

Aktualitet
Këshilli i Sigurimit mblidhet të dielën për të diskutuar për Gazën
Published
4 years agoon
By
Betim GashiTrupat tokësore të Izraelit iu bashkuan forcës ajrore në sulmin ndaj Rripit të Gazës të premten herët, tha në një deklaratë ushtria izraelite.
Forca e Mbrojtjes e Izraelit kishin postuar në Twitter se trupat e saj ishin “duke sulmuar në Rripin e Gazës”. Por më pas, duke përmendur si arsye një problem komunikimi të brendshëm, ushtria sqaroi se trupat po godisnin me artileri nga brenda kufirit të Izraelit.
“E kisha thënë që Hamasi do të paguante një çmim të shtrenjtë” tha Kryeministri Benjamin Netanyahu në një deklaratë në video. “Ne po e bëjmë një gjë të tillë dhe do të vazhdojmë ta bëjmë me forcë.”
Banorët e Gazës pranë kufirit me Izraelin konfirmuan për agjencinë Reuters se nuk kishin parë gjurmë forcash tokësore izraelite brenda enklavës, por ata njoftuan për zjarr të rëndë artilerie dhe dhjetra sulme ajrore.
Ndërsa dhuna hyri në ditën e pestë, Këshilli i Sigurimit i Kombeve të Bashkuara njoftoi se ra dakord të mblidhej të dielën për të diskutuar për situatën, pasi planet për një takim ishin shtyrë nga shqetësimet e Shteteve të Bashkuara.
“Shtetet e Bashkuara do të vazhdojnë të angazhohen në mënyrë aktive në diplomaci në nivelet më të larta në përpjekje për të lehtësuar tensionet”, shprehej ambasadorja amerikane në OKB Linda Thomas-Greenfield në Twitter.
Luftimet që ndodhin gjatë festës myslimane të Fitër Bajramit, kanë shkaktuar vdekjen e të paktën 103 palestinezëve përfshirë të paktën 27 fëmijë dhe 11 gra, sipas Ministrisë së Shëndetësisë të Gazës, e cila shtoi se 530 njerëz janë plagosur. Shtatë izraelitë janë vrarë në sulmet me raketa, përfshirë një djalë 6-vjeçar.
Ushtria izraelite tha se tre raketa u hodhën nga Libani drejt Izraelit të enjten, por se ato ranë në Detin Mesdhe dhe nuk shkaktuan viktima.
Të enjten, grupi militant palestinez Hamas hodhi raketa në lagjet izraelite dhe Izraeli u përgjigj me më shumë sulme ajrore në Rripin e Gazës, ndërsa përpjekjet për të ndaluar dhunën përshkallëzuese vazhdonin.
Në përgjigje të grumbullimit të trupave dhe tankeve të Izraelit përgjatë kufirit, zëdhënësi ushtarak i Hamasit Abu Obeida tha se grupi nuk kishte frikë nga një pushtim nga toka, duke thënë se çdo pushtim do të ishte një shans për më shumëushtarë të vdekur ose të kapur , sipas Associated Press.
Shkëmbimi vdekjeprurës i zjarrit me raketa dhe sulme ajrore, përplasja më e madhe midis grupit militant palestinez dhe forcave izraelite që nga lufta e vitit 2014 në Gaza, ndodhi për shkak nga trazirat në rritje për kontrollin e Jeruzalemit dhe përpjekjet e kolonëve hebrenj për të marrë nën kontroll komunitetet arabe.
Tensionet kanë përfshirë edhe Bregun Perëndimor, ku kanë shpërthyer luftime të përgjakshme në disa qytete arabo-hebraike. Autoritetet kanë vendosur një ndalim-qarkullim natën në qytetin qendror të Lodit ku të paktën një person u godit këtë javë, ndërsa disa qindra njerëz në Lod dhe qytete të tjera janë arrestuar. Një turmë banorësh hebrenj të krahut të djathtë në qytetin Bat Yam sulmuan brutalisht një arab, duke e rrahur atë derisa humbi ndjenjat.
Përpjekjet globale për t’i dhënë fund luftimeve shënuan një hap të rëndësishëm përpara të enjten kur zyrtarët egjiptianë të sigurisë u takuan me udhëheqësit e Hamasit në Gaza dhe me zyrtarët izraelitë në Tel Aviv, sipas dy zyrtarëve të zbulimit egjiptian.
Ndërsa doli lajmi për mbërritjen e zyrtarëve, Hamasi hodhi rreth 100 raketa drejt Izraelit jugor dhe qendror.
Presidenti amerikan Joe Biden shprehu të mërkurën mbështetjen e tij për të drejtën e Izraelit për t’u vetëmbrojtur, ndërsa tha se shpresonte që luftimet të ndërpriteshin sa më shpejt.
Pasi Sekretari i Mbrojtjes Lloyd Austin foli të mërkurën me homologun e tij izraelit, Benjamin Gantz, Pentagoni nxorri një deklaratë ku thuhej se zoti Austin informoi zotin Gantz për “mbështetjen e palëkundur të Pentagonit për të drejtën legjitime të Izraelit për të mbrojtur veten dhe popullin e tij.”
Në deklaratë thuhet se zoti Austin “dënoi me forcë hedhjen e raketave nga Hamasi dhe grupe të tjera terroriste që vunë në shënjestër civilët izraelitë” dhe “përsëriti rëndësinë e faktit që të gjitha palët e përfshira të ndërmarrin hapa për të rivendosur qetësinë”.
Edhe Sekretari amerikan i Shtetit Antony Blinken dënoi sulmet e Hamasit ndaj civilëve izraelitë në një bisedë me kryeministrin izraelit Benjamin Netanyahu, duke deklaruar se “Izraeli ka të drejtë të mbrojë veten”, ndërsa palestinezëve duhet t’u jepet e drejta “të jetojnë në siguri”. Zoti Blinken bëri gjithashtu bëri thirrje uljen e tensioneve.
Zoti Blinken gjithashtu tha se ai udhëzoi Hady Amrin, zëvendës ndihmës sekretarin amerikan të shtetit për çështjet e Izraelit dhe palestinezëve, të shkonte menjëherë në Lindjen e Mesme për të nxitur zyrtarët izraelitë dhe palestinezë që të marrin masa për uljen e tensioneve.
Sekretari i Përgjithshëm i Kombeve të Bashkuara Antonio Guterres denoncoi të mërkurën hedhjen e raketave “pa kriter” nga Gaza drejt qendrave të populluara në Izrael dhe i bëri thirrje Izraelit të ushtrojë “vetëpërmbajtje maksimale”.
You may like
Bota
Irani konfirmon vrasjen e një shkencëtari tjetër bërthamor në sulmet ajrore izraelite
Published
3 hours agoon
June 27, 2025By
UBTnews
Irani konfirmoi sot vrasjen e një shkencëtari tjetër bërthamor gjatë sulmit të fundit ushtarak të Izraelit kundër vendit, raporton Anadolu.
Sipas agjencisë gjysmëzyrtare të lajmeve Tasnim, Universiteti i Shkencës dhe Teknologjisë i Iranit njoftoi se inxhinieri Soleiman Soleiman, i diplomuar në Departamentin e inxhinierisë kimike, u vra në sulmet izraelite.
Tasnim tha se Soleimani ishte një “shkencëtar bërthamor i Iranit i cili u vra në sulmet e regjimit sionist”.
Konfirmimi vjen pas pretendimit të Izraelit se ka vrarë 11 ekspertë bërthamorë dhe kishte goditur disa qendra kërkimore të lidhura me programin bërthamor të Teheranit si pjesë e një operacioni ushtarak 12-ditor.
Teherani nuk ka dhënë detaje të mëtejshme mbi rrethanat e vdekjes së Soleimanit ose vendndodhjen e saktë të sulmit.
Konflikti 12-ditor midis Izraelit dhe Iranit shpërtheu më 13 qershor pasi Izraeli nisi sulme ajrore ndaj caqeve ushtarake, bërthamore dhe civile iraniane, duke vrarë të paktën 606 persona dhe duke plagosur 5.332 të tjerë, sipas Ministrisë së Shëndetësisë së Iranit.
Teherani nisi sulme hakmarrëse me raketa dhe dronë ndaj Izraelit, duke vrarë të paktën 29 persona dhe duke plagosur më shumë se 3.400, sipas shifrave të publikuara nga Universiteti Hebraik i Kudsit.
Konflikti u ndal me një armëpushim të sponsorizuar nga SHBA-ja që hyri në fuqi më 24 qershor.
Bota
Gjykata refuzon të shtyjë gjykimin kundër Netanyahut
Published
4 hours agoon
June 27, 2025By
UBTnews
Një gjykatë në Izrael refuzoi kërkesën e kryeministrit Benjamin Netanyahu, për të shtyrë dëshmimin e tij në gjyqin për korrupsion, pasi presidenti amerikan, Donald Trump, tha se ky rast gjyqësor duhet të anulohet.
Të enjten, avokati i Netanyahut i kërkoi gjykatës që të mos e thërriste kryeministrin për të dhënë dëshminë për dy javë, duke thënë se atij i duhet të përqendrohet në “çështje të sigurisë” pas luftës 12-ditore mes Izraelit dhe Iranit.
Gjykata e qarkut në Jerusalem tha në vendimin e publikuar online se “forma aktuale [e kërkesës së Netanyahut] nuk ofron bazë apo justifikim të detajuar për anulimin e seancave dëgjimore”.
Trump tha të enjten se gjykimi kundër Netanyahut ishte një “gjueti shtrigash”, duke shtuar se gjykimi “duhet të anulohet menjëherë ose të falet ky hero i madh”.
Netanyahu e ka falënderuar Trumpin për mbështetjen e tij në luftën e shkurtër të Izraelit kundër Iranit, që përfundoi me një armëpushim të arritur më 24 qershor.
Kryeministri izraelit ka mohuar çdo keqbërje dhe mbështetësit e tij e kanë përshkruar gjykimin si të motivuar politikisht.
Në rastin e parë penal, ai dhe gruaja e tij, Sara, akuzohen se kanë pranuar më shumë se 260.000 euro në formë të dhuratave luksoze sikurse cigare, bizhuteri dhe shampanja nga miliarderë në këmbim të favoreve politike.
Në dy raste të tjera, Netanyahu akuzohet se tentoi të negocionte mbulim më favorizues nga dy media izraelite.
Gjatë mandatit aktual, që e ka nisur në fund të vitit 2022, Qeveria e Netanyahut kishte propozuar një sërë reformash gjyqësore që kritikët thanë se ishin të dizajnuara që të dobësonin rolin e gjykatave.
Netanyahu ka kërkuar disa herë shtyrje që kur nisi gjykimi ndaj tij në maj të vitit 2020, duke përmendur si arsyetim luftën në Gazë që nisi më 2023 dhe më pas luftimet në Liban, si dhe gjatë këtij muaji konfliktin me Iranin./REL
Bota
Izraeli kryen sulme ajrore në zonat pyjore dhe malore në Libanin jugor
Published
5 hours agoon
June 27, 2025By
UBTnews
Izraeli kreu sulme ajrore sot duke synuar pyjet në Ali Al-Taher dhe malësitë e Kfar Tebnit dhe Nabatiyeh Al-Fouqa në Libanin jugor.
Agjencia kombëtare libaneze e lajmeve NNA raportoi se sulmet përfshinin përdorimin e raketave me goditje të forta të cilat shkaktuan shpërthime masive në të gjithë rajonin.
Në më pak se 10 minuta, avionët armiqësorë rifilluan bombardimet e tyre të rënda në të njëjtën zonë, shtoi NNA.
Ndërkohë, ushtria izraelite pretendoi në një deklaratë se kreu sulm ajror në një vendndodhje të Hezbollahut të vendosur në malin Shqif në Libanin jugor.
Sipas ushtrisë, sulmi shënjestroi vendndodhjen nën pretekstin e parandalimit të rindërtimit të saj.
Forcat izraelite kanë kryer sulme pothuajse të përditshme në Libanin jugor, duke pretenduar se kanë synuar aktivitetet e grupit libanez, Hezbollah pavarësisht një armëpushimi midis Izraelit dhe Libanit që u arrit nëntorin e kaluar.
Armëpushimi i dha fund muajve të luftës ndërkufitare midis Izraelit dhe Hezbollahut, e cila u përshkallëzua në një konflikt të plotë në shtator.
Bota
Irani kryen një valë arrestimesh dhe ekzekutimesh pas konfliktit me Izraelin
Published
5 hours agoon
June 27, 2025By
UBTnews
Autoritetet iraniane kanë kryer një valë arrestimesh dhe ekzekutimesh të shumta të personave të dyshuar për lidhje me agjencitë e inteligjencës izraelite, pas luftës së fundit midis dy vendeve.
Kjo vjen pas asaj që zyrtarët e përshkruajnë si një infiltrim të paprecedentë të agjentëve izraelitë në shërbimet iraniane të sigurisë.
Autoritetet dyshojnë se informacioni që i është dhënë Izraelit luajti rol në një seri vrasjesh të profilit të lartë gjatë konfliktit. Kjo përfshinte vrasjet e synuara të komandantëve të lartë nga Trupat e Gardës Revolucionare Islamike (IRGC) dhe shkencëtarëve bërthamorë, të cilat Irani ia atribuon operativëve të agjencisë së inteligjencës Mossad të Izraelit që punojnë brenda vendit.
Të tronditur nga shkalla dhe saktësia e këtyre vrasjeve, autoritetet kanë vënë në shënjestër këdo që dyshohet se bashkëpunon me inteligjencën e huaj, duke thënë se kjo është për hir të sigurisë kombëtare.
Por shumë njerëz kanë frikë se kjo është gjithashtu një mënyrë për të heshtur mospajtimin dhe për të forcuar kontrollin mbi popullsinë.
Gjatë konfliktit 12-ditor, autoritetet iraniane ekzekutuan tre persona të akuzuar për spiunazh për Izraelin. Të mërkurën – vetëm një ditë pas armëpushimit – tre individë të tjerë u ekzekutuan me akuza të ngjashme.
Zyrtarët kanë njoftuar që atëherë arrestimin e qindra të dyshuarve në të gjithë vendin me akuza për spiunazh. Televizioni shtetëror ka transmetuar rrëfime të supozuara nga disa të ndaluar, të cilët supozohet se kanë pranuar bashkëpunimin me inteligjencën izraelite.
Grupet dhe aktivistët e të drejtave të njeriut kanë shprehur frikë për zhvillimet e fundit, duke përmendur praktikën e gjatë të Iranit për nxjerrjen e rrëfimeve të detyruara dhe kryerjen e gjyqeve të padrejta. Ka shqetësime se mund të pasojnë më shumë ekzekutime.
Ministria e Inteligjencës e Iranit pretendon se është e angazhuar në një “betejë të pamëshirshme” kundër asaj që e quan rrjete të inteligjencës perëndimore dhe izraelite – duke përfshirë CIA-n, Mossadin dhe MI6.
Sipas Agjencisë së Lajmeve Fars, e cila është e lidhur me IRGC-në, që nga fillimi i sulmit të Izraelit ndaj Iranit më 13 qershor, “rrjeti izraelit i spiunazhit është bërë shumë aktiv brenda vendit”. Fars raportoi se gjatë 12 ditëve, forcat iraniane të inteligjencës dhe sigurisë arrestuan “më shumë se 700 individë të lidhur me këtë rrjet”.
Iranianët i kanë thënë BBC Persian se kanë marrë mesazhe paralajmëruese nga ministria e inteligjencës e Iranit, duke i informuar se numrat e tyre të telefonit ishin shfaqur në faqet e mediave sociale që lidheshin me Izraelin. Ata u udhëzuan të largoheshin nga këto faqe ose të përballeshin me ndjekje penale.
Qeveria iraniane ka shtuar gjithashtu presionin mbi gazetarët që punojnë për mediat në gjuhën persiane jashtë vendit, duke përfshirë BBC Persian dhe Iran International dhe Manoto TV me seli në Londër.
Sipas Iran International, IRGC-ja arrestoi nënën, babanë dhe vëllain e njërës prej prezantueseve të saj televizive në Teheran për të ushtruar presion mbi të që të jepte dorëheqjen për shkak të mbulimit të konfliktit Iran-Izrael nga kanali.
Prezantuesja mori një telefonatë nga babai i saj – e nxitur nga agjentë të sigurisë – duke e nxitur të jepte dorëheqjen dhe duke e paralajmëruar për pasoja të mëtejshme.

Irani konfirmon vrasjen e një shkencëtari tjetër bërthamor në sulmet ajrore izraelite

Gjykata refuzon të shtyjë gjykimin kundër Netanyahut

Nagavci: Vendimi i Kushtetuese konfirmon se konstituimi është përgjegjësi e subjekteve fituese

Zemaj: Askush s’mund të udhëheqë me diktat, deputetët i përgjigjen vetëm qytetarëve dhe Kushtetutës

Kurti: Serbia mund të shfrytëzojë elemente destruktive për të nxitur incidente në Gazimestan

Bajrami: LDK do të marrë pjesë në takimin e nesërm

Izraeli kryen sulme ajrore në zonat pyjore dhe malore në Libanin jugor

Limaj konfirmon pjesëmarrjen në takimin me Kurtin, rithekson nevojën e arritjes së një marrëveshje politike

VV insiston në votim të fshehtë: Deputetët opozitarë shkelën Kushtetutën për tridhjetë seanca me radhë
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore