Lajmet

Kryeministri i Pakistanit refuzon ta dënojë shtypjen e ujgurëve, e mbron Kinën

Published

on

Kryeministri i Pakistanit – shtet me numrin e dytë më të madh të myslimanëve në botë – refuzoi t’i dënonte abuzimet e pretenduara të të drejtave të njeriut nga Kina kundër pakicës ujgure.

Kur u pyet për raportimet rreth ndalimit dhe abuzimeve të gjera ndaj ujgurëve, Khan tha: “Kina ka qenë një ndër miqtë tanë më të mëdhenj në kohërat më të vështira”, duke shtuar se çfarëdo bisedimesh me Pekinin për Xinjiangun do të zhvilloheshin prapa dyerve të mbyllura.

Deri në dy milionë ujgurë dhe pakica të tjera myslimane besohet se janë vendosur në një rrjet të qendrave të ndalimit në Xinjiang viteve të fundit, sipas Departamentit të Shtetit. Shumë ish të ndaluar në këto kampe pretendojnë se kanë qenë subjekt i indoktrinimit, abuzimit fizik dhe sterilizimit.

Qeveria e Shteteve të Bashkuara dhe disa kuvende të shteteve perëndimore i kanë shpallur si gjenocid veprimet e Kinës në Xinjiang.

Por Khan tha se Pekini i ka mohuar raportimet për abuzime të gjera të myslimanëve ujgurë gjatë bisedimeve private me Islamadadin. “Ne e respektojmë mënyrën se si ata janë…Si ka mundësi që ky është një problem i madh në botën perëndimore? Pse injorohen njerëzit e Kashmirit? Është shumë më shumë e rëndësishme”, tha ai.

Rajoni me shumicë myslimane i Kashmirit ka qenë epiqendër e mosmarrëveshjeve kufitare që shpesh kanë qenë të dhunshme mes Indisë e Pakistanit.

Islami është fe zyrtare e Pakistanit dhe ky shtet e ka popullsinë e dytë më të madhe myslimane në botë.

Pakistani për një kohë të gjatë ka pasur raporte të mira tregtare me Kinën dhe ka përfituar nga shpenzimet infrastrukturore të vendit komunist, si pjesë e planit të presidentit kinez, Xi Jingping, për të investuar në shtetet e huaja.

Bota

Rutte: Pres nesër një marrëveshje konkrete mbi garancitë e “koalicionit të të vullnetshmëve” për Ukrainën

Published

on

By

Shefi i NATO-s tha se pret që nesër të jetë më e qartë se çfarë garancish sigurie mund t’i ofrojë Ukrainës i ashtuquajturi koalicion i të vullnetshmëve.

Mark Rutte do të merr pjesë në një takim në Paris të enjten me kryeministrin britanik Keir Starmer, presidentin ukrainas Volodymyr Zelensky dhe liderë të tjerë evropianë.

Në një konferencë për media në Bruksel pas takimit me presidentin estonez Alar Karis, Rutte tha se marrëveshja duhet të hapë rrugën për bisedime më intensive me palën amerikane mbi rolin e tyre në garancitë e sigurisë./D.B/KP

Continue Reading

Bota

Stuhi në Kroaci, përmbyten disa qytete bregdetare

Published

on

By

Disa qytete bregdetare në Kroaci janë prekur nga përmbytjet pas stuhive të forta që goditën vendin të martën.

Moti ekstrem preku veçanërisht zonat kufitare të Sllovenisë dhe Kroacisë, veçanërisht Gadishullin e Istrias.

Në qytetin kroat të Novigradit, një azil pleqsh, një shkollë fillore dhe një palestër sportive përjetuan përmbytje.

Falë Zotit, askush nuk u lëndua. Të gjithë banorët janë mirë. Përveç dëmeve materiale, nuk ndodhi asgjë serioze”, ka thënë Morena Stanivukoviq, drejtoresha e azilit të pleqve.

Jetët njerëzore shpëtohen dhe kjo është gjëja më e rëndësishme”, ka thënë Stanivukoviq.

Shumë banorë, së bashku me shërbimet e emergjencës, ndihmuan në riparimin e dëmeve./D.B/EO

Continue Reading

Bota

Të paktën 21,000 fëmijë me aftësi të kufizuara në Gaza që nga fillimi i luftës

Published

on

By

Të paktën 21,000 fëmijë në Gaza kanë mbetur të paaftë që nga fillimi i luftës midis Izraelit dhe Hamasit më 7 tetor 2023, tha të mërkurën një komitet i Kombeve të Bashkuara.

Rreth 40,500 fëmijë kanë pësuar “lëndime të reja të lidhura me luftën” në gati dy vitet që nga fillimi i luftës, me më shumë se gjysmën e tyre të mbetur të paaftë, tha Komiteti i OKB-së për të Drejtat e Personave me Aftësi të Kufizuara.

Ushtria izraelite u zhvendos më thellë në Qytetin e Gazës të mërkurën, me ushtarë dhe tanke që shtynë Sheikh Radwan, një nga lagjet më të mëdha dhe më të mbushura me njerëz të qendrës urbane, shkruan TheGuardian.

Ushtria izraelite tha në një deklaratë të mërkurën se do të vazhdojë të veprojë kundër “organizatave terroriste” në Gaza dhe të “eliminojë çdo kërcënim” që i paraqitet Izraelit./D.B/KP

Continue Reading

Bota

Kim Jong-un premton të bëjë gjithçka për të ndihmuar Moskën pas takimit me Putinin

Published

on

By

Presidenti rus Vladimir Putin e ka ftuar Kim Jong-un e Koresë së Veriut të vizitojë Rusinë gjatë një takimi të gjatë në Pekin, në prag të paradës më të madhe ushtarake të Kinës, ndërsa Kim premtoi të bëjë “gjithçka që mundet për të ndihmuar” Moskën.

Ftesa, e bërë nëpërmjet përkthyesve dhe e shfaqur në një video të publikuar nga Kremlini, erdhi ndërsa presidenti i Ukrainës, Volodymyr Zelenskyy, akuzoi Putinin se po demonstronte “pandëshkueshmërinë” e tij me sulme të reja ndaj Ukrainës gjatë natës, shkruan BBC.

Putin dhe Kim, udhëheqësit autoritarë të Rusisë dhe Koresë së Veriut, ishin në kryeqytetin kinez si të ftuar të presidenti Xi Jinping për një ceremoni që shënonte 80-vjetorin e përfundimit të luftës së dytë botërore, e njohur në Kinë si lufta e rezistencës kundër agresionit japonez.

Koreja e Veriut e ka mbështetur Rusinë në luftën e saj kundër Ukrainës me armë dhe trupa.

Të dy udhëheqësit u shfaqën përkrah Xi në hapjen e ceremonisë të së mërkurës, duke folur ndërsa ecnin krah për krah në tapetin e kuq në sheshin Tiananmen. Besohet të jetë hera e parë që të tre udhëheqësit kanë qenë në të njëjtin vend së bashku.

Në një takim dypalësh që zgjati më shumë se dy orë, Kim u incizua duke i thënë Putinit “shihemi së shpejti” dhe duke e përqafuar për lamtumirë.

“Po ju presim, ejani të na vizitoni”, u përgjigj Putin.

Një vizitë në Rusi do të ishte vetëm hera e tretë që Kim udhëton jashtë vendit në gjashtë vjet. E para ishte në lindjen e largët të Rusisë në vitin 2023 dhe e dyta vizita e kësaj jave në Pekin, duke mbërritur me një tren të blinduar.

Koreja e Veriut është bërë një mbështetje kyçe ruse që kur vendi pushtoi Ukrainën në vitin 2022. Pheniani dërgoi armë, përfshirë predha artilerie dhe raketa në Rusi për luftën dhe mijëra trupa për të luftuar në rajonin Kursk të Rusisë, ku forcat ukrainase kishin bërë një inkursion ndërkufitar, megjithëse vendosja fillimisht u refuzua.

Rusia dhe Koreja e Veriut vitin e kaluar nënshkruan një marrëveshje që i detyron ato reciprokisht të ofrojnë “ndihmë ushtarake dhe të tjera” në rast se tjetra sulmohet.

Putin falënderoi Korenë e Veriut për dërgimin e trupave për të luftuar kundër Ukrainës, duke i përshkruar si luftues “me guxim dhe heroik” në rajonin Kursk./D.B/EO

Continue Reading

Të kërkuara