Lajmet

Koqinaj: Shteti duhet t’iu paraprijë fatkeqësive me vlerësime dhe masa

Published

5 years ago

January 14, 2021

Betim Gashi

Situata e krijuar si shkak i vërshimeve, po konsiderohet vështirë e riparueshme. Pavarësisht se dëmet ende nuk janë vlerësuar, ato konsiderohen të mëdha në amvisëri, biznes e ekonomi. Ndërkohë, po kritikohen edhe institucionet për mostrajtim të duhur të fatkeqësive në fazën para se të ndodhin ato.

Përgjegjësi për Marrëdhënie Ndërkombëtare dhe Marrëdhënie me Publikun në Agjencinë për Menaxhim të Emergjencave, Nehat Koqinaj thotë se Kosova ditëve të fundit është përballur me gjendje alarmante, por që aktualisht ka filluar të qetësohet.

“Sa i ka bërë keq kjo fatkeqësi, strukturave dhe qeverisë ose gjithë vendit, gjithë kapaciteteve vendore ia hap sytë për veprimet ose zhvillimet e mëtutjeshme ose në të ardhmen. Fatkeqësitë të trajtohen në faza para se ato të ndodhin. Që do të thotë vlerësimin e rrezikut në tërësi dhe masave, veprimeve dhe investimeve në nivel shteti dhe vendi në kuptimin e zvogëlimit të dëmeve, qoftë në infrastrukturën kritike”, thotë ai.

Koqinaj thekson se të reshurat e borës mund të ndihmojnë në përmirësimin e gjendjes.

“E ndihmon situatën në kuptimin e zvogëlimit të vërshimeve apo daljes së lumenjve nga shtretërit dhe vërshimeve të bujshme të cilat ndodhën nga data 8 dhe ditëve në vijim. Zonat më të prekura në fillim ishin zona e Dukagjinit, Gjakovë, Rahovec, Malishevë, Suharekë, Deçan natyrisht edhe zona e Pejës, pa përjashtuar edhe rrethin e Prizrenit. Ndërsa, ditëve në vijim ajo u bart në të gjithë Kosovën, u shtri edhe pse e kishim paralajmërimin nga Instituti Hidrometeorologjik i Kosovës se lumenjtë kryesorë kanë gjasë të përballojnë fluksin e ujit dhe nuk do të paraqesin rrezik për njerëzit ose në habitatet përreth shtretërve të lumit”, thekson ai.

Koqinaj thotë se këto dëme do të marrin kohë shumë për sanim.

“Sanimi ose rehabilitimi i tyre do të kërkojë kohë dhe do të kërkojë investime të konsiderueshme”, shton ai.

Koqinaj thotë se është herët të vlerësohen dëmet e shkaktuara, meqë gjendja ende nuk është qetësuar tërësisht.

“Për afatin kohor kjo do të varet prej qeverive lokale sepse ato e kanë autorizimin të ngritin kapacitetin e vet në Komisionin për Vlerësimin e Dëmeve, të cilët duhet të jenë me një përbërje të larmishme të gjithë spektrit në kuptimin e vlerësimit adekuat nga infrastruktura, dëmet në ekonomi familjare, në biznes e në ndërmarrje”, theksoi Koqinaj.

Veç tjerash, Koqinaj thotë se qytetarët duhet të kenë kujdes gjatë konsumit të ujit të pijes, meqë sipas tij, gjatë këtyre ditëve është kontaminuar pas vërshimeve të shkaktuara nga reshjet.

Ndërkohë për KosovaPress ai flet edhe për punën e tyre gjatë këtyre ditëve, për çka thotë se ekipet e Agjencisë së Menaxhimit Emergjent janë në gatishmëri për të shërbyer.

Aktualitet

UBT hap thirrjen për dorëzimin e abstrakteve për Konferencën Ndërkombëtare për Modë dhe për Dizajn të Integruar

Published

3 minutes ago

September 16, 2025

Driton Iseni

UBT ka nisur pranimin e abstrakteve për dy prej konferencave më atraktive dhe bashkëkohore që zhvillohen në kuadër të Konferencës së 14-të Ndërkombëtare të UBT-së për Biznes, Teknologji dhe Inovacion:

Të dyja konferencat janë peer-reviewed dhe ofrojnë një platformë shkencore e profesionale ku akademikë, studiues, studentë të programeve master e doktorale, si dhe ekspertë të industrisë, ndajnë njohuri dhe ide mbi zhvillimet më të fundit.

Datat kryesore:

Dorëzimi i abstrakteve: deri më 10 tetor 2025

Njoftimi për pranim: më 17 tetor 2025

Rishikimi shkencor (peer-reviewed): më 17 tetor 2025

Afati i hershëm i regjistrimit: deri më 17 tetor 2025

Afati i vonuar i regjistrimit: deri më 20 tetor 2025

Dorëzimi i punimit të plotë: deri më 14 nëntor 2025

Tema qendrore e këtij viti është “Resilience and Sustainability”, duke trajtuar mënyrat se si moda dhe dizajni ndërveprojnë me teknologjinë, kulturën, politikën dhe sfidat globale.

Fushat kryesore të IC-FAS (Fashion):

Fashion Activism dhe ndikimi i tij në politikë
Moda dhe Teknologjia
Dizajni i Modës dhe Edukimi
Vetëdija sociale në industrinë e modës
Nga ambicia në veprim (Ambition to Action)

Fushat kryesore të IC-ID (Integrated Design):

Ndërthurja e dizajnit grafik, teknologjisë dhe kulturës
Roli i teknologjisë në dizajn
AI, AR/VR dhe ndikimi i tyre në praktikat e dizajnit
Të ardhmen e branding dhe identitetit vizual
Moda në epokën e AI, identitetet virtuale dhe kriza klimatike
Dizajn i interierit të integruar me AI
Metaverse dhe hapësira virtuale
Materiale të zgjuara dhe hapësira reaguese
Dizajn qarkullues dhe i qëndrueshëm

Dorëzimi i punimeve: Punimet duhet të jenë origjinale, të papublikuara dhe jo në shqyrtim diku tjetër. Gjatësia maksimale është 6 faqe dhe punimet që nuk i përmbushin kriteret e formatimit nuk do të merren në konsideratë.

Lajmet

Zyrtare: Loja Shqipëri-Serbi luhet në Leskovc

Published

34 minutes ago

September 16, 2025

UBT News

Zyrtarisht, më datë 11 tetor, ndeshja Serbia-Shqipëria, nuk do të luhet në Beograd në stadiumin “Rajko Mitiq”, sepse shtëpia e futbollit evropian UEFA, ka vendosur që kjo lojë të luhet në Leskovc në stadiumin “Duboçica”.

Fillimisht, kjo sfidë ishte planifikuar të zhvillohej në “Rajko Mitiq” në kryeqytetin serb, por për arsye organizative dhe të sigurisë, autoritetet kanë vendosur ndryshimin e stadiumit.

Kjo konsiderohet një nga ndeshjet më të rëndësishme jo vetëm për kualifikueset e Botërorit, por gjithashtu edhe për historinë.

Në vitin 2014, Shqipëria luante një ndeshje të madhe në Serbi, teksa ëndrra për një vend në Europianin e Francës sapo kishte nisur.

Kuqezinjtë përballeshin jo vetëm me skuadrën serbe, por me terrorin serb, me tifozerinë e cila në çdo moment bënte thirrje për vdekjen e shqiptarëve, apo edhe me vendimet për të mos lejuar jo vetëm tifozët shqiptarë, por as flamurin kuqezi në stadium. /S.K/EO/

Aktualitet

UBT në hap me zhvillimin e qëndrueshëm në sektorin e ushqimit dhe agrikulturës

Published

2 hours ago

September 16, 2025

Driton Iseni

Prof. Dr. Emine Daci Zejnullahi, profesoreshë në Fakultetin e Shkencave të Ushqimit me Bioteknologji dhe në Fakultetin e Inxhinierisë së Agrikulturës dhe Mjedisit, në UBT, ka nënshkruar kontratën për zbatimin e projektit shkencor: “Përdorimi i mbetjeve agro-industriale të patates për zhvillimin e produkteve bioteknologjike të qëndrueshme në VIPA CHIPS – Zgjidhje për ekonomi qarkore dhe qëndrueshmëri industriale”, i financuar nga MAShTI në kuadër të projekteve shkencore 2025.

Ky projekt synon të mbështesë sektorin privat në menaxhimin e mbetjeve të industrisë ushqimore, duke i kthyer ato në produkte finale me vlerë, si dhe duke reduktuar ndikimin negativ në mjedis dhe duke sjellë përfitime ekonomike e sociale.

Zbatimi i projektit do të bëhet me përfshirjen e profesorëve të tjerë të departamentit dhe studentëve të nivelit Master, duke kontribuar në ngritjen e kapaciteteve kërkimore dhe në zhvillimin e qëndrueshëm të sektorit.

Lajmet

Lewandowski drejt largimit, Laporta rikthen ëndrrën e madhe

Published

2 hours ago

September 16, 2025

UBT News

Presidenti i FC Barcelona, Joan Laporta, po mendon seriozisht për transferimin e Erling Haaland në verën e vitit 2026, sipas raportimeve nga El Nacional.

Lëvizja lidhet me largimin e Robert Lewandowski, që nuk do të rinovojë kontratën dhe pritet të përfundojë në Arabinë Saudite.

Haaland, i shndërruar tashmë në një nga sulmuesit më frikësues në Europë te Manchester City, është konsideruar prej kohësh nga Laporta si zëvendësuesi ideal për qendrën e sulmit të Barcelonës.

Megjithëse çmimi i transferimit dhe paga e lojtarit mund të kalojnë 150 milionë euro, Laporta beson se ndikimi sportiv dhe medial do të justifikojë investimin. Në moshën 26-vjeçare, Haaland do të bëhej forca kryesore e sulmit, duke kompletuar talentet e reja si Lamine Yamal dhe Pedri për të formuar një trio sulmuese që mund të dominojë Europën.

Ky lëvizje konsiderohet rrezik strategjik, por Laporta mbetet i bindur: për të rikthyer Barcelonën në majat e futbollit, Haaland është një domosdoshmëri./S.K/EO/