Më shumë se 100 agjenci ndihme, përfshirë Save the Children dhe Medecins Sans Frontieres, kanë lëshuar një deklaratë të përbashkët “duke dhënë alarmin” për atë që ata e quajnë “uri masive” në të gjithë Gazën.

Ato akuzojnë Izraelin për një “rrethim” dhe thonë se nuk po lejon shpërndarjen e ushqimit brenda Gazës.

Deklarata e agjencive thotë se “po shohin kolegët dhe partnerët e tyre të humbasin para syve të tyre”.

“Palestinezët janë bllokuar në një cikël shprese dhe pikëllimi, duke pritur ndihmë dhe armëpushime, vetëm për t’u zgjuar me kushte që përkeqësohen“, thuhet në deklaratë, raporton BBC.

Izraeli ka pranuar një rënie të ndjeshme të furnizimeve që arrijnë banorët e Gazës. Por zyrtarët e tij thonë se ushqimi është aty – dhe në vend të kësaj i drejtojnë gishtin agjencive të ndihmës për mosshpërndarjen e tij tek njerëzit.

Nga ana e tyre, agjencitë e ndihmës kanë raportuar prej kohësh probleme në koordinimin e kalimit të sigurt me Izraelin për të shpërndarë ndihmën.

Të martën, Ministria e Shëndetësisë e drejtuar nga Hamasi në Gazë, tha se 33 persona kishin vdekur nga kequshqyerja në 48 orë.

Izraeli – i cili kontrollon të gjitha pikat kufitare në Gazë – tha të martën se kishte “950 kamionë me ndihmë, që aktualisht presin në Gazë që organizatat ndërkombëtare të marrin dhe shpërndajnë”

Fushata ajrore e Izraelit në Gazë nisi në tetor të vitit 2023 si përgjigje ndaj sulmit që Hamasi e kreu në jug të këtij vendi.

Qeveria britanike ka zbuluar planet për të shkurtuar ndihmën e jashtme me 40 për qind – nga 0.5 për qind në 0.3 për qind të të ardhurave kombëtare bruto, për të rritur shpenzimet për mbrojtje pas presionit nga SHBA, shkruan BBC.

Sipas një raporti të Ministrisë së Jashtme, shkurtimet më të mëdha këtë vit do të prekin Afrikën, sidomos në shëndetin e grave, arsimin e fëmijëve dhe higjienën e ujit – duke rritur rrezikun për sëmundje dhe vdekje.

Rrjeti Bond i organizatave humanitare paralajmëroi se gratë dhe fëmijët në komunitetet më të margjinalizuara do të preken më shumë. Po ashtu, ndihma për Territoret Palestinezë të Pushtuara do të bjerë me 21 për qind, ndonëse qeveria kishte premtuar ndryshe.

Ndërkohë, financimi për organizatat shumëpalëshe si Banka Botërore dhe Aleanca Gavi do të vazhdojë. Mbretëria e Bashkuar premton të ruajë rolin humanitar në zona si Gaza, Ukraina dhe Sudani.

Baronesha Chapman tha se synimi është që çdo paund të ketë më shumë ndikim, ndërsa ministria theksoi se shkurtimet vijnë pas një rishikimi të detajuar të ndihmës.

Bond kritikoi qeverinë për uljen e mbështetjes për arsim, gjini dhe vendet në krizë si Sudani, Etiopia dhe Somalia, duke thënë se “vendimet politike po i rëndojnë më së shumti gratë dhe komunitetet në konflikt”.

Në një kohë kur sfidat shëndetësore globale po intensifikohen dhe sistemet e kujdesit shëndetësor kërkojnë qasje të integruara dhe të qëndrueshme, UBT ka akredituar me sukses programin Bachelor në Shëndet Publik dhe Shkenca Mjekësore (180 ECTS). Ky program trevjeçar synon përgatitjen e profesionistëve të aftë për të kontribuar në parandalimin, edukimin, planifikimin, menaxhimin dhe vlerësimin e ndërhyrjeve në shëndetin publik.

Program me përmbajtje unike dhe vlera praktike

Programi është konceptuar sipas standardeve evropiane të arsimit të lartë dhe përqafon një qasje praktike dhe multidisiplinare. Përmbajtja përfshin lëndë bazë si epidemiologjia, higjiena, shëndeti mendor dhe riprodhues, si dhe module të avancuara si menaxhimi i emergjencave, analizat e sistemeve shëndetësore, teknologjitë e informacionit në shëndetësi, etika dhe promovimi i shëndetit.

Studentët përfitojnë nga një kombinim i balancuar mes ligjëratave teorike, punës praktike në laboratorët modernë të UBT-së, dhe praktikave profesionale në institucione partnere si: Poliklinika Universitare e UBT, Spitali Universitar UNITED, QKUK, si dhe Instituti Kombëtar i Shëndetit Publik.

Rëndësia për shëndetin publik në Kosovë

Kosova përballet me sfida të mëdha në fushën e shëndetit publik, nga sëmundjet infektive e kronike deri te përballja me emergjenca dhe fatkeqësi natyrore. Ky program synon të formojë profesionistë që do të jenë në vijën e parë të përmirësimit të kujdesit shëndetësor parësor, edukimit shëndetësor në komunitet dhe monitorimit të rreziqeve shëndetësore.

Mundësi të gjera punësimi dhe zhvillimi profesional

Të diplomuarit nga ky program do të jenë të përgatitur për punësim në:

• Qendrat e Shëndetit Publik në nivel komunal dhe qendror;
• Institucionet e kujdesit parësor dhe preventiv;
• Ministrinë e Shëndetësisë, Ministrinë e Mjedisit dhe institucionet që monitorojnë faktorët e rrezikut;
• Agjencinë e Ushqimit dhe Veterinarisë, OJQ-të në fushën e shëndetit publik, si dhe në projekte të WHO, UNICEF, UNDP etj.;
• Qendrat e Promovimit të Shëndetit në shkolla, komunitete dhe institucione edukative.

Për më tepër, studentët kanë mundësi të vazhdojnë studimet në nivelin Master në Shëndet Publik dhe Menaxhim, Biokimi Klinike apo Shkenca Paramjekësore në UBT ose universitete ndërkombëtare.

Pse të zgjedhni UBT?

UBT është institucioni më i madh dhe më i ndërkombëtarizuar i arsimit të lartë në Kosovë, me mbi 12,500 studentë, 1,500 staf akademik dhe administrativ, si dhe bashkëpunim me mbi 500 universitete ndërkombëtare. Me një kampus modern mbi 15,000 m², laboratorë të teknologjisë së lartë, Poliklinikë Universitare me mbi 20 ambulanca funksionale dhe një Spital Universitar, UBT ofron kushte të avancuara për zhvillim profesional dhe akademik.

Përveç Shëndetit Publik, UBT ofron programe të akredituara në fusha të shumta të shkencave mjekësore, përfshirë: Farmacinë, Stomatologjinë, Radiologjinë dhe Biokiminë Mjekësore.

Kosova po përballet me një situatë alarmante për shkak të zjarreve që kanë përfshirë tërë territorin., ku vetëm gjatë javës së fundit janë raportuar mbi 320 raste zjarresh, ndërkohë që si pasojë janë shënuar dy viktima: një zjarrfikës nga Gjakova dhe një qytetar nga komuna e Klinës.

Drejtori Ekzekutiv i Agjencisë për Menaxhim të Emergjencave, Genc Metaj, tha se zjarret janë të përhapura në tërë vendin dhe paralajmëroi për rreziqe serioze nëse nuk merren masa dhe nuk rritet vetëdijesimi qytetar.

“Vendi është duke u përballur me një situatë të vështirë, ku janë paraqitur zjarre në tërë vendin. Vetëm gjatë javës së fundit janë raportuar mbi 320 raste të zjarreve: zjarre malore, fushore, por edhe në objekte. Vlen të ceket se për të gjitha këto raste kemi intervenuar me sukses. Aktualisht kemi shtatë zjarre aktive dhe po punohet që edhe këto të shuhen. Si rezultat i kësaj situate, fatkeqësisht kemi humbur një zjarrfikës nga njësia profesionale e zjarrfikësve nga Gjakova dhe gjithashtu ka humbur jetën edhe një qytetar nga komuna e Klinës. Kemi të lënduar edhe dy zjarrfikës. Sfidë mbetet vetëdijesimi i qytetarëve”, tha Metaj.

Për angazhimin e Policisë së Kosovës në parandalimin e zjarrvënieve foli drejtori i përgjithshëm, Gazmend Hoxha, i cili theksoi se janë ndërmarrë një varg aktivitetesh për ta menaxhuar situatën dhe për t’i ndjekur penalisht zjarrvënësit.

“Edhe Policia është duke punuar që sadopak të ndikojë në uljen e zjarreve dhe rreziqeve. Policia ka marrë një varg aktivitetesh për parandalimin dhe përhapjen e zjarreve. Ne përmes ndihmës fizike jemi duke u marrë edhe me hetime dhe ndjekje të veprave penale. Numri i përgjithshëm i zjarreve të raportuara nga fillimi deri tash është 183, numri i zjarrvënieve është 54, numri i personave të arrestuar është 9, numri i rasteve të iniciuara në polici është 65”, tha Hoxha.

Lajmi u bë i ditur në një konferencë të përbashkët për media të Agjencisë për Menaxhim të Emergjencave dhe Policisë së Kosovës.