Lajmet

Kina akuzohet për stacione policore të paligjshme në Holandë

Ato po përdoren për t’u mbyllur gojën disidentëve kinezë në Evropë.

Publikuar

2 vjet më parë

më

Qeveria kineze është akuzuar për krijimin e të paktën dy “stacioneve policore” të padeklaruara në Holandë.

Mediat holandeze gjetën prova se “stacionet e shërbimit jashtë-shtetërore”, të cilat premtojnë të ofrojnë shërbime diplomatike, po përdoren për t’u mbyllur gojën disidentëve kinezë në Evropë.

Një zëdhënës i ministrisë së jashtme holandeze tha se ekzistenca e këtyre stacioneve është e paligjshme, ndërsa ambasada kineze thotë se nuk është në dijeni të ekzistencës së tyre.

Hetimi u nxit nga një raport i titulluar “Chinese Transnational Policing Gone Wild”, nga OJQ-ja Safeguard Defenders me bazë në Spanjë.

Sipas organizatës, zyrat e sigurisë publike nga dy provinca kineze kishin krijuar 54 “qendra të shërbimit policor jashtë shtetit” në pesë kontinente dhe 21 vende. Shumica e tyre janë në Evropë, përfshirë nëntë në Spanjë dhe katër në Itali. Në MB, ai gjeti dy në Londër dhe një në Glasgow.

Njësitë u krijuan me sa duket për të trajtuar krimin transnacional dhe për të kryer detyra administrative, të tilla si rinovimi i patentës kineze të shoferit. Por, sipas Safeguard Defenders, në realitet ata kryejnë “operacione bindjeje”, që synojnë të detyrojnë të kthehen në shtëpi ata që dyshohen se kanë folur kundër regjimit kinez.

RTL News dhe platforma e gazetarisë investigative Follow the Money ndanë historinë e Wang Jingyu, një disident kinez i cili tha se po ndiqej nga policia kineze në Holandë.

Duke folur në anglisht, Wang u tha gazetarëve holandezë se ai mori një telefonatë në fillim të këtij viti nga dikush që pretendonte se ishte nga një stacion i tillë.

Gjatë bisedës, ai tha se i kërkuan të kthehej në Kinë për të “zgjidhur problemet e mia. Dhe për të menduar për prindërit e mi”.

Që atëherë, ai përshkroi një fushatë sistematike ngacmimi dhe frikësimi, për të cilën ai beson se është duke u orkestruar nga agjentë të qeverisë kineze.

Në përgjigje të zbulimeve, ambasada kineze i tha RTL News se nuk ishte në dijeni të ekzistencës së stacioneve të tilla policore.

Një zëdhënës i ministrisë së jashtme holandeze tha se prania e tyre në Holandë ishte e paligjshme dhe premtoi të “hetojë se çfarë po bëjnë këtu dhe të ndërmarrë veprimet e duhura”./UBTNews/

Etiketa
Vazhdo të lexosh

Lajmet

​BE mban trendin e rënies së emetimeve të gazrave serrë

Publikuar

2 orë më parë

më

18 Maj, 2024

nga

Trendi në rënie në emetimet e gazrave serrë të BE-së vazhdoi gjatë gjithë vitit 2023 me një rënie prej pak më shumë se 5%, sipas të dhënave të Eurostat të publikuara këtë javë.

Shtetet anëtare të BE-së lëshuan më shumë se 3.4 miliardë ton ekuivalent të dyoksidit të karbonit të gazeve serrë në vitin 2023. Kjo është 5.1% më pak se në vitin 2022, kur u lëshuan rreth 3.6 miliardë ton ekuivalent të dyoksidit të karbonit.

Bullgaria emetoi 47.5 milion ton ekuivalent të dyoksidit të karbonit ose rreth 1.4% të emetimeve të gazit serrë të BE, sipas llogaritjeve të BTA bazuar në të dhënat e Eurostat.

Vendi uli emetimet e gazeve serrë me pothuajse një të pestën (-19.6%) në 2023, duke regjistruar rënien e dytë më të madhe pas Estonisë (-27%).

Në tremujorin e katërt të vitit të kaluar, Bullgaria u rendit e dyta në mesin e vendeve anëtare të BE-së me uljen më të madhe të emetimeve të gazrave serrë. Pas Estonisë (-23%), ky vend regjistroi një rënie prej afro 17% nga viti në vit.

Vazhdo të lexosh

Lajmet

Edhe Spanja do ta njohë shtetin palestinez bashkë me vendet tjera

Publikuar

4 orë më parë

më

18 Maj, 2024

nga

Kryeministri spanjoll, Pedro Sanchez njoftoi të premten se vendi i tij do ta njohë shtetin palestinez bashkë me vendet tjera.

Në një intervistë për televizionin La Sexta, Sanchez mohoi raportimet se njohja do të ndodhë më 21 maj./UBTNews/

Vazhdo të lexosh

Lajmet

IBM ka në plan të krijojë 800 vende të reja pune

Publikuar

6 orë më parë

më

18 Maj, 2024

nga

IBM-ja njoftoi se planifikon të punësojë deri në 800 persona në Irlandë për të ndërtuar një sistem softueri të avancuar sipas teknologjisë së Inteligjencës Artificiale.

Kjo shënon numrin më të madh të vendeve të punës në sektorin shumëkombësh të vendit. IBM është tashmë një nga punëdhënësit më të mëdhenj shumëkombësh në Irlandë me 3 mijë persona staf.

Përmes posteve të reja do t’u kërkohet punonjësve të krijojnë softuer të avancuar bazuar në inteligjencë artificiale gjeneruese në fushat sikurse siguria, automatizimi, etj./UBTNews/

Vazhdo të lexosh

Art

Gruaja më e pasur e Australisë kërkon që të largohet portreti i saj nga një ekspozitë

Publikuar

8 orë më parë

më

18 Maj, 2024

nga

Arti është subjektiv. Dhe përderisa shumica e artistëve dëshirojnë të ndajnë punën e tyre me botën, nuk ka garanci se publiku do ta kuptojë apo pëlqej punën e tyre artistike.

Kështu duket të jetë edhe rasti i një pikture nga artisti vendas, Vincent Namatjira, që përfshin një portret të gruas më të pasur në Australi, manjates së minierave Gina Rinehart.

Rinehart i ka kërkuar Galerisë Kombëtare të Australisë (NGA) të largojë portretin e saj, një prej 21 veprave të tij individuale që përbëjnë një pjesë të vetme në ekspozitën e Namatjiras, “Australia in Color”.

Kjo ekspozitë po shfaqet në galerinë e kryeqytetit australian, Kanberra, që nga muaji mars.

Subjekte të tjera të kësaj ekspozite janë edhe Mbretëresha Elizabetë II, muzikanti amerikan, Jimi Hendrix, aktivisti australian për të drejtat e aborigjenëve Vincent Lingiari, si dhe ish-kryeministri australian, Scott Morrison./UBTNews/

Vazhdo të lexosh

Të kërkuara