Aktualitet

Oda e Hotelerisë kundër tubimeve të partive politike, paralajmërojnë padi ndaj institucioneve

Publikuar

3 vjet më parë

më

Kundër tubimeve të partive politike që janë mbajtur kohëve të fundit është edhe Oda e Hotelerisë dhe Turizmit të Kosovës (OHTK). Kjo e fundit i ka vënë ultimatum Qeverisë së Kosovës që të respektojë masat qe i ka vënë vet apo të heq kufizimet për të gjithë, përndryshe paralajmëron greva.

Kryetari i kësaj ode, Hysen Sogojeva tha se do të ngrenë edhe padi ndaj institucioneve të vendit për kompensimin e humbjeve për shkak të ndalimit të ushtrimit të veprimtarisë pas masave anti-COVID.

Ai tha se 35-40 përqind e bizneseve të hotelerisë kanë falimentuar, ndërsa 30 mijë persona kanë mbetur pa punë.

Sogojeva adresoi një kërkesë edhe për Bankën Qendrore të Kosovës (BQK), ku tha se kjo e fundit duhet të shfuqizojë vendimin për ndalimin e dhënies së kredive për bizneset e hotelerisë, sipas të cilit kjo kategori nuk mund të marrë edhe 2 vjet pas përfundimit të pandemisë.

“Duke marrë parasysh se në çfarë gjendje gjenden bizneset e kësaj veprimtarie dhe presionin që e kemi nga këto biznese, të cilat rreth 30 mijë punëtorë i kanë pa punë, dhe duke nisur nga ajo se këto masa nuk kanë dhënë asnjë rezultat deri më sot, ne e kemi ftuar këtë konferencë pasi ne si odë kujdesemi për shëndetin e qytetarëve. Ju i dini masat e dy qeverive, e para me mbyllje, e dyta me hapje, e që dolën antikushtetuese. Shikoni fotografitë, tërë këto fotografi te tubimeve elektorale. Ne patëm ofruar guidën tonë, me të cilën nuk do të kishte pasur nevojë për kufizime. Ne jemi për ta mbrojtur shëndetin, lëshoni njerëzit le të punojnë, përmbajuni masave. Në mbledhjen e djeshme të kryesisë kemi marrë vendim që këto vendime kanë me qenë fuqiplotë dhe funksionale”, tha ai në konferencën për media.

Kryetari i departamentit të Estradës, Afrim Muqiqi tha se në rast se vazhdojnë tubimet elektorale, bizneset e hotelerisë do të fillojnë të ushtrojnë veprimtarinë e tyre.

“Po shihet që ky standard i dyfishtë qenka përdorur veç për neve, në interes të partive politike. Po i pyes të gjithë politikanët nga u.d. së Presidentit, ku janë ato standarde që ju vet i keni nënshkruar, ku është logjika që të ndalohet ushtrimi i profesionit tonë? Çka janë këto për krejt këta zotërinjtë që thonin ‘mbani maskat, lani duart’. Siç po shihet masat qenkan liruar, veç edhe ne të thërrasim dasmorët, sepse partitë politike po i mbushin sallat e dasmave për interesa të tyre. Turpi qoftë mbi ta”, tha ai.

Etiketa
Vazhdo të lexosh

Aktualitet

Qeveria mban mbledhje elektronike

Merr dy vendime.

Publikuar

7 orë më parë

më

23 Prill, 2024

nga

Qeveria e Kosovës ka zhvilluar sot një mbledhje elektronike, në të cilën ka marrë dy vendime.

Sipas njoftimit të Zyrës së Kryeministrit, Qeveria ka miratuar Projektligjin për Ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – Neni 1.

Qeveria po ashtu ka themeluar Komisionin e Pranimit për pozitën e Sekretarit të Përgjithshëm të Ministrisë së Punëve të Jashtme dhe Diasporës, sipas konkursit të shpallur me datën 14.03.2024.

Vazhdo të lexosh

Aktualitet

Rama nis vizitën zyrtare në Paris, takim ‘kokë më kokë’ me presidentin Macron

Vizita bëhet me ftesë të presidentit Macron.

Publikuar

2 javë më parë

më

11 Prill, 2024

nga

Kryeministri Edi Rama nisi sot një vizitë zyrtare dyditore në Paris me ftesë të presidentit francez, Emmanuel Macron, ku do të zhvillojë një sërë takimesh të përqendruara kryesisht në promovimin e potencialeve dhe klimës pozitive që Shqipëria ofron për zhvillimin e investimeve të huaja, si dhe në perspektivën e bashkëpunimit mes dy vendeve në fushën e teknologjisë dhe inovacionit.

Konkretisht, ditën e premte në orën 8:30, kryeministri Rama do të zhvillojë një mëngjes pune me Unionin e Sipërmarrësve të Francës MEDEF, nën drejtimin e z. Jean-Paul Agon, president i grupit L’Oréal dhe i komitetit Francë-Shqipëri në MEDEF, me pjesëmarrjen e 35 përfaqësuesve të kompanive prestigjoze franceze, si dhe të ftuar të tjerë nga bota e biznesit. Gjatë takimit do të prezantohen disa nga fushat prioritare për investime në Shqipëri, me interes të ndërsjellë për të dy vendet dhe më pas kryeministri Rama do të zhvillojë takime individuale me drejtues të sipërmarrjeve pjesëmarrëse, shkruan Top chanel, transmeton KosovaPress.

Të premten, në orën 12:30, do të zhvillohet ceremonia zyrtare e mirëseardhjes, e më pas në orën 13.00, Kryeministri Rama do të mbërrijë në Pallatin Elysee, ku do të mikpritet nga Presidenti francez Emmanuel Macron me të cilin do të mbajnë edhe një deklaratë për shtyp.

Më pas, në praninë e Kryeministrit Edi Rama dhe Presidentit francez Macron do të nënshkruhen disa marrëveshje ndërqeveritare dhe memorandume mirëkuptimi mes vendeve.

Në orën 14:45, Kryeministri Edi Rama dhe Presidenti Francez Macron do të zhvillojnë një takim kokë më kokë mes tyre.

Axhenda do të vijojë në orën 16.00 me vizitën dhe takimet në STATION F, inkubatori më i madh në botë i startup-eve dhe inovacionit, si dhe me mbledhjen inauguruese të Këshillit të Inovacionit Francë-Shqipëri –CIFA, ku do të marrë pjesë edhe Sekretarja franceze e Shtetit për Industrinë Numerike, përfaqësues të ministrive franceze të Jashtme dhe të Ekonomisë, si edhe operatorë të ndryshëm franceze e shqiptarë në fushën e inovacionit.

Së bashku me Kryeministrin Rama pjesë e delegacionit qeveritar do të jenë Ministrja e Arsimit dhe Sportit Ogerta Manastirliu, Ministrja e Turizmit dhe Mjedisit Mirela Kumbaro, Ministri i Ekonomisë, Kulturës dhe Inovacionit Blendi Gonxhe, Ministri i Shtetit për Pushtetin Vendor Arbjan Mazniku, si dhe Ministrja e Shtetit për Administratën Publike dhe Antikorrupsionin Adea Pirdeni.

Vazhdo të lexosh

Aktualitet

​Vdes ish-gazetari Arben Rugova

AGK-ja i shpreh ngushëllime familjes, miqve dhe komunitetit. 

Publikuar

1 muaj më parë

më

19 Mars, 2024

nga

Asociacioni i Gazetarëve të Kosovës me pikëllim ka marrë lajmin për vdekjen e gazetarit, Arben Rugova. Në njoftim thuhet se ai ka punuar në sektorin e arsimit dhe të politikës në disa media si Koha Ditore, Gazeta Express, Telegrafi, Gazeta Lajmi e të tjera.

Rugova punonte së fundi si Zyrtar për Qasje në Dokumente Publike në Ministrinë e Jashtme dhe të Diasporës. Për vdekjen e gazetarit Rugova, kanë njoftuar familjarët e të ndjerit në rrjetet sociale.

AGK-ja i shpreh ngushëllime familjes, miqve dhe komunitetit.

Vazhdo të lexosh

Aktualitet

Shpërthim në Lushnjë: Raportohet një i vdekur e gjashtë të plagosur, mes tyre deputeti i PS

Gjashtë të plagosurit nga shpërthimi në Lushnjë janë nisur drejt spitalit të Traumës.

Publikuar

2 muaj më parë

më

1 Mars, 2024

nga

Një shpërthim i fuqishëm ka ndodhur në një magazinë në ndërtim në Lushnjë. Një person humbi jetën, shtetasi R.H. Gjithashtu raportohet për gjashtë persona janë plagosur, mes tyre edhe deputeti i PS, Bujar Çela.

Gjashtë të plagosurit nga shpërthimi në Lushnjë janë nisur drejt spitalit të Traumës.

Ministri i Brendshëm Taulant Balla ka mbërritur në spitalin e Lushnjës, ndërkohë që ende nuk dihet gjendja e të plagosurve. Ndërsa ajo që dihet deri më tani është se deputeti Bujar Çela po i nënshtrohet një ndërhyrje kirurgjikale. Në ndihmë po vijnë dhe mjekë nga spitali i Fierit dhe Beratit, bashkë me autoambulanca.

Ende nuk dihet shkaku i saktë i këtij shpërthimi, ndërsa dyshohet se gjatë punës në fabrikë, një vinç ka prekur linjën e tensionit të lartë dhe për rrjedhojë ka pasur një shpërthim.

Vazhdo të lexosh

Të kërkuara