Sport

Kështu pritet të duket formacioni i Romës nën urdhrat e De Rossit

Fituesi i Kupës së Botës me Italinë në vitin 2006 e ka zëvendësuar Jose Mourinhon në rolin e trajnerit në “Stadio Olimpico”.

Published

3 years ago

January 17, 2024

Betim Gashi

Daniele De Rossi pritet që të ketë një sistem me tre mbrojtës te Roma kundër Hellas Veronas, por mund të ndryshojë mesfushën dhe sulmin.

Fituesi i Kupës së Botës me Italinë në vitin 2006 e ka zëvendësuar Jose Mourinhon në rolin e trajnerit në “Stadio Olimpico”, duke nënshkruar një kontratë deri në fund të këtij sezoni. Ai zhvilloi seancën e parë stërvitore dje, disa orë pasi u zyrtarizua te klubi.

De Rossi do ta bëjë debutimin e tij si trajner i Romës të shtunën në shtëpi në Serie A, kundër Hellas Veronas, një skuadër e cila në të kaluarën ka qenë e lidhur me ish-mesfushorin.

“La Gazzetta dello Sport” bën të ditur se De Rossi do të vazhdojë me sistemin me tre mbrojtës të Romës, pasi që sistemet favorite të tij janë 3-4-1-2 dhe 3-4-2-1. Ndërsa Mourinho përdori një sistem 3-5-2, De Rossi do të ndryshojë diçka në mesfushë dhe në repartin e sulmit.

Paulo Dybala pritet të jetë i gatshëm, kështu që ai do të jetë titullarë si mesfushor defansiv, prapa dyshes së sulmit Romelu Lukaku dhe Andrea Belotti.

Gianluca Mancini dhe Bryan Cristante janë të suspenduar për ndeshjen e parë të De Rossit në krye të Romës, kështu që Rasmus Kristensen pritet të jetë në mbrojtje përkrah Diego Llorentes dhe Dean Huijsen.

Më poshtë mund t’i gjeni formacionet e mundshme të Romës kundër Hellas Veronas nën urdhrat e Daniele De Rossit.

Roma (3-4-1-2): Rui Patricio; Huijsen, Llorente, Kristensen; Celik, Paredes, Pellegrini, Spinazzola; Dybala; Lukaku, Belotti.

Roma (3-4-2-1): Rui Patricio; Huijsen, Llorente, Kristensen; Celik, Paredes, Bove, El Shaarawy; Dybala, Pellegrini; Lukaku.

Related Topics:Roma Daniele de Rossi Kupa e Botës Hella Verona

Up Next

Edhe Arsenali në garë për Benzeman

Don't Miss

Ish-kapiteni i Liverpoolit po i bashkohet Ajaxit

Vendi

Akil Gjakova mbyll garën pa medalje në Abu Dhabi

Published

2 days ago

October 30, 2026

UBTNews

Xhudisti kosovar Akil Gjakova e ka mbyllur pa medalje paraqitjen e tij në Grand Slam-in e Abu Dhabit, pasi u mposht në përballjen e drejtpërdrejtë për vendin e tretë.

Në kategorinë deri në 73 kilogramë, Gjakova u ndal në luftën për medaljen e bronztë nga xhudisti rus Karen Galstian. Pejani e nisi garën i lirë në xhiron e parë, ndërsa në të dytën mposhti me Ippon izraelitin Ohad Moritz. Suksesin më të madh e shënoi në raundin e tretë ku eliminoi nënkampionin e botës, Makhmadbek Makhmadbekov, po ashtu me Ippon në kohën shtesë.

Pasi u mposht në çerekfinale nga azerbajxhanasi Hidayat Heydarov, Gjakova kërkoi suksesin përmes repesazhit, por nuk arriti të ngjitej në podiumin e fituesve. /E.A/

Vendi

Laura Fazliu fiton të bronztën në Grand Slam

Published

2 days ago

October 30, 2026

UBTNews

Laura Fazliu ka fituar medalje të bronztë në Grand Slamin e xhudos në Abu Dabi.

Në luftë për medalje të bronztë, Laura e mposhti bartësen e parë, kroaten Iva Oberan.

Lufta ishte e barabartë, ndërsa në kohën shtesë Laura realizoi hedhje të bukur për fitore me “Ippon”.

Laura fitoi 500 pikë në renditjen botërore. /E.A/

Vendi

Laura Fazliu kalon në gjysmëfinale të Grand Slam-it në Abu Dhabi

Published

2 days ago

October 30, 2026

UBTNews

Xhudistja kosovare Laura Fazliu po vazhdon me sukses paraqitjen e saj në Grand Slam-in e xhudos që po heldet në Abu Dhabi, duke siguruar një vend në gjysmëfinale të këtij turneu me rëndësi.

Fazliu e nisi garën duke qenë e lirë në xhiron e parë. Në raundin e dytë, ajo mposhti me Waza-ari garuesen nga Portugalia, Joana Crisostomo. Forma e mirë e xhudistes kosovare u konfirmua edhe në çerekfinale, ku me Ippon mposhti me dominim përfaqësuesen vendase nga Emiratet e Bashkuara Arabe, Tsendbazar Mashbat.

Në luftën për të siguruar finalen e madhe, Laura Fazliu do të përballet në gjysmëfinale me xhudisten nga Polonia, Angelika Szymanska. /E.A/