Aktualitet

Kërkohet rritje të programeve për trajtimin e kryerësve të dhunës

Zarife Miftari: Lufta për barazi gjinore është një epidemi botërore.

Published

5 years ago

June 8, 2021

Betim Gashi

Drejtori Ekzekutiv i Qendrës për Këshillim, Shërbime Sociale dhe Hulumtime, Kadri Gashi ka thënë se si Qendër për herë të parë në Kosovë merren me rehabilitimin e kryerësve të dhunës qoftë asaj në familje apo në baza gjinore, raporton Ekonomia Online.

“Nga viti 2018 ka filluar kjo iniciativë ndryshe. Kemi hap Qendrën e parë për shërbime këshilluese, ku merremi me rehabilitim e kryesve të veprave dhunës në familje dhe në baza gjinore, është shprehur ai.

Analistja e Programit për Shëndetin Seksual dhe Riprodhues dhe Rini nga zyra e UNFPA në Kosovë, Dr. Zarife Miftari ka thënë se lufta për barazi gjinore është një epidemi botërore.

Po ashtu, ajo njoftoi se nga kjo organizatë ofrojnë shërbime për zbutjen e problemit të dhunës në familje e asaj në baza gjinore.

“Dhuna ndaj grave është nga shkeljet më të mëdha dhe lufta për barazi gjinore vazhdon të mbetet një epidemi botërore. Dhuna në bazë gjinore duhet të kuptohet shumë më gjerë që dëmton shëndetin e të integritetin e tyre. Vajzat dhe gratë mbesin të heshtura. Programet që ne i japim përfshijnë ndihmën psiko-sociale dhe promovimin e grave për të jetuar pa dhunë. Kemi programe që përpiqemi të kontribuojmë në zbutjen e këtyre problemeve, si martesat e hershme. Nuk njihet vetëm dhuna fizike si akt dhune ndaj grave”, është shprehur ajo.

Ajo ka shtuar se nuk mjafton të merremi me viktimat, por duhet të trajtohen edhe kryerësit e veprës së dhunës.

“Nuk mjafton që të flasim vetëm për viktimat dhe pasojat e tyre, duhet trajtuar edhe kryerësit e veprave dhe të veprojmë që mos të përsëritën ato”, ka thënë ajo.

Ndërsa Iris Luaraai nga Linja e Këshillimit për Burra dhe Djem në Shqipëri tregoi një histori konflikti mes një qifti. Mosmarrëveshje kjo që rezultoi me sukses duke u zgjidhur problemet e tyre përmes qendrës së tyre.

Nga ky rast Luarasi tregoi se u nxit që nga linja për këshillim për gra e vajza të punojnë edhe me burrat e djemtë.

Pra Luarasi thotë se nga historia e atij qifti që pati, kuptoi se ka rëndësi të merremi edhe me kryerësit e dhunës aq sa me viktimat.

Kurse zyrtarja për hulumtime në SIT, Leonita Berisha ka paraqitur të dalat kryesore të hulumtimit lidhur me kryerësit e dhunës në familje dhe atij në baza gjinore.

Ajo ka konsideruar se struktura patriarkale e familjes në Kosovë ka ndikuar negativisht në të drejtat kryesore të grave.

“Kosova karakterizohet nga strukturë patriarkale të familjes, normave shoqërore tradicionale dhe qëndrimeve kulturore konservative që kanë ndikuar negativisht tek të drejtat e grave për të pasur ndikim në fushën politike, ekonomike e shoqërore”, është shprehur ajo.

Berisha ka treguar se në raportin e tyre janë përfshirë institucionet kryesore që mund të punojnë në këtë drejtim.

“Punimi është kryer me metodë kualitative që ka përfshirë pjesëmarrës nga institucionet që janë përgjegjëse për ofrim të shërbimeve për kryerësit e veprave të dhunës në familje dhe në baza gjinore si dhe organizata joqeveritare që luftojnë për këtë problem”, ka shtuar ajo.

Gjithashtu ajo kërkoi vëmendje të shtuar të institucioneve sa i përket trajtimit të kryerësve të dhunës.

“Shërbimet e ofruara nga institucionet tona tregojnë se nuk përfaqësojnë standarde të qarta për këtë kategori por janë të përgjithshme. Të rregullohet me ligj referimi për kryerësit e dhunës. Të sigurojë rritje për programe për trajtimin e kryerësve të dhunës”, tha ajo mes tjerash.

Lajmet

30 për qind bursë për ish-studentët e UBT-së në programet më inovative Master – regjistrohu sot!

Published

12 hours ago

August 12, 2026

ubtnews

UBT po u ofron të gjithë të diplomuarve të tij një mundësi të veçantë për të vazhduar rrugëtimin akademik dhe profesional, duke përfituar 30% bursë për studimet Master në UBT.

Në një treg pune që po ndryshon me shpejtësi, avancimi i vazhdueshëm profesional po bëhet gjithnjë e më i rëndësishëm. Për këtë arsye, ish-studentët e UBT-së kanë mundësinë të rikthehen në universitet për të thelluar njohuritë, fituar specializime të reja dhe zhvilluar kompetenca të avancuara, tashmë me një përfitim të veçantë prej 30% bursë.

Kjo mundësi vlen për programet Master të UBT-së, të cilat përfshijnë disa nga fushat më të kërkuara dhe inovative të tregut bashkëkohor, duke u dhënë të diplomuarve mundësinë të zgjedhin një program që përputhet me profesionin, interesat dhe objektivat e tyre të karrierës.

Programet Master në UBT përfshijnë:

Menaxhment, Biznes dhe Ekonomi
FinTech dhe Menaxhimi i Inovacionit
Shkenca Kompjuterike dhe Inxhinieri
Sistemet e Informacionit dhe Menaxhment
Inxhinieri e Mekatronikës
Inxhinieri e Ndërtimit dhe Infrastrukturë
Inxhinieri e Trafikut dhe Transportit
Inxhinieri e Energjisë dhe Mjedisi
Arkitekturë dhe Planifikim Hapësinor
E Drejta Penale
E Drejta Civile dhe Pronës
E Drejta Komerciale
Gjuhë, Media dhe Komunikim
Politika Publike dhe Menaxhim
Shkenca Politike
Studime të Sigurisë
Psikologji
Shkencat dhe Teknologjia e Ushqimit
Shëndet Publik dhe Menaxhim
Biokimi
Shkencat Paramjekësore
Agrikulturë dhe Mjedis
Shëndet dhe Aktivitet Fizik

Përmes programeve të orientuara drejt inovacionit dhe nevojave të tregut, UBT synon që studentët Master të fitojnë jo vetëm njohuri të avancuara akademike, por edhe kompetenca profesionale të aplikueshme në praktikë.

Për ish-studentët e UBT-së, kjo është mundësia për ta vazhduar aty ku e nisën – duke e kthyer përvojën universitare në një nivel të ri profesional.

Regjistrohu sot dhe përfito 30% bursë!

Aktualitet

Ronaldo i shpreh ngushëllime Messit për humbjen e babait

Published

12 hours ago

August 12, 2026

UBTNews

Cristiano Ronaldo i ka dërguar një mesazh të ndjerë ngushëllimi rivalit të tij të hershëm, Lionel Messi, pas vdekjes së babait të tij, Jorge Messi, në moshën 68-vjeçare pas një sëmundjeje të gjatë.

Duke lënë mënjanë rivalitetin sportive në fushë, ylli portugez reagoi në postimin e Messit me fjalët:

“Përqafime për ty dhe të dashurit në këtë moment të vështirë, Leo. Qëndro i fortë”.

Vendi

PDK paralajmëron veprime jashtë Kuvendit pas refuzimit të kërkesës për seancë

Published

12 hours ago

August 12, 2026

UBTNews

Sekretarja e Përgjithshme e Partisë Demokratike të Kosovës ka deklaruar se refuzimi për thirrjen e seancës më 12 gusht është një model i sjelljes politike nga Lëvizja Vetëvendosje dhe kryesuesi Avni Dehari, e jo thjesht një incident procedural. Sipas saj, shkelja e afatit 30-ditor dhe shpërfillja e rregullit për vazhdimin e seancës çdo 48 orë përbëjnë zbatim selektiv të Kushtetutës dhe bllokim të mandatit të deputetëve të zgjedhur më 7 qershor.

Ajo i bëri thirrje Albin Kurtit që ta kthejë vendin në binarë kushtetues, duke theksuar se PDK-ja nuk kërkon pushtet apo marrëveshje partiake, por funksionalizimin e shtetit. Gjithashtu, ajo bëri me dije se PDK-ja do të dorëzojë sërish kërkesë zyrtare për seancë pas 48 orësh dhe do të jetë çdo ditë në Kuvend.

Paralelisht me punën në Kuvend, ajo paralajmëroi zhvendosjen e aktivitetit politik edhe jashtë tij, përmes bashkëbisedimeve me qytetarë dhe grupe të ndryshme shoqërore. Në fund, ajo denoncoi edhe cënimin e integritetit fizik të disa deputetëve të PDK-së nga mbrojtja e afërt, duke njoftuar se për këtë rast do t’i drejtohen Inspektoratit Policor të Kosovës. /E.A/

Aktualitet

Shpëtohet e gjallë 32-vjeçarja pas 36 orësh nën rrënoja nga tërmeti në Kolumbi

Published

13 hours ago

August 12, 2026

UBTNews

Një 32-vjeçare është shpëtuar e gjallë pasi mbeti e bllokuar për 36 orë nën rrënoja, si pasojë e tërmetit të fuqishëm prej 7.4 ballësh që goditi Kolumbinë perëndimore.

Daniela Largo u nxor nga gërmadhat e një ndërtese të shembur në qytetin Pereira, pas një operacioni kompleks që zgjati 10 orë. Zjarrfikësit dhe ekipet e emergjencës arritën te ajo përmes një tuneli të hapur poshtë katër pllakave të rënda të betonit. Vendndodhja e saj u lokalizua falë një kamere të vogël, pasi një banor vendas dëgjoi thirrjet për ndihmë. Përmes një tuneli të parë të hapur nga lart ekipet i siguruan oksigjen, ndërsa përmes tunelit të dytë nga poshtë realizuan nxjerrjen e saj.

Shpëtimin e saj e ka përshëndetur edhe presidenti kolumbian, Abelardo de la Espriella, i cili e cilësoi ngjarjen si një “lajm që na mbush me shpresë”. Pas shpëtimit, Largo u shpreh e lehtësuar duke thënë se në shtëpi po e pret djali i saj 12-vjeçar.

Sipas të dhënave zyrtare, tërmeti tragjik ka lënë të paktën 188 të vdekur dhe qindra të tjerë të zhdukur. Bilancin më të rëndë e shënojnë qytetet Cali me 95 viktimë dhe Pereira me 79 të vdekur. Ekipet e kërkim-shpëtimit po vazhdojnë punën në terren për gjetjen e të mbijetuarve të tjerë. /BBC/