Lajmet

Kryeministri australian diskuton me homologen serbe për vizën e Gjokoviqit

Dy krerët qeveritarë janë pajtuar përmes telefonit, që të mbesin në kontakt për çështjen e vizës.

Published

on

Kryeministri australian, Scott Morrison ka diskutuar për tenistin serb, Novak Gjokoviq dhe vizën e tij me homologen serbe, Ana Bërnabiq, teksa tenisti vazhdon të përballet me kërcënimet për dëbim, pavarësisht se ka fituar betejën gjyqësore, që ia mundëson garën në turneun, Australian Open.

Zyra e Morrisonit ka thënë se dy krerët qeveritarë janë pajtuar përmes telefonit, që të mbesin në kontakt për çështjen e vizës së 34-vjeçarit.

Televizioni publik i Serbisë, ka raportuar se Bërnabiq i ka kërkuar Morrisonit që të sigurohet se tenisti serb po trajtohet me dinjitet.

“Kryeministrja serbe e ka theksuar rëndësinë e krijimit të kushteve për trajnim fizik dhe psikik për garën e radhës, duke marrë parasysh se Gjokoviq nuk ka mundur të ushtrojë në ditët e fundit dhe se turneu në Melbërn nis këtë fundjavë”, ka thënë Televizioni serb.

Gjokoviq është parë në fushën e tenisit disa orë pasi është liruar nga qendra e ndalimit në Melbërn.

Më 10 janar, një gjyqtar australian ka fuqizuar vizën e tenisit, ndonëse ajo i ishte refuzuar javën e kaluar, pasi tenisti i pavaaksinuar kundër koronavirusit është thënë se ka shkelur rregulloret e Australisë për luftim të pandemisë.

Ai ka siguruar një dokument mjekësor nga organizata për tenis në Australi, që i mundësonte shmangien e kufizimeve për të hyrë në këtë shtet, pasi ka deklaruar se është infektuar me koronavirus muajin e kaluar.

Ndonëse gjykata ka thënë se viza e tij është valide për shkak të situatës së krijuar dhe mundësisë së kufizuar të Gjokoviqit për të biseduar me këshilltarë dhe organizatorë të turneut, ajo nuk ka marrë vendim nëse ka qenë e arsyeshme kërkesa e tij për shmangie nga kufizimet.

Në publik ka dyshime për dokumentin e Gjokoviqit që tregon se ai ka qenë i infektuar me koronavirus më 16 dhjetor, pasi ai ka bërë paraqitje publike pas asaj date, pa vendosur maskë dhe pa mbajtur distancë fizike.

Sipas ligjit serb, një person që infektohet me koronavirus, duhet të qëndrojë për 14 ditë në karantinë.

Ministri australian për Migrim, Alex Hawke, ka paralajmëruar se është duke konsideruar mundësinë e ushtrimit të fuqisë ekzekutive për ta dëbuar Gjokoviqin./REL

Lajmet

Basha mbyll seancën konstituive, asnjë deputetë serbë nuk merr votat për nënkryetar

Published

on

By

Kuvendi ka dështuar ta zgjedhë nënkryetarin nga komuniteti serb. Asnjëri prej deputetëve që u votua nuk ka marrë shumicën e mjaftueshme dhe rrjedhimisht Kuvendi nuk ka nënkryetarin nga ky komunitet.

Kryetari i Kuvendit të Kosovës, Dimal Basha, ka bërë të ditur se janë ezauruar të gjitha opsionet për zgjedhjen e nënkryetarit të pestë të Kuvendit nga komuniteti serb. Ai theksoi se seanca konstituive e Kuvendit konsiderohet e përmbyllur, ndërsa për hapat e mëtejmë do të vendoset në mbledhjen e ardhshme të Kryesisë së Kuvendit, që do të mbahet të hënën në orën 13:00.

“Janë ezauruar të gjitha opsionet për të zgjedhur nënkryetarin e pestë nga pakica serbe. Kjo seancë konsiderohet e përmbyllur. Se si të veprohet tutje si Kuvend do t’i konsultoj anëtarët e Kryesisë së Kuvendit, mbledhje kjo që do të mbahet të hënën në ora 13:00,” tha Basha.

Pavarësisht disa tentativave të përsëritura në seancat e kaluara, Kuvendi nuk ka arritur të zgjedhë nënkryetarin e mbetur, çka ka vonuar përmbylljen e procesit të konstituimit të plotë të tij. Vendimi për hapat e ardhshëm do të merret pas konsultimeve të brendshme institucionale që do të zhvillohen javën që vjen.

Continue Reading

Lajmet

Murati: Sot është dita vendimtare për konstituimin e Kuvendit të Kosovës

Published

on

By

Ministri në detyrë i Financave, Hekuran Murati, ka deklaruar se dita e sotme është vendimtare për përfundimin e procesit të konstituimit të Kuvendit të Kosovës. Ai ka theksuar se kanë mbetur edhe tre kandidatë të papërfunduar, me gjashtë tentativa të mundshme për zgjedhjen e nënkryetarit të pestë të Kuvendit, që duhet të vijë nga komuniteti jo-shumicë serb.

Në një deklaratë të drejtpërdrejtë, Murati ka qenë i prerë për sa i përket qëndrimit ndaj Listës Serbe, duke përjashtuar çdo mundësi për mbështetje ndaj saj.

“Po besoj që të gjithë e kemi kuptuar që sot është dita vendimtare sa i përket seancës konstituive, do të thotë kanë mbetur edhe tre kandidatë ende ta pa ezauruar me 6 tentativa të mundshme për t’u zgjedhur nënkryetari i 5 që duhet të vijë nga radhët e komunitet jo shumicë serb. Votë për Listën Serbe ne nuk kemi sepse marr parasysh edhe të kaluarën e tyre edhe faktin që ata nuk i njohin institucionet dhe Republikën e Kosovës si dhe përfshirjen e tyre në sulmin terrorist në Banjskë dhe që rrjedhimisht ata vazhdojnë që të jenë të dirigjuar nga kryeterroristi Milan Radoiçiq, Alternativa e vetme për me dalur nga ngërçi dhe për të konstituuar Kuvendin është deputeti Nenad Rashiq”, tha ai.

Continue Reading

Lajmet

Balje: Procesi për nënkryetarin e pestë kërkon vendim nga Gjykata Kushtetuese

Published

on

By

Deputetja e Kuvendit të Kosovës, Duda Balje, ka theksuar se procesi për zgjedhjen e nënkryetarit të pestë të Kuvendit, përfaqësues i komunitetit serb, nuk mund të vazhdojë pa një vendim të qartë nga Gjykata Kushtetuese. Ajo ka ngritur dyshime lidhur me ligjshmërinë e procedurës, duke e vënë në pikëpyetje nëse hedhja e shortit për këtë pozitë është në përputhje me Kushtetutën e Kosovës.

Në lidhje me qëndrimin e shefave të Misioneve të BE-së, të cilët refuzuan të zhvillojnë një takim me kryeministrin në detyrë, Albin Kurti, Balje u shpreh se ata kishin arsye të qarta për këtë veprim dhe se zhvillimet në këtë drejtim do të varen nga vlerësimet e misioneve ndërkombëtare.

Continue Reading

Lajmet

Krasniqi kritikon Kurtin për insistimin në Rashiqin si nënkryetar Kuvendi: Pse po kërkon krizë të re kushtetuese?

Published

on

By

Kryetari i PDK-së, Memli Krasniqi thotë se nuk e kupton insistimin e kryeministrit në detyrë, Albin Kurtit, për të zgjedhur Nenad Rashiqin nënkryetar të Kuvendit nga komuniteti serb.

Sipas Krasniqit, kjo përpjekje është në kundërshtim me Kushtetutën dhe përfaqëson një veprim të rrezikshëm politik që mund të çojë drejt një krize të re institucionale. Ai shtoi se, ndonëse Rashiqi është një figurë pozitive nga komuniteti serb, mënyra e zgjedhjes së tij është problematike.

“Prej ditës së parë kur ka filluar seanca konstituive më 15 prill, kërkesa jonë e vetme ka qenë që çdo veprim duhet me qenë në pajtim me Kushtetutën. Një votim i tillë, i ndarë, nuk është në pajtim me Kushtetutën. Ne nuk mundemi të bëhemi pjesë e lojërave politike, pavarësisht se Nenad Rashiq si person, si figurë politike, është jashtëzakonisht një figurë pozitive nga komuniteti serb, në rrethana të ndryshme do të ishte jashtëzakonisht i mirë. Albin Kurti një entuziazëm të tillë për me e zgjedh Rashiqin s’e ka pasur as për Albulena Haxhiun e as Dimal Bashën. Pse po insiston me e kriju edhe një lëndë në Gjykatën Kushtetuese, unë nuk po e kuptoj. A është qëllimi i tij me e vazhdu krizën, apo me e mbajt pozitën e kryeministrit në mënyrë uzurpatore”, tha tutje Krasniqi.

Krasniqi foli edhe rreth qortimit që Bashkimi Evropian ia ka bërë të enjten kryeministrit në detyrë, Albin Kurtit.

Krasniqi tha se është e dhimbshme se në çfarë niveli është sjellë Kosova.

“Është vazhdim i degradimit të raportove që dikur Kosova ka pasur me aletatët e saj”, tha Krasniqi.

Continue Reading

Të kërkuara