

Lajmet
Këshilli i Sigurimit i OKB-së miraton rezolutën për të lehtësuar ndihmat afgane
Ky është hapi i parë i OKB-së pas disa muajsh “grindjesh” se si të shmanget katastrofa humanitare në vend.
Published
4 years agoon
By
UBT newsKëshilli i Sigurimit i OKB-së miratoi njëzëri një rezolutë të propozuar nga SHBA që lehtëson ndihmën humanitare për Afganistanin i cili është në prag të kolapsit ekonomik, pasi vendet i kanë ngrirë fondet pas ardhjes së talibanëve në pushtet.
Rezoluta është hapi i parë i OKB-së pas disa muajsh grindjeje se si të shmanget një katastrofë humanitare pas krizës ekonomike në Afganistan që kur taliabanët u kthyen në pushtet në mes të gushtit.
Nga ajo kohë, miliarda dollarë ndihma dhe asete janë ngrirë nga Perëndimi në atë që OKB-ja e ka përshkruar si një “goditje të paprecedentë” për ekonominë afgane të varur nga ndihmat.
Për muaj të tërë, vëzhguesit kanë paralajmëruar se miliona njerëz përballen me një zgjedhje midis urisë ose migrimit gjatë një krize të kombinuar ku mungojnë ushqimi, karburanti dhe paratë.
Rezoluta thotë, “Pagesa e fondeve, mjeteve të tjera financiare ose burimeve ekonomike, si dhe ofrimi i mallrave dhe shërbimeve të nevojshme për të siguruar dhënien në kohë të një ndihme të tillë ose për të mbështetur aktivitete të tilla, lejohen”.
“Ndihma humanitare dhe ndihma për shpëtimin e jetës duhet të jenë në gjendje të arrijnë te populli afgan pa asnjë pengesë”, kishte thënë të hënën ambasadori i Kinës në OKB, Zhang Jun./UBTNews/
Aktualitet
Akuza për spiunazh, Jelena Gjukanoviq mohon fajësinë
Published
39 minutes agoon
September 16, 2025By
UBT News
Në Gjykatën Themelore të Prishtinës ka vazhduar gjykimi ndaj Jelena Gjukanoviqit, e cila po akuzohet për spiunazh nga Prokuroria Speciale. Sipas prokurorisë, Gjukanoviq në cilësinë e zyrtares vendore të Misionit të OSBE-së në Kosovë, pranë Zyrës Rajonale në Mitrovicë, me vetëdije të plotë ka kryer veprime duke i ofruar të dhëna, dokumente dhe informacione të ndjeshme Agjencisë për Inteligjencë dhe Siguri të Republikës së Serbisë (e njohur si BIA).
Para trupit gjykues, Gjukanoviq nuk e ka pranuar fajësinë për akuzat që i ngarkohen.
“Nuk e pranoj fajësinë”, ka deklaruar ajo.
Ndërkohë, prokurori Bekim Kodraliu ka prezantuar aktakuzën e ngritur ndaj saj.
“Nga data e pacaktuar e në vazhdimësi, deri në momentin e arrestimit të saj, me datë 28.02.2025, në cilësinë e zyrtares vendore të Misionit të OSBE-së në Kosovë, pranë Zyrës Rajonale në Mitrovicë, në pozitën ‘Zyrtare e Programit Kombëtar në Zyrën Rajonale në Mitrovicë’, me vetëdije të plotë dhe me dashje direkte ka kryer veprime të përsëritura që përbëjnë ndihmë aktive për veprimtarinë informative të një shërbimi të huaj, konkretisht të Agjencisë për Inteligjencë dhe Siguri të Republikës së Serbisë (e njohur si BIA), duke i ofruar të dhëna, dokumente dhe informacione të ndjeshme, të siguruara gjatë ushtrimit të detyrës së saj zyrtare në kuadër të aktivitetit të Misionit të OSBE-së, ndihmë kjo e realizuar përmes komunikimeve të shumta me tani të dënuarin për veprën penale të spiunazhit, Agjentit Rezident të BIA-së, Aleksandër Vllaiq, të cilit i ka përcjellë informacione të dokumentuara që lidhen drejtpërdrejt me rendin kushtetues, sigurinë institucionale dhe veprimtarinë e brendshme të institucioneve të Republikës së Kosovës, të cilat informacione pastaj janë transmetuar tek zyrtarë të lartë të BIA-s, përkatësisht përgjegjës i BIA-s për Rajonin e Novi Pazarit në Serbi, dhe zyrtari tjetër, ku me këtë të fundit, e pandehura në disa raste edhe është takuar në zyrat e BIA-së në Beograd. Gjithashtu, e pandehura përmes influencimit dhe ndikimit të saj, nga pozita që mbante në OSBE, dhe udhëzimeve që kishte marrë nga tani i dënuar për spiunazh Aleksandër Vllaiq dhe zyrtarët e BIA-së, e njëjta gjatë takimeve zyrtare dhe përpilimit të raporteve të OSBE, për pasqyrimin e situatës politike dhe të sigurisë në Kosovë, ka kontribuar në krijimin e një narrative armigësore ndaj institucioneve të sigurisë, shtetësisë dhe integritetit të Republikës së Kosovës, çka përmes këtyre veprimeve, të qëllimshme, e pandehura, ka cenuar rëndë rendin kushtetues dhe sigurinë kombëtare, dhe ka vënë në rrezik serioz jetën dhe sigurinë personale të zyrtarëve shtetërorë, qytetarëve të vendit, si dhe personelit ndërkombëtar të Misionit të OSBE-së në Kosovë”, tha ai./S.K/EO/

Argjentinasi Paulo Dybala kërkoi të zëvendësohej në pjesën e parë të ndeshjes kundër Torinos për shkak të një problemi muskulor.
Sulmuesi argjentinas, i cili u largua nga fusha në pushimin e ndeshjes kundër Torinos së Baronit për shkak të një problemi muskulor, do të mungojë në ndeshjen kundër Lazios, e cila është planifikuar të zhvillohet të dielën, më 21 shtator në orën 12:30.
Klubi romak njoftoi se ish-lojtari i Juventusit ka pësuar një dëmtim të lehtë në kofshën e majtë, i cili do ta mbajë jashtë fushave për të paktën dy javë.
Dybala me siguri do të humbasë derbin kundër Lazios dhe ndeshjen e Europa League kundër Nice , të planifikuar për 24 shtator.
Ai është gjithashtu në dyshim serioz për ndeshjen e ligës kundër Hellas Verona, të planifikuar për më 28 shtator./S.K/KP/
Aktualitet
Dita Ndërkombëtare e Shtresës së Ozonit
Published
1 hour agoon
September 16, 2025By
UBT News
Sot shënohet Dita Ndërkombëtare të Mbrojtjes së Shtresës së Ozonit.
Si rezultat i masave të marra nga Protokolli i Montrealit, përqendrimi i substancave holluese të ozonit ka filluar të ulet dhe hollimi i shtresës së ozonit po vjen duke u pakësuar.
Zbulimet e fundit shkencore zbulojnë rëndësinë e Protokollit të Montreal ku pa Protokollin dhe marrëveshjet e lidhura, substancat që ndikojnë në hollimin e Ozonit në atmosferë mund të ishin rritur dhjetëfish deri në vitin 2050.
“Veprimet e përbashkëta kanë parandaluar miliona raste të kancerit të lëkurës”, shkruhente në mesazhin e ish-sekretarit të përgjithshëm të Kombeve të Bashkuara, Ban Ki-moon, në shënim të ditës së sotme.
Më 1994 Asambleja e Përgjithshme e Kombeve të Bashkuara vendosi 16 shtatorin si Ditën Ndërkombëtare të Mbrojtjes së Shtresës së Ozonit, e cila kujton datën e nënshkrimit, në 1987, të Protokollit në Montreal mbi substancat që e hollojnë shtresën e Ozonit.
Shtresa e Ozonit, një mburojë e brishtë e gazit, mbron Tokën nga pjesa e dëmshme e rrezeve të diellit, duke bërë ruajtjen e jetës në planetin Tokë.
Jeta në tokë do të ishte pothuajse e pamundur nga efekti shkatërrues i këtyre rrezeve.
Dëmtimi i shtresës së ozonit ndikon në jetën në tokë duke krijuar efektin serë dhe ngrohjen globale, dhe shtresa më e përqendruar e ozonit shtrihet 20 -40 km mbi sipërfaqen e tokës./S.K/KP/RadioVeristas Asia/
Aktualitet
81 vjet nga Lidhja e Dytë e Prizrenit
Published
1 hour agoon
September 16, 2025By
UBT News
Janë bërë 81 vjet që nga mbledhja e Kuvendit në Prizren, i cili zgjati deri më 20 shtator dhe ku ishte vendosur për formimin e Lidhjes së Dytë të Prizrenit, organizatë politike kombëtare, e cila do të angazhohej për bashkimin dhe mbrojtjen e trojeve etnike.
Në të morën pjesë 45 delegatë të zgjedhur nga Kosova dhe trevat e tjera shqiptare. Kongresin e udhëhoqi Komiteti Ekzekutiv, me në krye Musa Shehu, i shoqëruar prej Asllan Boletini, Shefqet Shkupi, Qazim Bllaca, Tahir Zajmi, Pjetër Vuçaj, Sheh Hasnai, Qemajl Balila, Hivzi Meraku, Luk Simoni, Haxhi Fahrija, dhe Sokol Dobroshi.
Kryetari i Këshillit Ekzekutiv, Musa Shehu, paraqiti rendin e ditës për t’u zgjedhë Paria e Kongresit që përbërë prej Kryetarit, dy nënkryetarëve dhe një sekretari.
Me votim të fshehtë Musa Shehu zgjidhet kryetar i kongresit, Aqif Blyta nënkryetar, Raxhep Krasniqi nënkryetar. Ndërsa sekretar i Kongresit u emërua Bedri Gjinaj.
Kuvendi vendosi formimin e Lidhjes së Dytë të Prizrenit, organizatë politike kombëtare, e cila do të angazhohej për bashkimin dhe mbrojtjen e trojeve etnike. Kuvendi zgjodhi Komitetin Qendror të Lidhjes, të përbërë nga 7 veta. Kryetar i Lidhjes u zgjodh Rexhep Mitrovica, veprimtar i njohur i çështjes kombëtare.
Në Kuvendin e Dytë, që u mbajt më 17-21 janar 1944, u bënë ndryshime në kreun e Lidhjes. Kryetar i Komitetit Qendror u zgjodh Bedri Pejani, pasi Rexhep Mitrovica ishte emëruar kryeministër i qeverisë që gjermanët ngritën në Tiranë. Kuvendi miratoi edhe statutin e Lidhjes, i cili u dekretua nga Këshilli i Naltë më 14 mars 1944.
Lidhja do të kishte dhe organin e vet “Lidhja e Prizrenit”, në faqet e të cilit propagandohej ideja e krijimit të Shqipërisë etnike dhe denoncoheshin krimet e kryera nga serbët ndaj shqiptarëve të Kosovës. Lidhja e Dytë e Prizrenit ishte një organizim i krerëve nacionalistë kosovarë, me në krye Bedri Pejanin i inkurajuar në periudhën kur Rexhep Mitrovica qe kryeministër.
Ndryshe nga Lëvizja Nacionalçlirimtare dhe disa grupime nga radhët e nacionalistëve, që qenë angazhuar në luftë kundër pushtuesve nazifashistë, forcat kryesore nacionaliste hezitonin që të bënin të njëjtën gjë, t’u bashkoheshin atyre, pasi mendonin se një luftë që udhëhiqej nga komunistët do të përfundonte me rivendosjen e pushtetit jugosllav në krahinë.
Përfaqësuesit më në zë të rretheve nacionaliste i konsideronin pushtuesin italian e më pas atë gjerman si të keqen më të vogël në krahasim me sundimin serb e jugosllav, që pritej të rivendosej pas tërheqjes së tyre.
Pikërisht për këtë arsye, pas kapitullimit të Italisë, ata përpunuan idenë e thirrjes së një kuvendi kombëtar, i cili duhej të hidhte bazat e krijimit të një organizate politike, që do të mbronte trojet etnike nga rreziku i ripushtimit të Kosovës nga forcat jugosllave, pas largimit të trupave gjermane./S.K/KP/

Në tapetin e kuq të Emmy 2025, yjet e Hollywood-it kërkojnë armëpushim në Gaza

BMW sjell një version të përditësuar të logos ikonike

Akuza për spiunazh, Jelena Gjukanoviq mohon fajësinë

Grejpfruti si armë natyrale kundër mikrobeve

Lëndohet Paulo Dybala

Dita Ndërkombëtare e Shtresës së Ozonit

81 vjet nga Lidhja e Dytë e Prizrenit

Vritet një 40 vjeçar në Ferizaj, Policia e Kosovës arreston të dyshuarin

Këshilli i Ambasadorëve Shqiptarë: Pezullimi i dialogut SHBA-Kosovë është hap shqetësues, rrezikon destabilizim të rajonit
Të kërkuara
-
Aktualitet3 weeks ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Aktualitet2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
UBT shpall konkurs për pranimin e studentëve të rinj për vitin akademik 2025/26