Sport

“Kuqezinjtë” kërkojnë fitore kundër San Marinos, këto janë formacionet e mundshme

Published

on

Shqipëria do të kërkojë sot fitoren e dytë në kualifikimet për në Botërorin “Katar 2022”, ku do të zhvillojë ndeshje si mysafire kundër Kombëtares së San Marinos.

Vendasit kanë pësuar humbje kundër Anglisë dhe Hungarisë në dy ndeshjet e para të kualifikimeve, kurse Shqipëria humbi 2:0 kundër Anglisë, pasi paraprakisht mposhtën Andorrën në ndeshjen e parë.

Kanë kaluar 17 vite që nga fitorja e fundit e San Marinos, ku atë kohë mposhtën Lihtenshtajnin me rezultat minimal 1:0, fitore kjo që mbetet e vetmja për “La Serenissiman” në kualifikueset e Botërorit.

Në anën tjetër, Shqipëria filloi kualifikimet për në “Katar 2022” me një paraqitje tejet të mirë kundër Andorës, ku golin e fitores dhe të vetmin në ndeshje e shënoi Ermir Lenjani.

Kurse në ndeshjen e fundit, lojtarët e Edoardo Rejas pësuan humbje kundër Anglisë me rezultat 2:0.

Të dy trajnerët nuk pritet të kenë probleme me lëndime, ku të “kuqezinjtë” do të mungojë vetëm mbrojtësi Marash Kumbulla, për të cilin veçse ka përfunduar sezoni.

Formacionet e mundshme të Shqipërisë dhe San Marinos i gjeni më poshtë.

San Marino (5-3-2): Benedettini; Battistini, Fabbri, Brolli, Rossi, Palazzi; Lunadei, Golinucci, Mularoni; Nanni, Berardi

Shqipëria (3-5-2): Berisha; Ismajli, Lenjani, Djimsiti; Hysaj, Laci, Bare, Gjasula, Lenjani; Manaj, Cikalleshi  

Sport

Hajdari: Kosova është e vogël për botën, por për mua është krejt bota

Published

on

By

Mbrojtësi i ri i Kombëtares së Kosovës, Albian Hajdari, është prezantuar zyrtarisht si lojtari më i ri i “Dardanëve”. Gjatë fjalës së tij në prezantim, Hajdari shfaqi emocion dhe krenari për vendimin që ka marrë për të përfaqësuar Kosovën në arenën ndërkombëtare.

Unë jam Albian Hajdari, lojtari më i ri i Kosovës. Unë e kam marrë vendimin për Kosovën sepse Kosova është e vogël për botën, por për mua është krejt bota. Forca Kosova”, tha mbrojtësi i ri i përfaqësueses sonë.

Hajdari, i cili ka kaluar nëpër akademinë e Baselit dhe ka luajtur në nivele të larta të futbollit zviceran, pritet të jetë një shtesë e rëndësishme për mbrojtjen e Kosovës në ndeshjet e ardhshme kualifikuese.

Federata e Futbollit e Kosovës e ka mirëpritur me entuziazëm këtë përforcim, duke e cilësuar Hajdarin si një lojtar me potencial të madh për të ardhmen e ekipit kombëtar./D.B/KP

Continue Reading

Sport

Inter aktivizon opsionin për blerjen e Manuel Akanjit

Published

on

Inter ka vendosur të aktivizojë opsionin e blerjes për Manuel Akanjin me vlerë 15 milionë euro, për ta transferuar mbrojtësin zviceran në mënyrë të përhershme nga Manchester City në fund të këtij sezoni, raporton eksperti i merkatos Nicolo Schira.

Akanji iu bashkua zikaltërve në formë huazimi në ditën e fundit të afatit të verës dhe ka bindur drejtuesit e klubit me paraqitjet e tij të sigurta dhe të qëndrueshme.

Ai ka qenë titullar në të katër ndeshjet e Serie A këtë sezon, duke u bërë një element kyç në mbrojtjen e Christian Chivus.

30-vjeçari është i gatshëm të bëhet pjesë e projektit afatgjatë të Interit dhe ka rënë dakord për kushtet personale me klubin italian.

Marrëveshja e re pritet të zgjasë deri në vitin 2029, me një pagë vjetore prej 4.5 milionë eurosh.

Ky transferim siguron Interit stabilitet në prapavijë, ndërsa Akanji shihet si pasardhës i natyrshëm i veteranëve të mbrojtjes zikaltër në një fazë rinovimi të skuadrës. /A.Z/UBT News/

Continue Reading

Sport

Harry Kane i hapur për kontratë të re me Bayernin

Published

on

By

Sulmuesi anglez Harry Kane ka lënë të kuptohet se mund të zgjasë qëndrimin e tij te Bayern Munich përtej vitit 2027, kur përfundon kontrata e tij aktuale.

Kane tha se është i gatshëm të zhvillojë bisedime për një marrëveshje të re me klubin bavarez, ndërsa dëshira për t’u rikthyer në Premier League është zbehur.

E shoh patjetër mundësinë për ta vazhduar kontratën. Ende nuk kemi biseduar, por nëse lind nevoja, do të flisja hapur me Bayernin,” deklaroi 32-vjeçari.

Që nga transferimi i tij nga Tottenham në vitin 2023, Kane ka qenë në formë të jashtëzakonshme, duke shënuar 103 gola në 106 ndeshje dhe duke fituar Bundesligën e Superkupën e Gjermanisë.

Kur u largova për herë të parë nga Anglia, do të kisha thënë se do të kthehesha patjetër. Tani, pas disa vitesh në Gjermani, ajo dëshirë është pak më e vogël, por asnjëherë nuk i dihet së ardhmes,” shtoi ai.

Aktualisht, Kane ndodhet me kombëtaren e Anglisë, që të enjten do të zhvillojë një miqësore ndaj Uellsit në Wembley dhe më pas do të përballet me Letoninë më 14 tetor në Riga për kualifikueset e Kupës së Botës./D.B/KP

Continue Reading

Sport

Sulmuesi i Tottenhamit, Myrtaj, kalon nga Shqipëria te Hungaria

Published

on

Sulmuesi i ekipit U18 të Tottenhamit, Leon Myrtaj, ka vendosur të ndërrojë përfaqësimin nga Shqipëria U17 drejt Hungarisë U18, njoftoi klubi anglez.

Tottenhami bëri të ditur se: “Sulmuesi i krahut, Leon Myrtaj, i bashkohet për herë të parë ekipit U19 të Hungarisë, pasi më parë kishte përfaqësuar Shqipërinë deri në grupmoshën e 17 vjeçarëve.”

Myrtaj ka luajtur shtatë ndeshje për Shqipërinë para se të merrte vendimin për të ndryshuar përfaqësimin kombëtar. /A.Z/UBT News/

Continue Reading

Të kërkuara