Magazinë

Kur nuk të pëlqen dalja, shijo nëntorin me këta filma!

Published

3 weeks ago

on

Këtë muaj: Harro romancat dhe puthjet festive, përgatitu për drama, trille dhe emocione që nuk harrohen lehtë.

Në vend të atmosferës së ngrohtë të festave, provo këto sugjerime që premtojnë adrenalinë, mister dhe histori që të mbajnë para ekranit.

“The Vince Staples Show”

Në këtë komedi-thriller, asgjë nuk është ashtu siç duket. Seriali ndjek Vince-n, i cili, siç thotë vetë në trailer-in e sezonit të dytë, “po kalon disa gjëra”. Këtë herë, ai përballet me dhimbje të thella familjare, që shfaqen përmes skenave metafizike, monologëve reflektues dhe madje edhe momenteve të animuara. Një seri që luan mes realitetit dhe imagjinatës, me humor të zi dhe mesazhe të forta emocionale.

“Frankenstein”

Një Jacob Elordi i panjohur deri më sot, i shndërruar në përbindësh hakmarrës, krijuar nga shkencëtari i çmendur Dr. Frankenstein (luajtur nga Oscar Isaac).

Në këtë version gotik të Guillermo del Toro, marrin pjesë edhe Mia Goth dhe Christoph Waltz, duke i dhënë historisë klasike të Mary Shelley një frymë më të errët dhe filozofike. Pyetja që mbetet në fund? “Kush është përbindëshi i vërtetë?”

“Being Eddie”

Kush fshihet pas personazheve legjendarë si Prince Akeem, Axel Foley, Doctor Dolittle apo gomari në “Shrek” (jo, s’po flasim për versionin e dubluar në shqip)? Dokumentari “Being Eddie” kërkon të zbulojë njeriun pas ikonës — Eddie Murphy. Përmes pamjeve arkivore, intervistave me miq, fansa dhe bashkëpunëtorë të afërt, filmi ofron një vështrim të rrallë në jetën e tij përtej kamerës.

“Mrs. Playmen

Në Romën e viteve ’70, Adelina zbulon tradhtinë e bashkëshortit e vendos të marrë hak, jo me dhunë, po me krijim. Ajo transformon revistëN erotike për burra në një revistë për gra, duke përmbysur normat e kohës dhe duke ngritur zërin e femrave në një periudhë konservatore. Ky serial italian është i bazuar në një histori të vërtetë, i ngarkuar me frymëzim, pasion dhe forcë femërore, dhe është po aq estetik sa edhe emocionalisht tronditës.

“Stranger Things 5: Volume 1”

Pas një dekade, Netflix sjell pjesën e parë të sezonit të fundit të një prej serialeve më të dashura — “Stranger Things”.

Premiera vjen më 26 nëntor, duke shënuar fillimin e betejës përfundimtare kundër Vecna-s.

Rikthehen të gjithë yjet që e bënë këtë univers kaq të veçantë: Millie Bobby Brown, Finn Wolfhard, Noah Schnapp, Caleb McLaughlin, Gaten Matarazzo dhe Joe Keery. Një fund epik për një histori që ka lënë gjurmë në kulturën pop të një brezi të tërë. /A.Z/UBT News/

Related Topics:
Continue Reading

Magazinë

Jennifer Lopez këndoi në dasmën e një miliarderi indian, pagesa që mori është “e çmendur”

Published

2 hours ago

on

November 25, 2025

By

Këngëtarja amerikane Jennifer Lopez performoi në dasmën e një miliarderi në Indi fundjavën e kaluar, për të cilën ajo u pagua dy milionë dollarë.

Lopez performoi hitet e saj më të mëdha, të tilla si “Waiting for Tonight” dhe “Get Right”, dhe ndërroi disa kostume provokuese gjatë performancës.

Përveç këndimit të disa prej këngëve të saj më të famshme, Jennifer mbajti edhe një fjalim në skenë dhe ngriti dolli për të sapomartuarit Netri Manteni dhe Vamsi Gadiraju.

“Familjet tuaja qofshin të bashkuara në këtë ditë të bukur dhe Zoti na bekoftë të gjithëve”, tha ajo.

Netra është trashëgimtarja e Rama Raju Manetena , kryetarit dhe drejtorit ekzekutiv të Ingenus Pharmaceuticals.

Burri i saj, Vamsi, është një sipërmarrës teknologjik, bashkëthemelues dhe drejtor teknologjik i platformës Superorder. /A.Z/UBT News/

Continue Reading

Magazinë

Këngët që bënë bujë këtë vit, Apple Music ka fjalën!

Published

5 hours ago

on

November 25, 2025

By

Ndërsa po i afrohemi fundit të nëntorit dhe Krishtlindjeve, Apple Music ka publikuar listat e saj me më të mirat e vitit 2025 në muzikë, duke zgjedhur edhe artistin më të mirë të vitit.

Listat përfshijnë kategori si: Pop Hits, Today’s Hits, Superbloom, R&B Now, ALT CTRL, Viral Hits, Rap Life dhe Alpha, të gjitha të disponueshme në skedën “E Re” në Apple Music. Disa nga këngët që spikasin në secilën kategori janë:

Pop Hits: “Abracadabra” – Lady Gaga

Today’s Hits: “YUKON” – Justin Bieber

Superbloom: “Man I Need” – Olivia Dean

R&B Now: “Safe (feat. Kehlani)” – Cardi B

ALT CTRL: “One Thing” – Lola Young

Viral Hits: “NOKIA” – Drake

Rap Life: “KICK OUT” – Travis Scott

Alpha: “La perla” – Rosalia

Artisti i Vitit në Apple Music është Tyler, The Creator. Gjatë vitit 2025, ai zhvilloi turneun për albumin “CHROMAKOPIA”, i cili u prit shumë mirë nga publiku dhe regjistroi rekord transmetimesh në ditën dhe javën e parë. Gjithashtu, ndërmjet turneut, ai publikoi albumin “DON’T TAP THE GLASS”, i cili arriti vendin e parë në listat globale të platformës në më shumë se 55 vende që në ditën e publikimit.

Çmimi “Artisti i Vitit” nga Apple Music jepet çdo vit, përfshin pllakë silikoni të personalizuar të kombinuar me një fletë qelqi të lëmuar dhe një trup alumini të anodizuar. Në vitin 2024, fituese ishte Billie Eilish, ndërsa në 2023 çmimi shkoi për Taylor Swift. /A.Z/UBT News/

Continue Reading

Magazinë

Hollywood-i në zi, ylli latin qëllohet për vdekje në LA

Published

6 hours ago

on

November 25, 2025

By

Një ngjarje tragjike ka tronditur komunitetin latin dhe botën e rrjeteve sociale, pasi këngëtarja dhe influencuesja 22-vjeçare Maria De La Rosa, e njohur me emrin artistik DELAROSA, u qëllua për vdekje në Los Angeles.

Dy persona të tjerë që ndodheshin me të mbetën rëndë të plagosur.

Sipas policisë së Los Angeles (LAPD), sulmi ndodhi në Northridge, në Luginën e San Fernando, rreth orës 01:30 të mëngjesit të së shtunës.

Të shtënat u dëgjuan në Rrugën Bryant, një zonë e qetë ku tre persona po qëndronin brenda një automjeti të parkuar.

Dëshmitarët raportuan se dy meshkuj të dyshuar iu afruan automjetit dhe hapën zjarr nga afër ndaj pasagjerëve. Policia dyshon se ngjarja mund të ketë lidhje me aktivitetet e bandave kriminale, megjithëse hetimet janë ende në fazat fillestare.

DELAROSA u transportua me urgjencë në spital nga një person privat, por pavarësisht përpjekjeve të mjekëve, nuk mundi t’i mbijetonte plagëve. Dy personat e tjerë mbeten në spital në gjendje të rëndë, por stabile.

LAPD vazhdon hetimet për identifikimin e autorëve dhe motivin e sulmit, ndërsa familjarët, fansat dhe komuniteti artistik kanë shpërthyer në reagime të dhimbshme në rrjetet sociale, duke kërkuar drejtësi për 22-vjeçaren. /A.Z/UBT News/

 

Continue Reading

Magazinë

Gati për Eurovision? Biletat në shitje nga janari, ja sa do të kushtojnë

Published

8 hours ago

on

November 25, 2025

By

Transmetuesi austriak ORF ka njoftuar se shitja e biletave për Eurovision 2026 do të nisë më 13 janar, vetëm një ditë pas shortit që do të përcaktojë renditjen e vendeve në gjysmëfinale.

Ngjarja do të zhvillohet në Stadthalle të Vjenës, ku do të jenë në dispozicion rreth 90,000 bileta.

Fansat do të mund të rezervojnë vende për gjysmëfinalet e datave 12 dhe 14 maj, si dhe për finalen e madhe që do të mbahet më 16 maj.

Kushdo që regjistrohet online deri më 18 dhjetor do të ketë të drejtën të aplikojë për blerjen e biletave.

Çmimet variojnë nga 15 deri në 360 euro, ku biletat më të shtrenjta ofrojnë qasje në zonën pranë skenës gjatë natës së finales.

Austria siguroi të drejtën për të organizuar Eurovision 2026 pasi JJ fitoi edicionin e këtij viti, i cili u mbajt në Bazel të Zvicrës.

Konkursi i Këngës në Eurovision ka ndryshuar disa prej rregullave të votimit dhe promovimit pas polemikave që u shfaqën rreth rezultateve të Izraelit këtë vit.

Ata do të mund të hedhin deri 10 vota, në vend të 20, votat e jurisë do të rikthehen në llogaritje edhe në gjysmëfinale. /A.Z/UBT News/

Continue Reading

Të kërkuara