Sport

Kryeziu, Pupovci e Kokaj do ta përfaqësojnë Kosovën në EYOF Vuokatti 2022

EYOF do të fillojë garat më datën 20 mars dhe do të përfundojë më 25 mars.

Published

on

Kiana Kryeziu, Alba Pupovci dhe Drin Kokaj, janë tre skitaristët që do të marrin pjesë në Festivalin Olimpik Dimëror për të rinj (EYOF) Vuokatti 2022. Kështu u bë e ditur në një konferencë për medie që u mbajt të premten nga Komiteti Olimpik i Kosovës (KOK).

Teksa u shpreh i kënaqur me të arriturat e deritanishme të ekipit të skitarëve, presidenti i KOK-ut, Ismet Krasniqi pret që në këto gara garuesit e përzgjedhur të japin maksimumin dhe të kenë një paraqitje dinjitoze.

“Ekipi olimpik i Kosovës do të marrë pjesë për herë të tretë në EYOF Dimëror për të rinj. Ekipi përbëhet nga tre garues, të cilët janë Kiana Kryeziu, që ka qenë pjesëmarrëse në Lojërat Olimpike Pekin 2020. Kemi edhe Alba Pupovci dhe kemi Drin Kokaj[…]Pritshmëritë tona në këto lojëra olimpike për të rinj janë që garuesit tanë të japin maksimumin dhe të kenë një paraqitje dinjitoze në këto gara”, tha Krasniqi.

Edhe kryetari i Federatë Skitare të Kosovës, Milaim Kelmendi, pret nga ekipi kosovar të ketë rezultate të mira në këtë garë.

“Sa për pritshmëritë atje, unë mendoj që njëkohësisht, qysh e patëm edhe fatin që të shkon dhe të shënon një olimpiadë femra e parë në histori të Kosovës, atëherë mendoj që edhe atje do të kemi një pritshmëri të mirë sa i përket rezultateve dhe vetëm ju uroj shëndet, fat dhe rrugë të mbarë”, tha Kelmendi.

Një prezantim të mirë të Kosovës në Voukatti të Finlandës nga skitaristët po e pret edhe trajneri i ekipit kosovar të skitarisë, Agim Pupovci. Madje ai beson që prezantimi do të jetë i mirë.

“Besoj që do të kemi një prezantim të mirë dhe do ta kem parasysh se atje janë po ashtu të gjithë garuesit më të mirë të Evropës në moshat e juniorëve. Presim një prezantim të mirë prej garuesve”, tha Pupovci.

Mediave iu drejtua edhe skitarja Kiana Kryeziu, e cila kishte një kërkesë të veçantë për të gjitha femrat që merren me sport në Kosovë.

“Është një nder i madh që prapë me u zgjedh si përfaqësuese e Kosovës, të njëjtën kohë kisha dashtë edhe me bo një thirrje të gjitha femrave që merren me sport, që mi ndjek ëndrrat e tyre edhe me vazhdu në këtë rrugëtim, për shkak se vetëm në atë mënyrë arrihet suksesi”, tha Kryeziu.

EYOF do të fillojë garat më datën 20 mars dhe do të përfundojë më 25 mars.

Sport

Kevin De Bruyne njofton largimin nga Manchester City në fund të sezonit

Published

on

Kevin De Bruyne, një nga futbollistët më të mëdhenj në historinë e Manchester Cityt, ka konfirmuar se do të largohet nga klubi në fund të këtij sezoni, kur dhe përfundon kontrata e tij me kampionët e Anglisë.

Në një postim emocionues në rrjetet sociale, mesfushori belg shprehu mirënjohjen për periudhën e tij te “Citizens”, duke e cilësuar këtë kapitull si më të mirin në karrierën e tij. De Bruyne, që iu bashkua Cityt në vitin 2015 nga Wolfsburgu, ka fituar 16 trofe, përfshirë gjashtë tituj të Premier League dhe Ligën e Kampionëve në vitin 2023, një arritje historike për klubin.

Një nga lojtarët më të rëndësishëm të epokës së Pep Guardiolës, De Bruyne është njohur për vizionin e tij të jashtëzakonshëm, pasimet precize dhe ndikimin në lojën e ekipit. Deri tani, nuk është zbuluar ende destinacioni i tij i ardhshëm, por largimi i tij shënon fundin e një epoke të lavdishme për Manchester Cityn.

Continue Reading

Sport

Granit Xhaka, ‘Mbreti’ i pasimeve në Bundesligë

Published

on

Granit Xhaka po tregon përse është një nga mesfushorët më të rëndësishëm në futbollin europian. Sipas statistikave të fundit nga “Bundesliga Match Facts”, mesfushori shqiptar nga Kosova, i cili luan për Bayer Leverkusen, kryeson Bundesligën për performancën më të lartë në pasime.

Me 1966 pasime të suksesshme, Xhaka arrin një performancë pasimi prej 67.0, duke lënë pas rivalët e tij kryesorë, Angelo Stiller të Stuttgart dhe Joshua Kimmich të Bayern Munich. Ky sukses është një tjetër tregues i aftësive të jashtëzakonshme të Xhakës në fushë, dhe vjen në një sezon të shkëlqyer për Leverkusen, që po lufton për titullin në Bundesligë dhe ka shfaqur një stil loje dominues nën drejtimin e trajnerit Xabi Alonso.

Roli i Xhakës në këtë ekip është kyç, duke qenë dirigjenti i mesfushës dhe një faktor vendimtar në ndërtimin e aksioneve sulmuese të skuadrës. Performanca e tij ka qenë thelbësore për sukseset e Leverkusen këtë sezon dhe e pozicionon atë si një nga lojtarët më të shquar në Bundesliga.

Continue Reading

Sport

Stephen Curry fiton duelin me LeBron James, rezultatet në NBA

Published

on

Golden State Warriors ka fituar ndaj Los Angeles Lakers me rezultatin 123-116 në një përballje të ngushtë mes dy ekipesh që luftojnë për titullin në NBA. Stephen Curry ishte i jashtëzakonshëm me 38 pikë, duke udhëhequr Warriors në fushë, ndërsa Moses Podziemski e mbështeti me 28 pikë.

Nga ana tjetër, LeBron James shënoi 33 pikë dhe Austin Reaves shtoi 31, por këto nuk mjaftuan për Lakers për të mposhtur Golden State.

Në ndeshje të tjera, Milwaukee Bucks mundi Philadelphia 126-113, me Giannis Antetokounmpo që shënoi një “triple double” me 35 pikë, 17 rebound dhe 20 asist.

Toronto Raptors pësoi një humbje 112-103 ndaj Portland, ku Shadon Sharpe ishte protagonist me 36 pikë. Po ashtu, skuadra e Miami u mund në shtëpi nga Memphis Grizzlies me rezultatin 110-108, me Ja Morant që udhëhoqi miqtë me 30 pikë, ndërsa 35 pikët e Tyler Herro nuk mjaftuan për të shpëtuar Miami.

Minnesota Timberwolves fitoi 105-90 kundër Brooklyn Nets, me Anthony Edwards që shënoi 28 pikë.

Rezultatet e tjera:

Philadelphia – Milwaukee: 113-126

Washington – Orlando: 97-109

Brooklyn – Minnesota: 90-105

Miami – Memphis: 108-110

Toronto – Portland: 103-112

Lakers – Golden State: 116-123

Continue Reading

Sport

Xhiro e 27 e Superligës, ndeshje kyçe për Malishevën dhe Prishtinën

Published

on

By

Do të hapet sot xhiro e 27 e Superligës së Kosovës në futboll dhe do të zhvillohen dy ndeshjet mjaftë interesante.

Padyshim se vëmendja kryesore do të jetë në stadiumin “Liman Gegaj” në Malishevë, aty ku do të përballen Malisheva dhe Prishtina.

Ky ballafaqim sa rëndësi të madhe pasi që këto dy skuadra janë në luftë direkte për pozitën e tretë që siguron pjesëmarrjen në garat evropiane në sezonin e ardhshëm.

Aktualisht, Malisheva është e renditur në vendin e tretë me 41 pikë, kurse Prishtina e katërta me 35 sosh. Ndeshja do të zhvillohet me fillim nga ora 15:00.

Ndeshja tjetër e cila zhvillohet në të njëjtën kohë është ajo ndërmjet Feronikelit 74’ dhe Dritës. Derista Drita tashmë është një hap larg titullit kampion si liderë me 57 pikë, Feronikeli po lufton për ta shmangur largimin nga Superliga, edhe pse duke mjaftë mision i pamundur pasi ka vetëm 14 pikë në vendin e fundit.

Continue Reading

Të kërkuara