Google Photos po planifikon të mundësojë një veçori që do ta bëjë më të lehtë identifikimin e fotove dhe videove të ndryshuara me mjete të Inteligjencës Artificiale. Kjo mundësi e re, e zbuluar në një analizë të kodit të aplikacionit, mund të ndihmojë përdoruesit të kuptojnë më mirë nëse një përmbajtje është e vërtetë apo është manipuluar përmes teknologjive si deepfake.

Ky zbulim u bë i njohur përmes versionit 7.41 të aplikacionit, ku u gjet një referencë për një funksionalitet të quajtur “threepio”. Qëllimi i kësaj veçorie është të ofrojë informacion më të saktë dhe të ndihmojë në identifikimin e fotove dhe videove të mundshme të manipuluara.

Pavarësisht se nuk është e qartë nëse kjo veçori lidhet drejtpërdrejt me SynthID, një projekt i zhvilluar nga DeepMind, të dyja qasjet synojnë të ofrojnë më shumë transparencë rreth origjinës së përmbajtjes vizuale. SynthID, për shembull, shënon në mënyrë të padukshme imazhet e gjeneruara nga AI, një veçori që ka për qëllim të mbrojë kundër keqpërdorimit të imazheve të manipuluara.

Mahindra ka zbuluar Batmobile-in e parë “zyrtar” në botë për rrugë.

Bazuar në BE 6, modeli do të jetë i kufizuar në 300 njësi dhe do të shitet ekskluzivisht në Indi.

Mahindra BE 6 Batman Edition është zhvilluar në partneritet me Warner Bros Discovery Global Consumer Products.

Vizualisht, pjesa e jashtme kombinon nuancë të personalizuar të zezës saten me detaje të zeza me shkëlqim. Elementi që bie në sy është emblema e Batman në dyert e përparme, e plotësuar nga emblema e artë e lakuriqit të natës në krahët e përparmë.

Çmimet fillojnë nga rreth 27,200 dollarë.

Inteligjenca artificiale ka shpikur dy antibiotikë të rinj potencialë që mund të vrasin gonorrenë dhe MRSA-në rezistente ndaj ilaçeve, kanë zbuluar studiuesit.

Ilaçet u projektuan atom pas atomi nga Al e vranë superbakteret në testet laboratorike në kafshë, Të dy përbërjet kanë nevojë për vite rafinimi dhe provash klinike para se të përshkruhen. Por ekipi i Institutit të Teknologjisë në Massachusetts thotë se Al fillon “epokën e dytë të artë” në zbulimin e antibiotikëve.

Bëhet e ditur se antibiotikët vrasin bakteret, por infeksionet që rezistojnë ndaj trajtimit tani po shkaktojnë më shumë se një milion vdekje në vit.

Përdorimi i tepërt i antibiotikëve ndihmon bakteret të evoluojnë për të shmangur efektet e ilaçeve, ka pasur mungesë të antibiotikëve të rinj për dekada.

Studiuesit më parë kanë përdorur Al për të shqyrtuar mijëra kimikate të njohura në përpjekje për të identifikuar ato me potencial për t’u bërë antibiotikë të rinj, shkruan BBC. Ekipi i MIT ka shkuar një hap më tej duke përdorur Al gjeneruese për të hartuar antibiotikë në radhë të parë për infeksionin seksualisht të transmetueshëm gonorre dhe për MRSA-në potencialisht vdekjeprurëse.

Studimi i botuar në revistën Cell, shqyrtoi 36 milionë komponime, duke përfshirë ato që ose nuk ekzistojnë ose nuk janë zbuluar ende. U trajtua Al duke i dhënë strukturën kimike të komponimeve të njohura, së bashku me të dhëna nëse ato ngadalësojnë rritjen e llojeve të ndryshme të baktereve.

Al mëson si bakteret preken nga struktura të ndryshme molekulare, të ndërtuara nga atome si karboni, oksigjeni, hidrogjeni dhe azoti. U provuan dy qasje për të hartuar antibiotikë të rinj me Al. Pasi u prodhuan, modelet u testuan në baktere në laborator dhe në minj të infektuar, duke rezultuar në dy ilaçe të reja.

“Jemi të emocionuar sepse tregojmë se Al gjeneruese mund të përdoret për të hartuar antibiotikë krejtësisht të rinj”, tha Prof. James Collins, nga MIT.

Megjithatë, nuk janë gati për prova klinike dhe ilaçet do të kërkojnë rafinim – vlerësohet se do të duhen edhe një deri në dy vjet punë – përpara se të fillojë procesi i gjatë i testimit të tyre te njerëzit.

Ky mund të jetë proces i gjatë dhe i kushtueshëm pa asnjë garanci se ilaçet eksperimentale do t’u përshkruhen pacientëve në fund.

Ndryshe, disa po bëjnë thirrje që zbulimi i barnave me anë të Al të përmirësohet në një shkallë më të gjerë.

Një implant eksperimental i trurit ka arritur të përkthejë mendimet e brendshme në tekst me një saktësi deri në 74%, sipas një studimi nga Universiteti i Stanfordit, i botuar në revistën “Cell”.

Pajisja, e quajtur ‘ndërfaqja tru-kompjuter (BCI)’, u testua tek katër pjesëmarrës, duke regjistruar sinjale nervore përmes mikroelektrodave të vendosura në korteksin motor, zonën e trurit që kontrollon të folurën.

Pjesëmarrësit u udhëzuan ose të përpiqeshin të flisnin, ose të imagjinonin të thoshin një grup fjalësh. Të dy veprimet aktivizuan zona të ngjashme të trurit, megjithëse në shkallë të ndryshme. Modelet e inteligjencës artificiale u trajnuan për të interpretuar fjalët e menduara, pa u shqiptuar.

Në një demonstrim, chip-i përktheu fjali të imagjinuara me saktësi deri në 74%.

BCI-të ndihmojnë personat që nuk mund të flasin të komunikojnë më lehtë, duke ofruar pavarësi për njerëzit me aftësi të kufizuara. Pajisje të ngjashme, si implantet e Neuralink të Elon Musk, janë ende në faza të hershme testimi.

Sipas studiuesit Frank Willett, teknologjia ka potencial të rikthejë komunikimin në mënyrë fluente e natyrale, por aktualisht kërkon kufizime të rrepta dhe zhvillim të mëtejshëm për të shmangur leximin e padëshiruar të mendimeve.