Kronika e zezë

Kishte vjedhur bankën ku punonte, hajduti identifikohet… pas 50 vitesh

Published

4 years ago

on

Nga Shtetet e Bashkuara të Amerikës vjen një nga lajmet më befasuese të vitit. Ted Conrad, autori i një prej grabitjeve më të madhe të bankave në histori, është identifikuar pas 52 vitesh që ishte shpallur në kërkim.

Conrad punonte në Society National Bank, në Klivlend të Ohajos, kur kreu grabitjen e famshme, në korrik 1969, më shumë se gjysmë shekulli më parë.

Ted Conrad vodhi 215 000 dollarë nga shefi i tij, që sot do të ishin rreth 2 milionë dollarë. Pas grabitjes, i arratisuri u “zhduk” nga faqja e dheut.

Sipas autoriteteve amerikane, i arratisuri ka jetuar këto 52 vite një jetë të qetë, pa luks, pavarësisht sasisë së madhe të parave që kishte në zotërim. Ndoshta sepse nuk donte të tërhiqte vëmendjen, ose ndoshta sepse ishte mënyra e jetesës që i pëlqente më shumë. Megjithatë, arsyeja e vërtetë nuk do të dihet kurrë, pasi Conrad ndërroi jetë majin e kaluar nga kanceri në mushkëri.

Conrad ishte 20 vjeç kur realizoi goditjen e madhe. Ai kishte pak kohë në stafin e bankës, kur, pavarësisht moshës së tij të re, përfitoi nga siguria mediokër e filialit dhe mori paratë, duke dalë me të gjitha kartëmonedhat të futura në një qese letre. Ai e bëri atë para të gjithëve, në një mbrëmje të zakonshme, kur zyra po mbyllej. Askush nuk e vuri re.

Kur nëpunësit e bankës kuptuan se mungonin shumë para, Conrad ishte zhdukur përgjithmonë. Ky rast ishte shumë i njohur në Shtetet e Bashkuara të Amerikës dhe kërkimi, i cili ka zgjatur më shumë se 52 vjet, nuk rezultoi i suksesshëm, pasi nuk arritën ta kapnin kurrë. Ai është aq i famshëm sa historia e tij është treguar edhe në emisione televizive.

Sipas autoriteteve, i arratisuri u kishte treguar miqve të tij për planet e tij për të vjedhur paratë, madje mburrej se sa e lehtë do të ishte t’i realizonte. Me sa duket, ai e mori idenë nga filmi i vitit 1969 “Çështja Thomas Crown”, ku luan Steve Mcqueen, komploti i të cilit sillet rreth grabitjes së përsosur. Conrad ishte i fiksuar pas këtij filmi dhe organizoi vjedhjen e tij duke u bazuar në këtë film.

Pasi kreu krimin dhe u zhduk, Conrad ndryshoi identitetin e tij në atë të Thomas Randele. Ai i kaloi vitet pasardhëse mes Uashingtonit dhe Los Anxhelosit, derisa më në fund zbarkoi në një lagje të Bostonit, 1000 kilometra nga Klivlend. Sipas “The New York Times”, i arratisuri i kaloi 40 vitet e fundit duke punuar si profesionist i golfit dhe si shitës makinash të përdorura.

Çështja Ted Conrad u zgjidh kur hetuesit gjetën nekrologjinë e Randele, në një gazetë lokale muaj më parë. Si rezultat, ata ishin në gjendje të krahasonin dokumentet që ai kishte paraqitur gjatë viteve 1960 me dokumente më të reja.

Related Topics:
Continue Reading

Aktualitet

Raporti 24 orësh nga Policia e Kosovës

Published

1 day ago

on

August 7, 2025

By

Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.

AKSIDENTE TRAFIKU  DHE GJOBA

Gjatë 24 orëve të fundit janë shqiptuar 2587 tiketa trafiku, janë shkaktuar 94 aksidente me dëme materiale dhe 39 aksidente me të lënduar. Zyra e Informimit nga PK ka njoftuar se 36 persona janë arrestuar, kurse 22 janë dërguar në mbajtje.

PRISHTINË

Lëndim i lehtë trupor

Aeroporti Adem Jashari 06.08.2025 – 09:30- Raportohet se pas një mosmarrëveshje janë përfshirë në një rrahje dy të dyshuar meshkuj kosovarë dhe pas inicimit të rastit në konsultim me prokurorin njëri prej të dyshuarve është liruar kurse i dyshuari tjetër është dërguar në mbajtje.

Armëmbajtje pa leje

Është arrestuar i dyshuari mashkull kosovar, pasi që tek i njëjti gjatë kontrollit në shtëpinë e tij është gjetur dhe sekuestruar si prova materiale si armë zjarri AK-47 me katër karikator të mbushur me fishekë, 13 fishekë të së njëjtës armë, një karikator i pistoletës me 5 fishekë, një fishekë i kal-12.7 mm. Me vendim të prokurorit i dyshuari është dërguar në mbajtje.

Aksident në rrugën Lipjan‐Shtime

Zëdhënësja e policisë rajonale për Prishtinë Flora Ahmeti tha se në këtë aksident kanë qenë të përfshira dy automjete.

“Sot rreth orës 20:30 kemi pranuar informatën se në rrugën Lipjan‐Shtime, ka ndodhur një aksident trafiku me lëndime. Në këtë aksident kanë qenë të përfshira dy automjete. Si pasojë e aksidentit janë lënduar katër persona. Me rastin po merret njësiti i trafikut rajonal”, ka thënë Ahmeti.

FERIZAJ

Kanosje

Është arrestuar i dyshuari mashkull kosovar, për shkak se kishte kanosur bashkëshorten e tij. Pas inicimit ë rastit me vendim të prokurorit i dyshuari është dërguar në mbajtje.

Import, Eksport, Furnizim, Shitje e paautorizuar e armëve apo materieve plasëse

Rr. Hysni Kajtazi,  06.08.2025 – 11:30- Me urdhëresë të gjykatës është kryer kontroll në shtëpinë dhe objektet përcjellëse pronë e të dyshuarit mashkull kosovar, ku në disa dhoma dhe një depo që përdorej nga i dyshuari për rregullimin e armëve janë gjetur dhe sekuestruar 6 pushkë të gjata të gjuetisë, dy pushkë ajrore, 1 pushkë pa tytë, dy pistoleta të kalibrit 9-mm, 1 pistoletë me gaz, 163 fishkë të pushkëve të gjuetisë, 329 fishkë të kalibrave të ndryshëm të armëve të zjarrit, katër radiolidhje si dhe mjete për përpunimin dhe modifikimin e armëve. I dyshuari pas inicimit të rastit është liruar në procedurë të rregullt.

PRIZREN

Fajde

Më 06.08.2025 njësitë e hetuesisë në bashkëpunim me prokurorinë kanë realizuar një operacion ku kanë arrestuar në flagrancë një mashkull kosovar duke pranuar para nga viktima mashkull kosovar, në emër të kamatës për fajde. Me vendim të prokurorit i dyshuari është dërguar në mbajtje.

Degradim dhe Shkatërrim i ambientit

Fsh. Samadrexhë, Suharekë  06.08.2025 – 11:50- Komisioni për Siguri Publike dhe Komisioni për Miniera dhe Minerale së bashku me njësitë relevante policore kanë bërë kontrollimin e një gurëthyesi pronë e të dyshuarit mashkull kosovar, ku gjatë kontrollit në gurthyes janë gjetur dy detonatorë elektrikë që dyshohet se janë përdorur për minime të kundërligjshme. Në konsultim me prokurorin detonatorët janë sekuestruar është iniciuar rasti dhe mbetet në hetime.

Blerje posedim shpërndarje e paautorizuar e narkotikëve

Rr. Ismet Jashari-Kumanova, 06.08.2025– 23:30- Njësitet policore pas pranimit të informatës se disa persona janë duke shitur dhe shpërndarë substanca narkotike, kanë dalë në vendin e ngjarjes dhe kanë hasur dy të mitur një femër dhe një mashkull kosovarë dhe një tjetër i dyshuar i cili është larguar nga vendi i ngjarjes. Gjatë kontrollit në vendngjarje është gjetur dhe sekuestruar si prove materiale: substancë  narkotike e llojit marihuanë me peshë prej 0.68 gram, një qese najloni me substancë të dyshuar narkotike e llojit marihuanë me  peshë  prej 7.27 gram, një mulli për bluarjen e substancës narkotike, dy kartëmonedha  5 dhe një 20 euro. Me vendim të prokurorit të njëjtit  janë intervistuar në cilësinë e dëshmitarëve,  rasti iniciohet si më lartë dhe vazhdon të hetohet.

PEJË

Dhunë në familje

Është  iniciuar rasti ku të përfshirë në të kanë qenë një ish bashkëshortët, gruaja si viktimë dhe burri si i dyshuar i cili pas intervistimit, në konsultim me prokurorin është liruar.

GJAKOVË

Shkaktim i rrezikut të përgjithshëm

Rr. Gjergj Sokoli, Gjakovë  06.08.2025 – 14:00- Është arrestuar i dyshuari mashkull kosovar, për shkak se kishte shtënë me armë zjarri. Në vendin e ngjarjes janë gjetur 11 gëzhoja, ndërsa nga i dyshuari është sekuestruar një pistoletë që dyshohet se është përdorë në rast dhe 57 fishekë. Me urdhër të prokurorit i dyshuari pas inicimit të rastit është liruar në procedurë të rregullt.

DHUNË NË FAMILJE & LËNDIM I LEHTË TRUPOR

Rahovec  06.08.2025 – 00:10-Është arrestuar i dyshuari mashkull kosovar, për shkak se ka sulmuar fizikisht motrën dhe vëllain e tij. Nga i dyshuari është sekuestruar një pistoletë me leje. Me vendim të prokurorit i dyshuari pas intervistimit është dërguar në mbajtje.

Mitrovicë Veri dhe Jug

Organizimi i skemave piramidale dhe bixhozit të paligjshëm

Rr. Agim Ramadani Katana, 06.08.2025–19:30- Është arrestuar i dyshuari mashkull kosovar pronar i lokalit  në dyshimin se i njëjti ishte duke zhvilluar-luajtur se bashku me disa persona tjerë bixhoz të paligjshëm. Si dëshmi materiale janë sekuestruar: 3-TV, 2-printer për shtypjen e tiketave, 2-shtëpiza kompjuterike, tiketa të paguara të lojërave të ndryshme, dhe rreth 98 €. Me vendim të prokurorit pas intervistimit i dyshuari është dërguar në mbajtje.

Posedim i paautorizuar i narkotikëve dhe armëmbajtje pa leje

Rr. Ismail Qemaili, Vushtrri 06.08.2025–21:15- Janë arrestuar dy të dyshuar meshkuj kosovarë pasi që tek të njëjtit gjatë kontrollit, janë gjetur dhe sekuestruar si provë materiale: një elektroshok, një qese e vogël me substancë narkotike e llojit marihuanë me peshë prej 0.8 gram. Pas intervistimit me vendim të prokuronit të njëjtit janë liruar në procedurë të rregullt.

Kanosje

Mitrovice Veri  05.08.2025 –08:00-Viktima femër kosovare, ka raportuar se është kanosur (përmes rrjetit social vidër) nga i dyshuari mashkull kosovar ish bashkëshorti i saj i cili nuk gjendet në Kosovë. Me vendim të prokurorit rasti iniciohet si më lartë dhe i dyshuari të vendoset në kërkim policor. Rasti vazhdon të hetohet.

 

Continue Reading

Aktualitet

Fushë Kosovë, burri sulmon fizikisht gruan

Published

2 days ago

on

August 6, 2025

By

Një rast i dhunës në familje është raportuar në Fushë Kosovë, kur një burrë shtetas i Kosovës, ka sulmuar fizikisht bashkëshorten e tij shtetase e Shqipërisë.

Viktima ka pranuar tretman mjekësor, kurse i dyshuari është dërguar në mbajtje me vendim të prokurorit.

Raporti i Policisë së Kosovës:

“Fushë Kosovë 05.08.2025 – 15:08. Është arrestuar i dyshuari mashkull kosovar, pasi që kishte sulmuar fizikisht dhe më pas kishte kanosur bashkëshorten e tij viktimën femër shqiptare shtetase e Shqipërisë. Viktima ka pranuar tretman mjekësor. Me vendim të prokurorit i dyshuari është dërguar në mbajtje”, thuhet në raportin e Policisë së Kosovës”.

Continue Reading

Aktualitet

​Gjendet pa shenja jete një 63-vjeçar në Jezerc

Published

1 week ago

on

August 1, 2025

By

Policia e Kosovës ka bërë të ditur se në një vilë private në Jezerc është gjetur pa shenja jete një person.

Kanun Veseli nga policia rajonale e Ferizajt, ka thënë se personi i moshës 63-vjeçare është gjetur pa shenja jete rreth orës 11:00, në garazh pranë veturës së tij.

“Në vendin e ngjarjes kanë dalë njësiti i hetimeve rajonale dhe ekipi i forenzikës. Vdekjen e ka konstatuar ekipi mjekësor i Qendrës Emergjente në Ferizaj”, ka thënë ai.

Prokurori i shtetit është njoftuar për rastin dhe ka udhëzuar që të ndërmerren të gjitha veprimet hetimore të nevojshme, ndërsa trupi i pajetë është dërguar në Institutin e Mjekësisë Ligjore në Prishtinë për obduksion. Rasti po hetohet nga Sektori Rajonal i Hetimeve në Ferizaj.

Continue Reading

Aktualitet

​Punonjësi 55-vjeç gjendet pa shenja jete në Parkun Inovativ në Prizren

Published

2 weeks ago

on

July 28, 2025

By

Një 55-vjeçar me inicialet B.B. është gjetur pa shenja jete në hapësirat e Parkut Inovativ në Prizren ka konfirmuar zëdhënësi i Policisë rajonale të Prizrenit Shaqir Bytyqi.

“Rreth orës 13:35, Policia e Kosovës ka pranuar informatën se në hapësirat e “Parkut Inovativ”, që ndodhet në ish-kazermën ushtarake në Prizren, është gjetur pa shenja jete një person B.B., i gjinisë mashkullore, rreth 55-vjeç. Sipas informatave fillestare, i ndjeri kishte qenë punonjës në atë park. Njësitet përkatëse policore kanë dalë menjëherë në vendin e ngjarjes, ku kanë kryer ekzaminimin e vendit, mbledhjen e provave materiale dhe marrjen e deklaratave nga dëshmitarët”, tha Bytyqi.

Me urdhër të prokurorit të shtetit, trupi i pajetë u dërgua për obduksion në Institutin e Mjekësisë Ligjore në Prishtinë, ndërsa Policia e Kosovës ka iniciuar rastin si hetim i vdekjes dhe po ndërmerr veprimet hetimore për zbardhjen e plotë të rastit.

Continue Reading

Të kërkuara