Lajmet

Kosovës iu avancua statusi, por çka është Asambleja Parlamentare e NATO-s?

Hyseni tha se ky është një zhvillim i jashtëzakonshëm dhe mundëson një përfaqësim edhe më të denjë të Kosovës në kuadër të Asamblesë Parlamentare të NATO-s.

Published

2 years ago

on

Të dielën u konfirmua se Kosovës i është avancuar statusi në Asamblenë Parlamentare të NATO-s, vendim ky që pritet të zyrtarizohet në muajin maj, atëherë edhe kur do të mbahet sesioni pranveror i kësaj asambleje.

Kryesuesi i Delegacionit të Kuvendit të Republikës së Kosovës në Asamblenë Parlamentare të NATO-s, Driton Hyseni tha se ky është një zhvillim i jashtëzakonshëm dhe mundëson një përfaqësim edhe më të denjë të Kosovës në kuadër të Asamblesë Parlamentare të NATO-s.

“Më 24 mars pra ditën e diele në Komitetin Drejtues të përhershëm të Asamblesë Parlamentare të NATO-s është marrë vendimi që delegacionit të Kuvendit të Republikës së Kosovës t’i avancohet statusi i tij përfaqësues në kuadër të kësaj asambleje. Është paraparë që me 27 maj të këtij viti në Sofje të Bullgarisë të kemi edhe përmbylljen formale të këtij avancimi me një ceremoni e cila mbahet me sesionin pranveror në Sofje të Bullgarisë”, tha ai.

Hyseni shtoi se ky qëndrim i ShBA-së tregon një qëndrim politik se vendet anëtare të NATO-s të tregojnë afërsi me Kosovën.

“Konsideroj si udhëheqës i delegacionit të kuvendit të Republikës së Kosovës në asamblenë parlamentare të NATO-s se ky është një zhvillim jashtëzakonisht pozitiv qoftë për ne si delegacion që marrim pjesë aty, qoftë për Kuvendin si institucion por edhe për Kosovën si vend në tërësi për arse se paraqet një afrim më të madh me strukturat veri-atlantike. Asambleja parlamentare është një forum i jashtëzakonshëm sepse mbledh në gjirin e saj deputetë nga kuvendet parlament qoftë vendeve evropiane kongresmenëve ShBA dhe ky qëndrim politik i shfaqur në këtë mbledhje paraqet një qëndrim politik që e duam qe vendet anëtare të NATO-s të tregojnë sa më shumë afërsi me Kosovën sepse Kosova ndan të njëjtat vlera me NATO-n dhe normalisht për neve si delegacion paraqet një mundësi që të bëjmë një përfaqësim edhe më të denjë në kuadër të asamblesë parlamentare të NATO-s por edhe zëri i Kosovës të dëgjohet me shumë”, u shpreh Hyseni.

I njëjti falënderoi të gjitha shtetet partnere që kanë ndihmuar Kosovën në këtë aspekt.

“Letra të cilën e ka dërguar kryetari i kuvendit Glauk Konjufca vitin e kaluar mori aprovimin pozitiv kështu që për këtë jemi shumë të kënaqur dhe i urojmë të gjithë ata që kanë ndikuar dhe i falënderojmë të gjithë partnerët që na kanë ndihmuar”, shtoi ai.

Ndërsa se a i ndihmon Kosovës avancimi i statusit për tu anëtarësuar në NATO, Hyseni tha se ky është një sinjal shume i mirë i zhvillimeve politike.

“Asambleja parlamentare e NATO-s është forum i parlamenteve dhe vendeve të partnerit të NATO-s rrjedhimisht një vendim i tillë politik na afron me Asamblenë parlamentare të NATO-s është një sinjal shumë i mirë i zhvillimeve pozitive politike të gjitha vendet që janë të përfaqësuara në kuadër të asamblesë në drejtim të përfshirjes se sa më shumë vendeve që ndajnë vlera të njëjta me NATO-n në një mekanizëm të sigurisë”, tha Hyseni.

Related Topics:
Continue Reading

Lajmet

1 Qershori – Dita Ndërkombëtare e Fëmijëve, theksohen sfidat globale dhe organizohet aktivitet në Prishtinë

Published

3 minutes ago

on

June 1, 2026

By

Sot shënohet 1 Qershori, Dita Ndërkombëtare e Fëmijëve, një ditë e dedikuar promovimit të të drejtave, mirëqenies dhe mbrojtjes së fëmijëve në mbarë botën.

Kjo ditë ka rrënjë në përpjekjet ndërkombëtare për garantimin e të drejtave të fëmijëve, të cilat u forcuan me Deklaratën e të Drejtave të Fëmijëve të vitit 1959 dhe Konventën për të Drejtat e Fëmijës të miratuar nga OKB në vitin 1989.

Megjithatë, të dhënat globale tregojnë se sfidat mbeten të mëdha. Dhjetëra miliona fëmijë ende nuk kanë qasje në arsim, ndërsa miliona të tjerë përballen me varfëri ushqimore dhe kushte të vështira jetese. Në shumë vende të botës, vazhdojnë të raportohen edhe raste të martesave të hershme të vajzave, një fenomen që ndikon drejtpërdrejt në shkeljen e të drejtave të tyre dhe zhvillimin e shëndetshëm.

Në kuadër të kësaj dite, Komuna e Prishtinës në bashkëpunim me organizatën ETEA ka organizuar aktivitetin publik me titull “Përtej festës: Flasim për sigurinë e fëmijëve në shkolla”, i cili synon të hapë diskutim mbi sigurinë dhe mirëqenien e fëmijëve në institucionet arsimore.

Continue Reading

Lajmet

Sulm ndaj zyrtarit policor në Vushtrri, i dyshuari në kërkim

Published

2 hours ago

on

June 1, 2026

By

Në Vushtrri, më 31 maj 2026 rreth orës 18:50, është raportuar një rast i sulmit ndaj personit zyrtar gjatë kryerjes së detyrës.

Sipas Policisë së Kosovës, derisa njësiti policor ishte duke rregulluar dhe drejtuar komunikacionin, një i dyshuar me veturë nuk ka respektuar urdhrat e zyrtarit policor. Ai fillimisht ka ofenduar policin dhe më pas ka goditur me automjet zyrtarin policor mashkull kosovar.

Viktima nuk ka pësuar lëndime trupore, ndërsa i dyshuari është larguar nga vendi i ngjarjes dhe aktualisht ndodhet në kërkim policor.

Rasti është duke u trajtuar nga organet kompetente dhe hetimet janë në vazhdim.

Continue Reading

Lajmet

Arrestohet një person në Mitrovicën e Veriut për veshje të paautorizuar të uniformës së Policisë së Kosovës

Published

2 hours ago

on

June 1, 2026

By

Një person është arrestuar në Mitrovicën e Veriut pasi dyshohet se kishte veshur pjesë të uniformës së Policisë së Kosovës pa qenë pjesëtar i këtij institucioni.

Sipas raportit 24-orësh të Policisë së Kosovës, i dyshuari është ndaluar dhe është shoqëruar në stacionin policor për intervistim. Gjatë kontrollit, policia ka sekuestruar tri veshje që i përkisnin Policisë së Kosovës.

Pas përfundimit të procedurave dhe me vendim të prokurorit kompetent, i dyshuari është liruar në procedurë të rregullt, ndërsa rasti po trajtohet nga organet e drejtësisë.

Continue Reading

Lajmet

Shtatë raste të dhunës në familje brenda një dite në Kosovë

Published

2 hours ago

on

June 1, 2026

By

Sipas raportit të fundit 24-orësh të Policisë së Kosovës, gjatë 31 majit janë raportuar shtatë raste të dhunës në familje në komuna të ndryshme të vendit, ndërsa një person është arrestuar dhe dërguar në mbajtje.

Në Prishtinë, një grua ka raportuar se është sulmuar fizikisht nga një burrë pas një mosmarrëveshjeje. Pas intervistimit të palëve, me vendim të prokurorit, rasti është proceduar në procedurë të rregullt.

Po ashtu në Prishtinë, është raportuar se një i dyshuar kishte ushtruar dhunë fizike ndaj dy viktimave meshkuj. Viktimat janë intervistuar, ndërsa i dyshuari ndodhet në kërkim policor. Rasti vazhdon në procedurë të rregullt.

Një rast tjetër është raportuar në Fushë Kosovë, ku një grua dhe një burrë kanë pasur mosmarrëveshje. Të dy janë intervistuar dhe, pas konsultimit me prokurorin, rasti po hetohet në procedurë të rregullt.

Në Gllogoc, pak para mesnatës, një burrë dyshohet se ka ushtruar dhunë fizike ndaj një burri tjetër. Pas procedurave policore, prokurori ka urdhëruar që rasti të vazhdojë në procedurë të rregullt.

Ndërkaq, në Klinë është raportuar një rast i dhunës psikike, ku një burrë dyshohet se ka ushtruar presion dhe dhunë psikologjike ndaj një gruaje. Pas intervistimit, palët janë liruar dhe rasti po trajtohet në procedurë të rregullt.

Rasti më i rëndë është raportuar në Deçan, ku një burrë është arrestuar nën dyshimin për ushtrim të dhunës psikike ndaj një gruaje. Me vendim të prokurorit, i dyshuari është dërguar në mbajtje.

Ndërkohë, në Mitrovicën e Jugut, një shtetase e huaj ka raportuar se është përballur me dhunë fizike dhe psikike nga një burrë dhe një grua kosovare. Viktima ka pranuar trajtim mjekësor, ndërsa pas intervistimit të palëve, prokurori ka urdhëruar që rasti të vazhdojë në procedurë të rregullt.

Policia e Kosovës ka bërë të ditur se të gjitha rastet janë duke u trajtuar sipas procedurave ligjore dhe mbeten nën hetime.

Continue Reading

Të kërkuara