Sport

Koeman për Suarez: Më mirë të nënshkruante me Juventusin

Published

6 years ago

February 2, 2021

Betim Gashi

Ronald Koeman ka pranuar se do të ishte më mirë sikur Luis Suarez t’i bashkohej Juventusit në vend të Atletico Madridit.

Uruguaiani kaloi gjashtë vite të suksesshme te Barcelona, ndërsa në verën e kaluar u largua nga Camp Nou për të nënshkruar me Los Rojiblancos për gjashtë milionë euro.

Suarez u konsiderua tepricë nga Koeman, ndërsa për shërbimet e tij hynë në garë Juve dhe Atletico, ndërsa fitimtare doli skuadra spanjolle për shkak të problemeve me shtetësinë italiane dhe akuzat se sulmuesi kishte mashtruar në testin e gjuhës.

34-vjeçari nënshkroi kontratë dyvjeçare dhe në 16 ndeshje të zhvilluara ka shënuar 14 gola për ekipin e Diego Simeones duke i ndihmuar që të kryesojë La Ligan me 10 pikë diferencë nga përcjellësi i parë.

“Jemi duke bërë ndryshime dhe natyrisht, do të kishte qenë më mirë sikur Luis Suarez të nënshkruante me Juventusin në vend të Atletico Madridit, sepse është akoma në ligën spanjolle”, u shpreh fillimisht Koeman.

“Por, ishte një vendim që duhej ta merrnim, vërtetë i vështirë, por duke e respektuar lojtarin dhe mendoj se kjo ka rëndësi. Dhe akoma pajtohem me atë që e kemi bërë në atë kohë”, ka thënë Koeman për The Athletic.

Up Next

Bayerni favorit për Upamecanon

Don't Miss

Kush i dha më shumë kujt, Messi Barças apo Barça Messit? Flasin shifrat

Vendi

Akil Gjakova mbyll garën pa medalje në Abu Dhabi

Published

12 hours ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

13 hours ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

14 hours ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/