Shefi i Grupit Parlamentar të Partisë Demokratike të Kosovës, Abelard Tahiri, ka bërë të ditur se kanë kërkuar që të mërkurën të mbahet seancë e jashtëzakonshme për faljen e borxheve të ambalazhueseve të ujit dhe mesazhet ndërmjet Dejona Mihalit dhe ish-kryeshefit të Korporatës Energjetike të Kosovës, Nagip Krasniqi.

“Nesër kemi ftuar seancën e radhës, seancë e jashtëzakonshme. Kemi kërkuar edhe një komision hetimor në të cilën nuk është votuar nga Lëvizja Vetëvendosje. Çështjen e borxheve të ambalazhuesve të ujit, kjo nuk është votuar nga Lëvizja Vetëvendosje. Dëmi që është shkaktuar është 11 milionë euro”.

Përderisa për publikimin e mesazheve ndërmjet Mihait e Krasniqit, ai shtoi se kjo është e patolerueshme që një person pa asnjë kompetencë të vendos për kompaninë që ka qarkullim vjetor 150 milionë euro.

“Çështje tjetër e rëndësishme është çështja e përgjimeve në sektorin e energjisë elektrike. Dejona, e udhëheq sektorin energjetik të vendit tonë. Kush është Dejona që duhet me udhëheq KEK-un? Kompania publike qarkullon 150 milionë euro në vit, kush është Dejona për me udhëheq? Ajo na përcakton edhe kohën kur duhet me pas reduktime të energjisë elektrike”, ka thënë Tahiri.

Vendimi i kancelarit gjerman, Olaf Scholz, për stacionimin e armëve amerikane me rreze të mesme veprimi në Gjermani në vitin 2026 ka shkaktuar debate të forta dhe pakënaqësi. Politikanë dhe ekspertë kërkojnë një diskutim më të gjerë mbi këtë çështje, duke e quajtur atë “monstruozitet” dhe duke kërkuar anulimin e marrëveshjes me SHBA-në.

Ndërkohë, një sondazh i fundit tregon se 45% e gjermanëve janë kundër stacionimit të armëve, veçanërisht në Gjermaninë Lindore, ku refuzimi arrin deri në 57%. Scholz e justifikon vendimin me rreziqet nga armatimi rus pas agresionit në Ukrainë, duke theksuar nevojën për të forcuar aftësinë mbrojtëse të vendit.

Ministri i Mbrojtjes, Boris Pistorius, gjithashtu e theksoi rëndësinë e mbylljes së “hendekut serioz të aftësisë”, duke parashikuar se raketat e reja mund të arrijnë deri në Rusi. Megjithatë, brenda partisë SPD, ka kritika për rrezikun e përshkallëzimit të tensioneve ushtarake. Disa politikanë, përfshirë Rolf Mützenich, kërkojnë një diskutim të gjerë për këtë çështje.

Studiuesit e protestave e kanë kritikuar mënyrën e komunikimit të vendimit, duke theksuar se debati nuk është zhvilluar si duhet. Përkrahësit e stacionimit argumentojnë se është një përgjigje ndaj rrezikut rus, ndërsa kritikët, përfshirë ish-kolonelin Wolfgang Richter, dyshojnë se kjo do të përmirësojë sigurinë dhe mund të çojë në destabilitet.

Kjo situatë tregon një ndarje të qartë në opinionin publik gjerman, ku frika nga lufta po rritet, ndërsa mbështetja për aleancën NATO duket se është në rrezik./UBTNews/

Ambasadori i ShBA-së në Kosovë, Jeff Hovenier, ka thënë se ishte privilegj pjesëmarrja na ceremoninë e ndërrimit të komandës së KFOR-it në Kosovë, ceremoni kjo e cila u mbajt të premten që shkoi.

Në një postim në “X”, Hovenier shprehu vlerësim të thellë për udhëheqjen dhe shërbimin e Ozkan Ulutashit ndërkaq i uroi mirëseardhje të ngrohtë gjeneralmajorit italian, Enrico Barduanit.

“Ishte privilegj të merrja pjesën në ceremoninë e ndërrimit të komandës së KFOR-it. Vlerësim të thellë për udhëheqjen dhe shërbimin e Ulutashit, dhe mirëseardhje të ngrohtë për Barduanin ndërsa merr komandën e këtij misioni kritik. Shtetet e Bashkuara mbeten të palëkundura në mbështetjen e tyre për misionin e NATO-n, në sigurimin e lirisë së lëvizjes dhe mjedisit të sigurt në Kosovë”, ka shkruar ambasadori amerikan.

Prokuroria Speciale e Republikës së Kosovës ka ngritur aktakuzë në Gjykatën Themelore në Prishtinë, kundër të pandehurit L.D, për shkak të kryerjes së veprave penale “Sulmi ndaj personit zyrtar”, si dhe për veprën penale “Pjesëmarrja në turmë që kryen vepre penale dhe huliganizëm”.

Sipas aktakuzës i pandehuri më datë 29.05.2023, afër objektit të Komunës së Zveçanit, në koordinim me të pandehur të tjerë të nacionalitetit serb nga Kosova dhe Serbia, përmes përdorimit të dhunës i kanë sulmuar dhe seriozisht i kanë kanosur ushtarët e misionit paqeruajtës të KFOR-it, si dhe disa pjesëtarë të Policisë së Kosovës.

Prokurori i Shtetit nga Prokuroria Speciale ka kërkuar nga Gjykata që të pandehurin ta shpallë fajtor dhe të njëjtit t’i vazhdohet masa e paraburgimit deri në përfundim të këtij rasti penal.