Kulturë

Kim Kardashian ndihmon në kthimin e një arkivoli të vjedhur në Egjipt

Arkivoli ishte vjedhur në vitin 2011 gjatë revolucionit në Egjipt.

Published

on

Pasi Kim Kardashian shkrepi një foto përpara artefaktit të lashtë në Met Gala 2018, detektivët arritën t’i japin fund një kërkimi pesëvjeçar për arkivolin e zhdukur egjiptian, transmeton UBT News.

Krahas drejtimit të bizneseve të saj të shumta dhe trajnimit për t’u bërë avokate, Kim Kardashian ka ndihmuar së fundmi në hapjen e një çështjeje gjyqësore penale të gjatë të një arkivoli të vjedhur egjiptian.

Sipas The New York Post, një foto e saj duke pozuar pranë një arkivoli prej ari në Met Gala 2018 ka ndihmuar zyrtarët të gjejnë vendndodhjen e artefaktit të vjedhur.

Arkivoli – i cili u ble nga Met në vitin 2017 – fillimisht përmbante trupin e mumifikuar të priftit Nedjemankh. Arkivoli u grabit në Egjipt gjatë revolucionit të vitit 2011 dhe u trafikua përmes Emirateve të Bashkuara Arabe në Gjermani. Më pas, Roben Dib, menaxheri i Galerisë Dionysos të Hamburgut, e furnizoi me licenca të rreme eksporti.

Nga aty zbarkoi në Francë, ku tregtarët ia shitën Met Gala-s arkivolin për 4 milionë dollarë. Gjatë eventit, arkivoli siguroi sfondin e përsosur në fotografinë e Kim Kardashian, gjë kjo e cila ndihmoi në kthimin e saj të ligjshëm në Egjipt, përcjell UBT News.

Siç shpjegohet në një episod të podcast-it Art Bust të Ben Lewis, një plaçkitës i përfshirë në vjedhjen e arkivolit kontaktoi njësinë e trafikimit të antikiteteve të DA, pasi ata nuk morën pjesën e tyre të pagesës për punën. Kreu i njësisë së DA, Matthew Bogdanos, i cili kishte pesë vjet që po përpiqej të gjente rrjetin e kontrabandës, hapi menjëherë një rast dhe informoi Met për zhvillimet. Muzeu ishte në gjendje të konfirmonte identitetin e tij përmes një kocke gishti të mumifikuar që ende fshihej brenda arkivolit.

Kjo nuk është përvoja e parë e Kim Kardashian me artefaktet e lashta që mungojnë. Vitin e kaluar, ylli i realitetit televiziv u përball me akuzat nga qeveria amerikane se ajo kontrabandoi një skulpturë të vjedhur romake në Amerikë, të cilën ajo e kishte blerë në vitin 2016 nga Galeria Axel Vervoordt e Belgjikës./UBTNews/

Magazinë

Billie Eilish tregon se cilët janë artistët e saj të preferuar

Published

on

Ndërsa po bën një pushim nga turneu i saj botëror “Hit Me Hard and Soft”, i cili filloi në shtator 2024 dhe do të vazhdojë në Suedi në prill 2025, Billie Eilish zbuloi se cilët janë artistët dhe krijuesit e saj të preferuar.

Këngëtarja nëntë herë fituese e Grammy-it, në një intervistë të fundit me YouTuber-in Quenlyn Blackwell, u pyet për njerëzit që rendit si kryesues në kategori të ndryshme.

Kur u pyet për reperen femër që ajo e konsideron më të mirën, Eilish u përgjigj pa hezitim: “Nicki Minaj është, padyshim.

Lidhur me këngët që shërbejnë si “himn të jetës” për të, Billie përmendi disa hite më të vjetra të Lady Gaga:

“Sinqerisht, unë dëgjoj shumë Gaga të vjetra, si poker Face, komentoi ajo gjëja ime tani, GndroUY” .

Megjithatë, kur erdhi koha të përgjigjej për aktorin më të mirë të të gjitha kohërave, Eilish nuk mundi të zgjidhte vetëm një dhe zgjodhi dy nga të preferuarit e saj, Steve Carell dhe Jake M. Johnson.

Diskutimi u shtri edhe në botën e transmetuesve, ku këngëtarja pranoi se nuk e ka të qartë se kush bie në sy.

“Unë i njoh disa, se di çfarë është e mirë a e keqe për asnjërin prej tyre. E vetmja që më vjen në mendje është…” Blackwell e ndërpreu atë, duke përmendur emrin e Kai Senat, e cila ka mbi 7 milionë abonentë në YouTube. Eilish ra dakord, duke komentuar: “Ai është i madh”.

Continue Reading

Kulturë

Fjalësi i “Enciklopedisë shqiptare” do të miratohet brenda 15 majit

Published

on

Në Akademinë e Shkencave të Shqipërisë u zhvillua mbledhja e redaksisë qendrore dhe vendore të Tiranës për projektin e “Enciklopedisë shqiptare”. Takimi kishte për qëllim shqyrtimin e konkluzioneve të takimit dyditor të redaksive Shqipëri-Kosovë, që u mbajt në Vërmicë më 25-26 mars 2025, dhe ecurinë e mëtejshme të projektit.

Gjatë mbledhjes, u diskutua për miratimin e fjalësit të “Enciklopedisë shqiptare”, që pritet të realizohet deri më 15 maj. Ky miratim do të mundësojë kalimin në fazën e kategorizimit të artikujve dhe përcaktimin e autorëve që do t’i hartojnë ata. Akademik Gjinushi njoftoi se në takimin e Vërmicës u formuluan disa detyra dhe rekomandime për redaksitë përkatëse, të cilat do të përmblidhen në një udhëzues për të orientuar punën e mëtejshme.

Dr. Arian Leka, Drejtori i Qendrës së Botimeve Enciklopedike dhe Albanologjike, theksoi rëndësinë e verifikimit të plotësimit të kritereve për çdo artikull, pasi 70% e “Enciklopedisë shqiptare” është material i ri, që kërkon një shqyrtim të kujdesshëm dhe të detajuar.

 

Continue Reading

Kulturë

Shkëlqeu me rolin e tij në ‘Kontesha Arduini’, intervistë me Mirsad Ferati

Published

on

Në Ditën Ndërkombëtare të Teatrit Mitrovica e dha premierën e shfaqjes ‘Kontesha Arduini’.

Komedia nga Aldo de Benedetti dhe në regji të Marigona Bekteshi-Ferati bëri bashkë shikuesit besnik të Teatrit ‘Muharrem Qena’.

“Kontesha Arduini”, një histori magjepsëse që nuk duhet humbur e cila vjen me regji nga Marigona Bekteshi-Ferati që njëherësh është dhe staf akademik në UBT.

Në këtë shfaqje do të luajnë: Artan Hetemi – Snupa TC, Qendresa Jashari Mirsad Ferati, Arbnorë Nuha.

Ngjarja ndodhë në familjen Verani! Të lodhur nga monotonia e jetës, çifti ndjen nevojën për tu “arratisur” nga përditshmëria e tyre.

Zonja Marina Verani shkon në pushime e vetme, pa bashkëshortin me qëllimin se atje do të gjejë rininë e saj dhe të ndjehet sërish e vlerësuar, mbase edhe tërheqëse për të panjohurit.

Zotëri Alberto Verani, i mbetur në qetësinë e shtëpisë, dëshiron që këtë “javë lirie” ta shfrytëzojë në maksimum dhe për fatin e tij të keq apo të mirë, merr një telefonatë të gabuar nga “Kontesha Arduini”, një grua misterioze që porosit dy buqeta me trëndafila të kuq.

Një nga aktorët me rol kryesor është dhe Mirsad Ferati i cili ishte i ftuar në emisionin “n’Ritëm” me Albina Zeneli të Campus Radio dhe i njëjti u shpreh se ishte tejet i lumtur për suksesin e jashtëzakonshëm të këtij krijimi artistik e madje potencon faktin se audienca e Teatrit është gjithnjë e në rritje.

Për më shumë ndiqeni bisedën me artistin nga Mitrovica:

https://www.instagram.com/p/DHv8WzSIEf-/?hl=en

/UBT News/

 

Continue Reading

Magazinë

Brad Pitt rikthehet në Netflix me rolin që i dha Oscar-in

Published

on

Brad Pitt do të rikthehet në rolin e Cliff Booth, personazhi për të cilin fitoi çmimin Oscar në filmin e Quentin Tarantino-s, Once Upon a Time in Hollywood.

Ky projekt i ri do të jetë një spin-off i prodhuar nga Netflix, me regjisor David Fincher dhe skenar të shkruar nga vetë Tarantino.

Xhirimet pritet të fillojnë këtë verë, ndërsa titulli dhe detajet e tjera ende nuk janë zbuluar.

Ky lajm ka ngjallur entuziazëm mes fansave të Pitt dhe të kinemasë, duke qenë se rikthimi i aktorit në këtë rol të dashur vjen pas suksesit të madh të filmit të vitit 2019.

 

Continue Reading

Të kërkuara