Lajmet

Komisioni për Shëndetësi nuk e miraton raportin për Ligjin për Shëndet Mendor

Vlerësohet se nuk ka personel të mjaftueshëm.

Published

4 years ago

on

Ndonëse Ligji për Shëndetin Mendor ishte miratuar në vitin 2015, ky ligj është ballafaquar me ngecje në zbatim, madje nuk janë hartuara as aktet nënligjore që nevojiten për zbatueshmërinë e këtij ligji. Kështu thotë draft-raporti i monitorimit të këtij ligji, i bërë nga Komisioni për Shëndetësi dhe Mirëqenie Sociale, raport ky i cili nuk u miratua as sot për shkak të mungesës së kuorumit, pasi mbledhjen e Komisionit e lëshoi deputetja nga Partia Demokratike e Kosovës (PDK), Floretë Zejnullahu.

Anëtari i Komisionit për Shëndetësi dhe Mirëqenie Sociale, Burim Karameta tha se përkundër progresit në ofrim të disa shërbimeve për pacientët me çrregullime mendore, Ligji për Shëndet Mendor nuk është zbatuar.

Sipas tij, në institucionet shëndetësore nuk ka personel të mjaftueshëm, e po ashtu ka theksuar se ka edhe mungesë të buxhetit dhe të barnave për trajtim të këtyre pacientëve.

“Komisioni konsideron se edhe pse ka pasur progres në ofrimin e disa shërbimeve të shëndetit mendor, ka pasur mjaftë ngecje në zbatimin e këtij ligji, nuk janë nxjerr aktet nënligjore të nevojshme dhe nuk janë funksionalizuar departamentet dhe komisionet e parapara me ligj, nuk ka pasur personel të mjaftueshëm dhe buxhet e barna për shumë institucionet që merren me trajtimin e personave me çrregullime mendore. Disa nga institucionet që merren me trajtimin e personave me çrregullime mendore nuk kanë të rregulluar as statusin e tyre dhe nuk kanë miratuar as statutet e këtyre institucioneve. Mungon komunikimi ndërinstitucional”, theksoi ai.

Karameta para anëtarëve të Komisionit paraqiti disa nga rekomandimet që kanë dal nga ky raport, e ndër to ishte edhe hartimi i një ligji të ri për Shëndetin Mendor.

Komisioni përmes këtyre rekomandimeve ka paraparë që të ndërtohen edhe dy institucione shëndetësore për trajtim të të miturve me çrregullime mendore dhe trajtimin e personave me sëmundje të varësisë.

“Ministria e Shëndetësisë të hartoj një ligj të ri për Shëndetin Mendor, të integruar avancuar dhe me kompetenca të qarta për institucionet zbatuese, të hartohen aktet nënligjore me kohë siç parashihet me ligj, sa për informatën tuaj ky ligj ekziston që nga viti 2015 përbëhet prej 35 neneve janë paraparë që të nxirren rreth 11 akte nënligjore dhe departamenti që funksionon në kuadër të MSH-së deri më tani ka arritur të nxjerr vetëm 1 akt të tillë nënligjor[…]Të ndahet buxhet dhe barna të mjaftueshme dhe adekuate për trajtimin e pacientëve me çrregullime mendore, të rregullohen procedurat për trajtim të burgosurve me çrregullime mendore[…]Të rregullohet statusi i disa institucioneve që merren me trajtimin e pacientëve me çrregullime mendore dhe të miratohen statutet e këtyre institucioneve”, u shpreh Karameta.

Këto rekomandime i ka mbështetur edhe deputeti Armend Zemaj anëtar i këtij Komisioni nga radhët e LDK-së. Sipas tij, nevoja për një strategji kombëtare për shëndetin mendor është tejet e domosdoshme.

“Në parim pajtohem me rekomandimet dhe nuk ka diçka që ka fshehur ky raport dhe gjendja që është në institucionet tona mendore sa i përket shëndetit mendor vetë rekomandimet flasin por edhe të gjeturat që ligji nuk është zbatuar tërësisht apo pjesërisht, nuk ka staf që është esenciale të mjaftueshëm janë bërë disa avancime qoftë edhe në pjesën që lidhet me specializime por mungesa e buxhetit dhe infrastrukturës dhe barnave duhet të kthehet tek fokusi. Hartimi i një plani strategjik kombëtar për shëndetin mendor është më së i domosdoshëm”, theksoi ai.

Ndërsa, Mirsad Shkreta nga Lëvizja Vetëvendosje u shpreh se Ministria e Shëndetësisë nuk ka arritur që të hartojë politika për kategoritë për të cilat kanë shumë nevojë për trajtim.

Duke e konsideruar drithërues të gjeturat e raportit për monitorim të Ligjit për Shëndetin Mendor, deputeti Shkreta theksoi se për trajtim të këtyre pacientëve nuk ka asnjë udhërrëfyes klinik.

“Raporti tregon dhe është drithërues kur shikon se sa është zbatuar ligji dhe sa është përcjell me infrastrukturën tjetër ligjore me akte nënligjore e për më tepër nuk ka asnjë udhërrëfyes klinik. Po t’i shihni institucionet është për të ardhur keq për mënyrën se si trajtohen, të njëjtat kur janë ndërtuar edhe fizikisht nuk e kanë vendim më aty shembulli i qendrës në Shtime”, u shpreh Shkreta.

Ndonëse pa kuorum dhe me prezencë të vetëm deputetëve të Lëvizjes Vetëvendosje, Komisioni për Shëndetësi diskutoi edhe për punën e Këshillit për Objektivat e Zhvillimit të Qëndrueshëm. 

Related Topics:
Continue Reading

Lajmet

​Flet drejtori i KH Rahovecit: Vendimi për të na përjashtuar nga palestra i pakuptimtë

Published

2 hours ago

on

September 30, 2025

By

Klubi i hendbollit Rahoveci ka njoftuar se të dyja ndeshjet ndaj ekipit nga Luksemburgu, Dudelange, në kuadër të garave evropiane, do të zhvillohen në Luksemburg.

Shkak për këtë është bërë fakti se palestra Mizahir Isma në Rahovec, për shkak të zgjedhjeve, kalon nga nesër në menaxhim të KQZ-së dhe rrjedhimisht nuk mund të shfrytëzohet për ndeshje sportive.

Drejtori Sportiv i këtij klubi, Afrim Deliu, thotë se vendimi për t’i përjashtuar klubet nga palestrat është krejtësisht i pakuptueshëm.

“Sigurisht që është problematike, tereni është një lojtar shtesë në fushë, ajo nuk diskutohet por përveç kësaj janë edhe shumë probleme të tjera sepse palestra kalon në menaxhimin e KQZ-s nga nesër dhe përveç tereni që duhet të zhvillohet ndeshja jashtë, ne e kemi problem edhe stërvitjet t’i vazhdojmë. DO të thitë është shumë problem kjo pjesa dhe sinqerisht nuk e kuptoj se si mund të merret një vendim që palestra të lirohen nga klubet ose të mos kenë mundësi t’i zhvillojnë stërvitjet. Pra përveç lojës, problem tjetër shumë i madh është edhe stërvitjet ku do t’i zhvillojmë”, tha Deliu.

Ai ka shtuar se me këtë problematikë përballen sa herë që në Kosovë ka zgjedhje.

“Edhe në zgjedhjet e kaluara ka qenë i njëjti problem dhe e kemi ditur që nuk ka mundësi të arrihet asgjë nga kjo marrëveshje dhe menjëherë kemi kontaktuar me ekipin kundërshtar dhe kemi kërkuar që t’i zhvillojmë dy ndeshjet sepse e dimë që kjo nuk mund të realizohet, nuk është problem vetëm Rahoveci por e gjithë Kosova…Nuk është se kemi tentuar të shkojmë edhe ne KQZ direkt por e kemi ditur se është e pamundur sepse jo vetëm për Rahovecin por edhe për të gjitha klubet tjera ka qenë e pamundur”, shtoi Deliu.

Përveç hendbollit, me telashe të njëjta po përballet edhe sporti i volejbollit dhe ai i basketbollit./S.K/KP/

Continue Reading

Lajmet

​Bashkimi kërkon suksesin historik në Evropë

Published

3 hours ago

on

September 30, 2025

By

Bashkimi pas fitores shumë të rëndësishme përballë Anwil-it kërkon për herë të parë të jetë pjesë e grupeve në FIBA Europe Cup.

Për të arritur suksesin historik për klubin më të vjetër në Kosovë, prizrenasit duhet të ruajnë epërsinë e pikëve nga fitorja e parë.

Sfida në Prizren përfundoi 80:75 për Portokallezinjtë, derisa në grupe do të hyjë skuadra që është më e mirë nga dy ndeshjet.

Nënkampionët për herë të parë janë në kualifikimet e FIBA Europe Cup, ndërsa nëse kalojnë pengesën në Poloni, atëherë do t’i bashkoheshin kampiones së Kosovës, Trepçës, si dhe PAOK-ut të Greqisë dhe Braunschëeig të Gjermanisë në Grupin F.

Anwil është një nga skuadrat më të forta polake në vitet e fundit, ku para dy vitesh kishte triumfuar në FIBA Europe Cup, kurse edicionin e kaluar ishte ndalur në Raundin e 1/16-tes.

Ndeshja zhvillohet të mërkurën në Poloni nga ora 18:30./S.K/KP/

Continue Reading

Aktualitet

UBT hap thirrjen për pjesëmarrje në Konferencën Ndërkombëtare të Gazetarisë, Medias dhe Komunikimit 2025

Published

3 hours ago

on

September 30, 2025

By

UBT fton studiuesit, profesionistët dhe studentët për të marrë pjesë në Konferencën Ndërkombëtare të Gazetarisë, Medias dhe Komunikimit (ICJMC 2025), një ngjarje që synon të bashkojë ekspertët për të prezantuar rezultatet e fundit të kërkimeve, për të shkëmbyer ide dhe përvoja në fushën e gazetarisë, medias dhe komunikimit.

Kjo konferencë është pjesë e edicionit të 14-të të Konferencës Ndërkombëtare të UBT-së për Biznes, Teknologji dhe Inovacion, ku fokusi i këtij viti do të jetë Reziliencia dhe Qëndrueshmëria.

Datat e rëndësishme:

  • Dorëzimi i abstrakteve: 10 Tetor 2025
  • Njoftimi për pranimin e abstrakteve: 17 Tetor 2025
  • Regjistrimi i hershëm: 17 Tetor 2025
  • Regjistrimi i vonë: 20 Tetor 2025
  • Dorëzimi i artikujve të plotë: 14 Nëntor 2025
  • Peer review: 17 Tetor 2025

Qëllimi i konferencës:

Konferenca synon të krijojë një platformë për shkëmbimin e njohurive ndërmjet studiuesve inovativë, akademikëve, hulumtuesve të rinj, studentëve pasuniversitarë dhe kandidatëve për doktoraturë, si dhe ekspertëve të fushës, duke mbështetur diskutime mbi sfidat, trendet dhe zhvillimet më të fundit në Gazetari, Media dhe Komunikim.

Tema e vitit:

  • Inteligjenca Artificiale dhe Sensacionalizmi i Informacionit në Kohë Krize dhe Konflikti

Nën-temat përfshijnë:

  • Roli i medias në kohë krize dhe kriza gjeopolitike
  • Transformimi i komunikimit politik në epokën dixhitale
  • Etika e medias dhe komunikimit gjatë krizave humanitare: Përdorimi i Chat GPT

Temat e tjera të trajtuara:

  • Reklama, media alternative dhe komunitare
  • Inteligjenca artificiale dhe gazetaria
  • Komunikimi biznesor dhe marketingu i integruar
  • Media dhe globalizimi, media dhe sporti
  • Etika e medias, dezinformimi dhe lajmet false
  • Komunikimi ndërkulturor dhe ndëretnik
  • Studime kritike dhe kulturore, rinia dhe gjinia
  • Gazetaria, ligji dhe ndikimi shoqëror
  • Media, ndryshimet klimatike dhe studimet mjedisore
  • Komunikimi i rrezikut, stigma dhe shëndeti publik
  • Media vizuale, muzikore, multimediale dhe teknologjitë e reja

Dorëzimi i artikujve:

Materiali i dorëzuar duhet të jetë origjinal, nuk duhet të jetë publikuar më parë apo të jetë duke u shqyrtuar diku tjetër. Maksimumi i artikullit është 6 faqe. Artikujt që nuk përmbushin kriteret e formatit nuk do të konsiderohen.

Për më shumë detaje mbi standardet e pranimit dhe regjistrimin, vizitoni faqen zyrtare: Konferenca Ndërkombëtare e UBT-së

Continue Reading

Lajmet

​Portieri 42 vjeçar kthehet për kualifikueset e Botërorit

Published

4 hours ago

on

September 30, 2025

By

Portieri me përvojë Craig Gordon është rikthyer në kombëtaren e Skocisë për ndeshjet kualifikuese të Kupës së Botës kundër Greqisë dhe Bjellorusisë.

Gardiani 42-vjeçar nuk ka luajtur që nga maji dhe ende nuk është paraqitur me Hearts këtë sezon, por tashmë është rikuperuar plotësisht nga një dëmtim në qafë. Gordon, i cili ka 81 ndeshje me kombëtaren, zëvendëson shokun e tij të ekipit, Zander Clark.

Ndërkohë, mbrojtësi i Derby County, Max Johnston, dhe qendërmbrojtësi i Blackburn Rovers, Dominic Hyam, janë lënë jashtë listës. Po ashtu nuk është përfshirë as sulmuesi i formës së mirë i Hearts, Lawrence Shankland, i cili ka shënuar shtatë gola këtë sezon, si dhe Tommy Conway i Middlesbrough.

Skocia ka grumbulluar katër pikë në dy ndeshjet e para të grupit, pas barazimit 0-0 në Danimarkë dhe fitores 2-0 kundër Bjellorusisë. Greqia viziton Hampden Park më 9 tetor, ndërsa tre ditë më vonë Bjellorusia do të përballet me skocezët në Glasgow.

Trajneri Steve Clarke ka rikthyer edhe Anthony Ralston pas mungesës së tij, ndërsa Angus Gunn dhe Liam Kelly kompletojnë listën e portierëve, pavarësisht se kanë pak minuta me klubet e tyre./S.K/KP/

 

Continue Reading

Të kërkuara