Lajmet

Kumanova regjistron disa zjarrvënie që dyshohet të jenë kryer qëllimshëm

Published

8 months ago

December 2, 2024

UBTnews

Në orët e para të mëngjesit të së hënës, në Kumanovë janë regjistruar disa raste të zjarrvënieve të dyshuara si të qëllimshme.

Zjarret kanë përfshirë një lokal afarist, një pjesë të një shtëpie dhe disa vetura, mes të cilave edhe atë të prokurorit të lartë, Xhelal Bajrami.

Në një deklaratë për Radion Evropa e Lirë, prokuroi Bajrami tha se organet kompetente të sigurisë dhe prokurori kujdestar, kanë dalë në vendin e ngjarjes dhe kanë siguruar prova të mjaftueshme materiale për të ndihmuar në zbardhjen e rastit.

“Mendoj se bëhet fjalë për ndonjë kriminel, apo grup kriminelësh që kanë ndërmarrë këtë veprim”, tha Bajrami.

Ai përjashtoi çdo motiv politik lidhur me ngjarjen.

“Nuk dua t’i jap kësaj ngjarjeje ndonjë konotacion tjetër, por mendoj se është thjesht një akt kriminal. Nuk kam dyshim në ndonjë person. Nuk besoj se ka ndodhur me prapavijë politike, aq më tepër sepse unë nuk merrem me politikë prej më shumë se 10 vitesh dhe e përjashtoj këtë mundësi“, shtoi Bajrami.

Përkundër prokurorit Bajramit, opozita shqiptare, Bashkimi Demokratik për Integrim (BDI), përmes një komunikate, siç e quajtën “të jashtëzakonshme” për media, akuzoi Qeverinë dhe institucionet në Maqedoninë e Veriut, që siç thanë “nuk po arrijnë të garantojnë siguri për qytatarët”, dhe kërkoi edhe ndërhyrjen e faktorit ndërkombëtar.

“Bashkimi Demokratik për Integrim bën thirrje për ndërhyrje urgjente nga faktori ndërkombëtar. Qartë është bërë e ditur se nga kjo qeveri e verbuar dhe e njëanshme nuk mund të presim as drejtësi dhe as përgjegjësi. Vetëm një presion ndërkombëtar mund të ndalojë këtë spirale të rrezikshme të dhunës dhe urrejtjes, e cila po kërcënon paqen dhe stabilitetin në vend”, thuhet në kumtesën e BDI-së.

Nga kjo parti thanë se, mesazhi që po dërgohet është se “shqiptarët në këtë vend janë të lënë në mëshirën e fatit”.

“Ne kërkojmë që këto sulme të hetohen menjëherë dhe autorët të sillen para drejtësisë. Shqiptarët nuk do të qëndrojnë më të heshtur përballë kësaj padrejtësie, dhe ne do të përdorim çdo mjet demokratik për t’i mbrojtur të drejtat dhe dinjitetin e qytetarëve tanë”.

Në qytetin e Kumanovës, zjarr i është vënë edhe zyrës së kontabilitetit dhe përkthimeve gjyqësore, e cila ndodhet përballë Gjykatës së atjeshme Themelore. Ky subjekt figuron në emrin e Fitor Jakupit, këshilltar i BDI-së në Kuvendin Komunal të Kumanovës.

Makina ka tentuar t’i digjet edhe një koloneli me inicialet E.D, por që është përfshirë vetëm pak nga flaka. Raportohet se është djegur edhe një tjetër makinë , kurse flakët e zjarrit kanë kapluar edhe një pjesë të shtëpisë ku ka qenë e parkuar.

Bëhet e ditur se Prokurori Publik kujdestar ka dalë në vendin e ngjarjes për të zbardhur rrethanat e djegies së të paktën dy veturave dhe një objekti afarist.

Prokuroria tha se janë siguruar prova nga vendi i ngjarjes që do të jenë objekt ekspertize, ndërkohë që po kontrollohen edhe kamerat e sigurisë.

Por, jozyrtarisht mësohet se në asnjë prej vendeve ku është vënë zjarri, nuk kanë punuar kamerat e sigurisë. Grupi hetimor nuk përjashton mundësinë që të dyshuarit të kenë përdorur bllokues të internetit, që ndërpret filmimet në kamerat e sigurisë.

Related Topics:Kumanova Xhelal Bajrami zjarrvenie

Up Next

Tahiri: Qeveria Kurti me rekorde të shkeljeve kushtetuese

Don't Miss

KEK: Ndalet puna dy ditore në Njësinë B1

Lajmet

Pesë kadetë nga Kosova diplomojnë në Akademinë e Forcave të Armatosura të Shqipërisë

Published

11 hours ago

July 30, 2025

UBTnews

Pesë kadetë nga Kosova kanë diplomuan në Akademinë e Forcave të Armatosura të Shqipërisë.

Ata do të vazhdojnë shërbimin e tyre si oficerë në radhët e Forcës së Sigurisë së Kosovës.

Kjo u bë e ditur nga ministri në detyrë i Mbrojtjes, Ejup Maqedonci i cili mori pjesë në ceremoninë e diplomimit me ftesë të homologut të tij nga Shqipëria, Pirro Vengu.

“Me mbështetjen e ministrit Pirro Vengu dhe të Shefit të Shtabit të Përgjithshëm, gjeneral Arben Kingji, është bërë e mundur që për vitin e ardhshëm të katërfishohet numri i kadetëve nga Kosova që do të ndjekin studimet në këtë akademi prestigjioze”, shkruan Maqedonci në Facebook

Lajmet

IPK-ja identifikon dobësi në pasqyrimin e gjobave dhe shkeljeve

Published

11 hours ago

July 30, 2025

UBTnews

Inspektorati Policor i Kosovës thotë se ka të meta në pasqyrimin e të dhënave në gjoba në raport me shkeljet dhe që këto “sjellin dyshime se mund të abuzohet gjatë kryerjes së detyrës zyrtare”. Kjo është theksuar me një inspektim që IPK-ja e ka bërë rreth përdorimit të teknologjisë për matjen e shpejtësisë së lëvizjes së mjeteve në trafik.

Përmes një njoftimi për media, IPK-ja tha se inspektimi është realizuar me kërkesë të kryeshefit ekzekutiv, ndër të tjera, bazuar në informacionet që IPK kishte pranuar se zyrtarët policorë për arsye të ndryshme nuk i gjobisin kundërvajtësit për shkeljet që i kanë kryer.

“Inspektimi ka vënë në pah se ka dobësi/të meta në pasqyrimin e të dhënave në gjoba në raport me shkeljet dhe që këto sjellin dyshime se mund të abuzohet gjatë kryerjes së detyrës zyrtare”.

Sipas IPK-së. gjatë krahasimit të të dhënave në gjoba dhe atyre të regjistruara në radar gjatë inspektimit janë hasur katër natyra të mospërputhjeve: Shpejtësia e lëvizjes së mjetit e përshkruar në gjobë është më e ulët se ajo e regjistruar në radar (në 55 nga 84 mostra/gjoba); Shpejtësia e kufizuar në radar ndryshon nga ajo e regjistruar në gjobë (në 23 nga 84 mostra); Lloji i shkeljes në gjobë ndryshon nga ajo e matur me radar (në 3 nga 84 mostra); Shqiptohet gjobë për tejkalim të shpejtësisë në bazë të një neni (paragrafi) jo adekuat të ligjit (në 3 nga 84 mostra).

IPK-ja në kuadër të Raportit ka dhënë shtatë rekomandime, që kanë të bëjnë me nevojën e nxjerrjes së një udhëzuesi lidhur me përdorimin e pajisjeve për matjen e shpejtësisë së lëvizjes, mbajtjen e një trajnimi shtesë për të pajisur personelin me njohuri të mjaftueshme, ushtrimit të kontrolleve në drejtim të eliminimit të dobësive sa i përket vendosjes së të dhënave në pajisjet e matjes, ushtrimit të kontrolleve në drejtim të eliminimit të praktikave të dëmshme gjatë shqiptimit të gjobave për kundërvajtje, përdorimit efektiv të automjeteve me pajisje inteligjente, monitorimit të procesit të shkarkimit dhe ruajtjes së materialeve të regjistruara nga pajisjet, aplikimit të praktikës së printimit të kundërvajtjeve.

Lajmet

Një aksident me fatalitet, Policia e Kosovës shqipton mbi 2 mijë e 200 gjoba trafiku brenda 24 orëve të fundit

Published

11 hours ago

July 30, 2025

UBTnews

Policia e Kosovës ka shqiptuar 2289 gjoba për kundërvajtësit e trafikut brenda 24 orëve të fundit.

Në 24 orët e fundit janë raportuar 70 aksidente trafiku me dëme materiale, 35 aksidente trafiku me të lënduar kurse një aksident përfundoi me fatalitet.

Policia e Kosovës ka arrestuar 20 persona, 10 janë dërguar në mbajtje kurse një person është në vuajtje të dënimit.

Lajmet

Konfiskohen nëntë armë në formë stilolapsi, arrestohet i dyshuari

Published

12 hours ago

July 30, 2025

UBTnews

Një person është arrestuar pasi të njëjtit i janë gjetur nëntë armë në formë stilolapsi dhe katër fishek.

Policia në Pejë njoftoi se pas informacionit për një përleshje fizike në fshatin Carrabreg-Deçan njësitet policore kanë dalë në vendin e ngjarjes ku edhe i janë gjetur dhe i janë konfiskuar armë të dyshuarit.

“Nё koordinim me prokurorin e Shtetit, ёshtё kryer kontroll/bastisje ne shtёpinё e personit tё dyshuar mirёpo nuk ёshtё gjetur diçka e kundёrligjshme.I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё“, thuhet në njoftim.