Lajmet

​Haxhiu për Kodin Civil: Nuk kemi hequr dorë nga dokumenti që avancon të drejtat e njeriut

Published

2 years ago

on

Ministrja e Drejtësisë, Albulena Haxhiu, ka thënë se adresimi për krime të luftës dhe ballafaqimi me të kaluarën mbeten një nga prioritetet kryesore të Qeverisë Kurti.

Në një konferencë më gazetarë pas mbledhjes së Qeverisë së Kosovës, Haxhiu tha se tashmë janë ndërmarrë shumë veprime për adresimin e krimeve që janë kryer gjatë periudhës së luftës në Kosovë të kryera nga Serbia.

Për këtë ajo përmendi sektorin e policisë e që tani është ngritur në nivel të drejtorisë, ku më parë kanë qenë 17 policë hetues e që tashmë janë bërë 41 të tillë me strukturën e re.

Haxhiu gjithashtu përmendi edhe rritjen e buxhetit për Këshillin Prokurorial të Kosovës me qëllim që të shtohet numri i prokurorëve në kuadër të departamentit për adresimin e krimeve të luftës.

“Pasi që jeni në dijeni, adresimi për krime të luftës dhe ballafaqimi me të kaluarën mbetet një nga prioritetet kryesore të Qeverisë së Republikës së Kosovës, përmes të cilës Ministria e Drejtësisë është e angazhuar që nga fillimi mandatit. Në këtë drejtim duke qenë prioritet tashmë janë ndërmarrë shumë veprime për adresimin e krimeve që kanë ndodhur gjatë periudhës së luftës në Kosovë. Në këtë drejtim më lejoni shkurtimisht t’i përmendi disa prej veprimeve kryesore që ndërlidhen me një nga dokumentet më të rëndësishme që sapo është miratuar në qeveri. Së pari sa i përket policisë ju e dini që ka qenë sektor dhe është ngritur në nivel të drejtorisë. Kanë qenë vetëm 17 policë hetues në këtë sektor dhe tashmë janë bërë 41 me strukturën e re. 32 janë momentalisht dhe pritet që pjesë tjetër të plotësohen. Krahas kësaj gjatë periudhës 2021-2022 ne kemi shtuar buxhetin për Këshillin Prokurorial të Kosovës me qëllim që në kuadër të departamentit për adresimin e krimeve të luftës të shtohen prokurorë, bashkëpunëtor profesional, përkthyes dhe staf mbështetës, kemi shtuar buxhet për katër prokurorë”, tha ministrja Haxhiu.

Në këtë konferencë, Haxhiu u pyet se pse Kodi Civil nuk po vije në Qeveri për miratim e më pas i njëjti të kalojë në Kuvendin e Kosovës.

Në përgjigjen e saj, Haxhiu tha se Kodi Civil është një nga zotimet e Qeverisë Kurti pasi sipas saj, ky është një dokument i rëndësishëm në interes të qytetarëve të Kosovës që avancon të drejtat e njeriut.

Ministrja Haxhiu theksoi Kodi Civil nuk pritet të kalojë për miratim në Kuvend për aq kohë sa nuk janë sigurt që i njëjti t’i ketë votat e mjaftueshme pasi që për Kosovën nuk do të ishte lajm i mirë dështimi për miratim.

“Sa i përket kodit civil, ju e dini që kodi civil është një nga zotimet të cilat ne i kemi adresuar por që fatkeqësisht ende nuk ka arritur të kalojë në Kuvendin e Republikës së Kosovës. Qeveria konsideron se është një dokument i rëndësishëm. Është në interes të gjithë qytetarëve të Kosovës me qëllim të realizimit të drejtave civile, avancon të drejtat e njeriut prandaj e konsiderojmë si dokument të rëndësishëm. Ne nuk mund ta procedojmë në Kuvend për sa kohë nuk jemi të sigurt që Kodi Civil kalon. Mendoj se nuk është mirë për Kosovën që një dokument kaq i rëndësishëm të dështojë në Kuvend, por ne nuk kemi hequr dorë nga ai dokument sepse ne nuk i negociojmë të drejtat e njeriut”, tha Haxhiu.

Related Topics:
Continue Reading

Lajmet

PDK i kërkon përseri Avni Deharit vazhdimin e seancës konstituive më 20 gusht

Published

1 hour ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

2 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Lajmet

Milot Rashica drejt largimit nga Besiktashi

Published

2 hours ago

on

August 19, 2026

By

Ylli i kombëtares së Kosovës, Milot Rashica, mund t’i japë fund aventurës së tij te Besiktasi, përkundër faktit se ka edhe një vit kontratë aktive me gjigantin nga Stambolli.

Sipas raportimeve nga mediat turke, përfshirë gazetën Milliyet, e ardhmja e anësorit kosovar varet direkt nga lëvizjet e radhës së klubit në afatin kalimtar. Besiktasi po shqyrton mundësinë e transferimit të një tjetër futbollisti në krahun e djathtë të sulmit. Nëse ky transferim realizohet, skuadra do të ketë tre lojtarë të huaj për të njëjtën pozitë, çka do të shtynte drejtuesit të konsiderojnë shitjen e Rashicës.

Drejtuesit e klubit turk janë të kënaqur me paraqitjet e Vaclav Cerny-t, i cili ka përparësi në këtë repart. Prandaj, ardhja e një përforcimi të ri do të rriste ndjeshëm gjasat për ndarjen e rrugëve me kosovarin.

Gjatë periudhës së tij te Besiktasi, Milot Rashica ka lënë gjurmë të rëndësishme duke shënuar 13 gola dhe duke dhuruar 25 asistime në 119 paraqitje zyrtare.

Continue Reading

Lajmet

Mbi 320 raste brenda 24 orëve në QKUK: Të lënduar nga aksidentet, përleshjet dhe armët e ftohta

Published

3 hours ago

on

August 19, 2026

By

Në Qendrën Emergjente të Qendrës Klinike Universitare të Kosovës (QKUK) janë trajtuar gjithsej 321 raste gjatë 24 orëve të fundit.

Sipas raportit të shërbimeve emergjente, nga numri i përgjithshëm i pacientëve, 90 raste janë

menaxhuar në Reanimim, 90 në Emergjencën Internistike, 53 në Emergjencën Kirurgjike dhe 60 pacientë kanë marrë trajtime në Emergjencën Ortopedike. Ndërkaq, në sallën e vogël janë kryer 19 ndërhyrje, kryesisht për qepje, përpunim dhe pastrim të plagëve.

Sa i përket natyrës së lëndimeve, gjatë kësaj periudhe janë regjistruar: 21 persona të lënduar në aksidente trafiku, 1 rast nga përdorimi i armëve të ftohta, 1 person i lënduar në përleshje fizike, 1 rast intoksikimi (helmim).

Përveç kësaj, gjatë këtij 24-orëshi janë realizuar 28 pranime për trajtim të mëtejshëm në klinika të ndryshme të QKUK-së, ndërsa është regjistruar edhe një rast vdekjeje. /A.M/

Continue Reading

Të kërkuara