Aktualitet

Komuna dakordohet me kompaninë – një pjesë e rrugës “Muharrem Fejza” përfundon për 15 ditë

Published

4 years ago

on

Komuna e Prishtinës fillimisht u ka dhënë afat operatorëve ekonomik që brenda 15 ditëve të përfundojnë punimet në rrugën “Muharrem Fejza”, por që gjatë së premtes kanë arritur një marrëveshje.

Drejtori i Investimeve Kapitale, Gëzim Mehmeti në një intervistë për Ekonomia Online thotë se instalimet nëntokësore në rrugë janë jashtë çdo standardi, prandaj edhe janë shkaktua vonesa.

“Ne kemi planifikuar që brenda 15 ditëve segmenti i parë nga rrethrrotullimi të përfundojë. Kjo nënkupton që të gjitha instalimet nëntokësore janë në përfundim e sipër. Kjo e lehtëson në masë të konsiderueshme qarkullimin e banorëve qasjet në dy rrugët që janë anësore. Ne jemi në koordinim të plotë me kompanitë operatorët ekonomik që janë duke punuar në rrugën Muharrem Fejza. Jemi duke bërë presion që punimet nëntokësore të përfundojnë sa më parë. Instalimet në rrugë për fat të keq kanë qenë jashtë çdo standardi”.

“Na nuk kemi shënime sa i përket instalimeve nëntokësor e sepse ka shumë qasje ilegale, pastaj vjen deri te prishja. Gypi është dashur të vendoset 70cm, por është vendosur në 20cm. Sanksionet ndaj tyre janë penalizimet, por esenca është tu bëjmë presion që t’i kryejnë punimet sepse çdo vonesë ndikon që ne me operatorë ekonomik që kemi të kontraktuar të prolongohen punimet dhe jemi të angazhuar që të kalojmë sa më parë në instalime nëntokësore pastaj shtrimin e asfaltit, tha Mehmeti”.

Mes tjerash, ai tha se gjatë së premtes kanë zhvilluar takim me operatorë ekonomik e të cilët janë zotuar do të ketë një kanal prej 4 tubave.

Sipas tij, në rrugën “Muharrem Fejza” nuk ka qenë e planifikuar shtrirja e rrjetit të ngrohjes Termokosit.

“Sot kemi pasur prape takim me operatorë në rrugë të cilët kanë përfunduar dhe zotimet janë kemi gjetur zgjidhje do të ketë një kanal prej 4 tubave të cilët do të jenë me standarde”.

“Në rrugën ‘Muharrem Fejza’ nuk ka qenë i planifikuar shtrirja e rrjetit të ngrohjes Termokosit dhe ne kemi qenë para dy zgjidhjeve të mos i lejohet Termokosit dhe banorët të mos kenë qasje në nxehjen qendrore sepse ndikon në ndotjen e ambientit dhe i kushton banorëve të kësaj lagje. Të gjitha vonesat vijnë për shkak të operatorëve ekonomik në këtë rast rrjetit të ngrohjes. Çdo gjë është në të mirë të qytetarëve instalimet nëntokësore në këtë rast nxehjes qendrore të Termokosit”.

Related Topics:
Continue Reading

Vendi

Pjesëmarrja në zgjedhjet lokale në Kosovë deri në orën 15:00 arrin në 25.30 për qind

Published

4 hours ago

on

October 12, 2025

By

Zgjedhjet lokale që po mbahen sot në gjithë territorin e Kosovës po zhvillohen me një pjesëmarrje mesatare prej 25.30% deri në orën 15:00, sipas të dhënave të Komisionit Qendror të Zgjedhjeve (KQZ).

Sipas raportimeve zyrtare, nga gjithsej 2,025,105 qytetarë të regjistruar në listën e votuesve, deri në këtë orë kanë votuar 512,331 qytetarë. Deri tani janë përpunuar 94.32% të vendvotimeve, respektivisht 2,425 nga 2,571 gjithsej.

Komunat me pjesëmarrjen më të lartë janë:

  • Mamushë me 54.60%,
  • Zveçan me 49.69%,
  • Zubin Potok me 49.61%,
  • Ranillug me 48.38%,
  • Novobërdë me 44.04%.

Komunat me pjesëmarrjen më të ulët deri në orën 15:00 janë:

  • Rahovec me 18.05%,
  • Skënderaj me 18.95%,
  • Prizren me 19.17%,
  • Dragash me 19.64%,
  • Gjakovë me 20.75%.

Në kryeqytet, Prishtina ka regjistruar një pjesëmarrje prej 29.52%, ndërsa në qytetet e mëdha si Ferizaj (23.18%), Pejë (22.37%), Gjakovë (20.75%) dhe Prizren (19.17%), pjesëmarrja mbetet nën mesataren kombëtare.

KQZ thekson se këto të dhëna përfshijnë vetëm votimet në vendvotimet e rregullta, duke mos përfshirë votimet me kusht, votimin e personave me nevoja të veçanta dhe votimin me postë.

Continue Reading

Vendi

Deri në orën 13:00 votuan 16.53 për qind e qytetarëve

Published

5 hours ago

on

October 12, 2025

By

Deri në këto momente në Kosovë kanë votuar 334 mijë 677 qytetarë, më saktë 16.53 për qind prej 2,025,105 sa është numri total i votuesve në të gjithë Kosovën.

Sipas Komisioni Qendror Zgjedhor, në qytetet ku ka pasur më shumë fluks të qytetarëve që kanë dal për të votuar prin kryeqyteti me 40,190 votues deri në këto orë.

Me Prizrenin, të dytin me 20,799 votues deri më tani.

Poashtu, fluks i madh i votuesve është edhe në Ferizaj, atje ku deri më tani kanë votuar 19,235.

Në Gjilan deri më tash kanë votuar 17,128, në Pejë 17,830 votues, në Podujevë 14,625 votues, Mitrovicë e Jugut 14,379 votues, dhe Fushë Kosovë 9,254 votues.

Në Zveçan nga 6,872 votues, deri në këtë orë kanë votuar 2,623 prej tyre. Në Zubin Potok kanë votuar 2,406 nga gjithsej 6,486.

Continue Reading

Rajoni

UBT fiton çmimin e parë në Ballkanin Perëndimor për projektin më të mirë në kuadër të projekteve të financuara nga Regional Challenge Fund

Published

2 days ago

on

October 10, 2025

By

UBT është shpallur fitues i çmimit të parë në Ballkanin Perëndimor nga Regional Challenge Fund (RCF) në kuadër të iniciativës “Update & Shine – Net4VET Challenge”, për projektin më të mirë inovativ “Developing Software Developer Skills by Integrating Artificial Intelligence”.

Projekti i UBT-së u dallua për qasjen vizionare në zhvillimin e aftësive të programuesve të rinj, përmes integrimit të inteligjencës artificiale në procesin e të mësuarit dhe trajnimit praktik.

Në ceremoninë e ndarjes së çmimit morën pjesë Rektori i UBT-së, Prof. Dr. Edmond Hajrizi, dhe Drejtori i Departamentit për Edukim dhe Zhvillim Profesional, Prof. Dr. Besnik Skenderi.

UBT konfirmon lidershipin në rajon në fushën e teknologjisë, inteligjencës artificiale dhe edukimit profesional, duke dëshmuar se është një model i ekselencës dhe inovacionit ndërkombëtar.

Continue Reading

Lajmet

Rektori Hajrizi i ftuar të flasë në Konferencën Rajonale Vjetore të RCF-së në Budva

Published

3 days ago

on

October 9, 2025

By

Rektori i UBT-së, Prof. Dr. Edmond Hajrizi, me ftesë nga Regional Challenge Fund po merr pjesë në Konferencën Rajonale Vjetore të RCF-së 2025, e cila këtë vit po zhvillohet në Budva dhe ka mbledhur personalitete të njohura nga fusha e arsimit, biznesit dhe politikëbërjes në Ballkanin Perëndimor.

Ky aktivitet rajonal trajton çështje kyçe që lidhen me zhvillimin ekonomik, qeverisjen e mirë, qëndrueshmërinë dhe ndërtimin e kapaciteteve konkurruese në epokën e inteligjencës artificiale dhe automatizimit.

Në këtë ngjarje përveç Rektorit Hajrizi, po merr pjesë edhe Drejtori i Departamentit për Edukim dhe Zhvillim Profesional në UBT, Prof. Dr. Besnik Skenderi.

Në panelin me temë “AI, Automation & Skills: Is the Western Balkans Ready?”, Rektori Hajrizi prezantoi vizionin e tij dhe të UBT-së mbi mënyrat se si rajoni mund të përfitojë nga integrimi i inteligjencës artificiale në sistemin arsimor dhe në sektorin e biznesit.

Ai theksoi se përgatitja e kuadrove profesionale për epokën digjitale kërkon një bashkëpunim më të ngushtë mes universiteteve, institucioneve publike dhe sektorit privat, duke krijuar ura që sigurojnë zhvillim të qëndrueshëm dhe punësim cilësor për të rinjtë.

Sipas tij, inteligjenca artificiale duhet të shihet si një mjet që fuqizon njeriun dhe shoqërinë, duke mundësuar vendimmarrje më të mençur, procese më efikase dhe rritje të përgjegjshme ekonomike.

Konferenca RCF 2025 sjell së bashku akademikë, liderë të biznesit dhe vendimmarrës politik, duke krijuar një platformë gjithëpërfshirëse për shkëmbim idesh, zhvillim strategjish dhe ndërtim partneritetesh.

Continue Reading

Të kërkuara