Sport

Këta janë pesë favoritët për të fituar “Topin e Artë” 2021

Listës i paraprin Leo Messi, i pasuar nga Lewandowski dhe Jorginho.

Published

on

Dhënia e çmimit të Topit të Artë u anulua për vitin 2020 dhe lojtarët më të mirë në botë po bëjnë përsëri çmos për të fituar këtë çmim tani për vitin 2021.

Pasi u anulua në vitin 2020, Topi i Artë është rikthyer dhe çmimi nuk do të shpërndahet deri në dhjetor, që do të thotë se lojtarët mund të kenë ende kohë për të bërë paraqitje sa më impresive.

Goal ka publikuar listën e 10 lojtarëve më të mirë për vitin 2021 deri tani që janë favoritët për të fituar Topin e Artë.

Listës i paraprin Leo Messi, i pasuar nga Lewandowski dhe Jorginho që mbyllin treshen, gjersa Kante dhe Lukaku mbyllin Top 5-shen.

Lionel Messi – Në vitin 2021: 36 gola, 14 asistime. Fitoi Copa America & Copa del Rey.

Robert Lewandowski – Në 2021: 48 gola, shtatë asistime. Fitoi Bundesligën, Kupën e Botës për Klube dhe DFL-Superkupën.

Jorginho – Në 2021: Pesë gola, dy asistime. Fitoi Euro 2020, Ligën e Kampionëve dhe Superkupën e UEFA-s.

N’Golo Kante – Në vitin 2021: Një gol, një asistim. Fitoi Ligën e Kampionëve dhe Superkupën e UEFA-s.

Romelu Lukaku – Në 2021: 29 gola, tetë asistime. Fitoi Serie A.

Top 10 e mbyllin, Erling Haaland, Kylian Mbappe, Cristiano Ronaldo, Kevin De Bruyne dhe Karim Benzema.

Sport

Kiana Kryeziu sot në pistën olimpike të Milanos

Published

on

By

Skitarja Kiana Kryeziu do të përfaqësojë Kosovën në Lojërat Olimpike Dimërore “Milano Cortina”, duke shënuar një tjetër moment të rëndësishëm në karrierën e saj sportive.

Skiatorja kosovare ka arritur për herë të dytë të përmbushë normën olimpike, pasi ka siguruar kualifikimin në tri disiplina të skijimit alpin: sllallom, sllallom të madh dhe super sllallom të madh. Ajo do të paraqitet në këto gara në skenën më të madhe botërore të sporteve dimërore.

Sot, me fillim nga ora 11:30, Kryeziu do të garojë në disiplinën Super-G (Super Giant Slalom), duke synuar një paraqitje sa më të mirë në mesin e elitës botërore të skijimit alpin. /Kosova Press/

Continue Reading

Sport

Kupa e Kosovës sjell duel të fortë, Ballkani kundër Llapit

Published

on

By

Tashmë është konfirmuar përballja e çerekfinales në Kupën e Kosovës: FC Ballkani do të ndeshet me KF Llapin në një duel që pritet të sjellë spektakël dhe rivalitet të madh.

Ballkani vjen në këtë fazë pas një kualifikimi dramatik ndaj Prishtinës në stadiumin “Fadil Vokrri”, ku siguroi kalimin tutje vetëm pas penalltive (11-10). Ndeshja në kohën e rregullt u mbyll 2-2, ndërsa pas vazhdimeve rezultati ishte 3-3, me rikthim të madh nga disavantazhi 2-0.

Në anën tjetër, Llapi eliminoi Dritën me fitore 2-1 si mysafir, falë golave të Arbnor Ramadanit dhe Muhamet Hysenit, duke siguruar me meritë një vend në mesin e tetë skuadrave më të mira të Kupës.

Tani, dy skuadra në formë të mirë do të përballen mes vete për një vend në gjysmëfinale, një ndeshje që pritet të jetë shumë interesante e kësaj faze të garës.

Continue Reading

Sport

Bashkimi dhe Trepça në finalen e Kupës së Kosovës

Published

on

By

Janë zhvilluar mbrëmë ndeshjet e kthimit të gjysmëfinaleve të Kupës së Kosovës në basketboll, të cilat kanë përcaktuar dy skuadrat finaliste: Trepçën dhe Bashkimin.

Në përballjen e parë të mbrëmjes, Trepça u përball me Borën dhe arriti fitore me rezultat 78:66. Mitrovicasit, që kishin fituar bindshëm edhe ndeshjen e parë 87:64, konfirmuan epërsinë dhe u bënë skuadra e parë finaliste e këtij edicioni. Kampionët në fuqi të Kupës treguan stabilitet dhe përvojë, duke mos e vënë në dyshim asnjëherë kualifikimin.

Ndërkohë, në ndeshjen e dytë të zhvilluar, Bashkimi mposhti Sigal Prishtinën me rezultat 85:69. Pas fitores 83:67 në takimin e parë, prizrenasit e menaxhuan me sukses edhe sfidën e kthimit, duke siguruar me meritë një vend në finale.

Kështu, finalja e Kupës së Kosovës, që zhvillohet më 18 shkurt, do të sjellë një duel mjaft interesant mes Trepçës dhe Bashkimit, dy skuadra që synojnë ta mbyllin këtë edicion me trofe.

 

Continue Reading

Sport

Valon Berisha transferohet te FC Zürich

Published

on

By

Valon Berisha, mesfushori i përfaqësueses së Kosovës, ka bërë një hap të ri në karrierën e tij profesionale. Futbollisti 28-vjeçar është transferuar nga LASK Linz te FC Zürich dhe ka nënshkruar një kontratë që e lidh me klubin zviceran deri në verën e vitit 2027.

Klubi zviceran i uruan Berishës shumë sukses në këtë etapë të re të karrierës së tij, duke shpresuar se ai do të ndikojë pozitivisht në performancën e ekipit.

Ky transferim është një lajm i mirë për tifozët e Kosovës dhe ndjekësit e futbollit zviceran, që presin të shohin mesfushorin të shkëlqejë në Superligën zvicerane.

Continue Reading

Të kërkuara