Kulturë

Kujdes kur komunikoni me menaxherin tuaj

Mos u bëni të bezdisshëm me telefonin.

Published

4 years ago

on

Janë disa gjëra të cilave punonjësit duhet t’iu kushtojnë kujdes në relacion me eprorin në punë. Ne kemi përzgjedhur pesë:

1. Asnjëherë mos u vononi – Ndoshta një ose dy herë është në rregull, por nëse e bëni zakon, sigurisht që kjo do të bëjë që menaxheri juaj të humbasë durimin.

Si ta parandaloni: Gjithmonë vendosni alarmin e orës më herët. Gjithmonë zgjohuni në kohë, duke i paraprirë incidenteve të tilla si bllokimi i trafikut, i rrugëve apo ndonjë aksident.

2. Tavolina e punës e çrregullt – Një tavolinë punë e çrregullt reflekton personalitet negativ. Çdo herë që keni mundësi dhe kohë për të pastruar vendin ku punoni, pastrojeni! E njëjta gjë edhe në fundin e ditës, gjithmonë mbani të pastër dhe të rregullt tavolinën e punës.

Si ta parandaloni: Shumë thjeshtë: Pastroni në kohë. Mbani tavolinën e punës sa më të thjeshtë që të duket e pastër dhe e rregullt.

3. Të bëni pyetje kot – Shumë menaxherë pëlqejnë që vartësit t’i bëjnë pyetje sesa të bëjnë gabime në punën e tyre. Megjithatë shmangni pyetje për të cilat mund të merrni përgjigje me anë të një kërkimi të shpejtë.

Si ta parandaloni: Shfrytëzoni mundësinë e internetit në maksimum. Përdorni google ose faqe që tregojnë se “si të bëni…” dhe është e sigurt se do të keni impakt shumë pozitiv tek menaxheri juaj. Gjithnjë mendohuni, më pas pyesni dhe jo e kundërta.

4. Mos u bëni të bezdisshëm me telefonin – E mbani mend herët e fundit që keni qenë në një takim dhe celulari i shokut tuaj ka rënë pa pushim? E njëjta gjë ndodh edhe me menaxherin tuaj: ai nuk do ta pëlqejë fare nëse celulari bie dhe shqetëson bisedën e tij.

Si ta parandaloni: Kujtohuni që të vendosni celularin në “heshtje” apo lëreni në sirtar. Mos e merrni me vete celularin në sallën e takimit me zilen në maksimum.

5. Mënyra të gabuara të komunikimit – Përdorimi i mënyrave të gabuara të komunikimit me drejtuesin tuaj mund të rezultojnë shkatërruese. Ai/ajo mund të urrejë njerëzit që dërgojnë mesazhe me celular. Duke njohur mënyrat e tij/saj puna juaj do të shkojë shumë mirë, të paktën derisa të keni të njëjtin menaxher.

Si ta parandaloni: Gjithmonë vëzhgoni stilin e tij/saj të komunikimit. Email apo mesazhet mund të jenë një mënyrë e pëlqyer për disa menaxherë, ndërsa të tjerë mund të pëlqejnë komunikimin ballë për ballë.

Related Topics:
Continue Reading

Magazinë

Ish-partnerja e Liam Payne, Cheryl, trashëgon pasurinë e tij me vlerë 32.3 milionë dollarë

Published

8 hours ago

on

May 8, 2025

By

Liam Payne mund të ketë qenë i ndarë nga partnerja e tij, Cheryl, me të cilën pati një djalë, Bear 8-vjeçar, në kohën e vdekjes së tij, por nëna e fëmijës së tij po trashëgon pasurinë e tij, me vlerë 32.3 milionë dollarë, pasi këngëtari i One Direction nuk la testament kur ndërroi jetë.

Për momentin, anëtarja e Girls Aloud (e njohur më parë si Cheryl Cole) e cila po punon me avokatin Richard Mark Bray, ka qasje të kufizuar në pasuri.

Payne vdiq në tetor në moshën 31 vjeç, kur ra nga kati i tretë i një hoteli në Argjentinë. Shkaku i vdekjes së tij, sipas ekzaminimit mjeko-ligjor, ishin lëndime të shumta me gjakderdhje të brendshme dhe të jashtme. Një test toksikologjik tregoi narkotikë në trupin e tij në kohën e rënies.

Në atë kohë, ai po dilte me influencuesen Kate Cassidy, e cila e kishte shoqëruar në pushimet e tij në Amerikën e Jugut, por ishte larguar disa ditë më parë.

“Liam ishte në humor shumë të mirë kur u largova nga Argjentina”, do t’i thoshte më vonë 26-vjeçarja gazetës “The Sun”. “Ishim shumë mirë, plot dashuri.” Ai ishte i lumtur dhe optimist. Nuk mund ta besoj që ka mbaruar vërtet.”

Continue Reading

Magazinë

Trump habit me veprimin: Punësoi yllin e reality show-t në muzeun e Holokaustit

Published

13 hours ago

on

May 8, 2025

By

Donald Trump ka bërë një tjetër veprim që mund të shkaktojë reagime.

Në muzeun kushtuar viktimave të Holokaustit, ai punësoi yllin e reality show-t Siggy Flicker, e njohur për pjesëmarrjen e saj në shfaqjen The Real Housewives of New Jersey.

Siggy është një nga 11 personat e emëruar nga Trumpi për të shërbyer në bordin e muzeut.

Trump komentoi në platformën Truth Social: “Ata të gjithë e mbështesin Izraelin dhe do të sigurohen që ne të mos harrojmë kurrë. Urime të gjithëve”! Flicker njoftoi gjithçka në Instagram, duke falënderuar Trumpin “për privilegjin”.

Continue Reading

Magazinë

Cardi B i përgjigjet komenteve negative për paraqitjen e saj në Met: Isha e lodhur

Published

16 hours ago

on

May 8, 2025

By

Cardi B nuk mund të mungonte në Met Gala 2025, ku u shfaq me një krijim mbresëlënës të Burberry, duke tërhequr edhe një herë vëmendjen mbi veten. Edhe pse shumica e njerëzve e lavdëruan për zgjedhjen e veshjeve, shumë komentuan qëndrimin dhe deklaratat e saj para kamerave.

Gjatë një interviste për Vogue, ndërsa përgatitej për eventin, reperja foli hapur për presionin që ndjen për ta tejkaluar veten çdo herë:

“Është më stresuese tani sepse po konkurroj me veten”, tha ajo, duke shtuar: “Të gjithë presin shumë nga unë. Sidomos këtu, sepse e dinë se kjo është fusha ime. Është e frikshme, por më pëlqen.” Ajo shtoi: “ Kjo më bën të kuptoj se jam vërtet një superyll.” “Sepse vetëm superyjet janë të ftuar.”

Fansat e saj në rrjetet sociale nxituan të lavdëronin mirëkuptimin e saj për çështjen e Met, por videoja tërhoqi vëmendjen edhe për arsye të tjera.

Disa filluan ta kritikonin pamjen e saj, duke pretenduar se dukej “e lodhur”, “e dehur” apo edhe “nën ndikimin e drogës”.

Continue Reading

Kulturë

92 vjet nga lindja e mbretëreshës së këngës shqipe, Nexhmije Pagarushës

Published

1 day ago

on

May 7, 2025

By

Sot janë bërë 92 vjet nga lindja e mbretëreshës së muzikës shqipe, Nexhmije Pagarushës.

Ajo mbetet një nga figurat më të shquara të muzikës shqiptare, e cila sot në këtë përvjetor vazhdon të kujtohet si ‘Bilbili i këngës shqipe’ e cila la pas një trashëgimi të pashlyeshme, e cila vazhdon të frymëzojë e të prekë zemrat e shumëkujt.

Nexhmije Pagarusha nuk ishte vetëm një artiste, por një ikonë, një përfaqësuese e muzikës shqiptare. Me zërin e saj të shkëlqyeshëm dhe interpretimin e ndjeshëm, ajo arriti të kapte zemrat e publikut në mënyrë të paimagjinueshme.

Këngët e saj, si “Baresha”, ”Ani mori nuse”, ”Mora testin”, “Një lule”, “Zambaku i Prizrenit” dhe shumë të tjera, nuk janë vetëm kompozime muzikore, por janë pjesë e trashëgimisë kulturore të kombit tonë.

Veprimtaria e saj muzikore 40-vjeçare është aq e gjerë, sa që është vështirë të thuhet se cilit zhanër i takon. Është e njohur për interpretimet e saj të shkëlqyera në muzikën popullore dhe opera.

Nexhmije Pagarusha ishte edhe aktore e suksesshme, si në film ashtu edhe në teatër.

”Baresha” është një ndër kryeveprat e interpretimit të saj. Kjo këngë u kompozua nga bashkëshorti i saj Rexho Mulliqi, me tekstin e poetit Rifat Kukaj.

Nexhmije Pagarusha interpretoi në një koncert të muzikës klasike veprat e përkthyera shqip të Bethovenit, Puçinit, Verdit, etj. Ky koncert ka qenë i pari i këtij lloji. Fatkeqësisht, asnjërit nga organizatorët teknikë nuk iu kishte kujtuar që të regjistronte këtë koncert. Mendohet se ajo ka interpretuar mbi 150 këngë.

Ajo ishte pjesëmarrëse e koncerteve në Kosovë, Shqipëri, Bullgari, etj. Karrierën muzikore e përfundoi në vitin 1984, pas një koncerti në Sarajevë. Pas 16 vjetësh larg skenës, ajo u paraqit në vitin 2000 me këngën “Për ty” në një emision të udhëhequr nga Ardit Gjebrea, i cili e bindi të bëjë këtë.

Më 2018 Pagarusha u vlerësua me “Medaljen e Mirënjohjes” nga presidenti amerikan, Donald Trump.

Përveç talentit të saj të rrallë, Nexhmije Pagarusha ishte gjithashtu një simbol i forcës dhe rezistencës.

Me 7 Shkurt 2020, Nexhmije Pagarusha u nda nga jeta.

Continue Reading

Të kërkuara