Aktualitet

Kremlini: Ministria e Mbrojtjes ruse ka plan në rast të zgjerimit të NATO-s

Peskov mohoi raportet e mediave se presidenti kinez, Xi Jinping kishte refuzuar të vizitonte Rusinë.

Published

on

Ministria ruse e Mbrojtjes ka një plan për të garantuar sigurinë e vendit në rast të zgjerimit të NATO-s, tha të martën zëdhënësi i Kremlinit.

Duke folur në një konferencë shtypi në Moskë, Dmitry Peskov tha se krahu i mbrojtjes i qeverisë po punon për të siguruar sigurinë e Rusisë.

Opsione të tilla (në rast të zgjerimit të NATO-s) po përpunohen jo në Kremlin, por në Ministrinë e Mbrojtjes. Ne e kemi thënë tashmë shumë herë se ka plane përkatëse (në vend), dhe po punohet për të garantuar sigurinë tonë“, theksoi ai.

Në përgjigje të një pyetjeje, Peskov mohoi raportet e mediave se presidenti kinez, Xi Jinping kishte refuzuar të vizitonte Rusinë, duke thënë se vizita do të ndodhte pasi Pekini të hiqte të gjitha kufizimet COVID-19.

Ato do të bien ndesh me të gjitha normat dhe rregullat e ligjeve ndërkombëtare. Dhe Rusia do ta kundërshtojë kategorikisht këtë. Dhe, sigurisht, ne po analizojmë masat që mund të jenë efektive për zgjidhjen e kësaj situate të paligjshme“, theksoi ai.

Lidhur me ndalimin e Lituanisë për kalimin tranzit të mallrave ruse përmes rajonit të saj gjysmë-eksklavë të Kaliningradit, zëdhënësi tha se autoritetet po punojnë për të zgjidhur çështjen.

I vendosur në Detin Baltik, Kaliningrad është i vendosur midis Polonisë dhe Lituanisë dhe ndahet në tokë nga pjesa kryesore e Rusisë nga Lituania, Letonia dhe Bjellorusia. Pjesa më e madhe e tranzitit hekurudhor ndërmjet Rusisë dhe Kaliningradit kryhej përmes Bjellorusisë dhe Lituanisë.

Më 18 qershor, Guvernatori i Kaliningradit Anton Alikhanov njoftoi se hekurudhat e Lituanisë kishin njoftuar autoritetet e rajonit për vendosjen e kufizimeve në tranzitin e mallrave që janë subjekt i sanksioneve të BE-së nga Rusia në Kaliningrad.

Sipas Alikhanov, çdo gjë që është nën sanksione është e ndaluar të transportohet përmes territorit të Lituanisë. /UBTNews/

Bota

Të paktën 54 të vrarë në Gazë nga bombardimet e pareshtura izraelite

Published

on

By

Ushtria izraelite ka kryer sulme të shumta në qytetin jugor të Rripit të Gazës, Han Junis, gjatë natës së mbrëmshme dhe në mëngjesin e së enjtes, duke i vrarë më shumë se 50 njerëz, thanë autoritetet.

Kjo ishte nata e dytë radhazi që ushtria izraelite kryen bombardime të rënda në Gazë.

Ndërkohë, një sulm tjetër ajror në veri të territorit palestinez la të vdekur më shumë se dhjetëra njerëz, thanë autoritetet.

Sulmet ndodhën derisa presidenti i Shteteve të Bashkuara, Donald Trump, ndodhet në Lindjen e Mesme, ku po i viziton vendet e Gjirit, por jo edhe Izraelin.

Ka pasur shpresa të mëdha se vizita rajonale e Trumpit mund të çonte në një marrëveshje armëpushimi, ose në rifillimin e rrjedhës së ndihmave humanitare për Gazën. Izraeli e ka ndaluar futjen e ndihmave në Gazë tash e tre muaj.

Një kameraman i Associated Press në Han Junis numëroi 10 sulme ajrore mbi këtë qytet gjatë natës deri në mëngjesin e së enjtes dhe pa shumë trupa të dërguar në morgun e spitalit Nasser.

Morgu i spitalit konfirmoi se 54 njerëz janë vrarë.

Në mesin e të vdekurve është edhe një gazetar që punonte për rrjetin televiziv nga Katari, Al Araby TV, njoftoi rrjeti në rrjetet sociale, duke thënë se Hasan Samour u vra së bashku me 11 anëtarë të familjes së tij në një nga sulmet në Han Junis.

Ushtria izraelite nuk i ka komentuar këto sulme deri tani.

Kjo ishte nata e dytë e bombardimeve të rënda, pas sulmeve ajrore të së mërkurës në veri dhe jug të Gazës që vranë të paktën 70 njerëz, përfshirë dhjetëra fëmijë./REL/

Continue Reading

Bota

Trump: Armiqësitë midis Indisë dhe Pakistanit janë zgjidhur

Published

on

By

Presidenti i SHBA-së, Donald Trump, tha sot se armiqësitë midis Pakistanit dhe Indisë janë zgjidhur, pasi u bëri thirrje të dy vendeve të përqendrohen në tregti në vend të luftës.

Në një fjalim drejtuar trupave amerikane në bazën ajrore Al Udeid të Katarit, gjatë një turneu në Lindjen e Mesme, Trump tha se Pakistani dhe India ishin të kënaqur me këtë, raportoi Reuters.

Siç është njoftuar, Trump do të udhëtojë për në Abu Dhabi në Emiratet e Bashkuara Arabe më vonë sot për pjesën e fundit të turneut të tij në Lindjen e Mesme, i cili zgjat nga 13 deri më 16 maj.

Continue Reading

Bota

Rutte: Optimist, pika e kthesës për arritjen e paqes i takon Moskës

Published

on

By

Do të duhet të shohim se çfarë do të ndodhë në ditët në vijim për zgjidhjen e konfliktit Rusi-Ukrainë, deklaroi sekretari i Përgjithshëm i NATO-s, Mark Rutte

Unë jam ende optimist i kujdesshëm se, nëse rusët janë gjithashtu të gatshëm të bashkëpunojnë dhe jo vetëm ukrainasit që po e bëjnë këtë, mund të ketë një përparim në orët e ardhshme për paqen në Ukrainë”, shtoi ai.

Topi tani është në fushën e Rusisë”, shtoi Rutte, pas mbërritjes në takimin joformal të ministrave të Jashtëm të Aleancës në Antalia./atsh

Continue Reading

Bota

Ukraina dhe Rusia zhvillojnë bisedime pas më shumë se 3 vjetësh, pa Putin e Zelensky

Published

on

By

Delegacionet nga Rusia dhe Ukraina do të takohen për bisedime të drejtpërdrejta për paqe për herë të parë pas më shumë se tre vjetësh në Stamboll. Megjithatë, përbërja e tyre do të jetë në nivel teknik, pasi presidenti rus, Vladimir Putin, ka bërë të ditur se nuk do të marrë pjesë.

Bisedimet do të mbahen më 15 maj, në Pallatin Dolmabahçe, në Stamboll, dhe do të zhvillohen në mënyrë private, pa praninë e mediave, kanë raportuar mediat ruse.

Presidenti ukrainas, Volodymyr Zelensky, është nisur drejt Turqisë, sipas agjendës së tij, edhe pse Putin ka refuzuar të udhëtojë për të marrë pjesë në bisedime. Zelensky do të takohet me presidentin turk, Recep Tayyip Erdogan, në Ankara, por nuk do të marrë pjesë në bisedimet në Stamboll.

Ai kishte deklaruar më herët se ishte i gatshëm të takohej vetëm me Putinin dhe jo me zyrtarë të tjerë të nivelit të ulët nga Moska.

Pritshmëritë se presidenti amerikan, Donald Trump, mund të merrte pjesë në bisedime u shuan, kur një deklaratë e Kremlinit njoftoi se Putin kishte nënshkruar më 14 maj një urdhër për të emëruar katër negociatorë dhe katër ekspertë që do të përfaqësojnë Rusinë.

Continue Reading

Të kërkuara