shembull, ai mund të ketë një hobi aq të madh, dhe ju harron në momente të caktuara për të. Nëse ka diçka të tillë në marrëdhënien tuaj, duhet t’ia thoni partnerit. Ndoshta ai nuk e di sepse është tejet i përfshirë, por kur ne i komunikojmë nevojat tona, shpesh e kuptojmë se njerëzit nuk e kanë çuar në mendje si jemi ndjerë ne.

Kulturë

Dy net magjie letrare në Prishtinë me edicionin jubilar të “FICTION FEST”

Published

on

Në Prishtinë po zhvillohet sot dhe nesër edicioni i pestë i Festivalit të Prozës Artistike “FICTION FEST”, i organizuar nga Qendra për Kulturë dhe Edukim “Sheshi”.

Ky edicion jubilar sjell dy mbrëmje të veçanta të dedikuara bisedave letrare dhe leximeve publike nga disa prej shkrimtarëve më të njohur të letërsisë shqipe bashkëkohore.

Në mbrëmjen e parë do të marrin pjesë autorët Rita Petro, Mark Pashku, Bardhyl Zaimi, Suad Arilla dhe Shpresa Qeriqi, ndërsa nata e dytë do të jetë e rezervuar për Besnik Mustafajn, Sali Bashotën, Bardh Frangun, Shpëtim Selmanin dhe Dhurata Hotin.

Sipas organizatorëve, qëllimi i “FICTION FEST” është promovimi i prozës bashkëkohore shqipe dhe afrim i publikut me krijimtarinë e autorëve nga mbarë hapësira shqiptare. /A.Z/UBT News/

 

Continue Reading

Kulturë

Lekë Dukagjini “kthehet në shtëpi”, busti i tij vendoset në Shpenadi të Prizrenit

Published

on

Busti i Lekë Dukagjinit po kthehet në tokën e tij në fshatin Shpenadi të Prizrenit, falë iniciativës së Shoqatës “Lekë Dukagjini” Shpenadi–Prizren.

Sa herë që në vendlindje bëhen vepra të mira, gëzimi është i dyfishtë — njëherë për zhvillimin që sjellin, e njëherë tjetër për rikthimin e figurave historike që i takojnë trojeve arbërore.

Këtë ndjenjë e përjetova sërish kur mora vesh për angazhimin e banorëve të fshatit Shpenadi, fshatit më të afërt me vendlindjen time, Çaparcin.

Këtë vit, ata u bashkuan dhe themeluan Shoqatën “Lekë Dukagjini”.

Me përkrahjen e mërgimtarëve dhe banorëve të fshatit, ata grumbulluan fonde dhe nisën realizimin e tri projekteve të rëndësishme: vendosjen e bustit të Lekë Dukagjinit, rregullimin e varrezave të vjetra të fshatit dhe restaurimin e selisë së Shoqatës.

Ky përkushtim më frymëzoi që edhe unë të jap kontributin tim për vendlindjen.

Me këtë rast, i propozuam Shoqatës “Trojet e Arbrit” që në të njëjtën ditë të mbahet në Prizren një sesion shkencor madhështor me temën “Roli i Dukagjinasve në historinë shqiptare”.

Pas përfundimit të sesionit, më 2 nëntor 2025, pjesëmarrësit udhëtuan drejt fshatit Shpenadi, ku do të mirëpriten nga veprimtarët e Shoqatës “Lekë Dukagjini”.

Në këtë ditë të veçantë do të zhvillohen tri ngjarje madhore:

Zbulimi i bustit të Lekë Dukagjinit, vepër e mjeshtrit skulptor Fiqiri Kasa;

Bekimi i varrezave të fshatit, të cilat janë plotësisht të rinovuara falë mërgimtarëve;

Hapja zyrtare e selisë së Shoqatës “Lekë Dukagjini”.

Këto tri projekte janë dëshmi e gjallë se kur mërgimtarët dhe bashkëfshatarët e tyre në vendlindje bashkojnë forcat, përkushtimin dhe dashurinë për atdheun, rezultatet janë të prekshme dhe të lavdërueshme.

Në këtë mënyrë, Shpenadi dhe Prizreni po bëhen sërish qendra të kujtesës dhe krenarisë shqiptare. /A.Z/UBT News/

Continue Reading

Libra

Dy libra të Nehat Islamit rikthejnë gazetarinë dhe historinë shqiptare

Published

on

Botimet DRINI sjellin dy libra të rëndësishëm të gazetarit të njohur Nehat Islami: “Hotel Bejruti” dhe “Kur vjen kamerieri”.

Të dy përbëjnë dëshmi të çmuara të gazetarisë shqiptare dhe reflektimi mbi periudha historike të ndryshme.

“Hotel Bejruti”, në botimin e tij të tretë, ofron raportime autentike nga vendet e krizave në Lindjen e Mesme gjatë viteve ’70 – Libani, Siria, Iraku, Irani dhe Egjipti – dhe përmban një epilog që pasqyron zhvillimet e mëvonshme.

Si korrespondent i gazetës Rilindja, Islami nuk ishte vetëm raportues, por edhe analist i thellë i ngjarjeve, duke sjellë përvojën e Lindjes për lexuesin shqiptar në formë të letërsisë dokumentare.

“Kur vjen kamerieri” përmbledh artikujt e tij të viteve ’90 në gazetën Bujku, në një periudhë të vështirë për shqiptarët e Kosovës. Shkrimet dokumentojnë realitetin politik dhe social, duke lidhur kontekstin vendor me zhvillimet ndërkombëtare dhe ruajtur shpresën kolektive.

Të dy librat e Nehat Islamit ofrojnë një profil të rrallë të gazetarit të ndershëm dhe të përkushtuar, duke qenë burim referimi për studentë, studiues, diplomat dhe çdo qytetar që dëshiron të kuptojë botën përreth tij.

Me këto botime, Botimet DRINI ruajnë trashëgiminë dokumentare, kulturore dhe profesionale të gazetarisë shqiptare. /A.Z/UBT News/

 

 

Continue Reading

Kulturë

Filharmonia e Kosovës prezanton ciklin e plotë të koncerteve për piano të Beethovenit

Published

on

Filharmonia e Kosovës ka bërë të ditur se do të realizojë ciklin e plotë të koncerteve për piano të Ludwig van Beethovenit, në dy mbrëmje të veçanta koncertale që do të mbahen më 5 dhe 7 nëntor 2025, duke filluar nga ora 19:30.

Në këtë ngjarje të veçantë muzikore, pesë pianistë do të interpretojnë secili nga një koncert për piano dhe orkestër të Beethovenit, të shoqëruar nga Orkestra e Filharmonisë së Kosovës nën drejtimin e dirigjentit Peter Valentovič.

Programi është ndarë në dy mbrëmje:

Më 5 nëntor do të interpretohen Koncertet nr. 1, 2 dhe 4,

Më 7 nëntor do të pasojnë Koncertet nr. 3 dhe 5.

Të dy koncertet do të zhvillohen në Pallatin e Rinisë dhe Sportit, Salla e Kuqe, Prishtinë (Palace of Youth and Sports, Red Hall, Prishtina). /A.Z/UBT News/

Continue Reading

Të kërkuara