Të paktën 27 persona janë shtypur për vdekje në një tubim fetar hindu në Indinë veriore, ndërsa disa të tjerë janë plagosur. Zyrtari i lartë mjekësor i shtetit Uttar Pradesh Ram Mohan Tiwari, teksa njoftoi ngjarjen e rëndë, u shpreh se numri i viktimave mund të rritet.

“Ne kemi marrë 27 trupa deri më tani … trupat janë ende duke ardhur,” tha ai.

Turmat ishin mbledhur për të festuar hyjninë hindu Shiva në qytetin e Hathras, 87 milje (140 km) në jug-lindje të Delhit, shkruan ATA.

Umesh Kumar Tripathi, shefi i mjekësisë, u tha gazetarëve se të vdekurit ishin 25 gra dhe dy burra.

“Shumë të lënduar janë pranuar gjithashtu. Arsyeja kryesore është një rrëmujë gjatë një ngjarjeje fetare “ tha Tripathi.

Aksidentet vdekjeprurëse janë të zakonshme në vendet e adhurimit në Indi gjatë festave të mëdha fetare. Të paktën 112 njerëz u vranë në vitin 2016 pas një shpërthimi të madh të shkaktuar nga një shfaqje e ndaluar e fishekzjarrëve në një tempull që shënonte vitin e ri hindu.

115 besimtarë të tjerë vdiqën në vitin 2013 pas një përplasjeje në një urë pranë një tempulli në Madhya Pradesh.

Deri në 400,000 njerëz u mblodhën në zonë dhe përplasja ndodhi pasi u përhap një thashetheme se ura ishte gati të shembet.

Rreth 224 pelegrinë vdiqën dhe më shumë se 400 të tjerë u plagosën në një përplasje të vitit 2008 në një tempull në majë të kodrës në qytetin verior të Jodhpur./UBTNews/

Kryetarja e Kuvendit Kombëtar (RN), Marine Le Pen, dënoi sot “grushtin e shtetit administrativ” të makronistëve, të cilët sipas deklaratave të saj po vazhdojnë me një valë emërimesh përpara një bashkëjetese të mundshme, veçanërisht në krye të policisë dhe xhandarmërisë kombëtare.

“Duket se presidenti po mendon të emërojë nesër, pra 4 ditë para raundit të dytë, drejtorin e përgjithshëm të policisë kombëtare, që duhet të qëndronte në detyrë deri në përfundimin e Olimpiadës dhe drejtorin e xhandarmërisë kombëtare”, tha Le Pen.

Sipas kreut të RN, “objektivi” i emërimeve të nxituara është të parandalojnë Jordan Bardella të qeverisë vendin siç do të donte ai – nëse RN fiton shumicën në balotazhin legjislativ të dielën.

“Kjo është një formë e grushtit të shtetit administrativ”, tha ajo duke shtuar se shpresonte që e gjithë kjo të mos ishte e vërtetë.

“Për njerëzit që japin mësime mbi demokracinë në të gjithë Tokën, është befasuese t’i shohësh që veprojnë në këtë mënyrë. Në këte rast, ai nuk duhet të shpërndante Parlamentin”, tha La Pen./UBTNews/

Pyjet tropikale të Amazonës në Brazil po përjetojnë periudhën më të keqe në 20 vjet, pavarësisht uljes së shpyllëzimit, treguan të hënën të dhënat satelitore.

Amazona braziliane regjistroi 13,489 zjarre në gjysmën e parë të vitit, shifra më e keqe në 20 vjet, zbuluan të hënën të dhënat satelitore, shkruan ATSH,

Totali ishte më shumë se 61 për qind në krahasim me të njëjtën periudhë të vitit të kaluar — një rritje që ekspertët thonë se është rezultat i një thatësire historike që goditi pyllin më të madh tropikal në botë vitin e kaluar.

Që kur Instituti Kombëtar i Brazilit për Kërkimet Hapësinore (INPE) filloi të përpilonte të dhëna në vitin 1998, vetëm dy vite të tjera përjetuan më shumë zjarre nga janari deri në qershor: 2003 (17,143) dhe 2004 (17,340).

Të dhënat përbëjnë një lajm të vështirë për qeverinë e Presidentit Luiz Inacio Lula da Silva , me numrin e zjarreve në rritje, edhe pse shpyllëzimi në Amazon – i cili ndihmon në reduktimin e ngrohjes globale duke thithur dioksidin e karbonit – është në rënie.

Sipas të dhënave të INPE, sipërfaqja që i nënshtrohet shpyllëzimit është ulur me 42 për qind nga 1 janari deri më 21 qershor, krahasuar me të njëjtën periudhë të vitit 2023.

Lula është zotuar të ndalojë shpyllëzimin e paligjshëm të Amazonës deri në vitin 2030. Praktika ishte përkeqësuar në mënyrë dramatike nën paraardhësin e tij të ekstremit të djathtë Jair Bolsonaro .

Për Romulo Batista, zëdhënësi i degës braziliane të Greenpeace, ” ndryshimi i klimës po kontribuon” në rritjen e numrit të zjarreve.

Batista shpjegoi për AFP se shumica e biomeve të Brazilit, ose rajone të veçanta natyrore, janë nën stres për shkak të mungesës së reshjeve.

“Mjedisi është më i thatë, dhe kështu bimësia është më e tharë dhe më e ndjeshme ndaj zjarreve,” tha ai.

Por ai tha se shumica e zjarreve ka të ngjarë të mos ishin spontane, të tilla si shkëndija nga rrufeja, por të shkaktuara nga aktiviteti njerëzor — veçanërisht përdorimi i djegies bujqësore./UBTNews/

Kryeministri hungarez Viktor Orban ka udhëtuar në Ukrainë për herë të parë që nga fillimi i luftës së nisur nga Rusia në shkurt 2022.

“Viktor Orban mbërriti sot në mëngjes në Kiev për të diskutuar paqen evropiane me presidentin Volodymyr Zelensky”, shkroi sot zëdhënësi i qeverisë hungareze Zoltan Kovacs në platformën X.

Sipas raportimeve të mediave, delegacioni i Orbanit fillimisht udhëtoi për në ambasadën hungareze. Marrëdhëniet mes Kievit dhe Budapestit konsiderohen të tensionuara.

Hungaria sapo ka marrë presidencën e rradhës gjashtëmujore të Këshillit të Bashkimit Evropian. Në një intervistë para udhëtimit të tij në Kiev, Orban njoftoi se donte të bënte hapa drejt paqes.

Në të kaluarën, Orban ka vonuar ndihmën për Ukrainën dhe është përpjekur vazhdimisht të parandalojë kundërshtimin e sanksioneve ndaj fuqisë pushtuese Rusisë.

Hungaria është ende e varur nga furnizimet me gaz rus, disa prej të cilave rrjedhin përmes Ukrainës pavarësisht luftës. Megjithatë, Kievi nuk dëshiron të vazhdojë kontratën, e cila përfundon në fund të vitit.

Një tjetër pikë mosmarrëveshjeje janë të drejtat e pakicës hungareze në Ukrainë. Orban për vite me radhë e ka portretizuar veten si mbrojtës i tyre./UBTNews/