Sport

Shkruan Marca: Kosovës i mungon Rrahmani, por do të provojnë me Muriqin e Rashican ta befasojnë Spanjën

Published

5 years ago

March 31, 2021

Betim Gashi

Spanja dhe Kosova do të përballen të Mërkurën në stadiumin “La Cartuja” në Sevilla, në një duel që korrespondon me ditën e ndeshjes tretë të fazës së kualifikimeve për në Kupën e Botës. Katar 2022.

Gazeta e njohur spanjolle “Marca” ka lëshuar një artikull ku i bëmnë një analizë Kombëtares së Kosovës një ditë para kësaj ndeshje.

Në artikullin e fundit të saj “Marca” shkruan se Spanja do të ballafaqohet me ekipin më të dobët në grup.

Spanja është në vendin e dytë në Grupin B pasi mori një barazim kundër Greqisë dhe arriti një fitore të vonshme ndaj Gjeorgjisë. Tani ata do të kërkojnë tri pikë të tjera kundër ekipit më të dobët në grup, numrit 117 në renditjen e FIFA-së, shkruan gazeta Marca.

Pavarësisht dyshimeve me të cilat Spanja ka filluar rrugën për në Katar 2022, ata marrin lajmin e mirë se Gerard Moreno, sulmuesi i Villarrealit i cili po kalon një moment të shkëlqyeshëm, do të jetë në gjendje të kthehet këtë të mërkurë.

Në fund kjo gazetë i bënë një analizë ekipit të Kombëtares së Kosovës ku cek mungesën e Amir Rrahmanit dhe prezencën e Milot Rashicas dhe Vedat Muriqit me anë të të cilëve konsiderojnë se Spanja mund ta befasojë Kosovën.

“Ndërkohë, Kosova, e cila është në vendin e fundit në Grupin B, do të kërkojë të befasojë në Sevilje, edhe pse lajmi i keq është se kapiteni i tyre Amir Rrahmani, i cili luan për Napolin, është jashtë për shkak të shqetësimit në muskuj. Sidoqoftë, ekipi kosovar do të përpiqet ta avancojë këtë ndeshje me figura të tjera të tilla si Vedat Muriqi i cili luan për Lazion dhe Milot Rashican i cili luan për Ëerder Bremen.”, thuhet në artikullin e këtij mediumi spanjoll.

Up Next

Dorëzohet Federata e Spanjës, i drejtohet Përfaqësueses së Kosovës me emrin “Kosovë”

Don't Miss

“Kuqezinjtë” kërkojnë fitore kundër San Marinos, këto janë formacionet e mundshme

Lajmet

DONJETA SADIKU SHPALLËT KAMPIONE, MPOSHT SERBEN NË FINALEN E TARANTO 2026

Published

12 hours ago

August 27, 2026

UBTNews

Donjeta Sadiku ka triumfuar në finalen e kategorisë deri në 60 kilogramë në Lojërat Mesdhetare “Taranto 2026”.

Boksierja kosovare ka mposhtur përfaqësuesen e Serbisë, Kristina Kuluhova, ndërsa kundërshtarja u tërhoq që në minutat e para të duelit.

Kështu, Sadiku e mbyll me medaljen e artë aventurën e saj në Taranto, duke i sjellë Kosovës një tjetër sukses të madh në arenën ndërkombëtare.

Një triumf i veçantë për boksieren kosovare, e cila edhe një herë dëshmoi nivelin e saj dhe u ngjit në podiumin më të lartë.

DONJETA SADIKU – KAMPIONE E MESDHEUT!

Foto: RTK

D.L

Sport

Serbia tërhiqet nga 3×3, shmanget përballja me Kosovën në Taranto

Published

16 hours ago

August 27, 2026

UBTNews

Serbia ka vendosur të tërheqë ekipin e saj nga gara e basketbollit 3×3 në Lojërat Mesdhetare “Taranto 2026”, duke bërë që të mos zhvillohet përballja e planifikuar me Kosovën.

Kosova dhe Serbia ishin shortuar në të njëjtin grup, ndërsa dueli mes tyre ishte paraparë të zhvillohej më 29 gusht.

Pas tërheqjes së Serbisë dhe Maqedonisë së Veriut, organizatorët kanë njoftuar për ndryshime në orarin e garave.

Për këtë zhvillim kanë raportuar disa gazetarë nga vendi i ngjarjes në Taranto, ndërsa deri tani nuk është bërë e ditur ndonjë arsye zyrtare për vendimin e Serbisë.

Tërheqja ka ngjallur vëmendje, veçanërisht për faktin se Kosova dhe Serbia ishin në të njëjtin grup dhe do të përballeshin më 29 gusht.

Zhvillimet e fundit nga Taranto vazhdojnë të përcillen nga afër.

D.L

Sport

Mbappé shpërthen me “hat-trick” në rikthimin e Mourinhos në “Bernabéu”

Published

20 hours ago

August 27, 2026

UBTNews

Kylian Mbappé ka shkëlqyer me një “hat-trick” në ndeshjen e veçantë të José Mourinhos në stolin e Real Madridit.

Për trajnerin portugez, sfida e së mërkurës mbrëma ishte e para në “Santiago Bernabéu” pas rikthimit të tij te klubi madrilen.

Real Madridi triumfoi ndaj Real Sociedadit në kuadër të xhiros së parë të La Ligës.

Mbappé ishte protagonisti kryesor i takimit, duke shënuar në minutat 40’, 60’ dhe 80’, ndërsa një tjetër gol për madrilenët e realizoi Vinicius Junior në minutën e 68-të.

Golin e vetëm për Real Sociedadin e shënoi Luka Sučić në minutën e 44-t.

Pas dy ndeshjeve, Real Madridi, Sevilla dhe Real Betisi kanë nga gjashtë pikë.

D.L

Sport

Shorti i Ligës së Kampionëve zhvillohet sot, 36 skuadra në pritje

Published

20 hours ago

August 27, 2026

UBTNews

Sot, nga ora 18:00, do të hidhet shorti për fazën e ligës së Ligës së Kampionëve.

Në këtë fazë do të garojnë 36 skuadra, me ekipet e fundit që siguruan pjesëmarrjen pas ndeshjeve të plejofit të zhvilluara të mërkurën mbrëma.

Në vazon e parë janë disa prej gjigantëve të futbollit evropian: Paris Saint-Germain, Bayern Munich, Real Madrid, Liverpool, Inter, Manchester City, Arsenal, Barcelona dhe Atletico Madrid.

Shorti do të përcaktojë përballjet e para të kësaj faze të re të garës.

Ndeshjet e para të Ligës së Kampionëve do të zhvillohen më 8 shtator.

D.L