Aktualitet

Kryeministri Kurti dhe Abdullah Sidran, bisedë për librin dhe Sarajevën

Published

on

Një bisedë të përzemërt për politikën, Sarajevën dhe rëndësinë e librit e të lexuarit, e ka pasur  kryeministri Albin Kurti në takimin me poetin, shkrimtarin, skenaristin e gazetarin e njohur boshnjak, z. Abdullah Sidran.

Z. Sidran e uroi z.Kurti për zgjedhjen Kryeministër i Republikës së Kosovës dhe tha se fitores së tij në zgjedhje i është gëzuar ai dhe i gjithë populli boshnjak.

“Në ditët e sotme është bërë e vështirë të arrihet drejtësia. Fitorja jote është vendosje në vend e drejtësisë”, tha z. Sidran.

Kryeministri Kurti shprehu admirimin për poezitë e poetit, i cili ndryshe quhet edhe “shpirti i Sarajevës”. Ata diskutuan për rëndësinë e librit të mirë dhe të lexuarit, si proces që pasuron botën e brendshme të njeriut dhe zhvillon mendjen.     

Në takim ishin të pranishëm edhe Lulzim Tafa, kryetar i Këshillit të Kolegjit AAB, Nexhat Korajliq, profesor në Universitetin e Sarajevës dhe në Kolegjin AAB, si edhe Venera Llunji, prorektore për bashkëpunim dhe marrëdhënie ndërkombëtare në Kolegjin AAB.

Shkrimtari Abdullah Sidran po qëndron në Kosovë me ftesë të Kolegjit AAB, që i ka ndarë atij çmimin ndërkombëtar për letërsi “Ali Podrimja”.    

Titujt më të rëndësishëm poetikë të z.Sidran janë: “Sahbaza” botuar në Sarajevë, në vitin 1970, “Kocka dhe mishi” (1976), “Koleksioni i Sarajevës”, (Sarajevë, 1979) “Tabuti sarajevas” (Sarajevë, 1993), “Lotët e nënave të Srebrenicës” botuar në Sarajevë më 11 korrik 2007.

Libri i tij i botuar gjatë luftës “Tabuti sarajevas”, fitoi “Çmimin e Lirisë” nga Qendra PEN e Francës. Laureatë të mëparshëm të këtij çmimi ishin:  Solzenjicin, Sakharov, Havel. Përzgjedhjet nga poezitë e tij u përkthyen në gjermanisht, frëngjisht, italisht dhe u botuan në Austri, Francë, Itali.

Ai është një nga skenaristët më të rëndësishëm të filmit në kinematografinë ish-jugosllave me filmat: “A të kujtohet Dolly Bell”, “Babai në udhëtim zyrtar”, dhe “Kuduz”. Është anëtar i Akademisë së Shkencave dhe Arteve të Bosnjës e Hercegovinës.

Aktualitet

OEK: Gjykata Supreme shqyrton padinë kundër ZRrE për tregun e lirë të energjisë

Published

on

Oda Ekonomike e Kosovës, ka njoftuar se Gjykata Supreme do ta trajtojë padinë kundër Zyrës së Rregullatorit për Energji për tregun e lirë të energjisë.

“Oda Ekonomike e Kosovës njofton se Gjykata Supreme ka vendosur që padia e ushtruar nga OEK ndaj Zyrës së Rregullatorit për Energji (ZRrE), lidhur me daljen e detyrueshme në tregun e lirë të energjisë, do të procedohet dhe do të shqyrtohet për vendim meritor. Tashmë është caktuar kolegji i gjyqtarëve i cili do ta trajtojë padinë ndaj ZRrE”, njofton OEK.

OEK thotë se kanë pritje që gjykata të vendosë brenda afatit 60 ditorë dhe ‘të anulojë aktet nënligjore të ZRRE’së”.

Përkundër që kërkesa për vendosjen e masës së përkohshme për pezullimin e vendimit nuk është aprovuar, me arsyetimin se akti “Njoftimi i ZRrE-së” nuk i plotëson kriteret e një akti nënligjor normativ, çështja do të shqyrtohet në mënyrë meritore për të gjitha aktet nënligjore të ZRrE-së, përveç këtij njoftimi, sipas afateve ligjore.

Andaj, pritjet e Odës Ekonomike të Kosovës janë që gjykata të vendosë brenda afatit 60 ditor nga dita e parashtrimit të padisë, siç e parasheh ligji dhe të anulojë të gjitha aktet nënligjore të ZRrE-së me të cilat janë përcaktuar kriteret për daljen në tregun e lirë,” thuhet në këtë njoftim.

“Pavarësisht se masa e përkohshme e sigurisë nuk është aprovuar, Oda Ekonomike e Kosovës vlerëson pozitivisht faktin se lënda do të trajtohet në themel dhe shpreh besimin se vendimi final do të jetë në të mirë të ekonomisë, bizneseve dhe qytetarëve të Kosovës”, thuhet në njoftim.

Continue Reading

Bota

Administrata Trump miraton shitjen e armëve prej 825 milionë dollarësh për Ukrainën

Published

on

Administrata Trump ka miratuar një shitje armësh me vlerë 825 milionë dollarë për Ukrainën, e cila do të përfshijë raketa me rreze të gjatë veprimi dhe pajisje të ngjashme për të rritur aftësitë e saj mbrojtëse.

Përpjekjet e ShBA-së për të ndërmjetësuar paqen midis Ukrainës dhe Rusisë duket se kanë ngecur.

Departamenti i Shtetit njoftoi të enjten se kishte njoftuar Kongresin për shitjen e raketave me municion sulmi me rreze të gjatë veprimi dhe sistemeve të navigimit për Ukrainën. Shitja do të mbulojë 3,350 raketa ERAM, 3,350 njësi GPS, së bashku me komponentë, pjesë këmbimi dhe aksesorë të tjerë, si dhe trajnim dhe mbështetje teknike, shkruan AP.

Ai tha se Ukraina do të përdorte fonde nga aleatët e NATO-s, Danimarka dhe Holanda.

Continue Reading

Aktualitet

Tiranë: Sekuestrohen mbi 26 milionë euro pasuri në pronësi të një të dënuari për vrasje

Published

on

Policia në Tiranë ka sekuestruar pasuri me vlerë prej 26 milionë e 500 mijë euro, nën pronësi të një 45-vjeçari të dënuar për vrasje dhe për pjesëmarrje në grup kriminal për trafikim të lëndëve narkotike, nga autoritetet italiane.

Sipas njoftimit të policisë, pasuritë e sekuestruara janë konkretisht: 19 prona, 2 automjete dhe 20 llogari bankare, të regjistruara në emër të 45-vjeçarit ose të familjarëve të tij, me vlerë tregu rreth 26 milionë e 500 mijë euro.

“Vijon puna për gjurmimin dhe sekuestrimin e pasurive të tjera që dyshohet se kanë burim nga veprimtaritë kriminale të këtij shtetasi. Materialet procedurale iu referuan Prokurorisë së Tiranës, për veprime të mëtejshme”, thuhet tutje në njoftim.

Continue Reading

Aktualitet

Kosova e Shqipëria forcojnë partneritetin ushtarak, trajnime të përbashkëta për operacione ujore

Published

on

Bazuar në marrëveshjen bilaterale të bashkëpunimit ndërmjet Forcës së Sigurisë së Kosovës dhe Forcave të Armatosura të Republikës së Shqipërisë (FARSH), Kompania e Kërkim-Shpëtimit e Regjimentit të Mbrojtjes Civile (RMC) realizoi trajnim të përbashkët në fushën e zhytjes.

Trajnimi i përbashkët u realizua në Qendrën e Zhytjes në Pashaliman, Vlorë, Republika e Shqipërisë.

Sipas FSK-së qëllimi i këtij trajnimi ishte ruajtja, zhvillimi dhe avancimi i njohurive dhe aftësive profesionale në fushën e zhytjes, në thellësi dhe kushte të ndryshme operative si dhe shkëmbimin e përvojës dhe praktikave më të mira ndërmjet pjesëtarëve të të dy forcave ushtarake.

FSK po ashtu thotë se ky aktivitet i përbashkët dëshmon për rëndësinë e thellimit të bashkëpunimit ndërmjet institucioneve ushtarake të Kosovës dhe Shqipërisë, si dhe përkushtimin e ndërsjellë për ngritjen dhe përmirësimin e kapaciteteve specialistike në realizimin e operacioneve ujore me standarde të larta ndërkombëtare.

Continue Reading

Të kërkuara