Lajmet

Kriza e eksportit të grurit në Ukrainë po përshkallëzohet

OKB-ja ka thënë se lufta e Rusisë në Ukrainë mund të shtyjë deri në 49 milionë njerëz në uri.

Published

on

Për muaj të tërë, Ukraina dhe vendet aleate janë përpjekur të zbusin një krizë ushqimore në rritje të shkaktuar nga bllokada e porteve ukrainase nga Rusia, me Moskën që akuzohet se po përdor këtë si armë lufte.

Të hënën, presidenti ukrainas Volodymyr Zelensky tha se deri në 60 milionë tonë drithë mund të ngecin në vend deri në vjeshtë nëse vendi vazhdon të përballet me eksporte të bllokuara.

Ja çfarë duhet të dini për situatën:

Drithërat e bllokuara: Zelensky tha se 22 milionë tonë drithë janë aktualisht të bllokuar në Ukrainë, por ky numër mund të trefishohet në muajt e ardhshëm. “Atëherë do të jemi në një situatë vërtet të vështirë, shumë të vështirë”, tha ai. Presidenti tha se po punonte me Kombet e Bashkuara në përpjekje për të hapur një korridor që do të lejonte Ukrainën të eksportonte grurë nga portet e saj të Detit të Zi.

Pse ka rëndësi drithi ukrainas: Ukraina është përshkruar prej kohësh si një nga shportat e bukës në botë. Por Kievi akuzon Moskën për bllokimin e porteve dhe përpjekjen për të vjedhur grurin e saj. OKB-ja ka thënë se bllokimi i porteve të Ukrainës nga Rusia ka rritur tashmë çmimet globale të ushqimit dhe kërcënon të shkaktojë një mungesë katastrofike ushqimore në disa pjesë të botës. Rusia ka mohuar vazhdimisht se po bllokon portet ose se po vjedhë grurë.

Gjetja e rrugëve alternative është jetike: Kryeministri britanik, Boris Johnson, tha të hënën se komuniteti ndërkombëtar do të duhet të gjejë “rrugë alternative” për të transportuar furnizimet me grurë nga Ukraina. Ai sugjeroi përdorimin e linjave hekurudhore ose të lumit Danub nëse nuk mund të mbështeten në ngushticën e Bosforit në Turqi.

Anija në Turqi: Kievi i ka bërë thirrje Ankarasë që të ndalojë një anije me flamur rus që transportonte grurë nga Ukraina. Ambasadori i Ukrainës në Turqi, Vasyl Bodnar, tha se anija Zhibek Zholy ishte ngarkuar në portin juglindor të Berdiansk. “Ka mundësi që gruri të jetë dorëzuar nga zonat fqinje, por pika e ngarkimit ka qenë Berdiansk, pra territori i pushtuar”, tha ai. Sipas Bodnar, Ministria e Tregtisë e Turqisë iu përgjigj apelit fillestar duke thënë se anija do të qëndrojë e ankoruar pranë portit të Karasu pa u lejuar të shkarkohet e as të kthehet prapa, ndërsa Turqia vlerëson kërkesën e Ukrainës.

Rusia po korr drithë: Rreth 2 milionë tonë metrikë grurë po korren nga fushat në rajonin jugor të Zaporizhzhias, i cili kontrollohet nga forcat ruse, sipas Yevgeniy Balitsky, kreut ushtarak të zonave të pushtuara nga Rusia të Zaporizhzhias. Ukraina ka akuzuar Rusinë se ka përvetësuar furnizimin me drithë të vitit të kaluar nga territoret e pushtuara në jug të vendit.

Paralajmërimet për urinë: OKB-ja ka thënë se lufta e Rusisë në Ukrainë mund të shtyjë deri në 49 milionë njerëz në uri ose kushte të ngjashme me urinë për shkak të ndikimit të saj shkatërrues në furnizimin global të ushqimit dhe çmimet. Muajin e kaluar, Zelensky tha se Afrika është “peng” nga lufta e Rusisë dhe paralajmëroi se kriza globale e ushqimit do të vazhdojë “për sa kohë që kjo luftë kolonizuese të vazhdojë”, duke ndikuar në jetën e deri rreth 400 milionë njerëzve që varen nga eksportet ukrainase./UBTNews/

Lajmet

​Yildiz: Nuk më pëlqen të krahasohem me Del Pieron

Published

on

Sulmuesi turk, Kenan Yildiz është gati për përballjen e madhe të Ligës së Kampionëve mes Real Madridit dhe Juventusit.

Yildiz që mban fanellën me numrin 10 te bardhezinjtë, foli për emocionet e tij në një intervistë për faqen zyrtare të UEFA-s, ku pranoi se është i motivuar nga pritshmëritë që ka publiku, por shtoi se nuk i pëlqejnë krahasimet.

“Jam vetvetja. Nuk dua të krahasohem me askënd.”, tha Yildiz.

Lidhur me ndeshjen në stadiumin Santiago Bernabeu, ai u shpreh:

“Është fantastike. Çdo fëmijë ëndërron të luajë në atë stadium. Tani kjo ëndërr është bërë realitet. Shpresoj të zhvillojmë një ndeshje të madhe.”/S.K/KP/

 

Continue Reading

Lajmet

​Deco: Nuk sjellim lojtar të rinj në janar

Published

on

Shefi i Barcelonës, Deco, thotë se nuk ka gjasa të shtojë lojtarë në skuadrën e tyre në janar dhe këmbëngul se ata do ta blejnë vetëm nëse detyrohen të shesin një lojtar gjatë merkatos së dimrit.

“Nuk e shoh nevojën për afatin kalimtar të janarit për momentin. Asnjë lojtar nuk ka kërkuar të largohet.”, ka thënë Deco.

Deco komentoi gjithashtu edhe për figurën e Lamine Yamal.

“Shpesh kemi tendencë të përqendrohemi te individualizmi, por është skuadra që fiton. Po flasim për një lojtar shumë të pjekur, një lloj tjetër lojtari që mund të përcaktojë një epokë. Duhet ta lëmë të qetë”, tha ai.

“Konteksti i tij ishte i ndryshëm; ai iu bashkua një ekipi që tashmë ishte fitues, me lojtarë të moshës 25 dhe 26 vjeç, dhe rritja e tij ka qenë më normale dhe progresive”, shtoi ai./S.K/KP/

Continue Reading

Lajmet

Drejtori i policisë ndan 19 vetura për policët e lagjes

Published

on

By

Me synim për rritjen e efikasitetit në punën e policëve të lagjes, Drejtori i Përgjithshëm i Policisë, Gazmend Hoxha ka ndarë 19 vetura të reja Hybride, për mbulimin e zonave sektoriale, në të gjitha drejtoritë rajonale.

Lajmin e ka bërë të ditur Policia e Kosovës përmes një komunikate zyrtare.

“Përmbushja e objektivave të Strategjisë së Policimit të drejtuar nga Inteligjenca dhe Policimit në Bashkësi, si dhe forcimi i qasjes proaktive ndaj kërkesave të qytetarëve tashmë mundësohet më lehtë dhe më shpejt, falë pajisjes me automjete zyrtare”.

“Kjo edhe një herë dëshmon përkushtimin e menaxhmentit të Policisë për një qasje gjithnjë e më proaktive ndaj komunitetit, për forcimin e bashkëpunimit dhe komunikimit me qytetarët, si dhe për rritjen e mëtejme të besueshmërisë dhe transparencës institucionale”, shkruhet tutje në komunikatë./EO

Continue Reading

Lajmet

​Ish-lojtari i Real Madridit pëson goditje në tru

Published

on

Ish-futbollisti holandez, Royston Drenthe, ka pësuar një goditje në tru dhe aktualisht ndodhet nën kujdes mjekësor në spital.

“Të premten e kaluar, Royston Drenthe pësoi një goditje në tru. Ai po trajtohet dhe është në duar të sigurta. Familja e tij kërkon paqe dhe privatësi gjatë kësaj periudhe, për t’i mundësuar shërimin e plotë,” thuhet në njoftimin e klubit në Instagram.

Drenthe, i cili u konsiderua një prej talenteve më premtues të futbollit holandez, nuk arriti të përmbushte pritshmëritë pas transferimit te Real Madridi. Gjatë karrierës së tij ai ka luajtur në Spanjë, Angli, Rusi, Turqi dhe Emiratet e Bashkuara Arabe, ndërsa futbollin aktiv e përfundoi në Holandë në vitin 2019.

Lajmi është konfirmuar edhe nga FC Der Rebellen, ekipi i ish-lojtarëve profesionistë ku bën pjesë edhe 38-vjeçari.

Pas tërheqjes nga futbolli, Drenthe iu përkushtua muzikës dhe prej vitit 2023 punon si komentator në kanalin holandez Ziggo Sports./S.K/KP/

Continue Reading

Të kërkuara