Sport

Kupa e Botës nën kërcënim? Vinicius Jr ngrit alarmin për racizmin në Spanjë

Published

1 year ago

September 4, 2024

Betim Gashi

Në një deklaratë të fuqishme për mediumin CNN, Vinicius Junior, ylli i Real Madridit, ka shprehur shqetësimin e tij në lidhje me racizmin në futbollin spanjoll dhe ka bërë thirrje për ndryshime të menjëhershme. Ai ka theksuar se, nëse situata me racizmin në Spanjë nuk përmirësohet deri në vitin 2030, Kupa e Botës duhet të zhvendoset në një vend tjetër.

Në dy vitet e fundit, Vinicius ka qenë shpesh në shënjestër të abuzimeve raciste, duke bërë thirrje për veprime dhe dënime më të ashpra ndaj autorëve të këtyre sulmeve. Megjithatë, për të, ndëshkimet aktuale nuk janë të mjaftueshme për të adresuar këtë problem të rëndë.

“Njëherë e thashë dhe e përsëris: Nëse situata me racizmin në Spanjë nuk përmirësohet para vitit 2030, Kupa e Botës do të duhet të zhvendoset në një vend tjetër,” ka deklaruar fillimisht Vinicius. Ai ka shtuar se ka ende kohë për të bërë ndryshime, dhe shpreson që Spanja të evoluojë dhe të kuptojë seriozitetin e fyerjeve raciste.

“Ne kemi një diferencë të madhe për të ndrequr deri në vitin 2030. Shpresoj që Spanja të mund të ndryshojë dhe të kuptojë sa serioze është të ofendosh një person për shkak të ngjyrës së lëkurës. Nëse në vitin 2030 gjërat nuk kanë ndryshuar, ndoshta duhet të shqyrtojmë zhvendosjen e Kupës së Botës në një vend tjetër, sepse është e vështirë për një lojtar të ndihet rehat në një vend ku mund të vuajë racizmin.”

Vinicius ka theksuar se është i gatshëm të kontribuojë në luftën kundër racizmit dhe ka shprehur besimin se shumica e njerëzve në Spanjë nuk janë racistë. Ai ka vlerësuar kushtet e mira që ofron Spanja për të jetuar dhe për të luajtur futboll, duke shpresuar që gjërat të përmirësohen më tej.

“Më pëlqen të luaj për Real Madridin dhe e dua Spanjën. Shpresoj që gjërat të përmirësohen – ata tashmë kanë bërë përpjekje – por duhet të bëjmë më shumë. Dëshiroj që deri në vitin 2030, rastet e racizmit të ulen dhe të krijohet një ambient më i sigurt për të gjithë,” përfundoi Vinicius./UBTNews/

Related Topics:Real Madrid Vinicius Junior

Up Next

Hoxha dhe Seferi: Të arrijmë fitoren dhe stadiumin plot për të shënuar historinë

Don't Miss

Shkërmoqet mbrojtja e Shqipërisë, Silvinjo jep dy variantet për ndeshjet e radhës

Sport

Donjeta Sadiku me paraqitje të fuqishme, fiton 5:0 në turneun “Strandja”

Published

6 hours ago

February 25, 2026

UBTNews

Boksierja kosovare Donjeta Sadiku e ka nisur me fitore bindëse paraqitjen në turneun prestigjioz ndërkombëtar Strandja Tournament, që po mbahet në Sofia.

Në kuadër të xhiros së dytë në kategorinë deri në 60 kilogramë, Sadiku mposhti me vendim unanim 5:0 boksieren nga Çekia, Barbora Maxova, duke dominuar plotësisht në të tri raundet. Të pesë gjyqtarët e vlerësuan boksieren kosovare dukshëm më të mirë, me pikë 30:26, 30:26, 29:27, 30:26 dhe 30:27.

Sadiku u shfaq e sigurt në ring, me teknikë të pastër, lëvizje të shpejta dhe goditje precize, duke mos i lënë hapësirë kundërshtares. Me këtë fitore ajo ka siguruar kalimin në çerekfinale, duke vazhduar rrugëtimin drejt medaljes në edicionin e 77-të të turneut, që konsiderohet më i vjetri i boksit amator në Evropë.

Vlen të theksohet se Sadiku është kampione në fuqi e këtij turneu, pasi vitin e kaluar fitoi medaljen e artë në “Strandja”, ndërsa në kategorinë deri 60 kilogramë këtë vit po garojnë 10 boksiere.

Në Sofje po garojnë edhe boksierët kosovarë Shpëtim Bajoku dhe Taulant Jakupi, por të dy u mposhtën në duelet e para. Bajoku, në kategorinë deri 70 kilogramë, u ndal nga gjermani Randy Botikali, ndërsa Jakupi, në kategorinë deri 90 kilogramë, u mposht nga italiani Dean Nwokedi.

Në këtë edicion të “Strandja” po marrin pjesë mbi 300 boksierë nga vende të ndryshme të botës.

Sport

Hendboll: Kosova publikon listën për ndeshjet me Finlandën në Euro 2026

Published

11 hours ago

February 25, 2026

UBTNews

Përzgjedhësi i Kombëtares së Kosovës në hendboll, Agron Shabani, ka shpallur listën e lojtareve të ftuara për dy ndeshjet ndaj Finlandës në kuadër të fazës së dytë kualifikuese për Euro 2026.

Ndeshja e parë zhvillohet më 5 mars nga ora 17:30 në Vantaa, Finlandë, ndërsa ndeshja e dytë më 8 mars nga ora 17:15 në Pallatin e Rinisë dhe Sportit në Prishtinë.

Lojtaret e ftuara janë:

Albina Pllana

Tina Hetemi

Elisa Mulaj

Melisa Mulaj

Yllka Shatri

Elvina Qorraj

Venera Kafexholli

Aulona Maloku

Vanesa Kastrati

Diona Dresh

Mirjeta Bytyqi

Merlinda Qorraj

Arjeta Imeraj

Aurora Kryeziu

Orgesa Gola

Dafina Mustafa.

Sport

Sot ndeshje interesante në Ligën e Kampionëve, a do të mbijetojë Juventusi?

Published

12 hours ago

February 25, 2026

UBTNews

Sot zhvillohet rundi i dytë i ndeshjeve të fazës së eliminimeve në Ligën e Kampionëve. Katër skuadra do të vazhdojnë garat në rangun tjetër, ndërsa katra të tjera do të përshëndeten për këtë vit nga gara prestigjioze.

Nga ora 18:45 takohen Atalanta – Borusia Dortmund. Në ndeshjen e parë, gjermanët fituan 2:0.

Juventus pret turqit e Gallatasarajit, të cilët në ndeshjen e parë arritën rezultat historik, duke mundur gjigantët italianë më rezultat 5”2.

Takohen edhe Paris Saint Germain me Monakon. Në ndeshjen e parë parisienët fituan 3:2.

Ndeshja e fundit është ajo mes Real Madridit e Benfikës. Në ndeshjen e parë, Reali fitoi me rezultat të ngushtë 1:0.

Tri ndeshjet e fundit zhvillohen nga ora 21:00.

Sport

Bodø/Glimt trondit Interin 2-1 në “San Siro”

Published

12 hours ago

February 25, 2026

UBTNews

Mbrëmja evropiane në “San Siro” solli një nga surprizat më të mëdha të viteve të fundit në UEFA Champions League. Kampionët e Norvegjisë, Bodo/Glimt, mposhtën Interin me rezultat 2-1 në Milano, duke vulosur kualifikimin me shifrat e përgjithshme 5-2 dhe duke siguruar një vend në fazën e 1/8-tave.

Skuadra italiane e nisi ndeshjen me pritshmëri të larta, por mysafirët treguan qetësi dhe organizim të admirueshëm. Në minutën e 58-të, Jens Petter Hauge përfitoi nga një gabim në mbrojtjen zikaltër dhe kaloi norvegjezët në epërsi. Vetëm 14 minuta më pas, Hauge u shndërrua në asistues, duke shërbyer për Hakon Evjen, i cili dyfishoi avantazhin dhe heshti tribunat italiane.

Interi reagoi në minutën e 76-të me golin e Alessandro Bastonit, por kjo mjaftoi vetëm për të zbutur humbjen, jo për të shmangur eliminimin.

Me këtë sukses, Bodo/Glimt hyn në histori si skuadra e parë norvegjeze që fiton dy ndeshje në fazën eliminatore të Champions League. Jo vetëm kaq, ata u bënë edhe ekipi i parë jashtë pesë ligave më të forta evropiane që regjistron katër fitore radhazi ndaj skuadrave nga këto kampionate, një arritje që nuk ishte parë që nga epoka e artë e Ajaxit në sezonin 1971/72, i udhëhequr nga legjenda Johan Cruyff.

Seria mbresëlënëse e norvegjezëve kishte nisur më herët me fitore ndaj gjigantëve evropianë si Manchester City dhe Atlético Madrid, përpara se të konfirmohej kulmi me dy triumfe ndaj Interit.

Tashmë, sytë janë drejt shortit të radhës, ku Bodo/Glimt mund të përballet me Sporting CP ose sërish me Manchester Cityn. Mbetet për t’u parë nëse aventura e tyre do të vazhdojë si një përrallë moderne e futbollit evropian, apo nëse surpriza do të ndalet këtu.

Në Ligën e Kampionëve mbrëmë janë zhvilluar edhe tri ndeshje. Në raundin tjetër ka kalur Atletiko Mardid, pasi mundi Bryzhin e Beligjikës me rezultat të përgjithshëm 7:4 (3:3 ndeshja e parë, 4:1 dje). Leverkuzeni eliminoi Olympiakosin me rezultat të përgjithshëm 2:0, që ishte rezultat i ndeshje së parë. Dje dy skuadrat luajtën barazim. Tutje kaloi edhe Njukastëll. Dje mundi Karabahun me rezultat 3:2, derisa në ndeshjen e parë kishte fituar 6:1.