Kulturë

Këshilla për menaxhimin e stresit

Bëni pushime të vazhdueshme, veçanërisht larg ekraneve.

Published

3 years ago

January 18, 2022

Betim Gashi

Me afrimin e vitit të tretë të COVID-19, një tjetër valë infeksionesh po shkakton një cikël stresesh te shumë individë, sipas Yahoo.com.

Rreth katër në 10 të rritur në SHBA (ose rreth 10% nga janari në qershor të 2019-ës) kanë raportuar simptoma të ankthit ose depresionit gjatë pandemisë, sipas Fondacionit ‘Kaiser Family’.

Ekspertët e shëndetit mendor paralajmërojnë se stresi i zgjatur mund të ndikojë në gjumin dhe ndër të tjera në aftësinë e individit për të funksionuar siç duhet.

Afërsisht dy të tretat e psikologëve amerikanë thonë se, numri i pacientëve në listat e tyre të pritjes është rritur që nga fillimi i pandemisë dhe gjysma e tyre kanë ndjenja të përbashkëta të mospërmbushjes, sipas një sondazhi të Shoqatës Amerikane Psikologjike të vitit 2021.

Në Filadelfia, Qendra për Trajtimin dhe Studimin e Ankthit raportoi një dyfishim të kërkesave për shërbimet e saj që nga fillimi i pandemisë, njoftoi drejtoresha, Lily Brown.

Individët që përjetojnë këtë gjendje emocionale mund të jenë tepër të ndjeshëm ndaj presioneve, nga njëra anë, si dhe të lodhur mendërisht dhe të mpirë.

“Asnjëri nuk është i shëndetshëm,” tha Brown.

Ajo tha se, nuk është e pazakontë që pacientët të flasin për shqetësimet në lidhje me marrjen e vendimeve të sigurta ndërsa përballen me protokollet e COVID-19, si dhe pasigurinë e vendit të punës.

Sinjalet e stresit përfshijnë qëndrimin zgjuar natën duke u shqetësuar për të ardhmen; Lodhje nga vendimet se cilat aktivitete janë të sigurta.

Çfarë duhet të bëni? Provoni këto këshilla;

Përqendrohuni në një detyrë.
Bëni pushime të vazhdueshme, veçanërisht larg ekraneve.
Bëni një rutinë ushtrimesh, edhe nëse është një shëtitje e thjeshtë një herë në ditë.
Flini të paktën tetë orë gjumë.

Magazinë

Pas 18 vitesh martesë, çifti i njohur i showbiz-it i jep fund martesës

Published

14 hours ago

June 23, 2025

UBT News

Aktorja e njohur nga seriali “Melrose Place”, Courtney Thorne-Smith, ka paraqitur kërkesë për divorc nga bashkëshorti i saj, Roger Fishman, pas një martese që zgjati 18 vjet.

Dokumentet janë dorëzuar në Gjykatën e Lartë të Los Anxhelosit më 17 qershor, ku aktorja ka përmendur si arsye “dallime të papajtueshme”.

Çifti është martuar në vitin 2007 në Nju Jork dhe sipas dokumenteve, janë të ndarë që nga viti 2021. Thorne-Smith i dorëzoi dokumentet pa përfaqësim ligjor, duke nënvizuar ndoshta një procedurë paqësore ndarjeje.

Para kësaj martese, Courtney ka qenë e lidhur me Andrew Conrad, me të cilin kishte nisur një romancë gjatë kohës së xhirimeve të “Melrose Place”.

Magazinë

Brad Pitt: Do të punoja përsëri me Tom Cruise me një kusht

Published

15 hours ago

June 23, 2025

UBT News

Brad Pitt ka thënë se do të ishte i gatshëm të bashkëpunonte me Tom Cruise, por me një kusht: Jo më skena ekstreme.

“Nuk do të rri pezull nga avionët e Tomit. Do të punojmë kur ai të bëjë diçka më praktike,” tha Pitt me shaka për E! News, gjatë promovimit të filmit të tij të ardhshëm me temë F1.

Pitt dhe Cruise luajtën në filmin kult Interview with the Vampire më 1994, dhe kujtoi me humor si garuan me go-kart pas xhirimeve të filmit. Ndërkohë, regjisori i F1, Joseph Kosinski, i cili qëndron pas suksesit Top Gun: Maverick me Cruise, vlerësoi të dy aktorët si shumë të aftë në drejtimin e makinave, por pranoi se Cruise “i shtyn gjithmonë kufijtë” më shumë.

Graham Kelly, përgjegjës për automjetet në F1, shtoi: “Nëse do të ishte Tom Cruise në vend të Bradit, do të kishim konflikt. Tomi e çon çdo gjë në ekstrem, gjë që për ne që ndërtojmë makina është stresuese. Ndërsa Bradi është më i vetëdijshëm për kufijtë e tij.”

Interview with the Vampire pati sukses të madh në vitin 1994, me kritika pozitive, dy nominime për Oscar dhe një nominim për Kirsten Dunst në Golden Globes për rolin e Claudias.

Magazinë

Sa kushton dasma e njeriut të tretë më të pasur në botë?

Published

16 hours ago

June 23, 2025

UBT News

Jeff Bezos dhe Lauren Sanchez më në fund do ta thonë “Po”-në e tyre këtë javë, në një ceremoni madhështore në Venecia.

Çifti u fejua në maj 2023 e dasma është planifikuar për të shtunën, më 27 qershor, sipas mediave të huaja, festa do jetë spektakolare. Disa nga emrat më të mëdhenj pritet të jenë mes të ftuarve Katy Perry, Oprah Winfrey dhe Ivanka Trump.

Edhe pse vitin e kaluar qarkulluan thashetheme se dasma do të kushtonte plot 600 milionë dollarë, Bezos e mohoi këtë.

Por raportet e reja sugjerojnë se kostoja totale do të jetë ende jashtëzakonisht e lartë, midis 15 dhe 20 milionë dollarëve, raporton Mail Online.

Një pjesë e madhe e buxhetit shkon për programin argëtues është e mundur që Bezostë paguajë deri në 5 milionë dollarë për një performancë nga artistë si Beyoncé ose Andrea Bocelli, zbuloi Kunal Madan, CEO i DressPreservation.com.